影片
更多
2021-09-12
950 瀏覽
天天海南雞飯之前喺新加坡就已經又食過，去到香港之後覺得呢個過江龍反而仲更加好食左 完全對得住米芝蓮嘅稱號。前菜方面就叫咗黑松露原隻海大蝦多士，黑松露嘅味道由面頭黑松露沙律醬加埋入面而帶起，建議大家一定要叫呢個作為開胃菜，非常之好，多士非常之香脆而不會油膩，上面嘅海大蝦係非常之大嚿，成個多士每一件都有半個手掌咁大，而每一啖都可以咬到蝦肉同埋兩件多士夾埋中間嘅蝦滑，都算係刷新左對蝦多士好味嘅上限。主菜就叫咗天天海南雞半份，半份就應該係半隻咁嘅意思，上枱嗰陣半隻都會起晒啲骨唔需要挑骨，所以可以做到啖啖肉，成隻雞肥美得來都唔會有咩肥膏呢點最抵讚！點上旁邊嘅酸辣汁蒜泥或者係甜豉油帶起味道非常之合適！油雞飯細粉，絕對夠晒兩至三個人食，上枱比想像之中大份。雞油嘅香味非常之濃郁唔會淡而無味！感覺上比起新加坡更加好味！海鮮喇沙，上枱本身賣相已經非常之好，配上沙煲，不斷咁樣熱住令到喇沙都會keep住熱到喺度，香氣十足。呢個喇沙嘅湯底偏向比較重椰汁味，入面有非常之多海鮮例如青口大蝦墨魚等等，全部海鮮味非常之融入湯底入面每一啖面都會食到啖啖的海鮮味，加上份量無論係面或者係海鮮都幾多，絕對對得起呢個價錢！如果面
前菜方面就叫咗黑松露原隻海大蝦多士，黑松露嘅味道由面頭黑松露沙律醬加埋入面而帶起，建議大家一定要叫呢個作為開胃菜，非常之好，多士非常之香脆而不會油膩，上面嘅海大蝦係非常之大嚿，成個多士每一件都有半個手掌咁大，而每一啖都可以咬到蝦肉同埋兩件多士夾埋中間嘅蝦滑，都算係刷新左對蝦多士好味嘅上限。
主菜就叫咗天天海南雞半份，半份就應該係半隻咁嘅意思，上枱嗰陣半隻都會起晒啲骨唔需要挑骨，所以可以做到啖啖肉，成隻雞肥美得來都唔會有咩肥膏呢點最抵讚！點上旁邊嘅酸辣汁蒜泥或者係甜豉油帶起味道非常之合適！
油雞飯細粉，絕對夠晒兩至三個人食，上枱比想像之中大份。雞油嘅香味非常之濃郁唔會淡而無味！感覺上比起新加坡更加好味！
海鮮喇沙，上枱本身賣相已經非常之好，配上沙煲，不斷咁樣熱住令到喇沙都會keep住熱到喺度，香氣十足。呢個喇沙嘅湯底偏向比較重椰汁味，入面有非常之多海鮮例如青口大蝦墨魚等等，全部海鮮味非常之融入湯底入面每一啖面都會食到啖啖的海鮮味，加上份量無論係面或者係海鮮都幾多，絕對對得起呢個價錢！如果面嘅質地係比較彈牙少少會更好。
黑松露小籠包，黑松露嘅味道唔算話係太重不過整體賣相同埋貼心嘅程度非常高，免頭直接有一支滴管可以直接落醋入去小籠包入面，小籠包入面咬開非常之多湯汁！30幾蚊有呢個質素嘅小籠包非常之抵食。
最後職員嘅服務態度非常好而且上菜嘅速度非常之快，價錢方面絕對係銅鑼灣入面中低的水平，性價比極高！
張貼
