大滾友火鍋

營業中

休息中

元朗的一間裝潢古式古香的火鍋店😌中間個煲一看已經非常有氣勢，一上枱整個煲會彌漫著白色霧氣，仿如仙景。紅色的中國古典風格的煲和煙斗活像古式的炭爐煲。店員話老闆特別喜歡各種古怪設計收藏，怪不得店子的用具都各具特色！食物黎講最推薦是大的牛肉拼盤，當中有不同部位的牛，有牛柳粒，肥牛等等。最吸引是有花雕酒牛肉和飛驒牛。前者味道濃郁，食落有淡淡的酒香。飛驒牛不用多說，牛肉味香濃。湯底我們選了特色卜卜蜆鍋。湯底清新香甜，內裡係有超多粒的蜆。用料是十足！📝評：個牛肉拼盤氣勢上已經沒得輸，打卡一流。各種配料有心思，用料不俗。

朋友生日🎂三位女士想坐得舒服啲又食啲特別野要影吓相這裏是一個不錯的選擇之前有朋友來吃過見到啲相好得意所以生日話事⋯就來試一試打電話來book位！七點半來到即時有位😚環境裝修很特別😎食物質素新鮮👍🏻價錢偏貴💰💰如果不是生日朋友要來吃🤣其實不會來⋯因為雞煲周圍都有⋯但是求張相冇辦法啦🤣服務人員態度親切👍🏻生日蛋糕會幫我們唱生日歌🥰湯底好味⋯食物好味⋯唯一不好是需要去洗手間🚻原來要出去外面商場有點遠！商場會關門夜一點沒有廁所去😱這一點各位要留意🤦🏻‍♀️

與友人相約晚上去滾！試試這間頗有特色的火鍋店。首先裝修和餐牌都是古代設計，餐牌及菜名都很有gimmick! 我們約7點便到，立刻有位。食物都是新鮮，而且質素不錯的。鍋底有：花膠、卜卜蜆、龍蝦等，我們選了牛乳濃湯及卜卜蜆湯，上豆乳鍋時，鍋底加了食用乾冰，湯頭倒下去後整桌立刻變成仙境一樣。比較好吃的有手切本地牛、紫菜腐皮卷、草蝦（新鮮彈牙）、午餐肉。糖水是燉雪梨，清甜、順喉又舒服服務態度好，經理經常過來介紹或問及是否吃得順心價錢是中上價位，有一點偏貴，但尚算合理，有機會會再去試其他鍋。

每次經過都幾多人幫襯見到啲裝修同啲食具都幾有特色😂食物係自選，沒有任食，亦沒有限時👍🏻都可以放心打邊爐，放心傾計🤭漿料都好多選擇比較特別係有醋可以揀叫咗個花膠雞煲（半隻雞）個煲柄係兩個龍頭係咪好中國風！🤣花膠同雞都係另上所以都見到個份量，都好足料！雞湯應該都冇落味精👍🏻✨非常好飮！ 😊雜錦丸味道OK，冇乜特別！花雕牛肉，都香！👍🏻聖子，都鮮甜👍🏻響鈴，我覺得唔夠鬆脆，同埋分量少啲🤭竹蓆茅根精其實個杯飲嘅時候，口感不好（鞋鞋地），換返玻璃杯比較好啲！整體：侍應服務非常好，但座位不太舒服（近門口又細張），食物質素都OK，不過貴左少少🤭🤭🤭

原來對上一次食大滾友，差唔多係九個月前嘅事，嗰陣時寒冷嘅天氣，最適合就真係打邊爐， 今次再過嚟，已經係去到夏天，不過今時今日嘅香港地，夏日炎炎打邊爐已經係平常事， 最緊要當然係冷氣足夠今次點呢個叫做黑絲長腿 ，好鬼大隻蟹 ，下面放咗啲花甲 ，用黑胡椒炒香成隻蟹 ，真係非常惹味 ，食完一隻啖啖肉嘅蟹 ，再加入胡椒雞湯打邊爐， 一陣陣嘅胡椒香味，加入雞湯中，別有一番風味 ，呢個湯底真係要再三推介， 到現在也令我回味無窮。打邊爐必叫，牛肉，響鈴，餃子。 今次試咗象拔蚌刺身， 店員說象拔蚌刺身大約1斤 ，我哋三個人食啱啱好， 新鮮，味道鮮甜，沒有記錯應該係大約688蚊。可能因為湯底好飲嘅關係，無論係牛肉定係響鈴，都十分出色。

兩個人入元朗行完yoho睇下有咩食見到新開張入去諗住打邊爐入去叫左個卜卜峴鍋，都唔平賣相就以為好靚，一出來就好煙霧瀰漫🌪但冷靜過後，其實d峴又唔係特別大同鮮味，普通街市貨色，個湯都唔係好好味，史雲生仲好味。真係無咩特別。😠再叫左個五舊水以上的海鮮拼盤，以為好高質啦，點知一食落，係唔值呢個錢！又唔係唔鮮味，不過你叫我比500幾蚊食呢個真係唔值，係無咩特別。🙁🙁🙁叫多左一個菜同蝦滑，埋單八百蚊兩個人。真心不可一不可再囉！我用同樣價錢，食d唔係放題邊爐，高質過呢間，一定大把😡

住元朗的朋友推介了大滾油火鍋，聽說服務一流，食物質素高，於是我和幾個朋友一齊嘗試一下。我們便選擇了花膠湯雞煲，雜菜拼盤，牛肉拼盤。花膠很滑，並不是次貨，應該是每天新鮮運到的。分別有兩大隻，還有店員即場在我們面前剪開放進鍋內，而雞上碟時已經有7分熟，雞的肉很嫩滑，而且真的是足夠半隻雞的份量，沒有偷工減料！而雞湯也沒有味精，絕對可以全盤飲完，首先會飲了湯，和食完整個花膠雞，才會加入其他配料！之後到牛肉拼盤，牛肉很新鮮，沒有雪藏味，而且差唔多是全隻牛的部位都在內，價錢相當合理，而且脂肪分布十分平均，令人不知不覺間吃多了！絕對需要品嚐！雜菜拼盤的雜菜很多款式，份量也很平均，絕對足夠四人食用。也很新鮮。總括而言，服務和食物質素都是滿分的

元朗有很多火鍋店，雞煲😀今次我是第二次來大滾友火鍋店，對上一次應該是半年前有多吧😝第一次食完的感覺非常良好，所以今次趁着媽媽生日，帶她來品嚐一下非常出色的元朗火鍋小店😝好彩我早四日前已經book位一進來顧客已坐滿了😁

今日朋友生日，一大班朋友同佢慶生，一早訂左枱，我地訂左9點果場！個名夠據頭，大滾友....滾開有條路我地人多，可以點2個湯底，一個係周公之禮（冬瓜瑤柱鍋）；另一個係水乳膠浴（豆腐乳濃湯鍋）湯底一黎到，成班朋友即起哄，嘩聲四起，唔洗多講相比之下，水乳膠溶好似失色左，但它是有內涵的，兩者不分高下！日本黑豚肉，肉質夠濃及滑身！成班牛摩王，這個牛併盤走唔甩，每款都好有特色！好重牛味！手切安格斯牛牛🐮 必叫！加料響鈴，唔試走寶！醉雞，絕不能錯過！越滾越開心，店鋪好有特色！

今晚約左幾位好友去元朗區最近幾有名的火鍋店—「大滾友」到 滾一滾可能是閒日同比較夜既關係，我地預約左9:30的時間都準時入座。店內裝修充滿中國風，元朗區黎講算小有，唯店內地方較小，我們入座了卡位，都算舒適。我地點左一個名為「黑絲長腿」的卜卜蜆蟹煲。一上桌店員會為其點火，濃濃的酒香跟黑椒味蟹肉很新鮮而且足料，我地先吃掉蟹肉同卜卜蜆再之後加湯打邊爐，惹味友人們想吃刺身店員推介了活魚刺身上菜的時候 魚頭還在動 條魚有啲可憐不過除了賣相ok, 魚質很鮮甜，很新鮮這個價錢來算 我覺得非常OK而其他火鍋配料方面亦見精緻及出色半熟五花腩我第一次食 好夠味灼一灼就食得原本豬肉都可以好好味另外亦點了我想產好耐的蟹黃餃雖然價錢相對於其他餃子來說偏貴了但一試就知道是值得的皮薄啖啖蟹肉香味，足料及新鮮，味道很好。我的至愛牛肉拼盤 一出場已霸氣非常有乾冰伴著的冰火效果 大家都相機食先除左賣相得之外，亦岩哂貪心的我們，佢有哂牛既不同位置，迎合各人愛吃牛的不同口味！ 廣島蠔好大隻好甜好新鮮記得不要滾咁耐黃金響鈴 亦是我覺得做得很出色的超香咸蛋黃味 即叫即炸灼一下岩岩好 又脆又惹味 一人一條岩岩好 呢次晚餐 我地都

Book 左位9點等左over 半個鐘都仲要等，最後走左。。。店員再發左個whatsapp 俾我，話再嚟有返啲compensation 俾返我...其實我唔會想再無限輪迴啦，個刺身你留返俾有需要人士啦！最離譜係要我地3個到齊晒咁樣等位等左咁耐都係話「埋緊單」，當時已經9:30，然後同我解釋係上枱客無按時交枱囉！咁就唔好set左用餐時間120分鐘，過晒時都情願得失新嘅客人！邊夠你地玩呀⋯⋯

經朋友分享得知元朗間有出色火鍋，所以決定去試試，朋友果然無介紹錯，非常出色！👍🏽好多湯底可以選擇，最後跟友人點了「黑絲長腿」。這個湯底很特別，先吃掉肉蟹同大蜆，後再加入特製湯底。肉蟹好多膏，蟹夾啖啖肉，真係好鮮味！大蜆份量多，厚肉鮮甜。肉蟹同大蜆沾滿黑胡椒醬，愈食愈停唔到手，真係出色！👍🏽我跟友人都係食肉獸，無肉不歡，所以點了大滾友牛肉拼盤（大）。跟友人見到這份重量級的牛肉拼盤，都不禁齊齊嘩聲四起😂對食肉獸來說，看到這滿滿的牛肉在眼前，真的好興奮！牛肉味真的真的真的很重，油脂溶喺口中的感覺實在太幸福了。食得出牛是高質素，沒有筋，很嫩入口即溶的感覺。真的很出色的火鍋店，店內還有其他火鍋配菜，下次約大班朋友來吃個夠，是會回頭的餐廳👍🏽

元朗鳳攸南街呢邊開咗好多新嘅餐廳。當中有間打邊爐叫大滾友。由於新開的關係，所以試吓新野，點知中佐個大伏，水魚味極濃！等咗大概30分鐘左右，終於可以入座。佢嘅枱，座椅裝修都係用黑色嘅木為主，有中國風格。由於二人枱沒有很多張，餐廳安排最近門口的一張，呢個位實在正，連放食物地方也沒有，只好放在旁邊的啤酒猥連放食物地方也沒有，只好放在旁邊的啤酒樻上。哭也沒有用了宮廷醬芥，每位20蚊！出色特色卜卜蜆鍋個鍋加咗少少乾冰，有啲煙，好似好靚咁。但入邊只有10零隻蜆，味道一般，但收費＄168 ,你話貴唔貴？我唔識答。大滾友牛肉拼盤＄398個盤就好大，啲牛嘅份量就好少。但咁就瞓啦食啲咁嘅質素瘦啲咁嘅價錢，好唔抵囉！半熟五花腩＄78一共有8块肉，肉質和食物唔覺特別好！大滾友雜菜拼盤$78想攞碟菜去滾吓都要起身真係好累！埋單食咗＄968 ,係食唔飽㗎。最後去附近食返個宵夜補返數。謝謝！

打開Openrice 見到多人話唔錯，於是一約6人齊齊去試！侍應安排嘅6人枱係長枱，但個火鍋爐卻放置一边，令到最則嘅2個人就好難一齊去放食物，呢度都係適合4人火鍋好d！另外食物賣相老闆都花好多心思，重點相機行先！食物質素，份量，價錢都全部貨不對辦！如果用呢d價錢其實元朗區真係大把店舖可以食得更好！名乎其實大滾友，我似被人滾個個！埋單每位270，真係又貴又食唔飽，我從來都唔會食宵夜，不過今晚例外！唉……

朋友介紹話依間火鍋好食，係OpenRice 見到亦不少好評。熱愛火鍋的我就約埋朋友來試試。預約時間為兩個時段，7:00 或9:00。可能星期五較滿座，我要兩星期前預訂。店舖唔算大，我們被安排坐正門口的枱，大門一直有員工出出入入，會有風直吹到臉上枱唔算細，佢亦會加一個層架放火鍋料，枱與枱之間距離唔算遠，坐到卡位就最好。上菜速度一般，服務算有禮，火鍋湯底濃郁，推介鬼馬油炸鬼。只是部分食物份量有點少，例如黑豚只有八片，一人份量$88，四人一共$16XX。本人覺得略貴。