大滾友火鍋

營業中

休息中

朋友介紹話依間火鍋好食，係OpenRice 見到亦不少好評。熱愛火鍋的我就約埋朋友來試試。預約時間為兩個時段，7:00 或9:00。可能星期五較滿座，我要兩星期前預訂。店舖唔算大，我們被安排坐正門口的枱，大門一直有員工出出入入，會有風直吹到臉上枱唔算細，佢亦會加一個層架放火鍋料，枱與枱之間距離唔算遠，坐到卡位就最好。上菜速度一般，服務算有禮，火鍋湯底濃郁，推介鬼馬油炸鬼。只是部分食物份量有點少，例如黑豚只有八片，一人份量$88，四人一共$16XX。本人覺得略貴。

大節日真係難Book枱！好彩最後都俾我book到！一直都好期待食佢地個花膠雞湯，終於比我食到啦！佢地啲餐牌好盞鬼，係聖旨到！😂涼拌青瓜，夠麻夠辣，好正👍🏻👍🏻👍🏻花膠雞湯，連老豆唔中意食雞嘅都讚口不絕！佢第一轉個湯頭真係好好好好飲！好濃！好香！好足料！👍🏻👍🏻👍🏻👍🏻👍🏻個雞同花膠係分開上，個staff會幫你處理好！第一轉個湯真係好濃，當你飲完啲湯，會refill啲湯開始打邊爐，不過嗰啲湯就無咁濃，淡好多。牛肉嗰排場好靚！味道好鮮，肉質好嫩！完全唔洗點醬！黑松露墨魚滑，個味道好得意，黑松露味好夾嗰滑。蔬菜盤無咩特別，都係菜！

聖旨到....餐牌先岩前菜青瓜酸酸辣辣非常開胃 調味料選擇多 推介自家制蒜油 芝麻 不過其實火鍋湯底都好夠味 調味料作用不大分別叫左卜卜蜆麻辣鍋同花膠雞湯湯底 花膠湯黎到後每人飲碗湯先 然後放雞加湯打邊爐 花膠都幾厚 雞已經半熟淥多一陣就食得 卜卜蜆又多又大隻又無沙黃金響鈴有金黃嘅咸蛋黃包住 好想就咁食 手切安格斯賣相好靚 砌左朵花 又有乾冰 不過下層切得好幼食落無乜口感黑松露餃味道都幾夾 食食下麻辣鍋都幾辣 食物唔錯個價位都幾高 店鋪唔大不過有好多staff 佢地都相當helpful不時為我地換骨碟、收碟、加湯 但有時過份殷勤 有啲煩

好多謝男朋友又帶我食好野，佢鍾意打邊爐，而且都幾嘴雕。呢間舖，3星期內，我地嚟左兩次。第一次叫左黑椒蜆肉蟹煲。食完隻蟹再加雞湯打邊爐。另外叫左個細的牛肉拼盤。第二次就試花膠雞湯，叫左佢地自家炸魚皮、九節蝦、鵝肝墨魚丸。打邊爐湯底同食材都緊要。講真呢間舖人均消費唔平，但係物有所值，食材雞有質素的，份量都好足。我地叫花膠雞湯(半隻)真係俾足半隻我地，唔會得幾件。個湯底黃色的，雞油浮哂上面。隔左啲油飲個湯，好甜好滋補。唔會油膩。九節蝦肉質爽口，鵝肝墨魚丸好香。佢地嘅炸魚皮係即叫即炸的，落單後都等左一陣先嚟。浸湯一秒即食，好味！

香港人真係超級鍾意打邊爐，當然我都唔例外。不過有時要食好野又唔想等甘耐位，就唯有早d去等位啦！4個大人1個小朋友，即興話去試呢間，5:30pm去到門口發現原來佢6pm先開市，不過d員工好好，照安排我地入去坐住先👍🏻就埋小朋友嘅口味，叫左個唔辣嘅卜卜蜆湯底，比預期嘅足料，d蜆肉又好鮮甜，隻隻都好好肉地。因為大家都好海鮮，所以加左個海鮮併盤，貪佢樣樣有d，咩都可以試下。唔可以唔讚下個本地手切牛，肉質鮮嫩，色澤分明，涮十秒剛剛熟甘放入口，真係一流！打邊爐用料新鮮已經冇得輸，絕對值得推介，但一分錢一分貨，如果想平嘅，就真係滿足唔到你啦！

上次已經好想試，但因太多人嘅緣故，所以無等到，但個經理比左張卡片我地話下次可以Whatsapp訂枱，所以今日訂左枱去試下，首先，經理同店員都好熱情，同好take care客人，我地兩個人食，咩都想試下，剔完個list問下佢會唔會太多，佢地都會比意見我地，食物賣相，質素都好ok，價錢非常合理，仲有，佢地個自家醬料，好似叫「乾蔥油」好正，一定要試，好香仲有佢地自家包嘅蟹皇餃仲有，佢地嘅厚切午餐肉，係有煎過架其實今日同男朋友一週年，呢餐飯我地食得好滿意個經理好貼心，整埋個電視比我地睇各個店員都好Nice，整體感覺好親切食物真係有用心

心思思想試好耐，不過每次經過都見門口有人龍，所以放棄。假期終於忍唔住，6點幾去排，1個鐘多，大家想試都係訂座先比較好～職員好細心，等位期間會請客人飲竹庶茅根～店面比較細，裝修、座位同餐具均帶中國風，環境都算舒適，不過空間感差點點，幾鍾意店內用純二胡作背景音樂！湯底試了卜卜蜆，鮮味帶點微辣，蜆量足，加分！ 貝類海鮮處理可以更仔細～扣少少分～推介：黑豚豬！醉鴨舌！醉雞！價格在元朗區的火鍋店來說屬高，但質素成正比，會再幫襯

聽人講元朗開了新火鍋店！所以我決定一試，我一個月來過大滾油，但是他話wall in已經full. 所以今次我就一星期前book定位,一進來覺得環境很細,但是所有食物也很精緻，最好味的就是花雕鴨舌，酒味融入！另外我也叫了一個大海鮮拼盤 ，所有海鮮也非常新鮮，值得一試！

上次白色情人節，去左元朗食大滾友。冬天，最好就係吹雞打邊爐嘅時候，今次去左一間好得意嘅火鍋店，叫「大滾友」，真係好貼切，因為佢用咗創意無限嘅菜名，例如：今晚餃唔餃、櫻唇半開、飽暖思牛肉同飛機手打丸 店內裝修以中國style為主，用咗中國圖案嘅餐具，就連湯鍋都用咗個龍頭作裝飾，好有氣派呀！有我最喜歡嘅《手切和牛拼盤》，油脂比例平均，有大理石狀嘅花紋，食落肉質滑嫩，但牛味唔係好濃，煮一陣再添上自製醬汁就更加惹味！店員叫我哋試吓佢嘅《花膠雞湯鍋半隻$288》，又名玲珑浮凸，果然！好鮮味，奶黃色嘅雞湯，加上超多花膠，仲好厚肉，店員會幫忙剪到細舊啲，方便進食。豐富嘅骨膠原，真係好滿足！店員話鮮雞已經整熟咗大半，滾一滾就食得，食落又香又滑，一啲「鞋」口都無，雖然我哋只係叫咗半隻雞，但隻雞係好大隻，好努力先可以KO佢。將《豬頸肉$48》捲成嘅玫瑰花豬頸肉，外貌已經非常討好，緊係要相機食先啦。豬頸肉已經切成薄片，好快熟，入口爽口彈牙。《即炸黃金響鈴$68》呢個係我至愛，即炸，有香濃豆味，加上鹹蛋黃嘅香味，仲要脆卜卜，就咁食都得，仲惹味。今晚我哋四條友真係「滾」得好厲害，叫咗好多野食，但又清晒喎，無做大

花膠雞湯，濃郁好咪，大牛拼盤買相靚，用料正，西冷，牛展，日本飛驒牛，本地手切，件件正，價錢$598，海鮮拼盤都ok$398，元貝、貴妃旁同蝦都好鮮甜，但聖子就有沙同細隻，4位兩個拼盤加花膠雞湯（半隻雞）都已經好夠

嚟到滾得喜元朗新店打邊爐，裝潢洋溢住中國風，有大門牌匾、屏風、木傢具、餐具等，感覺去咗古時嘅客棧。見到佢店前有個宮廷鍋，好奇問下可否用嚟打邊爐，因為未試過。老闆酌情借用，話其實係裝飾品嚟...見個鍋有時有啲泉水湧上黎，啲野食好似嘆緊Sauna咁，好爽！必推碗花雕牛展，好重酒香，仲浸住杞子紅棗同玫瑰花，好足料嘅感覺，牛展又夠薄同煙靭，入曬味！！仲有自家製黃金響鈴，好重蛋黃咸香，新鮮炸起食落唔油，響鈴仲捲得好密啖啖滋味。另外呢度嘅餃子都幾特別，例如黑松露蟹餃，好香甜，同每粒餃都漲卜卜，份量夠。

不論裝修，食物風格擺設，份量同火鍋撚極相似，唔知係同盟定競爭對手。講返食物，今次係為卜卜蜆而黎。食之前都有小小心理預設，海鮮野係危危地，好醜都賭一舖啦。一係新鮮極為美味，一係唔新鮮壞肚皮。結果⋯真係後者，10隻裡最多只得3隻新鮮，其他都係「臭」架！係有d唔開心。你話一半都好呀，竟然中伏率高達 70% 但個湯其實唔太差，如果蜆新鮮就perfect !仲有一點佩服老闆，落曬乾冰呃視覺效果，捉曬港人喂食相機習慣。今次有驚喜既食物竟然係最common 既響鈴，但真係好好食！仲有日本黑豚肉，不嬲對豬肉都麻麻，今次足以令我改觀，好食過牛肉多多聲。😋😋😋😋😋

發現元朗有好嘢食，當然要約埋女朋友們一齊來試下，感覺同之前滾得囍好似，裝修古典風味，吸取上次點菜既經驗，今次都先喺openrice取經，睇下推介先點菜，侍應都好積極推介活魚刺身，海鮮拼盤，不過我哋唔想食海鮮，番茄濃湯豬軟骨鍋，又名朝三暮四，點解我都唔明，不過佢的菜都有名堂，好搞笑，上枱就冒曬煙，搞下綽頭，湯底真係好濃郁，我哋飲咗好多湯，不過之後唔係加番茄濃湯就無咁濃郁了，龍頭鍋一模一樣，好霸氣，不過呢個中間有個鍋仔，其實唔明咩用意，如果整雙拼鍋就正啦！口我哋3個女人樣樣都想試，所以就點咗牛肉拼盤，鬼馬油炸鬼，侍應話我哋聽蟹子蝦滑嗰面放落湯，油炸鬼浮面，食既時候油炸鬼仲有少少脆，好有創意，餃子拼盤，我只食咗2隻，韮菜餃子好味但一般，黑松露蟹肉餃就唔一樣了，齋名就贏咗9條街，好香既黑松露味又不失蟹肉鮮味，贏呀⋯⋯朋友再點新鮮聖子，佢有點失望咁細隻，哈哈呢個價錢係咁上下啦！不過真係好新鮮，但無咩肉食囉⋯⋯即炸魚皮，真係熱辣辣，好酥，當然價錢都唔平啦！三個女人一齊去滾，當然要食好d啦！最衰限時有點唔夠盡情⋯⋯

朋友喺網上見到呢間打邊爐好似幾好味咁，就一於訂枱去試吓啦！我們一行四人訂左六點半，一去到佢就叫我地八點鐘交枱，我話琴日打電話黎訂枱嘅時候冇同我講嘅？佢話太忙唔記得咗喎！其實如果係要八點鐘交枱嘅話，我哋唔會選擇喺呢度食，因為生日飯食到咁趕嘅話都冇乜意思啦！不過既然都嚟到囉，都冇辦法㗎啦！之後我問佢洗手間係邊，佢話係隔離嗰個商場，一去到個洗手間......個環境做差過個公廁！真係完全接受唔到！其實仲有其他嘢食嘅，不過張枱太細擺咗係個架到冇影到！仲要漏單，跟住半個鐘頭後我哋問佢之後先至話冇果樣食物！四個人 埋單＄1800，如果係環境好，好食嘅話我哋完全唔介意！我係話「如果」🤬🤬

☺️新開既打邊爐又點少得一班fd  子懶惰的人就好似我🤟🏻一定係用apps book 位😌電話都唔洗我打😎約左2045去到等左10分鐘就到我地，等既時候哥哥仔比左杯佢地自家制竹蔗茅根👍🏻👏🏻D 名好搞笑😂飽暖思牛肉😂飛機手打丸😂餓豬要食野啦！諗緊選擇花膠雞湯鍋定係卜卜蜆鍋好呢？🤔最後一致決定，花！膠！雞！😊火鍋要有既調味料都有曬👍🏻 花膠同雞係分開唔係一早就放曬係鍋入面👏🏻好貼心等d 雞唔會過份熟而老曬😸花膠雖然唔係我想像中肥肥厚厚既花膠，佢係有d 似魚肚既😯牛☺️係超級好食💪🏻 入口溶化👍🏻👍🏻抵讚蟹黃餃，好重蟹粉味，不過皮有小小厚，但都okay 廣島蠔，一碗6隻，口感肥肥厚厚，唔錯既🙂手打鮮牛丸有d 似山竹牛肉既感覺😂份量3個人食岩岩好每人成為$388☺️👍🏻