大榮華酒樓

營業中

休息中

無人等位而且入面大把吉桌情況下都比個女伙記叫左在門口等位排椅度等，等左5分鐘另一伙記見到問我地係咪食完諗住走⋯我地話岩岩到，佢即帶我地入座，乜第一個伙記咁搞笑！！第一次泥都係因為想試豬油撈飯，叫左個南瓜芋頭煲（個汁好香，好好送飯，南瓜好甜但芋頭唔夠淋）通菜鮮魷（普通野，無咩特別）叫左個冬茸蟹肉湯（入面蟹肉份量唔小，夏天食下呢d開胃d，偶爾仲咬到蟹殼）叫左三個砵仔飯，伙記隨即送上豉油豬油各一支，細心一睇，基乎每圍係必叫⋯期待已久，撈小小試試先（老實講我好唔鍾意陣味，我覺得好似食緊油益味撈飯，我寧願用返南瓜煲個汁仲好味，我地三個不約而同地無再撈豬油⋯可能我地唔識欣賞）全晚最出色最好食係馬拉糕，鬆軟又香旦味，好好食，整體價錢唔貴，野食ok,唯獨無咩服務可言，感覺上個個都做到滑晒啞，順帶一提，食滿$350先可用信用卡。

元朗大榮華酒樓早前進行為期一個多月的裝修，於五月五日重開，今天去飲下午茶，看看有沒有裝俢後大肆加價！結果好彩沒什麼加價，大中小點仍然—律18元，下午茶的特價炒粉麵飯好像加了—兩元，不肯定是否是裝修後加的。首先講—講新裝修，其實沒有想像中的大革新，亦不見豪裝成宴會型，都是走平實型。天花拆走了假天花，鬆上了黑油，再裝上射燈，地毯和椅子都換新了。四寶滑雞扎，腐皮內有芋頭條、豬肚、魚肚和雞件，和之前不同的是雞肉改為雞件(有骨的)，亦較之前沒有那麼鹹，味道剛剛好。百花釀魚肚，蝦膠比之前淡味，較健康些，但好像較之前細粒了少許，魚肚爽得來不會太硬。蒜茸蒸鮮魷，以前是勁多蒜茸的，現在明顯少了，但是都算够蒜香味，魷魚口感適中，不會太韌，配菜的豆卜亦入味。迷你珍珠雞，內裏雖然只有冬菇絲，叉燒粒和肉粒，但是都好過有些酒樓把它塞滿了不新鮮的垃垃圾圾，入口後便想把它吐出來，有時清清簡簡已極好，雖然少了甘香的鹹蛋王，但是吃得健康些啊！糯米軟硬適中，不會有生米粒混合着。茗茶每位8元，共消費97元。總結而言，大榮華裝修後，雖然沒有怎樣加價，但是有些在份量上微微縮了水，不過它以前是份量大的，現在都不會太細碼。至於味道方

朋友心血來潮話要一盅兩件…於是我就提議去老志號大榮華…因為之前食過晚飯小菜…非常好味…估唔到星期六8點左右都唔駛等位…雖說大榮華有多年歷史…但亦改變了不少…至少無左手推點心車…當然我首推招牌馬拉糕…可是比起點一大籠即蒸既質素有點距離…無咁熱同鬆軟…唔會係隔夜掛……？呢碟比一般點心size為大…有牛肚牛筋蘿蔔…蘿蔔唔苦無渣…又好入味…牛肚牛筋都好夠腍…牛筋仲要係一大舊果d…係超級豐富既骨膠原呢…牛肉配在腸粉上…一向都比較出味…牛肉好足料又唔韌…無鬆肉粉味…魚肚比較乾身同硬…d汁完成滲唔到入去…所以唔係咁好食…牛栢葉係米白色…無特別漂白過…味道ok...鳳爪夠入味同腍…應該都無咩難度…至於蓮藕餅就出奇地香脆…原來表皮加左塊薄皮…兩面包住黎煎…而蓮藕混有豬肉碎…所以咁香…蝦餃正常size...每粒都包有3隻小蝦…一般新鮮而已…晚飯同點心食既野都唔同…唔知廚師會會都唔同呢？！對比起來…點心就較為遜色…

今日早餐冇咩頭緒,朋友就提議飲茶,元朗當然選老字號大榮華,閒日唔使等位就可入座,現在都是先點後上,由於朋友要求要6或8碟,所以就8碟啦 基本上大部分都好味隨了魚肚服務一般,百花魚肚,魚肚好鞋,不夠諗也不夠爽,牛肋肚,入味,諗,多汁,牛肉腸多牛肉但皮不夠滑,馬拉糕鬆軟夠甜,蓮藕餅好香脆,粒粒蓮藕有口感,鳳爪汁料入味也夠諗,牛柏葉爽口有味,正,蝦餃好大隻,一隻有2大隻蝦,又彈牙但由於點了太多,真係好飽鳥,午飯都不用吃了

路經元朗一早想試下豬酒撈飯，急不及待衝左去品嚐。豬油撈飯堅係香, 確係好食到停唔倒口, 每人一碗都唔多夠喉魚腸蒸蛋－夠彈口馬拉盞韮菜炒羊肉－羊肉無咩穌味，唔錯！大榮華炒飯＝福建炒飯個名唔同架渣。

光陰似箭…朋友聚首一堂…話說當年情…率先聯想起這間歷史悠久的圍村菜酒樓…酒樓面世的時候…我還未出世呢…長長的樓梯依舊健在…門前還有老舊的招牌…除了假日…點心價錢變得均一價…縱使時代變遷…內裡裝修已不像當年…但傳統的龍與鳳依然屹立不倒…餐牌只是廖廖可數的幾張紙…但亦是該店精華所在…人未到齊…我們三人先點選當歸雞腳作小食…一上枱已聞到陣陣當歸味…相信未必人人可以接受…雞腳不是太腍…還可吃到爽爽的雞腳根…但想不到雞腳不但沒有當歸的苦澀味…沾上沙薑還感覺有點甜…趁未人齊…一人兩隻腳毀屍滅蹟好吧…例湯是瓦煲上…大概只有9碗…湯渣除了瘦肉還留有肉味外…青紅蘿蔔的味道已溶入湯中…的確真材實料…清甜而無味精…想添飲都要爭崩頭呢…如果荷包有這些"金銀"般多就太好了…菜很新鮮…味道比較清淡…五味雞據聞是由5種配料加頭抽製成…雖然吃不出是什麼五味...只知道雞很嫰滑…看似很肥膩...但一點肥膏都沒有…而且咸中帶甜…不沾蔥油也很美味…鯪魚條是將整條鯪魚去骨起肉刴碎打膠…再釀回一條魚形的…炸得很香脆…還見到有魚皮呢...味道偏淡…芋頭煲椰汁味重...油鴨咸味適中...少骨好咬口...大家都按捺不住要點幾碗白飯來

早前同阿女慶祝生日就去了元朗大榮華酒樓，這間較少去,仔仔提議去這間，大榮華在元朗好出名，因為我們去到時間尚早,7:00較少人等位,我們點了幾個菜式,馬拉糕依然好好吃，腰果西珍肝就不是太好吃，豆豉蝦就一般啦,炸京都骨又OK呀,環境都幾好,地方夠大又舒服，今次同阿女去這間又幾好味道:整體幾好，馬拉糕好味環境:地方又舒適服務:這間OK價錢:540元左右

大榮華一直只知道大飽。成日都想食一直都冇時間。今次拉左爸爸同女朋友仔一行三人係十一點拿飛等食...最後等左個多鐘終於有得食...但竟然大飽已經買晒。好失望...女朋友食臘腸飯又冇....但都想試下其他點心成餐午茶...樣樣都新鮮好食。唯獨腸粉一般...陳皮牛肉球：不用要醋食原味。好有陳皮味。牛肉味重燒賣：超足料。但反而覺得瘦肉太多芋頭酥：好好味。有芋豇味同肉味。但吾太油臘腸卷：好耐未食過咁好味。而終榮華集團吧...期待食到臘腸飯芥蘭：煮得剛好。綠油油又脆口。夠大碟茶起碼吾係茶膽。飲左2個幾鐘。結帳每人大約八十蚊。堅抵

 那天專成放假約好跟朋友來吃的一共叫了6樣食物，超飽!!!第一樣就是馬拉糕!我們就是為了這糕而來!這糕超軟!而且夠蛋味!真係讚!但要注意趁熱食，凍左就硬d!而那個雞包很大個，只是皮有點厚，但配合入面既餸，岩岩好!這個燒賣真是真材實料，平時入面個D得一隻蝦，呢個每隻入面都有隻，豬肉又剛好，好味道致於這個南瓜煎餅，入口超軟，熱辣辣的，但都係個句，趁熱吃!!!最後兩樣，牛栢葉.......這個雖然好入味，但好硬啊.....但間離個隻餃就幾好，豬肉加粟米，一向不愛皮的我，覺得這個很薄!

After visiting the Hong Kong Wetland Park, we came to this Cantonese restaurant Tai Wing Wah in Yuen Long. This restaurant is very famous among the area, very traditional and provides homie kind of food. Recommended by their waitress, we ordered the five tastes chicken, lard with rice, braised winter melon with pork and bean curd, fried prawns with chenpi and douchi, lastly we have steamed Ma La Gou as our dessert.Five tastes chicken, chicken it self is marinated in their homemade soy sauce and

中午一點，想飲吓茶，hea吓，就諗住黎大榮華試吓，黎呢度一定要叫奶黃包啦，話晒係招牌包，黎到嘅賣相幾好，夠企身同乾身，唔會一夾就難晒，味道就不過不失，奶黃味可以再出啲，一點已經無晒煎炸野，所以其他都係試啲小點心，都唔覺得好突出...

印象中回想以前小時要去元朗探親戚，坐過一種叫「豪華巴士」的單層巴士由市區入去，入去時由於屯門公路都還未建好，要經由海邊的青山公路入去，入一次去感覺要數個小時才去到元朗，入到元朗都覺得只是元朗大馬路兩邊才有一些的樓宇而外圍還有很多的農田，還有去到元朗一定要買老婆餅出來，這些就是我兒時對元朗的感覺。當然現在去元朗有很多很快的方法去到，在元朗市中心的人數和樓宇和以前相比也是大相逕庭，而今次在元朗進餐的就是大榮華酒樓。榮華於1950年由劉培齡及趙聿修兩人創辦，兩人在新界當時還是郊區的元朗開設了榮華酒樓，樓高四層，另設餅食外賣服務。1975年在元朗安寧路開設大榮華酒樓，但不是一直由當年經營到現在，因為在1994年時結了業，原因是生意不佳，但到了1998年12月重開，並由廚師梁文韜主理，並引入了價廉物美的圍村菜，令生意大增，也吸引了很多的食客慕名而來。圍村菜就是新界鄉村人的家常小菜，鄉村人自己捉魚和種植農作物，可以第一手得到一些新鮮和當造的食材，而一年有24個節令，鄉村人就會選擇適合時令的食物，用簡單的烹調方法來做菜，所以最能帶出食物中最原汁原味的地方，「不時不吃，不鮮不吃」便是吃圍村菜的八大真言

傳統中式圍村菜一向不是我杯茶. 成班friends山長水遠入元朗, 大家都想食D地道食物. 第一時間諗起大榮華. 雖然九龍灣有分店, 始終都係想試總店, 食一定要去老字號!6PM到大榮華, 等大約30分鐘入座. 我地十分buy time, 在等位時已search下有乜推介點定餸! 主菜大部份$80一碟, 價錢簡單清楚寫明, 不錯!5人叫了7餸+豬油撈飯. 以招牌菜為主.奶皇馬拉糕 - 一籠有八件. 新鮮蒸起, 很熱很香很鬆軟! 平時食的馬拉糕中間沒有料.這馬拉糕中間夾著奶皇, 幾好味! 奶皇比較淡, 可以再甜點會更好味.圍頭五味雞 - 同其他食家意見一致, 外表和味道基本上同豉油雞一樣. 食唔到'五味'. 應該係雪雞沒有雞味, 加上上菜時又唔熱, 沒有驚喜.註: 我地最後打包了半碟, 不是因為好味, 只是不想浪費.金沙蟹粉扖西蘭花 - 大路野, 不過不失. 可以多點蛋皇同蟹粉.雞蛋焗魚腸 - 新鮮蒸起, 外面焗得很香脆, 很多魚腸, 朋友十分欣賞. 我只食左一小口, 魚腸不是我杯茶.鳳凰蟹肉炒長遠 - 炒長遠即是炒粉絲. 炒得都乾身, 有蛋, 韭菜, 粉絲, 很少蟹肉. 講真很普通,

今日同老闆到元朗見客。大老闆原想往上水吃飯，但是老闆娘說就近的大榮華方便啲，於是便把車暫時放在路邊，走上去飲茶。走上去後，排了一會兒隊後，便可入座，話就話排隊，其實只是等侍者收拾好東西後便可入座。話時話，等候期間，大榮華老闆正坐在接待處對開的坐位上呢！，真是失敬！圍頭五味雞。外表看來似是豉油雞，吃下時又不覺有五味，豉油雞多過五味雞，不過雞肉久缺雞味而且都幾滑，內裡的芫荽卻很少，一口便吃完了，雞件都幾多，一行三人都吃不掉要打包。魚雲。從前跟老闆飲茶，老闆很喜歡這點心的，但是在下甚少吃，不過今次嚐過，卻有點腥味，而且覺得豉椒味不夠濃郁，也沒多嚿魚云。水餃。份量都幾大的，水餃皮都幾薄，內裡有蝦，雲耳等，吃一口都幾爽口，而且還有生菜舖底，而且被湯浸得軟腍又清甜，叉燒包。皮厚而且不夠鬆軟，摺口位幾乎要爆開，幸好叉燒不是全肥，粒粒叉燒可以有點咬口的，蜜汁都幾豐富。煎腸粉。是老闆娘喜歡的點心之一。點來後，煎得香脆，但腸裡的蝦干卻沒甚蝦味，也較腍，而醬料幾乎不夠用，其中麻醬更加不足。干蒸牛肉。沒想到是干蒸的，但來則之，則安之。吃下確實乾了不少，夠姞實，唯獨沒有給予喼汁，難免有點遺缺。奶黃馬拉糕。一層一

媽媽生日當然去食好野，所以就上咗大榮華食晚飯慶祝，total叫咗五味餸，有五柳石斑塊、圍頭豬肉、五味雞、炸生蠔同埋油麥菜。五柳石斑塊即係甜酸斑塊，啲魚食得出係新鮮，並唔係出面一pack pack買到個啲，因為每一塊魚個形狀都係唔同，有少少更加有骨，食落去係有鮮味而唔係腥味。炸生蠔係有啲偏向似炸蠔豉多啲，咬落去唔會好似生蠔咁必晒啲蠔汁出黎，而係有好濃既蠔味，食落效果更好，因為冇咗啲蠔汁，就可以keep住脆既蠔身。其餘三味就冇咩特別。係好食，但又未至於留下深刻印象。最後真係要提既就係豬油撈飯。雖然好肥，但人一世物一世當然要試試。係飯上面加上豬油，即時令到個飯有油滋潤，因而變得甘香，入口幼滑，再加頭抽，頭抽味即時帶咗出黎，就咁加頭抽係冇用，係要兩樣加晒先可以雙得益彰！