大榮華酒樓

營業中

休息中

一行九人去食，叫了八個餸只可以用4個字來形容~不知所謂😥😫~鴨掌柚皮難以形容的難食，完全冇味的😣 椒鹽九肚魚😑一小小鑊氣又沒有(凍的) 豆卜冬菇炆排骨排骨硬過我條命💔 薑蔥魚腩:大佬呀~大排檔都好食過你。 所謂的豬油撈:似臘鴨油多啲。 怪味雞同埋燒鵝唔叫難食，但作為一間自認食神級主理的酒樓，唔覺得驚喜😟😟痴線的......唯一可以入口的😱竟然是last免費送的甜品(麥米粥👍)大家唔嫌浪費時間排個幾鐘的話🤔可以一試個甜品。p.s.我book位的，五点食~所以不用等位。

今天和女兒往元朗大榮華晚飯， 叫了五個餸，支竹牛腩煲 ，柚子排骨 ，山根魚腐生菜 ， 梅子蒸烏頭， 子薑雞煲。支竹牛腩煲燶底和偏鹹，牛腩太硬， 牛筋炆得夠淋， 支竹亦夠多， 每樣都炆得非常入味。山根魚腐生菜 ，但芡汁太多賣相普通 ， 魚腐只屬普通貨色，食落和魚蛋差不多。梅子蒸烏頭，烏頭沒有泥味 ， 而且魚肉較為霉。子薑雞煲 ，子薑美味垂涎 ， 雞件亦算嫩滑。柚子排骨是全晚最理想的餸， 肉質鬆化 十分可口，外皮甘香鬆化，柚子味道香濃。今晚菜式並不像想像中理想，有點名不符實。

一年一度的父親節，老中青幼四代又有機會聚首一堂。雖然這些大日子聚會頗為勞師動眾，但想想平日各有各忙，難得大家有心一起慶祝父親節，加上我是其中一位主角，我們一家當然準時出席囉～今晚我們選了到大榮華吃晚飯，為了避過人潮，不用等位，我們訂了五點半的枱可能時間真的比較早，加上不人齊餐廳是不准許入座的，所以我們到達的時候，餐廳是有點冷清。一段時間沒有來，原來現在圍頭小菜一款$87，有菜有肉有海鮮，任君選擇落單以後，翡翠梅菜蒸鮮腐竹是最快上桌的。這道菜賣相雖然一般，但味道卻是不錯的。鮮嫩柔軟的腐付吸收了梅菜的鹹鮮味，但又不會太咸，是老少咸宜的菜色我們也點了燒米鴨和圍頭五味雞。燒米鴨吃起來就像普通的燒鴨，味道不錯但不算突出。五味雞確是必食之選，用公雞碗上桌的五味雞味道濃郁，口感嫩滑，由於份量不算太多，很快就被吃光了這是粟米魚肚羹，一盤可以分六碗，侍應建議我們要兩盤。這魚肚羹真材實料，用料豐富，啖啖湯都有粟米魚肚，不會稀溜溜的！然後，鎮店的豬油撈飯終於出現了。一支頭抽，一支豬油，隨你喜好添加！這裏的白飯是用小缽蒸的，雖然不是珍珠米，但這飯粒乾爽、粒粒分明，撈了豬油以後，酥香滿溢，再加豉油，咸甜適中，實

跟客戶約在元朗所以晚上飯也在這解決了，客戶推薦大榮華，原本我以爲就和之前吃過的酒樓差不多，沒想到欸，簡直好吃到要哭了！真的一點都不誇張，尤其是家鄉蒸芋泥和奶黃馬拉糕，我自己吃完還打包了一份马拉糕第二天當早餐了，那個芋頭真的是入口即化，非常糯，非常香，但又一點都不膩，非常的驚喜！只可惜距離市區有點遠，平時不能經常過來，希望能在公司附近開一家分店，這樣我一定天天拉朋友來吃

間中都有特登駕車去元朗幫襯吓大榮華，原因是喜歡它之前有的特別圍村風味。之前幾次都覺得差了但尚算不過不失，昨天又襯假期去一次飲茶，吃吃點心做午餐。一點後來到要等了大概十五分鐘，心想這次要等位應該不差了。點心紙都有幾多款式，但有部分已賣清沒有供應。我們點了九個點心。馬拉糕中上之作。鹹點一般偏鹹和味精下得太重。芝麻糊是超級失敗，死甜及沒有芝麻味。我的感覺是它們食品質素已經慢慢變差，保持不到水準。加上有食評推介，唯一保持到的只是它們的價錢！

第一次食大榮華，可能聽得大榮華好食太耐太多，期望過多，有啲失望。梅子蒸烏頭 - 梅子醬唔知係咪自制，感覺同平時啲唔同，顏色紅啲，甜啲，反而少咗酸味，無平時嘅梅子醬好食，烏頭又無黃油，唔夠靚，但大條。芥菜排骨煲 - 芥菜同排骨都唔靚，芥菜少少老，排骨唔滑，排骨我食咗一粒就無食。花膠鵝掌煲 - 呢個價錢有花膠食係唔錯，雖然唔係好靚，但都好黏口。鵝掌未夠淋，冬菇入味。整體ok。豬油撈飯 - 係幾香。一盅飯，再俾一支豉油一支豬油你自己撈，感覺新鮮。三餸、一白飯、兩支大啤，埋單三百幾，大大份，價錢算ok，味道就差少少。可能下次試下其他餸，睇下會唔會其他好食啲。

I went to the original one in Yuen Long last night and since there were only two of us, didn't order too many dishes. The 'Five Taste' Chicken is many people's favorite and me included. Unlike the normal soy sauce chicken, this one is made with also more herbs and spices so there is a subtle yet apparent fragrance coming from those instead of just the simple salty notes from the soy sauce. The chicken is tender as well.We also had the Steamed Grey Mullet with Salty Lemon, which is another local

星期六去元朗大榮華排隊飲茶，等左半個鐘尚算可以，食物好壞參半，點左六樣點心，其中蒜茸蒸鮮魷味道最好，其次為奶黃水晶包較有特色，其他茶樓少有。叉燒包口感不錯。午市腸粉、煎炸食品如芝士蝦春卷和鬆化叉燒酥、蒸飯都沒有，只有蒸點心、燒味和少量甜品小食可供選擇。整體尚算不錯，但價錢一啲都吾平。

家庭飯局、今晚六個人，打電話冇得book位，要walk in, 一半人以上才可以入座，今晚八點鐘去到，都等左三張枱，20分鐘左右，可能因為做節，講真平時八點鐘元朗10間有8間酒樓都好小人，因為元朗人都比較早食飯，今晚六個人叫左七個餸＋1個招牌馬拉糕，總共八個，食到差唔多10點，我諗平時10點大榮華應該收晒工 😂媽媽鍾意食龍蝦伊面（上湯），一隻中size龍蝦，但伊面太少，六個人每人只有半碗左右，（啱啱上星期又係食龍蝦伊面，不過係另外一間酒樓，啲伊面淋到一Pat漿糊咁），有比較所以覺得今次好食啲。紅棗雲耳炒年齊，有小小雲耳、小小紅棗、5條菜芯打底，之後全部都係菇，我一條菜芯都冇食過。椒鹽鮮魷，真係只有魷魚片，一條魷魚鬚都無呀，d炸粉厚咗小小，味道一般。咸檸檬蒸烏頭魚，爸爸至愛，蒸到啱啱好，但魚入面未放晒血，食落有d血漿在肉內，所以有d肉比較腥，個肚合格，我鍾意食魚肚因為夠滑，但可以再洗乾淨d就好，仲有啲血絲，味道滿意。蟹肉扒豆苗，都幾大碟，少量蟹肉加蛋白花，味道不錯。南乳燒雞，大榮華做雞菜式都唔錯，雞唔係太肥，唔算多油，因為例牌所以得半隻。化皮乳豬件，我哋有六個人，又六件乳豬皮，每人只有一

有年到大棠觀賞紅葉後已想到此品嘗，可惜到達時已是落場時間，未有機會一試。往年聖誕節晚上終可一試，等了二十分鐘左右便可入座，我們點了圍頭五味雞，用句老套話，真是雞有雞味，肉質嫩滑，雞皮甜而甘香的豉油味，蒙蔽了你，雞皮是如何的肥膩邪惡。豬油撈飯，更揭露我們是初到貴境，因侍應放下一樽豬油和頭抽時，我們還以爲是飲品，看清點，才知是甚麼一回事，在我記憶中，是首回用豬油撈飯，試一次也是可以的，畢竟這種吃法很高危。其餘的炒蛋，西洋菜與南瓜也很美味。馬拉糕可說是這餐飯的完美終結，鬆輭而滿有蛋香的糕點，真的是不可不吃。

周末早上，我和老公約了老爺奶奶到這間傳統酒樓飲早茶，我們約九點到達，見到茶樓寫著早茶時間全場搭枱，我們4人坐了張6人枱，當時約7成滿，沒有其他人搭枱，坐得舒服。今時今日出街食飯，食物的份量，通常都是越縮越細，但它的叉燒包，奶皇水晶包和蘿蔔絲餃都是大大粒，印象很好！蝦餃好味，叉燒酥個皮夠鬆化，只是叉燒有少少雪味。另外我們點了煎蓮藕餅和芝士蝦春卷，但蓮藕餅食不到蓮藕，芝士蝦春卷食不到芝士和蝦，變了煎粟米餅和粟米春卷。起初以為自己點錯或侍應送錯，我們再看點心紙，確定它們是沒有粟米餅和粟米春卷的...懐疑酒樓擅自換了材料而沒有知會客人。值得一提是有些特別點心在別的酒樓比較少見，如圍村甜茶果，榮華白蓮包，豉汁蒸魚雲等。由於我們4人食量有限，未能試上這麼多款點心，未試過這間米芝蓮推介餐廳的朋友，本人認為可值得一試。

週五再因公事入咗元朗，朝早去完第一個倉後，因要等待第二個倉準備好先入得去，所以就搵咗元朗通T哥帶路去區內一家老字號「大榮華酒樓」度飲茶。門外貼紙式餐牌所示，閒日早茶、下午茶時間，所有點心一律$19。行上多級樓梯後終於抵達酒樓o既大堂，雖然早茶時段已過，但擠得密麻麻o既散座仍坐滿食客，真係好旺。等位o既時間細佬就走咗去周圍八吓；喺牆上先見到車胎人連續七年推介o既銀碟奬賞。暗角位則掛出香港名食家韜哥o既相片及卡通畫像，細問下先知原來佢就係酒樓o既大老闆，失覺哂！午市茶錢每位$8、小點$19、中點$23、大點$27、特點$31、頂點$37，另收加一服務費。除咗有點心飯麵之外，餐店前方仲設有個大排檔區，食客可以直接點選燒味、餃子、油菜等食品。咖哩魚蛋豬皮：豬皮過腍，魚蛋尚算彈牙，兩者均唔夠入味，不吃也吧！陳皮牛肉飯（$35）：盅頭飯面o既菜心偏老難咬，陳皮牛肉同白飯底雖然都幾乾吓，幸好點上甜豉油食都補救得到，總算勉強合格。芝士蝦春卷（$27）：金黃色o既春卷層炸皮又薄又脆，芝士蝦餡爽脆美味，係咁多味點心中最正o既一款。切肉燒賣皇（$27）：燒賣大隻就夠大隻，不過其外觀好似被漂白過咁，個人覺得不

大榮華酒樓是我家人聚餐，公公婆婆飲茶的地方。今晚一家人又聚首一堂，一齊食下嘢。乳豬拼盤：燒腩仔好得，皮脆肉嫩又juicy;叉燒雖有肉味但比較瘦，味道正常；燒骨反而唔錯，肥瘦相間，咬落有汁。翡翠花枝桂花蚌：西蘭花爽脆，魷魚同桂花蚌肉質爽口鮮味，炒到剛剛熟。脆金果鳳味蝦：即 炸南瓜同蝦多士： 這南瓜普普通通，蝦多士的蝦肉彈牙但蝦味欠奉，食落好油。鮑汁雞柳珍寶茹： 雞柳非常嫩滑，有鮑汁鮮味；雞肶茹炒到軟稔入味，唔錯。紅燒竹笙雞𢇁翅： 好稀，無乜鮮味，無乜翅又無乜配料，當湯飲還可以。蒸海班：條魚好大條，抵食！魚肉蒸得好滑，香蔥鼓油味道剛剛好。脆皮燒鳮：燒鳮的皮好脆好薄，雞肉十分嫩滑有雞味，不錯！炒飯粒粒分明但口感偏硬，味道中規中舉。伊麵：一如傳統，比較油，食落有甜豉油味。紅豆沙：紅豆是軟稔但未見起沙，陳皮也是欠奉。奶黃馬拉糕：旦味好香，質地輕盈軟熟，奶黃少少的點綴，幾好食；但個人還是喜歡以前古法黃糖馬拉糕又有風味。整體食味ok, 餸的份量唔少，尤以燒鳮，小炒同馬拉糕比較出色。偶意一聚，一嚐何妨。

今日去左元朗行山。行到2點就黎3點出返返元朗！一行6人決定去食元朗大榮華！我唔少朋友都食過！我就第一次嘗試新野！由於已經係2點幾過左午市時間！所以我地都唔洗等位但係就要搭台！下午茶都全場爆滿！證明有幾咁受歡迎！我地好似唔洗錢咁勁叫！有好多出面茶樓都好少見既點心！除左叫燒賣蝦餃呢d必食點心之外。我地仲叫左白蓮包。馬蹄糕，茶果等等出面冇少見既點心！上點心都上得算快！大家都好肚餓勁快清曬～傳統野我覺得燒賣最好食！夠咬口，有鮮味！奶黃馬拉糕都好特別！唔知係咪因為肚餓既關係！覺得d菜心都好好味！我地都冇睇價錢係到狂叫點心。我未黎過心諗買單應該都貴架啦。點知買單個陣6個人先食左500蚊！！真係覺得又大件又抵食！Total 17個點心！一人先80蚊！仲要個個飽到飛起！值得推薦！

重陽假，飲完茶一家人去錦上路跳蚤市場行完，直入元朗開餐。見時間尚早（6:00pm)，去大榮華踫踫運氣。果然早起的鳥兒有蟲吃，唔洗等位直接坐低。大榮華由肥滔主理，主要食圍頭菜。即係香港本土農家菜。香港新界仍有不少圍村，保留了很多傳統、極富風味的菜式，由於圍村居民以前過著耕種、自給自足的生活，所以這些圍村菜特別著重新鮮的食材，堅持「原汁原味」的原則。今次當然都有食豬油撈飯，另外叫咗4個餸。1）炸大腸---夠脆，夠淋，夠肥2）黑椒雜菌炒牛肉---黑椒味濃，牛肉夠淋，好餸飯。3）家鄉蒸蠔缽---即係蠔仔肉碎粉絲蒸蛋，鮮！滑！推介4）韮菜花煎魚腸---魚腸唔腥，加入韮菜花/韮菜煎成蛋餅，比起焗魚腸好食得多。必試仲有飯後甜品，麥米粥/紅豆沙食餐滿意，保持一貫水準！