大本瀛日式放題

營業中

休息中

旺角放題真係多不勝數，而在兆萬的大本瀛卻是我至愛之一，地點方便食物款式又多而且價錢便宜。任飲有汽水、啤酒及茶等，款式比較大眾化。刺身有三文魚、希靈魚、甜蝦、北寄貝等，刺身都幾新鮮而且味道鮮甜。壽司有多款黑松露配刺身，亦都有手卷等，壽司飯不會太大件，正好一口一件。天婦羅是必點之一，吉列蠔、海老、甜薯等，外層粉漿不厚而且鬆脆。一口豆腐更是外脆內嫩。燒物有雞翼、羊架、牛仔骨、還有我至愛的燒菠蘿，全部都燒至表面微焦，新鮮熱辣又不會太油膩。特別加插泰國風味，有蝦餅、冬陰公湯等地道泰式食品，味道都不俗，略嫌有點肥膩。其他日式小食如蟹子沙律、麻醬豆腐，簡單清新，還有烏冬、拉麵及鍋物，食物太多未能全部試到，唯有下次再來過。最後唔少得既就係甜品，有豆腐花、奶凍等，奶凍以3.6牛奶製造，奶味濃郁又夠滑。

今日去試食咗一間幾出名嘅日式放題～一開始當然係先叫一碟刺身啦～我叫咗挪威三文魚、希靈魚、有頭甜蝦、北寄貝、珍寶帶子、鮑片、玉子等。個人最鍾意佢啲三文魚同帶子，食落去好肥美同埋新鮮。羊架食落去有肥有瘦，非常香口，好有羊味😋但係可能見我一個人食，佢比少咗兩件羊架我，而且我後來發現幾乎所有食物都比少咗，去到後期甚至有啲食物冇來到。牛柳粒味道就一般，食落去係偏瘦嘅，唔算特別好食。壽司我就每樣叫咗啲咁，味道都唔錯嘅。清酒煮蜆都幾好食，食落去唔會話有沙，美中不足係份量太多～日式花蟹粥味道都可以，雖然有一隻蟹腳，但係其實冇乜肉的，依家成碗粥好似冇乜餸，蟹肉味亦都唔係太濃，所以唔係特別驚喜。天婦羅味道都唔錯，粉漿唔會話太厚，推介！

小朋友都愛吃放題，而旺角就最多， 我們是過不少間 ，但一星期食咗兩次同一間，咁就知好野啦，價錢唔洗講，平到笑， 因本人日日減肥，不吃太多，仔跟老公要食埋本人嗰份先至抵🤣， 價錢一定要抵食，好味同超值……今次介紹位於 👉旺角兆萬中心的日本放題計埋加一都係$240一位， 刺身。🤩十分厚新鮮黑松露😋壽司。果然出色估唔到熟食同樣好味👉👈炒花甲。啲花甲唔係霉㗎。 新鮮又好味 冬陰功湯。 味道激似泰國壽慶燒牛鍋。 好濃烈嘅湯底炸榴槤。老公食左人成間舖啲份量咁滯😓炸芋蓉。 入面有紫米😛 好味兩小時限時任食，如果人客唔多，唔會趕客真心覺得價錢 十分平比大喜X 還好味， 隻係一個只能點歺，一個可以出去取去食物分別， 大家可以又不妨試下😋😋

諗唔到食咩最好就係去食放題！咁啱旺角嗰頭最多嘅就係放題，所以隨便揀咗間就上咗去食。呢間餐廳都幾多人去食。一坐低就即刻叫咗啲回本嘅嘢食，一大盤刺身！三文魚好新鮮，肥美可口。螺肉好爽口。而蝦都好大隻。鮑魚片就正常發揮！見佢質素都幾高，所以食多咗兩round 刺身。之後就叫左啲壽司，呢個芝士蟹棒同牛肉壽司都好唔錯！個醬汁好濃！牛柳粒同炒雜菜都做得好有水準！牛柳有肉汁，頗腍。而炒雜菜就估佢唔到，竟然有蓮藕！另外叫咗蝦天婦羅，食落都唔會太油，唔會好厚粉。而芝士年糕同榴槤炸彈炸得外脆內軟👍每樣都食咗三四粒！最估佢唔到嘅係蟹粥！本身以為剩係得粥，唔會有啲咩料。但係竟然有成隻蟹鉗！個粥煮得好棉好滑！兩個人食都係二百零蚊，性價比都幾高！

同屋企人慶祝聖誕的聚餐，選擇了在旺角兆萬中心10/F的大本瀛。其實兆萬中心裡面有好多放題選擇，但呢間係我同屋企人都覺得最值得encore 。食物全部都好滿意，刺身好新鮮，淨係睇色澤已經知道，個人最推介的是 帶子刺身、泰式剌身蝦& 希靈魚。另外炸物、天婦羅都不錯，送到來都是熱烘烘（因為有試過其他地方的放題熟食炸物到來是凍的😞）其他嘢食都好好，起碼standard 水準，員工也很helpful最後感謝餐廳送的生日蛋糕🎂，慶祝屋企人生日，仲會播埋生日歌，煙火蠟燭🕯️。整體來說真的非常滿意。

早前朋友推介旺角兆萬中心大本灜放題店，食物多地理位置方便，於是就決定去試一試！！大本瀛的環境闊落，座位多。食物的選擇確實非常多，令人眼花撩亂。其中不得不提當中特有嘅泰國風味餐單。招牌九層塔炒蜆的蜆非常新鮮，完全沒有泥沙而且熱氣上湧，明顯可見閃即叫即煮，非常有誠意。蝦餅亦炸得十分香口，值得一試。豬頸肉則酸酸甜甜，不錯！在刺身方面，三文魚肥美，咬下去有油分擠壓出來的感覺，亦帶有一點腥香。北寄貝味道鮮甜，非常爽口。在串燒方面，選擇較多令人眼花撩亂，其中我選擇了紫薯、馬來沙嗲雞肉串和鯖魚。紫薯軟滑香甜，鯖魚有點兒乾身但勝在香口，雞肉串味道非常特別，鹹鹹甜甜，有機會一定要試一試。最後不得不提呢間餐廳嘅榴槤炸彈。當榴槤炸彈一上枱，香氣四溢。每咬一口就聽到卡滋卡滋的聲音。榴槤好似泉湧出來，差點燙到我的舌頭。佢的餡料就是貨真價實的榴槤果肉，讓我這個榴槤愛好者一試再試，連續吃了七八件仍未感到滿足。最後雖然甜品的選擇不多，而且份量較少。不過泡芙和奶凍入口即溶，推薦！欣賞這間餐廳的環境佈置以及食物質素，下次一定會再光顧。

每次行旺角，經過兆萬中心，都會見到下面有一班人喺度派傳單。 今次想食下放題所以就去咗10樓食呢間大本瀛。佢入到去呢會每人送番一個贈送畀你嘅。 可以揀嘅其實就唔係好多，得果三樣，鍾意食邊樣就揀邊樣啦。 期望唔會太大。話到明食日式放題，刺身就當然走唔甩啦。嗰刺身擺設都擺得幾靚，而且食材就咁望落去都ok嘅。 到正式開始食啦 佢嘅食材都幾新鮮， 唔會有果種好似擺咗好耐，好鞋口嘅感覺。食完凍野就試下佢啲熱嘢， 佢幾款熱嘢裏面，我最推介嘅就係呢個羊架。 個羊架燒得幾好食，而且脂肪比例唔會好高，所以食得到羊果陣騷味。佢其他食物都ok嘅 不過就唔係好值得樣樣都係呢度推介。 所以我淨係推介佢值得一試嘅甜品：佢個360乳布甸 都幾好食，牛奶味好濃，同埋好滑溜。

約朋友或同事食飯，總會遇到某某不吃辣，某某不吃牛等情況，所以，放題是一個不錯的選擇。今日去的大本灜日式放題，位處兆萬中心十樓，它的食物種類相當豐富，壽司、刺身、炸食、爐端燒、天婦羅、火鍋、一品料理等一應俱全，由下單到食物上枱的速度亦算快，下了單的食物又沒有漏單，所點的件數又正確，絶對值得一讚。因為有時去食放題，最怕是派錯或漏單，令人掃興。講返大本灜的食物，個人喜燒它的天婦羅和羊架，天婦羅炸得透徹，炸漿薄薄的，入口卜卜脆，而羊架多肉，烤得香口，羊味十分濃郁。以午一百多元能吃到各種各樣的食物，質素又有水準，絶對超值。

今日食左高質放題，超開心！呢間餐廳就喺兆萬，叫做大本灜。有好嘢梗係開心share啦～店內嘅座位都好寛敞，好有空間感。燈光暗暗地都幾有情調，裝飾都有日本嘅風格。原來可以加錢食生蠔，不過今次冇加到，因為都已經好多嘢食，好飽飽。依家就話俾大家聽，邊啲係去大本灜一定要食嘅！食放題點可以唔叫刺身呢，呢度嘅刺身好新鮮，款式亦都好多。我最鍾意食呢度嘅赤貝，超爽口！馬刀貝都係我至愛！燒菠蘿超級juicy，咬落去啖啖肉菠蘿汁！好食到我encore左兩次！仲有串燒嘅日式一口甜薯，口感煙韌，細細粒，好的骰！仲叫咗碗冬陰公添，好足料，有大蝦、蟹柳，草菇等等。隻蝦嘅size都好大隻，蝦肉有口感。湯味道有濃郁嘅椰香，超正！冬天飲碗湯暖下個胃，食完仲可以出去拎甜品添，有雪米糍同埋各種口味嘅雪糕，為今餐畫上完美嘅句號～雪米糍個皮好煙韌，煙韌控一定唔可以錯過！呢間放題嘅上菜速度好快，有別於出邊其他放題。服務員亦都會定期清理枱上食完嘅碟，服務質素一流！如果想揀放題餐廳，不妨考慮吓大本𤅗～

午餐食放題係第一次，希望keep到水準！每人198蚊另加一！剌身勁正勁新鮮，比得準係一如既往！今次三文魚好似仲大左同肥美！希靈魚都厚切，爽口索索聲。金菇肥牛勁正，不停叫！細細瘦瘦牛包住小金菇，金菇多d多d就完美！枝豆雖然林咗啲，但係入變每一粒，都係飽滿非常，呵呵！炸物勁熱！炸海蝦粉多蝦細，勝在炸得香！另外一口豆腐個皮好煙銀。紫心香芋丸外型好似咖哩魚蛋，哈哈！香芋好結多多。流心芝心年糕一件兩個人分無咁肥呀，有d奶粉芝士味，勁軟林既年糕，不得了的邪惡品。自家炸蝦餅蝦味足，勁香口！細心比適應酸辣醬唔會浪費。珍寶大蝦一上枱有少少嚇親，估不到個size。紐西蘭香草羊架有小型斧頭扒嘅樣貌，香草味有孜然味覺。冬菇同日本小蕃薯串都係必食小點心。越南雞翼勁多牛油同埋蒜頭，濃！冬陰功湯勁真！點解咁講？我哋冇諗過放題會食到高質嘅泰式嘢，一開始見到泰式菜既紙係諗住試下。我哋先落咗蝦餅、飛天通菜同埋豬頸肉試吓先。除咗豬頸肉肥肉較多之外，其他兩樣都係唔錯。之後我哋先叫冬陰公，佢一上枱見到有蟹柳我就心涼左一下，灰左，點知一諗落去真係有種陽光味道只係唔夠辣。不過諗落都啱嘅，放太多水一家大細到嚟，偏向比較唔難就個個都啱

朋友喜歡食放題，兆萬呢度有好多選擇，而且價錢較平。有幾間都試過，所以今日試試未去過既！入到去，有點意外，地方完全吾擠迫，因為之前試過既都坐得好吾舒服！我地一行2人，但都安排左卡位比我地，非常貼心。選擇不算多，但喜歡吃既都有，唯獨欠牛舌。第一樣要叫既，當然係刺身，非常新鮮，雖然件數不足，而且有漏一兩款，但非常令人滿意。炸物　-　天富羅，蕃薯，雞軟骨非常夠熱，即叫即炸！牛柳粒亦是新鮮做起，蜆肉很不新鮮，不過燒大蝦好正，個殼都燒到脆卜卜。蝦餅皮有點厚，豬頸肉淡味，不像有燒過。甜品有雪糕，糯米磁，豆腐花，木慷布甸....等，木慷布甸非常出色，餅乾碎做得好細緻！

又到食放題既時間，旺角有好多日本放題餐廳，但我都係揀返有信心保證既大本瀛，價錢公道，質素更加唔錯tim午市時段都有唔少客人黎食，食物種類絕對唔會比晚市少，一樣任君選擇，主要係日式料理，另外仲加入左泰式同中式既特色美食餐廳擺放左兩大個放飲品既雪櫃，飲品嘅種類都算係幾多，客人可以自由去揀選刺身方面叫咗三文魚同埋帶子刺身，片片都係厚切，三文魚新鮮肥美，充滿魚油香。帶子非常鮮嫩，啖啖肉。前菜方面，我就叫左涼拌木耳、蒜味螺肉同埋皮蛋，木耳酸酸辣辣，爽口開胃。 螺肉新鮮，蒜味濃郁。皮蛋個醬都好香， 幾惹味蒜香炒雜菌，賣相已經夠晒吸引，雜菌夠晒爽口，入晒味，好香牛油味同蒜蓉味炸物方面，我哋叫咗炸年糕、炸帶子同埋花枝丸，炸物嘅脆漿好薄，年糕口感煙韌，芝士有少少流心。花枝丸爽口彈牙，仲食到花枝粒，唔錯。帶子炸得外脆內軟，食落一啲都唔油膩蒜蓉牛油雞翼，雞翼皮脆肉滑，外面充滿晒蒜蓉粒同牛油香，幾正燒海蝦、牛仔骨同金菇肥牛卷，海蝦大大隻，新鮮爽口彈牙，落少少鹽已經好夠味。牛仔骨燒得岩岩好，唔會好乾，燒汁味道濃郁，牛味好出。金菇肥牛卷一向唔會輸，金菇爽口，配埋肥牛食一流焗帆立貝同天婦羅茄子，帆立貝大大粒，用蒜蓉

今日同朋友係旺角一齊食中午放題，近近地就搵左旺角既大瀛喜食，估唔到質素都唔錯。首先點左幾件天婦羅食，其中天婦羅多春魚最好食，食落好特別，最中意食多春魚，有魚既香味但係又唔會腥，夠脆口，食落好開胃。再來一客前菜沙律開下胃再食更多既食物，沙律中青瓜非常新鮮，口感爽脆。之後叫左個火鍋好快就送上，有肥牛，金菇，冬菇，同生菜，我們選了豬骨湯底，個湯底都好夠味，菜入味，肥牛肥而不膩，口感都非常唔錯！之後落左單既食物都好快送上，芝士焗蠔焗到金黃色！個份量唔會好多，係一杯仔，正所謂小食多滋味！個蠔焗完仲好大隻！食落好新鮮而且熱辣辣，配合左沙津醬，效果更加好，感覺口感更加清新而且夠開胃，食落係勁惹味！

放題食得多，有貴有平。即使價錢較貴既都唔一定好，因有啲放題好多野都整定，唔夠熱。但呢一度每一樣野都即叫即整，每樣都熱辣辣，上枱時間又唔會話等好耐，feel到餐廳好有心！牛油粟米好香牛油味，熱烘烘的！燒菠蘿好甜，燒完甜味更出！翠肉瓜又係一流，落左少少調味去燒，好香，好惹味！炸物即叫即炸，卜卜脆！蒜片牛肉好好味！好香蒜味，牛肉嫩、稔，有牛羶味！焗元貝好多芝士同沙律醬，味道豐富！右邊果只係焗蠔，好多蒜蓉，只蠔好juicy！肥牛金菇亦係我至愛！煎得好香！壽司方面舊飯細細舊，可以試多幾款！火炙壽司好香，like it！黑松露壽司系列好香黑松露味，刺身好新鮮！無腥味，尤其是只蝦，又大只又鮮甜，爽口，正！壽喜燒至愛之一！仲有只蛋，正！個煱甜甜的，好多菜同肥牛，好入味！少食其他刺身，只係叫左幾款。都好新鮮！雪糕櫃落order叫既食物都幾多，即叫即整，保持新鮮，質素唔錯！二百蚊到一個抵食！唯一意見係想多啲飲品選擇，其他一切都好滿意！

一班人聚餐的時候, 最怕就係要唸吃乜嘢，人人口味各有不同，於是放題就成為最方便的選擇。今次由朋友選定呢間位於兆萬中心的放題餐廳，座位都算闊落，唔會好似某D放題餐廳一樣為求入客就將座椅擺到密密麻麻，完全聽到曬隔離檯的八卦。放題吃到宜家，老實講其實間間的餐牌都差不多，刺身、壽司、炸物、鍋物、各類小菜、熱葷、甜品，當菜單沒什麼可比性的時候，咁其實比的就是食物的質素和員工的服務了。我地7個人，吃咗好幾輪，上菜同收碟都快，基本亦沒甩過單，除非甩咗我地沒發現，值得一讃。食物味道亦都ok，刺身大多數比較新鮮，不過個人覺得甜蝦麻麻，凈係吃咗一隻。炸物熱辣辣，炸粉唔會太厚，最重要唔會一上檯就出油。食物點咗好多，不過只有第一輪影咗幾張相，一開始開動之後就沒停低過再影相。大圍坐得舒服吃得開心傾得暢快係最大的重點，呢間放題都可以做到，下次人多都可以繼續考慮。