大本瀛日式放題

營業中

休息中

今日同朋友係旺角一齊食中午放題，近近地就搵左旺角既大瀛喜食，估唔到質素都唔錯。首先點左幾件天婦羅食，其中天婦羅多春魚最好食，食落好特別，最中意食多春魚，有魚既香味但係又唔會腥，夠脆口，食落好開胃。再來一客前菜沙律開下胃再食更多既食物，沙律中青瓜非常新鮮，口感爽脆。之後叫左個火鍋好快就送上，有肥牛，金菇，冬菇，同生菜，我們選了豬骨湯底，個湯底都好夠味，菜入味，肥牛肥而不膩，口感都非常唔錯！之後落左單既食物都好快送上，芝士焗蠔焗到金黃色！個份量唔會好多，係一杯仔，正所謂小食多滋味！個蠔焗完仲好大隻！食落好新鮮而且熱辣辣，配合左沙津醬，效果更加好，感覺口感更加清新而且夠開胃，食落係勁惹味！