大本瀛日式放題

營業中

休息中

放題食得多，有貴有平。即使價錢較貴既都唔一定好，因有啲放題好多野都整定，唔夠熱。但呢一度每一樣野都即叫即整，每樣都熱辣辣，上枱時間又唔會話等好耐，feel到餐廳好有心！牛油粟米好香牛油味，熱烘烘的！燒菠蘿好甜，燒完甜味更出！翠肉瓜又係一流，落左少少調味去燒，好香，好惹味！炸物即叫即炸，卜卜脆！蒜片牛肉好好味！好香蒜味，牛肉嫩、稔，有牛羶味！焗元貝好多芝士同沙律醬，味道豐富！右邊果只係焗蠔，好多蒜蓉，只蠔好juicy！肥牛金菇亦係我至愛！煎得好香！壽司方面舊飯細細舊，可以試多幾款！火炙壽司好香，like it！黑松露壽司系列好香黑松露味，刺身好新鮮！無腥味，尤其是只蝦，又大只又鮮甜，爽口，正！壽喜燒至愛之一！仲有只蛋，正！個煱甜甜的，好多菜同肥牛，好入味！少食其他刺身，只係叫左幾款。都好新鮮！雪糕櫃落order叫既食物都幾多，即叫即整，保持新鮮，質素唔錯！二百蚊到一個抵食！唯一意見係想多啲飲品選擇，其他一切都好滿意！