大公館

營業中

休息中

這晚到客戶公司傾公事，碰到他的大老闆，閒聊二句後，大老闆竟然邀約晚飯，大老闆叫到怎能推卻呢？於是一行四人往大老闆的飯堂去。甫到門口巳被它的氣勢嚇倒。當晚菜色全由老闆發辦，他叫了三碟冷盤。先介紹三碟冷盤的主角，清香柚子凍飽魚，奉上時乾冰製造出煙霧，引出飽魚的高貴，原來飽魚襯上柚子可以這般美味。那個龍井煙燻黃花魚又是一精緻菜色，煙燻三文魚吃得多，但煙燻黃花魚又另有一番風味。至於那個話梅鐵棍淮山，我從未吃過這麽爽甜粗大的淮山，食材和功夫缺一不可。吃完冷盤，跟著來了一客招牌黑毛豬义燒，果然用黑毛豬做的义燒肉質和一般燒臘店的不同，甘香可口。吃完义燒又來了一客黃金沙律汁蝦球，肥美鮮蝦放在茄子上，伴以沙律汁進食可以是這般美味。值得一提是之後上來的脆米蒜香雞，把脆米放在雞面上，把平凡菜色變得不平凡。當然晚飯缺少不了蔬菜，老闆點的西班牙火腿琥珀米皇浸時蔬也是別樹一格。老闆還叫了一客金瑤樱花蝦蛋白炒飯，連普通炒飯也與眾不同。壓軸的甜品狀元山渣糕，鋪上名貴金箔，令這頓豐富美味晚餐劃上完美句號。

鴛鴦湯底一邊係花膠雞湯，一邊係麻辣湯底。兩邊湯底都好足料。講下花膠雞湯先，佢湯有濃濃雞味，連花膠嘅collagen都煲晒出嚟, 個湯唔會稀liuliu。但奇在個湯冇雞油，唔會油lumlum。滋補之選！招牌四寶丸：我諗有墨魚丸，蝦丸，雞肉丸，牛肉丸。 每粒都食到食材本身嘅味道。墨丸仲食到細細粒嘅墨魚碎。蝦丸超彈牙！唔錯叫左兩款牛肉。一款係本地新鮮牛肉，另一款係美國極黑和牛封門柳。本地新鮮牛肉一碟大概有十塊，油花分佈得好靚，食落油香重，一啲根都冇，食完好滿足。美國極黑和牛封門柳就肉味重過油香味。呢款牛大碟好多，同個麻辣湯底好襯！忍唔住食完一塊又一塊。手打魚腐同蜂巢豆腐都係好索湯底嘅食材。怕辣嘅我地試左一嚿辣嘅，頂唔順，最後全部擺雞湯個邊。食材索晒啲雞湯好鬼正，兩者好夾！！特別係魚腐，魚腐打到好鬆軟，好似棉花甘，再加埋啲湯，冇得頂。甜品桂花雪燕燉北海道牛乳：滋潤之選！鮮果楊枝甘露：有士多啤梨同芒果，甜甜地幾清新👍

發現荔枝角近期開了很多新食店，朋友推薦這間大公館，食物環境都不錯，所以打電話訂座和家人一去試下，這裏裝修很有古色古香的味道，環境很大座位寛敞。清香柚子凍鮑魚$148食物上枱時視覺效果及擺盤都有驚喜，鮑魚一口一啖鮮甜爽口，味道清香，鮑魚底還有柚子肉，食落酸酸甜甜更提升鮑魚的味道。龍井煙燻黃花魚$118魚肉入口嫩滑，淡淡的龍井味道，亦不會蓋過魚的味道。話梅鐵棍淮山$78淮山這種烹調都是第一次食的，加入了話梅所以食落酸酸地又爽口很開胃，食唔停口。招牌黑毛豬叉燒$248這個叉燒做得很出色，豬肉採用黑毛豬肥瘦適中，熱辣辣咬落多汁，非常美味。脆米蒜香雞$228雞肉香口嫩滑，外皮燒至金黃色香脆可口，雞上面放了少量脆米，口感豐富。狀元山楂糕$40山楂糕微酸，煙煙韌韌，解膩不錯👍

今晚同屋企人嚟咗間超高質素嘅打邊爐 大公館自從5月佢取消咗會員制後，一直心思思想試下一入到嚟門口，已經感受到佢氣派💫而且場地闊落 非常適合三五知已嚟食！😍😍😍我哋嗌咗一個4人火鍋套餐，非常豐富😍😘😍招牌四寶丸🌟🌟🌟🌟🌟個人最鐘意墨魚丸，爽口彈牙，當然其他丸亦相當不錯😊😊鮑魚雞粒餃🌟🌟🌟🌟🌟同出面食嘅好唔同，有啖啖鮑魚粒，皮薄餡靚美國極黑和牛封門柳🌟🌟🌟🌟🌟牛肉味十足，配埋川蜀麻辣湯底，簡直一絕😎😎本地牛頸脊🌟🌟🌟🌟🌟比起封門柳，牛頸脊會比較薄，但肥瘦適中，嚟打邊爐必嗌😋淮山麵🌟🌟🌟🌟🌟食起上嚟比一般上海麵煙銀，配上花膠雞湯食都唔會好流，好好食！自家製千層枝竹🌟🌟🌟🌟🌟咬落去超濃枝竹味，同雞湯味道好夾手打魚腐🌟🌟🌟🌟🌟非常彈牙，好好食！😋😋最後再配埋甜品，杏仁茶，楊枝甘露同雪燕牛乳作結，大滿足。❣️❣️

很久前介紹過此處的晚餐，但點心現在才有機會試到。精緻的點心，真係吃心思和手工。四格併盤：芹香金魚餃：漲卜卜的魚肚位，很立體蝦很新鮮及實口感。翡翠帶子燒賣：味道剛剛好藍莓水晶淮山： 餡料係淮山蓉加藍莓醬，外面用荳蔻花的色做成啫喱 ，共膳的朋友都很欣賞，酸酸甜甜很適合夏天吃。桂花蜜燒鴨腳包：初看誤以為是炭燒叉燒，鴨肉在外圍包住了中間的芋頭，味道濃而不膩，可能因加了桂花。茉莉花螺頭灌湯餃：茉莉的清香加了螺頭湯裹，很合夏天飲用，灌湯餃的皮我很欣賞，可能新鮮煮皮較為結實但不是硬，皮亦不厚， 餡料亦很豐富和野味，如同清香的湯一起進入，另有一番味道黑毛豬咸水角：這個是我最欣賞，除了可愛的外觀，最重要是當我咬鼻子時，外脆內較，餡料很多，因在忙拍照所以凍了吃，但都保持到❤️箭豬叉燒包 ： 粗略數過應超過100枝箭仔，十分吸引，底部是煎過的，進食是上軟的包底是脆香，很特別口感，不足之處餡料較為小了些。魚湯白玉木耳浸菠菜苗：魚湯很好飲，波菜苗嫩滑。懷舊芝麻卷 ＆ 鮮果楊枝甘露 ：芝麻卷以前介紹過，一層一層簿簿的黑和白芝麻互相疊上，很香滑。楊枝甘露不太甜，芒果味濃。

物冇所值， 服務態度差，冇人refill 熱水。order 黑毛豬义燒，但4分3都係脂肪，叫waiter 換過，但再來都是同一碟，到最後他們才接受取消肥义燒。這是我第一次見到那麼肥的义燒。 另外其他點心都係一般，早知去尖沙咀的酒店食點心冇咁嬲。 付出每人二百蚊的價錢，但只換來失望午餐

Restaurant Review📝Deep-fried crispy abalone with rock salt- thin & crispy skin with appreciate saltiness - Mild abalone taste Chilled silky fowl🐓in Sichuan🌶Style- mild chicken🐓taste with adorable transparent gelatin - Mild spiciness & a hint of numbing tastePan-fried spotted garoupa🐟fillet with tomato🍅in fish🐟soup🍲- Perfect Fish Soup, super umami but not cloying. Thanks🍅- garoupa🐟fillet was thick & umami, yummyRoasted Piegon🕊- Crispy Skin with a smoky hint- Springly meatBarbecue Prime Iberico Po

父親節前一日都book到位，但得1:45，服務一般正常，唔知點解今日上菜好慢，每一道菜上菜，都隔10分鐘左右，以為自己食緊fine dining*招牌黑毛豬叉燒 $128例牌得5舊左右，都幾貴，半肥瘦叉燒，有咬口之餘，亦唔會韌到咬唔開，但燒黑嘅地方都唔少，黑位燶位食落好燶，蜜糖汁好杰好張口，以為好甜，但其實唔會好有蜜糖味。*鮮蟲草花蒸牛柏葉 $58好大碗牛柏葉，好多塊牛柏葉，好似食極都食完咁，好入味但偏鹹，好抵食。*清香柚子凍鮑魚 $148乾冰效果好正，夢幻感upgrade再upgrade，好細粒鮑魚，超級精緻，鹹鹹地，好咬口，連柚子食，帶微微酸甜酸甜感覺*金箔懷舊黑芝麻卷 4條$64 會當甜品上菜，所以最後要叫先上，好濃芝麻味，好似飲緊一碗黑芝麻糊咁，又滑又香，唔會滑得黎油，又唔會香得黎似炒燶咗嘅芝麻，不愧為熱門菜式第一二位。*山珍xo醬乾炒牛河 $168xo醬唔夠多，得少少辣味，河粉炒得乾身，條條分明，好難得唔會油淰淰，河粉底味夠，鹹香十足。*金腿胡椒燒餅 $52熱辣辣上菜，有三件，但偏細，燒餅外層香脆，但裏面好似唔熟咁，有唔熟嘅濕濕麵團感覺，金腿有鹹香，但唔夠濃味，胡椒味都唔夠出

態度差過澳牛，幾好食都無用。父親節，早兩星期book枱，一去到，比張門口枱我話我最後一個book枱。心諗，早兩個星期book都係最後一個？check返，搞錯。坐低因為之前book枱已要求我地揀定菜式，直接叫佢起菜。佢仲話一次過同我哋起晒菜。等咗15分鐘嚟咗個前菜，見父親節就叫個員工幫手影張相。佢粒聲唔出，影完定返部電話落張枱度直接行開，咩mood都kill哂啦。節日book枱食飯，都係想慶祝姐，使唔使咁呀。之後嚟咗幾道小菜，味道係唔錯，係細份左少少。之後最嬲嘅係之前訂枱時已預訂一個黑松露黃牛炒飯，等了超過30分鐘也沒有來。跟經理投訴，經理只說追緊追緊。再等了不知多少時間，實在太過分，再跟經理追，才說把飯送錯了別枱現在再煮。老實說，一家酒樓在節日晚上這樣混亂實在太過分，而且沒有及時處理客人要求，態度奇差。在跟經理投訴，經理矇混過去，說最多送糕點俾你地啦等多10分鐘就有個飯。in short, 飯係唔需要咁多時間煮嘅，係不滿到癲逼佢煮嘅時候就拎到出嚟。而最後亦都係冇拎任何糕點出嚟嘅。而且耐到咁，當初預訂的意義何在呢？甜品都冇心機食。另外一提，買單的時候極度迅速。在另外一提，有別枱客人在酒樓

朋友生日，佢話以前成日食而間幾好味，就過去試試，點知食完真係好失望，好多菜式唔係無味就太甜，要訂個d特別失望，除返開仲要成千蚊一個人🥲🥲一定無下次除左影相個d仲其他菜因為食到心情嘛嘛哋無影到，酥炸京都骨，黑毛豬個d多汁肉類都係好甜，糖唔洗錢咁。雜菜煲，黑腐竹（定腐皮？）芥蘭，菠菜煲個d菜類都係偏向無咩味，黑松露炒飯同花膠豬油渣撈面正常，我覺得一般大排檔一定好食過佢，仲要收150切餅費😓所以無帶到蛋糕去食

囝囝生日，佢好娘咁選擇了這間中坑中產的菜館慶祝。大公館，齋聽店名已經有點貴氣，所以來光顧的都似是熟客。見到知客和侍應都稱呼陳生、李生……就知有一定的長期棒場熟客了。今次叫了幾度菜，評價如下：黑毛豬叉燒，招牌菜，肥瘦均勻，但略嫌蜜汁搶了叉燒肉味。柚子鮑魚，味道中規中矩，但用左乾冰配襯出場，仙氣排場冇得輸。炸子雞，今次有驚喜，做到皮脆肉嫩，有雞味。黑松露和牛石窩飯，今餐最精彩，好味夾抵食。其他的話梅淮山、金沙蝦球、黑腐竹浸時蔬...冇乜特別。除了餸菜外，一間食店還需要評價招呼和環境設施。中式的擺位和佈置都舒適的，招呼也算周到，泊車都基本上幫襯就一定免費。另外收了切餅費150蚊就真係吾多抵了。唯一最需要改善的是廁所，面積細已是先天不足，衞生程度就弱左少少了，咁嘅價錢應該請返個專職清潔工啦！最後我都老套又娘娘地咁講返句：Happy Birthday my son, Lokki.I love you😘

同老細食飯，一定要揀間靜啲、坐得鬆動啲、service好啲既地方，今日要去荔枝角，揀佐大公館。一間房放佐4張枱，夠晒位，光猛，唔錯。叫佐個4人餐（其實多得滯，要打包）燒肉好脆皮，肥瘦比例適中，一口一件，女仔可以食得好斯文😉天鵝點心都見得多，但係有黑天鵝白天鵝一齊上碟又真係好少見，裏面其實原來係叉燒酥，唔會肥淋淋，唔錯唔錯😋😋呢個米通脆皮雞真係好得意，平時我就唔食鷄皮啦，見係佢，即管一試，又OK喎，我會覺得好肥膩，雞肉又好滑，Yummy Yummy 呀👏🏻👏🏻最重要係，老闆話OK，下次可以再訂枱😝

和中學好友定期飯局很久也沒有進行, 到這個星期晚市恢復之後, 找來這家在限聚令前最後一家吃的餐廳, 算是一個循環就是. 它的小菜和燒味對我來説並不陌生, 也知道其食材和菜式水準以荔枝角以至是西九龍而言, 算是高檔高質, 但今次吃過的四道菜, 一半令我有點失望, 就是脆皮炸子雞和炒龍躉球. 前者外皮還算酥脆但肉質(特別是胸肉)甚為死實, 在沒有沾上淮鹽的情況下, 味道甚咸; 後者有些龍躉球的皮消失了, 四小塊就要二百三十多元, 不能說物有所值呢!兩道菜比較好的, 是慢煮原條牛肋條還有火腿浸娃娃菜. 前者份量超大, 以餐廳定價來說比很多菜式超值, 以慢煮做法令肉香和肉質得以維持, 特別喜歡其煮得腍但保持彈性的筋膜, 沒有縮成一團, 有趣的是原條牛肋條這食材, 無論是粵菜, 川菜以及魯菜也有, 奇怪欸! 火腿浸娃娃菜本以為是最簡單的菜式, 但火腿用上Iberico Ham, 直接用其提供蔬菜的鹹香味. 浸的是米皇加上桃膠, 除了令整道菜式更健康外, 也為其提供濃稠的口感而不會令人覺得厭膩.

去左大公館甘多次，除左點心令人無法忘記外，佢哋啲小菜都食得七七八八。今次冬天，終於推出二人火鍋系列，可能正好為二人限聚令而設不過點都好，我點左二人海鮮麻辣藥膳火鍋套餐，同預訂左龍蝦做兩食刺身及火鍋，海鮮火鍋有鮑魚、蟶子、大蜆、蝦、少少和牛、烏東及冰豆腐。不過一定要加點手工自家墨魚芝士丸！最後要左個可愛豬豬咸水角🐷飽到傻咗！

第二次黎大公館 之前食過覺得佢地係有誠意同有水準嘅中菜館今次再黎試其他野三色藜麥金沙蝦球🦐非常出色 炸到只係一層好薄嘅脆皮包住份量十足嘅鮮蝦 再配上鹹蛋黃 成粒蝦球變得好香口 特色脆皮京都骨原來京都骨都可以咁高層次 冇諗過個皮可以脆得黎又唔厚粉 入面仲要啖啖好juicy嘅肉 賣相不出眾卻以口感、味道取勝 之前響另一中菜館食過馳名冰鎮咕嚕肉已覺得好正🤤 呢個更加令人難忘功夫桂花魚翅炒米粉齋睇相已經見到炒到好乾身 條條分明 一啲都唔油膩 加埋蛋香同魚香走超好食😋金箔芝麻卷芝麻味香濃，而且粉皮又薄又滑，配上金箔點綴期待下一次繼續再有驚喜