影片
更多
2021-07-30
999 瀏覽
鴛鴦湯底一邊係花膠雞湯，一邊係麻辣湯底。兩邊湯底都好足料。講下花膠雞湯先，佢湯有濃濃雞味，連花膠嘅collagen都煲晒出嚟, 個湯唔會稀liuliu。但奇在個湯冇雞油，唔會油lumlum。滋補之選！招牌四寶丸：我諗有墨魚丸，蝦丸，雞肉丸，牛肉丸。 每粒都食到食材本身嘅味道。墨丸仲食到細細粒嘅墨魚碎。蝦丸超彈牙！唔錯叫左兩款牛肉。一款係本地新鮮牛肉，另一款係美國極黑和牛封門柳。本地新鮮牛肉一碟大概有十塊，油花分佈得好靚，食落油香重，一啲根都冇，食完好滿足。美國極黑和牛封門柳就肉味重過油香味。呢款牛大碟好多，同個麻辣湯底好襯！忍唔住食完一塊又一塊。手打魚腐同蜂巢豆腐都係好索湯底嘅食材。怕辣嘅我地試左一嚿辣嘅，頂唔順，最後全部擺雞湯個邊。食材索晒啲雞湯好鬼正，兩者好夾！！特別係魚腐，魚腐打到好鬆軟，好似棉花甘，再加埋啲湯，冇得頂。甜品桂花雪燕燉北海道牛乳：滋潤之選！鮮果楊枝甘露：有士多啤梨同芒果，甜甜地幾清新👍
招牌四寶丸：我諗有墨魚丸，蝦丸，雞肉丸，牛肉丸。 每粒都食到食材本身嘅味道。墨丸仲食到細細粒嘅墨魚碎。蝦丸超彈牙！唔錯
叫左兩款牛肉。一款係本地新鮮牛肉，另一款係美國極黑和牛封門柳。本地新鮮牛肉一碟大概有十塊，油花分佈得好靚，食落油香重，一啲根都冇，食完好滿足。美國極黑和牛封門柳就肉味重過油香味。呢款牛大碟好多，同個麻辣湯底好襯！忍唔住食完一塊又一塊。
手打魚腐同蜂巢豆腐都係好索湯底嘅食材。怕辣嘅我地試左一嚿辣嘅，頂唔順，最後全部擺雞湯個邊。食材索晒啲雞湯好鬼正，兩者好夾！！特別係魚腐，魚腐打到好鬆軟，好似棉花甘，再加埋啲湯，冇得頂。
甜品
桂花雪燕燉北海道牛乳：滋潤之選！
鮮果楊枝甘露：有士多啤梨同芒果，甜甜地幾清新👍
張貼
