大公館

營業中

休息中

係D2 place 行開街，呢間中菜睇落好精緻咁，即管試下佢！清香柚子凍鮑魚好清新！ 鮑魚底部係柚子醬，作為前菜，十分開胃。碟嘅底部放咗乾冰，所以上碟嘅時候就好似仙氣咁散出嚟，呢個時候緊係手機食先啦！龍井煙燻黃花魚黃花魚肉好結實嫩滑，食落會有淡淡嘅龍丼嘅香味，同埋煙燻嘅味道，淡淡嘅香味非常適合做前菜。 話梅鐵棍淮山酸酸甜甜嘅口梅，冇諗過可以同淮山咁搭，酸甜爽口嘅淮山超級開胃！招牌黑毛豬叉燒肥瘦適中，又夠淋，入口有淡淡蜜糖味。黃金沙律汁蝦球超好食！超大嘅蝦，厚肉彈牙，底層放咗一塊炸過嘅茄子，配搭酸甜嘅醬非常好食！脆米蒜香雞雞皮上有脆米粒，所以食落非常脆口，雞肉軟嫩，入口仲有蒜香味。西班牙火腿琥珀米皇浸時蔬爽口嘅娃娃菜加上鹹鹹嘅西班牙火腿，非常搭，浸湯仲有桃膠，養顏健康。金瑤櫻花蝦蛋白炒飯櫻花蝦超香，炒飯粒粒分明，仲有菜粒，口感豐富。狀元山楂糕酸酸甜甜，口感爽滑，作為甜品，係一個完美嘅結尾！

事隔一年，又黎同daddy mami 慶呀，貪佢呢到環境靜，可以慢慢嘆。清香柚子凍鮑魚冷盤，打卡必叫！味道清新，媽咪話返去試下自己整🤣。❗️招牌菜 黑毛豬叉燒肥瘦適中，面頭灑左少黑椒，味道層次多左，如果可以燶D就更好！😋黃金沙律汁蝦球好大粒蝦！下面配左塊厚茄子🍆，吸哂下面既🥕甘筍汁，好juicy。西班牙火腿琥珀米皇浸時蔬第一次咸食桃膠，幾特別。芡汁應該係用米水黎打，配上少少咸既Parma ham味道剛剛好！脆米蒜香雞脆米曬咗係雞皮上面，以為自己食緊炸雞皮🤣，雞肉幾嫩，連雞胸都唔難鞋！金瑤櫻花蝦蛋白炒飯櫻花蝦係成碟飯既主角，超香！狀元山楂糕想點芝麻卷但係冇晒，本身唔係山楂既fans，跳出comfort zone試，都ok，酸酸甜甜，細細件岩岩好。以山楂糕為呢餐劃上完滿既句號😋。

好友生日，一行四人黎到大公館慶生，主打新派粵菜，環境寬敞舒適，有一定私隱度。.話梅鐵棍准山酸酸甜甜，做前菜一流，食落好爽脆又開胃。.龍井煙燻黃花魚第一次試煙燻黃花魚，魚肉香滑，加入龍井特別清香又無魚腥味。.清香柚子凍鮑魚.上枱時有乾冰冒煙效果，視覺效果好震撼～精緻鮑魚爽口細嫩，配埋清香柚子食好清新。.招牌黑毛豬叉燒半肥瘦，油脂分佈平均，肉感緊實，柔韌有致，食落口感鬆化，肉味香濃！.黃金沙律汁蝦球大大隻蝦球彈牙爽滑，底有腍滑又入味既茄子，配埋沙律汁同食特別惹味～.脆米蒜香雞外皮香脆，咬開肉質嫩滑，好有驚喜！.西班牙火腿琥珀米黃浸時菜娃娃菜新鮮爽甜，配清香桃膠，仲有鹹香十足既西班牙火腿！.金瑤櫻花蝦蛋白炒飯炒飯炒得粒粒分明好乾身，加入大量櫻花蝦，增加口感層次！.狀元山楂糕酸甜軟綿，冰涼可口。

難得九龍區有裝潢氣派的中菜廳，原來也開放予非會員用膳，最近終於品嚐到大公館的菜式食材搭配及擺款的確與別不同，而且環境舒適，服務得宜。 炸魚皮的鹹蛋黃比例恰到好處，色澤黃金但不過鹹，酥脆得很 前菜小食清爽開胃，不經不覺吃了大半才拍照，哈哈～ 鴨腳包已經去骨，取而代之包了芋頭，口感豐富，外頭是甜蜜的桂花蜜。 竹絲雞肪脂較少，還有彈口的啫喱狀膠原蛋白，吃起來麻辣卻輕盈，沒有半點口水雞的油膩感 銀鱈魚球嫩滑啖啖肉，灑上脆口的豆酥，層次鮮明美味 京都骨的賣相有特色，肉質像魚般幼滑，脆皮酸甜惹味。 金沙蝦球酥香彈牙，三色藜麥代替辣椒蔥花，更加健康。 娃娃菜新鮮清甜，充滿豆香。 熱騰騰的黑松露和牛砂窩飯香氣逼人，米飯粒粒分明，非常可口 芝麻卷煙煙韌韌考功夫，是現在不常見的懷舊甜點，實屬一道完美結尾

今日與家人到長沙灣辦點事，順便在這裡進食晚餐才回家。在D2 place有間中菜館「大公館」，環境格調感覺高尚、寧靜，而且食館播放古箏音樂伴隨著客人進餐，使人感到特別輕鬆寫意。我們簡單地點算了一個套餐，包括有：話梅鐵棍淮山淮山是養生食物，作為餐前小食，感覺清新，外形精緻，非常適合夏天享用。清香柚子凍鮑魚上桌時十分有驚喜，煙雲瀰漫，散開後原來是一道鮑魚菜式，配合柚子，味道略帶酸酸甜甜，也是非常適合夏天品嘗的食物😋招牌黑毛豬叉燒味道及質感方面與平日的叉燒有些不同，咬落滿口甜甜的蜜糖味，肉質柔軟，脂肪比例適中，也不會過於肥膩之餘肉味香甜👍黃金沙律汁蝦球蝦球肉質彈牙，底下襯托茄子🍆軟綿綿😋脆米蒜香雞味道鹹鹹香香，肉質軟滑。金瑤櫻花蝦蛋白炒飯炒飯上鋪滿很多櫻花蝦，飯亦炒得夠乾，整體口感香噴噴，非常惹味😋至於套餐內其他食物也不錯，這次用餐體驗各方面都很好😊服務員態度也不錯😌以禮回應客人的要求👍

招牌黑毛豬叉燒超淋，唔乾，好 juicy! 佢專登燒到有少少燒焦，令到佢更加有層次有一陣碳烤味，唔會過於肥膩。櫻花煙燻溏心竹絲雞蛋 好特別既味道，應該係啫喱入面整咗一個煙燻既味道出嚟，溏心蛋煮得啱啱好，唔會過熟。潤澤素燒鵝入面有啲紅蘿蔔絲，小小香脆鮮蟲草花螺頭烏雞湯呢個湯簡直就係藝術，真係覺得好神奇，湯十分的清澈，但係有濃厚嘅雞味，亦非常之鮮甜。38頭南非吉品鮑魚扣蝦子柚皮鮑魚十分之淋，蝦子柚皮都好有驚喜，入口即溶， 連我爸爸之前對呢個食物唔好印象，都話好食。黑醋脆皮京都骨京都骨用一層薄薄嘅脆粉包住， 話就話京都骨，但係入面冇骨，可以一啖食曬， 又係肥瘦剛，好唔會嚡口嘅， 外脆內軟，煮得非常之好。薑蔥頭抽煎焗走地雞可能係成餐飯最普通嘅一度菜， 但係 只係因為其他菜色質素太高，雞好嫩滑，呢個餸整得好香，好食！漁村蝦醬海王炒飯呢個炒飯一上到枱就已經聞到佢非常之香， 粒粒飯都 爆發一個蝦醬味， 佢個蝦醬拿捏得啱啱好，唔會過鹹， 仲要好足料啖啖都有蝦肉，冬菇。甜品有兩款，分別係鮮果楊枝甘露同金箔懷舊芝麻卷， 其實兩個甜品都有懷舊嘅感覺， 總括嚟講屋企嘅老人家食得好開心， ，今次係一個套餐嚟嘅

今日跟屋企人去食飯，去左位於D2 place 樓上既一間中菜館，餐廳既菜式精緻美味，而且服務唔錯，係聚會既好選擇☺️☺️川味口水竹絲雞 ($118)🐣🐣口水汁夠香但一啲都唔辣，個竹絲雞係冷盤，已經去晒骨做成竹絲雞凍，都幾新奇同埋幾夾金甲脆魚皮 ($78)🐠🐠魚皮均勻咁沾滿左鹹蛋黃醬，上面仲有少少辣椒乾是做點綴，係邪惡又好味嘅一道菜😈😈桂花蜜糖去骨鴨腳包 ($98)佢嘅鴨腳包去咗骨之後加入啲內臟，做成一個類似金錢雞嘅效果，桂花蜜糖幾香,食落又唔會膩，係幾值得一試嘅功夫菜🦆🦆三色藜麥金沙蝦球 ($172/4件）脆卜卜嘅大蝦蝦球配上鹹蛋黃醬永遠都咁好食😚😚面頭再加左三色藜麥令到感覺健康咗好多😆😆特色脆皮京都骨（$132/4件）呢個係幾驚艷嘅一道菜，佢嘅京都骨已經去咗骨，表面脆皮有京都醬嘅味道👍👍但係食落超級鬆化，個口感似食魚多個食肉，好軟滑好好食🤩🤩脆香豆酥蒸銀雪魚球（$268)🐟🐟豆酥炸到脆卜卜，配上下面嘅銀雪魚球夠嫩滑，有多重口感，個底仲有啲蒸蛋白吸收晒所有精華添😋😋豆漿杞子鮮黑腐竹浸時蔬（$148)好香濃豆味再加腐竹同蔬菜，食完咁多嘢係時候要清一清，都幾舒服黑松露和牛砂鍋飯（$268)個黑

臨近中秋就同兩老出去食好西, 搵左屋企附近呢間大公館, 因為係D2 PLACE, 好方便!其實開左咁耐都未幫襯過, 上到黎都覺得裝修好特別, 古色古香既感覺~前菜最令我地驚喜就係柚子冰鎮鮑魚, 上菜時煙霧瀰漫, 一定令你哇哇聲!鮑魚細細隻, 一口連埋柚子肉放入口內, 鮑魚口感爽滑彈牙, 配埋柚子酸酸甜甜, 無論口感同味道都配得剛好!主菜方面, 黑毛豬叉燒都做得相當好, 醬汁濃稠, 甜味適中, 燒得少少燶所以有D脆口, 豬肉好淋滑, 相當好食~櫻花蝦瑤柱炒飯都值得推介, 櫻花蝦走過油, 非常香 , 炒飯本來不油, 味較淡, 配埋櫻花蝦真係好好食!

大公館的是高質中餐廳，推開大紅的木門，彷彿來到古時的大戶人家。佈置古色古香，枱上的小燈籠裝飾，十分別緻，坐在包廂內，私隱度高，適合一家人飯聚。清新柚子凍鮑魚 $148有乾冰冒煙效果，賣相吸引，原隻鮑魚滑溜、煙韌，鮮味迫人，和柚子醬配搭得宜，口感凹凸有致，增添額外清香，令人回味。話梅鐵棍淮山 $78淮山清爽、黏稠，淡淡話梅香，配搭新鮮，十分開胃。招牌黑毛豬叉燒 $248黑毛豬叉燒肉質爽口，肥膏位置綿彈，油香美味。入口柔軟而帶嚼勁，邊沿焦香，表面充滿蜜糖，香甜美味的感覺，滋味吸引，令人難忘。黃金沙律汁蝦球四件 $248 炸蝦球大隻，外皮金黃色，被沙律醬包裹著，爽口彈牙，清新平衡。蝦肉酸甜滑溜，茄子軟綿、粉糯，加上濃郁的燒汁，愈吃愈過癮! 脆米蒜香雞半隻 $228蒜香雞外脆內嫰，上枱時新鮮熱燙，咬開酥脆的雞皮，肉質嫩滑，豐潤多汁，加上粒粒脆米，口感豐富帶層次，十分惹味。西班牙火腿琥珀米皇浸時菜 $118上湯湯頭濃稠，金腿鮮香撲鼻，滑嫰的津白軟綿、柔順，呷一口湯汁，配上晶瑩桃膠，啖啖鮮甜，有暖笠笠感覺。狀元山楂糕四件 $60山楂糕冰涼可口，酸酸甜甜， 清爽味蕾之餘，十分消膩。

大公館👻同屋企人出去食飯揀咗間靚啲既中菜等大家都食得開心啲見到大公館啲菜式好似幾精緻又有好少見既芝麻卷即刻要試下佢😛.🔅金甲脆魚皮 HKD 78鹹蛋黃包住個魚皮魚皮夠哂脆鹹蛋黃又唔會太多太厚咁不過又夠哂味作為前菜幾唔錯🔅川味口水竹絲雞 HKD 118口水竹絲雞都係第一次食佢個口水汁唔會太辣除咁少少辣味仲有好多香味個雞唔會老又夠入味好好食☺️🔅桂花蜜燒去骨鴨腳包 HKD 98鴨腳包佢去骨之後釀餡入去好豐富既餡料應該係釀啲內臟入去有啲似金錢雞咁幾特別～🔅三色藜麥金沙蝦球 HKD 172蝦球炸得夠脆口仲要好大隻蝦蝦夠彈牙又新鮮🔅特色脆皮京都骨 HKD 132入層脆皮內層夠嫩個肉唔係好硬個啲有啲唔似食緊肉既感覺整黎好出色😙🔅脆香豆酥蒸銀雪魚球 HKD 268豆腐渣拎去炸製成豆酥放係上面襯銀雪魚銀雪魚夠滑配炸好既豆酥好好既配搭🔅豆漿杞子鮮黑腐竹浸時蔬 HKD 148豆漿都可以拎黎煮菜夠哂健康既菜仲有杞子同黑腐竹健康又好食🔅黑松露和牛沙窩飯 HKD 268一打開個蓋真係香到爆啲黑松露味即刻湧哂出黎和牛夠多一啲都唔手軟窩邊又有啲脆既飯窩控制得好好又唔會老咗🤩🔅金箔懷舊芝麻卷 HKD 76芝麻卷真係好耐

相約嘆中菜嘅朋友，繼續食餐有質素嘅粵菜式，平日晚上實在唔多人，環境闊落唔嘈雜，裝潢有點格調，絕對係一個很好嘅約會地方😎———————————————————————————🥢清香柚子凍鮑魚💬呢款鮑魚絕對係必點首選，味道濃郁，帶有柚子嘅清香，煙霧瀰漫，打卡推介☺️.🥢蜜汁金錢雞🐖💬 將雞膶、瘦肉、冰肉梅花間竹、層層疊疊地串起來，好似一串串嘅金錢咁去燒，加上蜜汁，食得到懷舊香港🇭🇰嘅絕版味道🥲.🥢明爐燒鵝🦢💬皮脆肉嫩，帶點點肥，即叫即燒，但都需要提前預訂☺️.🥢帶子珍珠賽螃蟹🦀️💬一見賣相已經很吸引，加點浙醋更提升鮮味，一啖一啖停不了😌.🥢竹笙羅漢齋上素🥬💬一碟素菜都咁豐富，餸料十足，同迷你盤菜嘅份量一樣，人多好辦事🤔.🥢鮑魚海味雞粒窩燒飯🍚💬好大窩，份量十足，打開蓋，香味飄出嚟，啖啖飯都有鮑汁嘅濃郁味道，超級滿足☺️.🥢金箔芝麻卷💬每次見到芝麻卷都一定會叫，情意結不會停止，唔係度度都有得食呢啲民間小吃🥲

大公館一直係我必試list好耐,今日難得約到朋友一齊聚會一定要食得好d.呢到環境好舒服又唔會好嘈,係一個幾好既地方同朋友聚下,一邊傾計一邊慢慢品嚐美食.川味口水竹絲雞將竹絲雞以肴肉方式製作,相當特別.呈烏黑色既竹絲雞香滑,成啫哩狀既精華濃郁鮮甜.口水汁麻香又帶住辣椒香,辣味香而不嗆.金甲脆魚皮酥脆魚皮上塗上一層鹹蛋黃,味道濃稠帶住咸蛋黃既鹹香.桂花蜜燒去骨鴨腳包外層晶瑩透亮,入口帶住桂花蜜清香,味道味而不膩.鴨腳包啖啖肉,鴨肉嫩香肉味濃.中間夾住芋頭增添一層粉香既芋泥味.三色藜麥金沙蝦球蝦球經炸香後混上鹹蛋黃,入口同樣香濃惹味.三色藜麥入口煙韌,為炸得卜卜脆又爽彈既蝦球再加添層次感.特色脆皮京都骨外層帶住拔絲既外層,入口香甜帶點酸酸甜甜,剛好中和油炸既油膩感.脆皮京都骨炸漿薄脆,內裏又帶位肉香.脆香豆酥蒸銀鱈魚球蒸蛋白上雪白既銀鱈魚球嫩滑鮮香,鱈魚帶住一陣魚油甘香,魚肉肉質結實唔會一夾就鞋,入口充滿彈性.味道同樣帶點麻辣香但唔會掩蓋鱈魚本身既鮮味.豆漿杞子鮮黑腐竹浸時蔬豆漿芡汁香滑重豆香,配上津白相當creamy濃稠.黑腐竹同樣充滿濃郁豆香,腐竹掛上豆漿芡汁後豆味更突出.黑松露和牛砂窩

🥣金甲脆魚皮用鹹蛋醃製既金黃色魚皮 超吸睛🥴魚皮唔會有好重油味 陣蛋黃香味停留係個口裏面 好正🥰😚🥣川味口水竹絲雞（冷盤）肉同肥膏比例均勻 因為係冷盤 肥膏都雪到啫喱狀食落去d肉夾雜著啫喱 口感得意 幾開胃🐽🥣桂花蜜燒去骨鴨腳包一層甜甜地既密燒鴨皮 包著鹹鹹地既肉 入口鬆化 好特別既組合🥣三色金沙蝦球有半個手掌咁大嘅炸蝦球 用蛋黃醬醃製 加上藜麥片做點綴 好大體 絕對可以喺大場合出現既餸✨🥣黑松露和牛沙鍋飯值得讚嘅係炒飯放喺砂鍋裡面可以保溫🥰好香濃嘅黑松露味 唔係講笑 啖啖飯都食到和牛 份量仲要好多抵食🤪🥣金箔懷舊芝麻卷可能係全香港最好味嘅芝麻卷由細到大都有食街邊嘅芝麻卷但真係第一次食到咁濃郁 香滑嘅芝麻卷仲要有金箔裝飾 食完正餐保證可以自己自私食曬佢😤🥺

全場得一個侍應加一個經理，人手嚴重不足，可以話係0服務，味道更加差到一個點😔大部份器皿都有啲崩😅真係唔明白點解咁多好評🤦最好笑係埋單先嚟問我哋係唔係冷氣大感覺好凍，佢重話一早已經留意到我哋凍🤬下次可以幫我地較細啲冷氣🤬絕對冇下次😤😤😤😤😤😤

同屋企人慶生，一早預訂左大公館，位於荔枝角D2 Place 1期，地點好方便。裝潢好有氣派，枱同枱之間有一定距離，坐得鬆動又舒服，店員服務都好殷勤。龍井煙燻黃花魚薰香味十足，夾雜淡淡龍井香，魚肉食落鮮嫩無腥味。話梅鐵棍准山 擺碟好靚，切成粒粒正方形，酸酸甜甜好爽脆，夠哂開胃。清香柚子凍鮑魚加入乾冰上枱，視覺效果一流，鮑魚鮮香稚嫩有嚼頭，配柚子同食，好清新～招牌黑毛豬叉燒色澤鮮亮，賣相好吸引，叉燒肥瘦度適中帶焦香，肉質細緻鬆軟，入口煙煙韌韌，混合蜜汁，味濃甘香，好滋味！脆米蒜香雞爽滑雞皮加入脆米好有口感！蒜香雞嫩滑啖啖肉，正。黃金沙律汁蝦球蝦球即叫即炸，酥脆又Q彈，配黃金沙律汁，鹹香滋味～底下仲有滑嫩茄子。西班牙火腿琥珀米黃浸時菜爽甜娃娃菜配鹹香西班牙火腿，仲有大量桃膠，滋補又健康。金瑤櫻花蝦蛋白炒飯櫻花蝦炒得香氣四溢，炒飯粒粒分明夠乾身，口感豐富。甜品揀左狀元山楂糕，口感爽滑細膩，酸酸甜甜好滋味。