夢工房西日料理 (已結業)

放假最鐘意去葵芳行街，葵涌廣場勁多衫買同美食。今次就特登唔食晏過黎葵芳食完先行街消化下。位置超近地鐵站，真係2-3分鐘就到，又近又方便。午餐食放題我都係第一次🙆🏻🙆🏻🙆🏻點餐紙都好多，我地又貪心想試埋磯燒，所以加左錢試埋。韓國蠔肉蟹粥：一煲都好大碗下，每人都分到兩碗到。好好味既粥，煮到滾跟住放配料落去，滾起再打埋雞蛋落去。原來粥加雞蛋係甘夾嫁，好好食。如果唔係驚食唔到其他野，真係想再叫埋鮮貝柱蟹膏粥。大蜆、牛油汁菇、魷魚：大蜆小心燒得太耐會爆殻，三樣入面最愛牛油汁菇。食放題又點少得魚生呀餃子、炸榴蓮、紫薯：因為我本身都會食榴蓮，所以個炸榴蓮幾岩我😂😂唔鐘意既人應該會覺得好臭天婦羅又係唔少得既超多野飲，野飲仲好高質超好飲仲有好多甜品😍😍😍😍同埋好多雪糕，韓國蜜瓜雪條都有呀總結，野食種類好多好好食，野飲同雪糕好加分👍🏻👍🏻👍🏻性價比高👍🏻

早排奶奶佢地見到呢度有團購好抵食，佢地提議做節𠰴一好煮咁辛苦，又多人，不如出去食仲好。我地一行二十幾人就決定食呢度，因為人多嘅關係餐廳比左間房我地，同埋我地同行有幾位小朋友，所以有房可以唔洗怕佢地嘈到其他食客。講返食物先，其實款式比起出面嘅放題就少款d。魚生基本上得呢幾款，帶子雪味重，蝦都還可以，三文魚魚味淡。壽司都係得幾款，有生牛肉，黑松露帶子同埋生蝦，不過個壽司飯就好硬。清酒煮蜆冇清酒味，仲勁多沙。有燒蠔，但蠔肉好細粒。蟹王粥其實係蟹柳粥......加味精。毎榴連波波幾好味，個米網海鮮捲入面係札肉。其實呢度熱食真係唔多款，魚生又一大陣雪味。飲品有罐裝飲品同紙包飲品，有啤酒，有好多雪條雪糕，另外有少少芝士蛋糕同布甸，不過如果唔係一大班人又可以食5個鐘的話都未必會再黎。

今日和舊同學去葵芳SHOPPING (葵芳新都會廣場及葵涌廣場), 原來葵芳新都會廣場大部份店舖進行裝修, 所以行左一陣就去左葵涌廣場了。到食飯時間舊同學推介係附近一間食放題的餐廳, 地點係葵芳港鐵站旁的商場內。舊同學食過一次大讚平,靚,正。午市放題更低至78蚊起。餐廳叫 , 坐港鐵在葵芳站A出口, 一出便到達屋苑商場, 上一層樓梯就會見到, 極為方便。餐廳分兩部份, 近門口有數張大梳化位, 入面就有卡位。餐廳比想像中大間, 眼見很多一家大細的住戶黎食。雖然2個人職員也可以比卡位我地。午市放題有3款, 一款$78(壽司/小食沙律/手卷手物/拉麵+飲品任飲), 另一款 $78+$48, 額外再有(刺身/揚物/酒類/火鍋), 最特別係有磯燒放題 ($168) 包括以上食物外, 還有磯燒水產, 蔬菜, 主食。咁遠黎到, 一於試下 放題]。而且舊同學係9月生日, 原來仲有88折。食物紙有12張, 磯燒放題食物紙額外多3張。我和舊同學當然不會錯過, 大家點完一輪交食物紙後, 便出去拎飲品及睇下有乜甜品。飲品好多選擇, 有汽水, 罐裝, 紙包裝, 亦有沖茶….還有放題自助甜品區。甜品櫃也8款,而且

朋友系雅虎團購左$88一位午市4小時放題，每位必須收取附加費星期一至五每位 $58，加加埋埋夠去食餐好既>>>同場每人另加 $78即可任食松葉蟹腳，另加收服務費 $8<<<呢一樣系全場最伏！一剪開d殼系錦流水出黎，d肉又梅又無味！放落口都唔知食緊乜，反而壽司同刺身再叫卷物都OK。再講果個磯燒海鮮就系呢碟得隻蝦睇得下又系好睇唔好食燒熟完全無蝦味，個貝&魷魚仲死燒完仲系腥到爆無放落口，隻蝦拆完後放入口試一試結果都系吐番出黎……所以個磯燒海鮮叫之前真系要考慮清楚！個羊架味道同肉質都過得去，唔羶配個酸酸地既汁。炸物就完全唔合格！完全唔脆又無味。另外講火鍋果個 朋友叫左個公仔麵丸，蕃茄湯底牛肉片（呢一樣最大鑊D牛肉兩隻色黎到望落去好明顯一邊系黑紅色）好明顯系變左，叫距拎返走。團購話生蠔，黎到叫蠔點知距話禁岩無貨呢一樣出唔到報告

呢度啲西餐熟食ok 日式好麻麻扒香又葉得入味唔太鹹魚柳溝茄汁，又甜又軟林林既魚柳😋雞翼脆又香但韓國年糕有啲唔還原😔 無濃香cheese味串燒有啲奇怪好似食緊生粉醬汁咁口感太林 好奇怪 秋刀魚還可以我主要黎食西餐感覺佢西餐做得好啲日本料理麻麻 少叫但食得出唔夠鮮⋯⋯⋯同埋有樣嘢一定要鬧就係服務態度我都未食完就收我嘢 我又反應唔切仲比啲阿姐叫我下一盤唔好曬嘢😑😑呢度sushi ok西餐嘢ok刺身可以唔洗試🤦🏻‍♀️🤦🏻‍♀️

放工後 同朋友去 葵芳 夢工房 西日料理 食放題。 呢間 不但有刺身食 ，還有 磯隆燒烤 ， 和多款壽司選擇。餐廳内環境 清潔， 抽氣通爽 ，光線充足 ，座位舒適 闊落， 侍應生很有禮貌地 ，安排我們入座， 服務態度非常專業 有禮。我們先點了一盤刺身 ， 刺身 有 新鮮大大隻 的 元貝 ，色澤晶瑩的生蝦 ，還有 肥美的 生蠔 ，放上在冰 粒上面保持得很新鮮， 我們 非常放心食用。食完刺身後， 我點了羊架 和 日式煎餃。羊架 肉厚 塗上燒汁 非常惹味 ，日式 煎餃 大大隻，脹卜卜，餡料很多 ， 抵食 。,還有 榴槤炸丸，皮薄 ，咬入口 ， 湧溢流出 榴槤蓉， 充滿榴槤香味。甜品和雪糕 也是我 著迷的 甜品， 必食  的 食物。木糠布甸 雖然 細細杯 ，但可以任食， 非常 開心。 冰凍的乳酪 ，很少 放題餐廳有供應的 ，這間餐廳  給我有驚喜， 竟然有乳酪 提供食品， 我一下子吃了兩杯 非常滿足。

同朋友2個人想食有生蠔嘅午餐放題，見到呢間有生蠔食就諗住試下。因為我地係OpenRice訂位有85折，但要係午餐放題再加升級刺身先可以使用85折優惠，另外我地再加錢任食生蠔！落單後侍應先同我地講由於琴日係星期日，所以生蠔無哂貨，而且今日生蠔未返貨所以無得食。我唔明白點解入座前唔通知聲，樓面侍應同廚房無溝通好咖咩？無生蠔食都算啦，樓面侍應幾個圍住傾計，叫佢地落單都要叫幾次先聽到。刺身都還可以，而邊爐就真係好普通。我地叫左豬骨湯底，但一啲豬骨味都無，而且其他材料都唔好味。本身對西冷牛扒都抱幾大期望，點知一黎到個下見到只係得失望。埋單前望下張單，先發現好有問題。問侍應張單係咪無問題，佢話係！好彩另一個侍應行過黎睇先發現係有問題。點計個總數都唔啱啦！服務費有$0.8，總數個到又無左？同埋無可能係咁貴！總括而言，好失望好伏。唔會再去食亦唔會推介朋友去食。

葵芳與朋友相聚 ，平時一定係去食平靚正嘅葵芳廣場， 不過今次朋友想食日本嘢， 諗黎諗去都唔知食咩，不如就話食放題唔使用腦。一黎到先叫刺身， 刺身種類都叫多，食落都幾新鮮，最重要完全冇腥味 ，蝦又大大隻，乾乾淨淨。再嚟叫會壽司， 最鍾意食和牛壽司， 和牛完全冇雪味， 壽司飯， 又唔會太酸，一口一啖啱啱好。最得人鍾意有火燒， 我哋唔使諗就叫大蝦燒。 最可惜自己唔識睇火，燒到有啲過熟。 個火重可以要嚟煲粥， 真係冇得輸，有鮮又甜。之後到我嘅至愛雞軟骨 佢最好嘅地方係叫幾多吋真係嚟足咁多串，性價比極高。重有燒蠔食，可惜啲蠔我覺得比較細隻，唔算咁完美。最後到甜品有雪糕甜筒仲有豆腐花兩樣都係我嘅至愛有乜理由唔食。下次一定要再嚟，食多幾個甜筒，就抵返曬肥仔之旅。

燒蝦確實係好大隻 但係吾新鮮囉!好梅燒帶子見倒吾開胃 望落好似雪左好耐叫左三次既大蜆又吾比 拎D燒尤魚筒當比左嬲嬲地問個待應係咪無大蜆 佢先拎嚟望落好大粒好吸引 但吾新鮮吾開殼食物嚟得慢 燒又要燒得耐 其實兩粒鐘係吾多夠時間 燒係要耐D又嚟得慢真係無啖好食吾夠飽叫左個粥 又要等佢燒滾 都差不多時間要離座 我地都好合作快快食完 跟住個待應走過嚟話夠曬鐘 好吾客氣甘趕我地走 話己經遲左五分鐘啦…跟住即係急步離去 無下次

地點方便，葵芳地鐵站A出口轉左上樓梯就到，落雨都唔怕會淋濕。有多款雪糕雪條及糯米滋，梗有一款啱你口味。甜品櫃有cheese cake，豆腐花，和菓子等。多款汽水啤酒及無糖茶任君選擇。刺身有三文魚，吞拿魚，帶子及鮑魚等，味道鮮甜。特別是三文魚，油脂甘香，絕對有驚喜。燒三文魚頭腩，外層燒得香脆，肉質嫩滑，魚油豐富。雞軟骨香脆爽口，送酒一流。牛油粟米清甜，有陣陣牛油香味。鹵水雞翼炆得入味，雞翼嫩滑。炸物亦都不錯，雞翼外層香脆，內裏嫩滑，不過比較油膩。芝士年糕煙煙韌韌，芝士十足。燒魚魚肉嫩滑，不過略嫌多汁。整體而言，食物質素不錯，款式頗多，甜點齊備，價錢合理，可以再試。

今天要到在葵芳劇院做野，特登約左朋友在附近食飯，見這間放題的好評甚多，所以一試。一入去就見到有兩個大雪糕櫃，款式眾多。甜品櫃款式較少。飲品有甜有無糖，還有喜力任飲。磯燒海鮮類有赤蝦，蜆，青口，扇貝及魷魚筒等， 赤蝦及蜆肉味道鮮甜大隻，尤其是赤蝦比我的手掌還要長，而青口則略為遜色，燒極都不開口，芝士燒韓國蠔肉比較腥。黃金燒蠔及蒜香燒蠔味道鮮味，尤其是蒜香燒蠔帶點辣味非常惹味。胡麻醬冷烏冬爽口彈牙，麻醬醒胃。日式蟹子沙律有生菜及蟹柳等，非常清新爽脆。燒汁牛肉肉味較淡，但肉質非常腍。天婦羅方面有炸蝦，蟹柳，南瓜及蕃薯等，全部外層炸的香脆，尤其是炸蝦，蝦肉爽口。刺身有三文魚，帶子，吞拿魚及立魚，新鮮味美，但三文魚油脂分怖不太平均。總結整體味道不俗，價錢相宜，各類食物款式跟外面差不多。另外生日還有八八折優惠，平均$200頭一位，幾抵食。

事實係咁嘅 有次同女朋友想去食放題 但夜晚食飯時間多人又吾想去平時去開旺角嗰間食有排等 所以揀揀下就嚟咗呢間去到呢間嘢個陣 我地好似平時咁寫晒啲紙仔take order喇 起初刺身都吾覺有咩嘅 但後來嗌嗰啲嘢呢 難聽啲講句真係垃圾嚟形容 我從來都未食過咁難食嘅羊架嫁 天婦羅又得舊粉 仲有之後嗰啲等等我都吾知自己到底食緊啲咩 最重要嘅係我坐咗喺入門口嗰節喇 咁佢間嘢係有閂門嘅 但我吾明點解可以由得幾隻烏蠅飛嚟飛去 仲要隻隻都有我手指頭咁大 一路食一路望住佢地打8字 大佬點食得落啊 啲staff呢服務態度就吾多好嫁喇 明知有咁大隻烏蠅打咗幾下打吾到就算Finally比得兩百蚊嚟食 點都要飽住走嘅 而我點過咁多樣嘢之中 我覺得雞軟骨係最正常嘅 所以我最後前前後後好似點咗成廿串雞軟骨 我女朋友點咗勁多塊八爪魚先食飽black list就梗嫁喇 不過自從呢件事之後 我都吾係好敢再去食呢類放題

一直好想試食璣燒放題上OpenRice見呢間咁多好評,相中食物質素又唔錯,加上有生日優惠晚餐每人唔過＄250食晚餐,於是就試吓入到黎送一個海鮮拼盤我哋先叫咗放題食物邊食邊燒第一道菜已經令我哋感到失望首先係刺身，睇落色澤都幾好, 事實上都唔新鮮...帶子食落冇味,魚生非常薄,玉子更有小小怪味...只有鮑魚片比較正常再試埋壽司鰻魚壽司比較滿意, 帶子壽司上面有一層黑松露醬, 但係冇黑松露味..接著係每次放題必點的天婦羅(今次冇影到相)但客觀來說個D唔係天婦羅, 只能說係一堆炸物, 佢D皮厚到食2件都飽, 十分之失望開始食璣燒食物, 選擇得好少, 但如果好食都冇所謂....蝦就幾好食, 而帆立貝冇味, 我平時好中意食菇, 但覺得呢度ge好難食....蟹子沙律材料只有蟹子西生菜同埋沙律醬，有點單調燒菠蘿係今次放題最好食嘅菜式，鮮甜多汁由於放題食物同璣燒食物都不太吸引,結果叫左平時都唔會叫嘅粥填飽肚呢個蟹粥要反而味道OK至於甜品同飲品都有大量選擇,酒精飲品,汽水,解茶,果汁等都係任飲甜品, 更有10幾款雪糕雪條選擇,有好多都係未見過未食過嘅所以呢度並唔係食璣燒放題ge好地方,反而你飲下酒,食下甜

朋友約食飯，但係月尾。想改期又改唔到，想推又推唔甩。不過朋友話帶我去食平嘢，雖然普通啲，但勝在抵食。食日本放題，有生有熟，任君選擇，都係收百幾蚊。我哋坐地鐵入咗葵芳，都好方便，就喺地鐵站附近，都唔需要一分鐘就搵到。一坐低，服務員就送上一個烤爐，準備燒海鮮 ; 好快就再送來一個海鮮拼盤。有朋友唔食生嘅食物，不過我哋都叫咗少少 魚生同壽司，試一試。仲叫咗兩隻手掌咁大既大蝦，一面燒一面灑鹽，就變成咗鹽燒大蝦。蟹粥放上烤爐度翻滾，仲放埋啲生蠔同生雞蛋，滾呀滾，熱辣辣，都幾好食。一煲唔夠分，要再落單，好彩食放題咋。當然仲食咗好多嘢啦 ! 燒蠔都有兩種，又有雞軟骨串、芝麻雞翼連羊架都有食。還有好多飲品同甜品可以揀擇。朋友冇介紹錯，真係好抵食。

以前都有去過，覺得都唔錯。今次walk in去簡直令人失望。食物質素一般，好食嘅得幾樣🙄最嚴重係一邊食，大大隻烏蠅係你面前飛來飛去，其實真係好嘔心。仲要唔只一隻 係好多隻🙄最差係聽到d員工串串貢，同另一個員工講:你d客驚啊。態度簡直不可理喻😓講真 你食嘢都唔會想同d昆蟲共處一室一齊食 何況我係比錢做客😂一分錢，一分貨。完全明白呢個道理，比200幾蚊食垃圾，仲要係d污穢環境食👏🏻👏🏻真心唔會再幫襯🤢💦