夢工房西日料理 (已結業)

一到假日，胃口大增今日去左葵芳擦餐飽呢間晏晝有放題同set lunch揀，難得有得試磯燒，我就二話不說入左去lu難得可以磯燒任食，所以成餐既重點都係主打叫磯燒食材，如大赤蝦，扇貝，芝士燒韓國蠔肉，清酒煮蜆大赤蝦d肉好厚身，夠哂大隻仲叫個鮮貝柱蟹膏粥，好緊張，開始煮啦個海鮮粥實在太鮮甜啦落左d蟹柳同帶子煮左陣就已經夠哂味道，呢個真係好成功叫左芝士蠔同蒜蓉蠔試下，味道不錯，芝士夠哂咬口，蒜蓉有少少辣味而呢隻就係磯燒既芝士蠔，食落好新鮮，仲有濃烈既芝士味由於食磯燒食上引，所以今餐差唔多全部都係磯燒仲有我最愛既韓國雪條食甜品選擇都好多

因為今個月生日，所以放左幾日假就同朋友食飯啦😍今次去葵芳呢間有磯燒既放題!😋係葵芳地鐵站一出個商場電梯口就到，十分方便!!入到去店內都好闊落!一埋位就已經上左個磯燒!!個爐都算大，可以一次過放好多野食!! 😍😍一黎就送個海鮮盤!!仲好細心係張紙上面講明邊樣海鮮要燒幾耐同方法👍👍海鮮方面，扇貝十分大粒👍另外仲有多款海鮮可以無限點👍👍磯燒大蝦我係強烈建議大家叫!!因為超大隻超多肉!!!野飲方面真係多到數唔曬，由普通可樂汽水到茶品同咖啡都有!!仲有我最鐘意既維他檸檬茶👍👍日式放題款式都咪話少，成十幾款!!有埋火鍋果下真係太顛!!好可惜我地掛住磯燒就無打邊爐啦，不過見人地都打邊爐都相當吸引!!刺身方面係好新鮮，足數👍👍燒蠔十分入味!!!!二款都忍唔住叫左幾round 👍👍👍雪糕櫃可以話相當豐富，由雀巢杯裝，牛奶樂，大腳板至韓國雪條應有盡有，真係食雪糕都可以食飽😂😂😂甜品方面都有好多款提供，木糠布甸好 creamy，份量岩岩好。芝士蛋糕硬身芝士味較淡。牛奶布甸好滑，但味淡。另外都仲有乳酪同豆腐花比大家慢慢選擇!特別推介呢個波波雪糕，唔係周圍有得食，拎住黎食超正!!!Honey Mike 甜甜地帶

今日同朋友諗住放假過黎葵芳呢邊的葵涌廣場行街買下衫，就順便喺到食埋Lunch啦，但點知新都會廣場大裝修緊，好多鋪頭都封咗圍住曬，得返幾間食肆有開，朋友就提議不如食放題，見到呢間夢工房西日料理，午市放題連磯燒都係$168一位，就二話不說坐低咗。海鮮磯燒有好多選擇，大赤蝦，魷魚筒，大蜆，扇貝，芝士燒蠔，全部都好新鮮，食材不馬虎仲有新鮮菠蘿，牛油什菇，用電爐燒，火都好夠，可以跟佢落單張紙建議的時間黎燒，好快有得食放題梗係唔少得刺身，三文魚，八爪魚，甜蝦，帶子，蛋，厚切羊架肉質嫩滑，沙律菜爽脆仲有清酒同梅酒可以叫，梅酒清甜可口，同磯燒好夾。

媽咪話想食放題 近近地就葵芳呢間見到Menu話有海鮮試吓先入席7pm 真系食足二個中呀上菜速度快 無漏單 個staff 會提我地last order 唔錯喎入面啲位唔係好多但勝在大部份卡位幾好坐即刻睇menu都幾多款食物一開始就有呢個海鮮拼盤 有蟹蓋 正即刻燒下先 帶子都幾大粒仲有叫左個蟹粥 有少少稀 無乜米飯 但啱晒我食小小就算 留肚食其他野入面都幾多蟹肉 係個爐上面興煮食 熱辣辣呢個黃金超正勁多芝士忍唔住食咗四件個人覺得芝士好食過蒜蓉味我最鍾意食燒菠蘿好甜呀埋單＄250一位 消夜時間食會再平啲

今日我阿媽生日，我地大家都諗唔到食咩，大家鍾意食既野都唔同，所以我地係屋企附近間放題食個生日晚餐。我地有預早book位，所以唔洗等位，同埋生日有八八折，所以如果有人生日，記得叫個壽星戴身份證。OK，廢up咗咁耐，入正題啦。食放題一定要食刺身先啦我地叫左三碟刺身，但係第三碟唔記得影。每樣刺身都好好食,特別係墨魚同八爪魚跟住就梗係食天婦羅啦天婦羅好鬆脆，唔會全部都係麵粉，好好食之後就食炸物樣樣都好脆，好好食，特別係榴槤炸彈，榴槤味夠，餡夠多，超好食燒物幾好食，蒜蓉包夠脆，雞軟骨夠香，又夠味，good(本人影相能力較差，請見諒）最後就係甜品啦呢個cookie&cream 雪糕波好好食仲有好多其他甜品，但係太好味，我唔記得咗影，sorry呢間野整體黎講都好好，好建議大家去食

上星期，朋友相約我去食放題，佢話呢間好抵食而且選擇有較多，最重要的是在葵芳，十分方便我們兩個。這裏的選擇真的不少，連火鍋也可以吃。這個是炸蝦天婦羅，大約有一隻手指咁長，炸得很鬆脆，而且粉漿唔會話太多，蝦肉十分爽口彈牙。這個是芝麻雞翼，炸得十分香口，還有淡淡的芝麻香味，很惹味呢，連我也不知不覺吃多了幾隻。這個是炸蝦丸及炸香芋丸，蝦丸很爽口，但是我更加喜歡吃香竽丸，味道甜甜的，很煙韌！我們還叫了一個火鍋，可以選擇自己喜歡的湯底，味道不錯， 很滿足呢！這個是磯燒蟹蓋，味道十分香，蟹膏鮮味十足！在座位的出邊還有甜品可以供自己選擇，除了泡芙及甜點外，還有雪條及飲品可以揀呢。

和同學慶祝生日，去咗葵芳夢工房西日料理 ， 呢間餐廳 ，六點半至八點半入席 ，每位178蚊 任食兩小時 ，可以任食 刺身和壽司 ，仲有其他小食， 我同學都話抵食超值。刺身仲有 三文魚 ，鮑魚 片，吞拿魚 ， 松葉蟹棒 ，八爪魚 ，墨魚片。 有冰粒墊底，海鲜 處理 新鮮 ，可以 放心任食 ， 食完 可以 再 order 刺身， 同學 們食得 非常開心。 有大大隻虎蝦 的虎蝦壽司， 新鮮美味的三文魚壽司， 火焰蟹棒壽司 ，火焰黑松露帶子壽司。 還有其他壽司， 款式齊備。磯燒水產 款式很多，有大蜆，厚肉大隻的大赤蝦， 清酒煮蜆，大大隻的扇貝 ，新鲜的澳洲青口等。還有 飲品任飲， 仲有冰凍嘅雪糕糯米糍飲食。 同學都話 抵食 。

今日放假去左太子行街，行到攰攰到想找東西吃，就去到太子一間大廈食米走雞。入到去好好彩，唔洗點等位就有得食。環境: 地方都算大，可以坐到50人，而且有Wi-Fi, 可以隨時上傳照片，非常方便。食物質素: 點左3人份量既芝士雞煲，味道相當濃郁，而且加埋配料一齊食，好juice , 食完隻雞之後，就點左啲火鍋配料，有栗米，雪花肥牛， 菇拼盤，牛坑腩，五寶丸等等，每一樣食物都有質素的價錢： 點左咁多食物同飲品，加上服務費每人除返開都250多小小，都幾抵食。

政府嚴打違例泊車，但又忽視香港停車場供應不足的問題，在供應不足的情況下被逼泊在不阻礙他人的地方，卻不免也遭毒手，收到牛肉乾，真係無辜。樓價高企，耗盡一生積蓄都未必可以解決住的問題，衣、食、住、行，買車代步面對停車場問題，解決住屋又無可能，諗諗下，真灰，不由即時行樂，好好吃餐勁。講到食餐勁，除左自助餐就是放題了。先睇下價錢先，磯燒海鮮2小時放題，每人吾使248，價錢吸引。餐廳空間好大，餐枱多數以卡位為主，梳化式座椅，令人坐得舒服，裝潢就屬一般路線。飲品，甜品任食且有多款選擇。除一般日式料理外，還有海鮮磯燒。2成人同行送海鮮拼盤，想不到有生蠔，燒熟後仍然保持特有的鮮味，不過燒的時候小心點，因為蠔殼受熱會啪啪響，小心被彈親。主力當然食海鮮啦，可以免費無限追加，可惜生蠔不在免費範圍。刺生中的牡丹蝦不錯，也是可以無限追加。另一環節是生蠔粥，當粥煮滾後，加入生蠔、雞蛋一齊較勻，因為刺生有食剩，為免浪費，我們決定把它也放進去煮，集合眾多食材下，很快一碗鮮甜美味的粥就完成了。正所謂，活在當下，既然住的問題咁難解決，不由好好享受香港美食天堂之稱，好好益下自己好過。

今日男朋友帶咗我嚟荃灣食放題 放題就食得多啦 一個價錢無限任點任食 嚟嚟去去都係嗰幾味 但係 夢工房西日料理 竟然午市推出 磯燒放題 新鮮水產 無限任燒 啱曬我呢啲鍾意食海鮮嘅人午市磯燒放題 2小時任點任食 成人$168 長者$158 小童$138 設有不同收費一入到餐廳 畀我第一個印像就係香味 餐廳充滿著磯燒海產味道 食慾馬上大增 急不及待要點算我的美食食放題當然刺身係重要嘅一環 刺身質素不錯 沒有雪藏味 而且新鮮 帶子和甜蝦 非常鮮甜壽司種類多 有生的 有熟的 有火炙的 米飯大小適中唔會因為食得太多而食唔落其他嘢肉食包括 羊架 雞扒 牛扒 漢堡扒都有 餐廳加咗自家製嘅醬汁 有種食西餐鋸扒嘅感覺 全部肉類都細細件 非常貼心 羊架非常出色 肉質細嫩羊騷味不重另一邊廂 在磯燒爐上 放上成隻筷子咁長嘅紅蝦 超級大隻 蝦肉彈牙 爽口 食多幾隻 好快回本蟹肉帶子粥 非常鮮甜 粥底綿滑仲有其他機燒海鮮 例如貝類 帶子 芝士蠔 全部都係任點任食 款款都好新鮮 蜆肉本人最為喜歡 隻隻肥美飽滿 超新鮮 海水味非常重 而且冇沙炸物都係即叫即炸 熱辣辣 非常香口最後當然係食甜品 有多款自家製嘅甜品糕點仲

上個禮拜，我地去左葵芳食放題，原來朋友講嗰間餐廳係我之前都有嚟過嘅，唔怪得知熟口熟面除咗普通嘅放題之外，仲有得食磯燒海鮮。好似有帶子、蠔同蟹蓋。最令我覺得驚喜嘅就係連粥都有得食, 所以就叫咗個帶子蟹膏粥，係放喺爐到煲嘅。等佢滾咗就有得食，味道都唔錯食放題叫壽司係唔少得嘅，魚生都好新鮮，尤其是我鍾意食個黑松露帶子壽司，而火焰蟹柳壽司都好好食而且出面仲有甜品，雪糕同埋嘢飲可以自己攞，真係有好多選擇，可以比我地自己揀

一直都聽聞葵芳有間餐廳好抵食的磯燒放題，而且超近地鐵站，勁方便，所以就約左朋友仔試下，可能時間尚早，員工安排我們坐梳化座位，地方寬敞整潔舒適，同時聞到整間店都飄著燒烤香氣一坐低已經急不及待點野食 ，食物紙有十多張，跟一般放題一樣，壽司，刺身 ，熟食，串燒，小食等等通通都有，而磯燒的款式分為水產，主食，蔬菜，一定食到飽！此時，員工已準備了烤爐和海鮮拼盤～ 望到我至愛的蟹蓋味噌燒 真係流曬口水蟹蓋內有鵪鶉蛋 ，蟹肉，蟹膏，蟹籽，香蔥，把所有材料攪匀並燒煮一會～一絲絲的蟹肉加上蟹籽粒粒的口感，非常滋味！燒完拼盤後，再點了大赤蝦，牛油什菇，q版魷魚筒⋯ 特別喜歡大赤蝦，大大隻之餘，肉質結實彈牙來到放題點少得刺身，刺身夠新鮮，只嫌切得薄身，厚一些就更好。壽司不算大件，可以一啖入口，岩曬我地～另外點了一些串燒，炸物，有雞翼，炸榴槤，天婦羅，春卷等等⋯⋯全部都香脆可口，不知不覺間枱上已經放滿食物，真是不得不提這裡送餐速度很快，而且沒有漏單情況，這方面做得很好～吃完甜粟米已經好飽肚～ 最後點會不食甜品呢～ 這裡的甜品和飲品款式選擇相當多！單單是雪條和雪糕都有十幾種 ，飲品更加有幾個雪櫃添啤酒就需要另加

中秋放假 預早1日訂定位 午餐放題 團購$88+68=156抵食啲時間長啲4個鐘 超慢食唔駛趕Walk in 就2小時 都夠嘅 ...唔手軟 .... order冇漏單飲Sake 梅酒 啤酒 汽水 好多任揀主力係“磯燒“ 好..新..鮮..大蜆 手掌咁大嘅巨虾 落啲鹽燒 唔好燒咁耐 會太乾..元貝就雪嘅 冇腥味 畀埋清酒自己落有得食有得煮 露兩手廚藝焗蠔~ 蠔唔大隻好味道 蒜茸味嘅蒜茸太多 芝士味就好味啲 扒類~ 推介羊鞍雞扒 肉嫩配西餐汁冇話醃到有soda粉味 好好魚生麻麻唔夠凍~ 有冰粒放底水濕濕三文魚瘦色淡 赤虾唔鮮墨魚片 & 八爪魚片 就好正蠔仔蚧柳粥+隻旦 超好味 必食火煱~豬骨湯底 豆腐滑滑 生菜新鮮脆太飽冇叫肉 飲湯清清肚皮甜品~多選擇 百福豆腐花 脆皮雪條 & 大腳版雪條

捻住近近地搵間放題食下，因為唔想出去旺角，尖沙咀，於是揀左呢間.....非常伏，未食過咁難食，天婦羅好油，厚粉，炸物，又係勁油，所謂燒物，只係蚊型焗蠔，别無其他燒物可選，羊架，基本上係7成肥3成瘦，推介之蟹粥無味，煎豬柳烏冬，豬柳鞋過煲湯肉，刺身還可以，種類唔多，瑞士雞翼又係無味，火鍋，番茄湯底係粉紅色，見到已經唔開胃，唯一可取係無漏單，同埋有多款雪糕及飲品選擇....唔係好明like從何來....

好耐都冇黎葵涌廣場行街，今日就趁住放假特登過黎行下，再同友人食放題！餐廳位置好方便，喺正地鐵站A 出口隔離個商場，再行樓梯上一樓就到午市放題好抵食，$168 一位就有得食埋磯燒海鮮，啱晒我地呢d 乜都想食既為食鬼雖然係lunch, 但選擇一d 都唔少除左磯燒海鮮，仲有得打邊爐但食量有限既我地最尾都冇叫黎試下飲品選擇超多自助甜品區雪糕雪條都有好多選擇一入門口見到大腳板已經講左一陣要食磯燒海鮮～有巨型大蝦 大蜆 芝士生蠔 清酒煮蜆非海鮮類都有菠蘿啊菇啊蔬菜果d,但都係留位燒海鮮好d 大蝦超大隻 以呢個價錢黎講好抵 一人食多幾隻已回本 蝦肉彈牙 正！d 蜆好新鮮，上枱既時候有d 打開左蓋，用筷子篤一篤即係郁下郁下，正啊！韓國蠔肉蟹粥都好大鍋下，兩個人食其實好飽，但都想試下d 粥加左蠔肉同蟹肉鮮甜左，等佢滾起再整埋個蛋花 仲加好味刺身都算多選擇 都幾新鮮火焰芝士三文魚壽司個人偏好火炙壽包系列縱然食放題都唔會放過食壽司既機會 呢個燒得啱啱好 加埋芝士同沙律醬 簡單可以encore 整體黎講 食物新鮮多選擇 上菜速度快 仲要有得燒海鮮，價錢又唔貴 絕對值得一試！