夢工房西日料理

Dream Maker Restaurant
228
64
40
港鐵葵芳站 A 出口, 步行約1分鐘 繼續閱讀
電話號碼
26289636
特色
包場派對
營業時間
今日營業
11:30-16:00
17:30-23:00
星期一至日
11:30-16:00
17:30-23:00
付款方式
Visa Master 現金 八達通 其他
座位數目
150
其他資料
網上訂座
VIP房 詳細介紹
加一服務費
電視播放
吸煙座位
有關餐廳
餐廳正門位於夢工房烘焙店之內,所有麵包及甜品新鮮製造,透過大型玻璃設計,麵包製作工場一覽無遺,客人可以看到製作烘焙的過程.當中所供應的甜品,包括chessecake, 泡芙,和鮮蛋糕果等每日會有不同款式選擇,享受放題時可點選烘焙店的甜品。

為保持放題店食物質素,夢工房堅持提供優質品牌--Dreyer's雪糕.共有5款味道選擇。而咖啡則選用Movenpick的即磨咖啡。讓客人享受滿足的任食放題後,可減低飽肚感和清新味蕾。
有關獎賞計劃
食評 (364)
吃左好過益政府 焦點食評
等級4 2017-10-12
252 瀏覽
政府嚴打違例泊車,但又忽視香港停車場供應不足的問題,在供應不足的情況下被逼泊在不阻礙他人的地方,卻不免也遭毒手,收到牛肉乾,真係無辜。樓價高企,耗盡一生積蓄都未必可以解決住的問題,衣、食、住、行,買車代步面對停車場問題,解決住屋又無可能,諗諗下,真灰,不由即時行樂,好好吃餐勁。講到食餐勁,除左自助餐就是放題了。先睇下價錢先,磯燒海鮮2小時放題,每人吾使248,價錢吸引。餐廳空間好大,餐枱多數以卡位為主,梳化式座椅,令人坐得舒服,裝潢就屬一般路線。飲品,甜品任食且有多款選擇。除一般日式料理外,還有海鮮磯燒。2成人同行送海鮮拼盤,想不到有生蠔,燒熟後仍然保持特有的鮮味,不過燒的時候小心點,因為蠔殼受熱會啪啪響,小心被彈親。主力當然食海鮮啦,可以免費無限追加,可惜生蠔不在免費範圍。刺生中的牡丹蝦不錯,也是可以無限追加。另一環節是生蠔粥,當粥煮滾後,加入生蠔、雞蛋一齊較勻,因為刺生有食剩,為免浪費,我們決定把它也放進去煮,集合眾多食材下,很快一碗鮮甜美味的粥就完成了。正所謂,活在當下,既然住的問題咁難解決,不由好好享受香港美食天堂之稱,好好益下自己好過。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-08
733 瀏覽
今日男朋友帶咗我嚟荃灣食放題 放題就食得多啦 一個價錢無限任點任食 嚟嚟去去都係嗰幾味 但係 夢工房西日料理 竟然午市推出 磯燒放題 新鮮水產 無限任燒 啱曬我呢啲鍾意食海鮮嘅人午市磯燒放題 2小時任點任食 成人$168 長者$158 小童$138 設有不同收費一入到餐廳 畀我第一個印像就係香味 餐廳充滿著磯燒海產味道 食慾馬上大增 急不及待要點算我的美食食放題當然刺身係重要嘅一環 刺身質素不錯 沒有雪藏味 而且新鮮 帶子和甜蝦 非常鮮甜壽司種類多 有生的 有熟的 有火炙的 米飯大小適中唔會因為食得太多而食唔落其他嘢肉食包括 羊架 雞扒 牛扒 漢堡扒都有 餐廳加咗自家製嘅醬汁 有種食西餐鋸扒嘅感覺 全部肉類都細細件 非常貼心 羊架非常出色 肉質細嫩羊騷味不重另一邊廂 在磯燒爐上 放上成隻筷子咁長嘅紅蝦 超級大隻 蝦肉彈牙 爽口 食多幾隻 好快回本蟹肉帶子粥 非常鮮甜 粥底綿滑仲有其他機燒海鮮 例如貝類 帶子 芝士蠔 全部都係任點任食 款款都好新鮮 蜆肉本人最為喜歡 隻隻肥美飽滿 超新鮮 海水味非常重 而且冇沙炸物都係即叫即炸 熱辣辣 非常香口最後當然係食甜品 有多款自家製嘅甜品糕點仲有現成嘅雪糕雪條嘢飲選擇多 放滿幾個大雪櫃 午市放題 呢個價錢 有新鮮海鮮 全部嘢飲嘢食 無限任點 一定可以令你捧腹離開 非常滿足 抵食抵食抵食 繼續閱讀
(以上食評乃用戶個人意見 , 並不代表OpenRice之觀點。)
等級4 2017-09-20
1995 瀏覽
今日和舊同學去葵芳SHOPPING (葵芳新都會廣場及葵涌廣場), 原來葵芳新都會廣場大部份店舖進行裝修, 所以行左一陣就去左葵涌廣場了。到食飯時間舊同學推介係附近一間食放題的餐廳, 地點係葵芳港鐵站旁的商場內。舊同學食過一次大讚平,靚,正。午市放題更低至78蚊起。餐廳叫 , 坐港鐵在葵芳站A出口, 一出便到達屋苑商場, 上一層樓梯就會見到, 極為方便。餐廳分兩部份, 近門口有數張大梳化位, 入面就有卡位。餐廳比想像中大間, 眼見很多一家大細的住戶黎食。雖然2個人職員也可以比卡位我地。午市放題有3款, 一款$78(壽司/小食沙律/手卷手物/拉麵+飲品任飲), 另一款 $78+$48, 額外再有(刺身/揚物/酒類/火鍋), 最特別係有磯燒放題 ($168) 包括以上食物外, 還有磯燒水產, 蔬菜, 主食。咁遠黎到, 一於試下 。而且舊同學係9月生日, 原來仲有88折。食物紙有12張, 磯燒放題食物紙額外多3張。我和舊同學當然不會錯過, 大家點完一輪交食物紙後, 便出去拎飲品及睇下有乜甜品。飲品好多選擇, 有汽水, 罐裝, 紙包裝, 亦有沖茶….還有放題自助甜品區。甜品櫃也8款,而且會換款。想不到更有2個雪糕雪條櫃, 有大約10款給你選擇。雪條更有韓國牌子蜜瓜味, 完全大愛。食物好快送上, 最期待係磯燒, 職員送上一個爐, 由於我地點左韓國蠔肉蟹粥。所以有小鍋,蠔肉另上, 職員亦細心叮囑要全熟先可以食。韓國蠔肉蟹粥好甜, 蟹肉多點更好。磯燒水產有7款, 赤蝦和大蜆好鮮甜, ORDER得最多, 藍青口唔係度度有, 值得一試, 芝士燒韓國蠔肉夠特別, 但唔駛燒得太耐, Q版魷魚筒燒得好香口。記得留意每款水產燒的時間不同, 食物紙上有埋時間教你點煮先好味。枱面有清酒及海鹽。除左磯燒, 仲叫左刺身,多款壽司。刺身夠新鮮, 壽司的壽司飯不會太大件, 唔會食到你飽晒, 而且係即造, 所以好美味。多款天婦羅炸得香口, 推介茄子及大蝦揚物推介流心芝士蝦丸和紫心薯餅, 另外有榴槤炸彈, 可惜每人只能一粒, 因為榴槤饀好多, 好香。羊架,牛扒與外面燒羊架不同, 有洋蔥汁係表面唔會好乾, 入味。牛扒煎得不錯, 幸好比較細塊,食一塊都唔會太飽。食完一輪, 壽司,刺身, 磯燒水產都有再食第二轉, 尤其大蜆真係好鮮甜 ! 大讚 ! 無想過今日中午食左放題後, 直至晚餐已不能再吃, 因為太飽了 ! 地點雖在屋苑商場, 竟能有高質而且價錢又唔貴的放題。遇啱其中一位生日, 仲可以全單88折呢。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-08-06
6209 瀏覽
今天在葵芳早收工,而朋友最近有生日,所以決定幫他慶祝生日。葵芳附近好像沒有什麼特別的餐廳,而又不想生日只是掃街,加上這裡生日有折,所以便決定去這裏食放題。新鮮菠蘿可以選擇烤或者不烤。 而菠蘿十分大片,又夠厚身。 味道很鮮甜。 菠蘿的皮也是青綠色的,是很新鮮的證明。絕對不是用罐頭菠蘿。 這個菠蘿實在太好吃,我一個人也吃了十多片。七味溫泉蛋溫泉蛋的溫度剛剛好, 而蛋的狀態拿捏得算不錯。 蛋質不會太凝固,同時不會太水狀。 而味道鹹了多一點點。 胡麻醬冷烏冬烏冬上有大量魚子, 十分多汁爽口。 要胡麻醬亦足夠,能沾滿烏冬。流心芝士蝦丸它是一口細細粒的, 當中的芝士比例亦算多。 一咬即爆芝士醬,吃的時候要小心盪口喔。米紙海鮮卷 米子卷十分香脆, 其他不會太油身,所以不會覺得很油淋淋。麥樂雞 麥樂雞炸得很脆。當中的雞肉亦很多。日式炸蝦餅蝦餅不會炸得太濃或者太乾,我十分喜歡。 而味道上,蝦餅鹹中帶點甜,很入味。榴槤炸彈這個榴槤炸彈每人每一次只可以點一粒。它很大粒,而皮炸得薄薄一片,不會太重粉。 它的榴槤味十足,當中有很多榴槤蓉。超讚!另外,我們還點了不同的刺身,例如三文魚刺身、立魚刺身、吞拿魚刺身、鮮柱貝刺身和松葉蟹棒刺身。整體來說,刺身份量不會孤寒,客人點多少,就會來多少。而刺身十分夠凍,不會是暖身的。火焰芝士蝦反卷芝士味很夠,配上炸蝦,口感很脆口。火焰芝士三文魚壽司同樣地,芝士味很出,而三文魚不會很腥。火焰蟹棒壽司蟹棒很大片, 配上壽司吃 ,有豐滿的咀嚼感。漢堡扒溫度烤得十分好,味道鹹中有點椒味,很惹味可口。雞扒很大塊,肉身又超夠厚。肉的質感很 鮮嫩,一點也不鞋。羊架羊架亦很大塊, 而它不會有羊本身的騷味。 肉質彈牙,容易咀嚼,不會起渣。他的甜品和飲料有十分之多的選擇,而且能夠選擇的種類,也是較昂貴的! 這令我十分欣賞這間餐廳。 榴槤雪條這隻牌子的雪條,一點也不便宜,竟然能在這裏吃到,實在太開心了。 味道十分重榴槤味,而且很夠凍,能馬上解暑解渴。士多啤梨味韓國雪條而令我更加欣喜的是,它竟然有韓國雪條! 這款雪條,平時買也需十多元一條, 在這個便宜的放題中竟然能夠嚐到它! 士多啤梨味酸酸甜甜,而味道不會像化學品的甜,它的甜度和酸度的比例拿捏得很好!除了韓國雪條,還有阿波羅的雪糕三文治! 這個放題,真的太抵吃了。另外,還有各種味道的雪糕。 例如有士多啤梨味、蜜糖牛奶、豆腐和曲奇味。蜜糖牛奶很重蜜糖味,所以味道亦會較甜。而它的曲奇味,當中有十分之多曲奇脆在當中。 咬落口感十分爽脆冰涼,而味道不會太甜,又不會令嘴太乾。超好味!飲料上有忌廉梳打、芒果汁、 士多啤梨汁、提子汁、石榴汁等等。我特別想介紹芒果汁, 因為這款飲品平時比較小喝。 芒果汁當中會有芒果果肉。 味道上是甜甜的芒果。整體而言,這間餐廳價錢十分便宜親民,而它所吃到的食物選擇很多,同時 食物的品質亦不是差。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-07-23
6499 瀏覽
食開有條路 是晚繼續食放題!呢間絕對令我好有驚喜 有禾桿冚珍珠既感覺二人食放題 每人約240元  其間仲奉上海鮮盤 送既海鮮盤全部都係磯燒海鮮 有蠔($18隻)蟹蓋燒($38隻)同帶子!未知好唔好味 但就咁睇賣相當唔錯 海鮮顏色鮮艷! 除左以以上海產 我地自己仲嗌左其他海鮮同蔬菜燒!一定要點大赤蝦 唔需要額外加錢之餘 同佢真係好大隻 什至長過對筷子估唔呢到都搵到真材實料既大蝦(而唔係普通小鮮蝦當成大赤蝦)所有海產都好乾淨 蝦肉結實有彈性 蜆鮮甜有肉兼無沙玩磯燒除左可以自己做大廚外 仲可以控制味道!點菜紙列曬每款海鮮既最佳烹調時間 咁就唔怕燒老曬d海鮮而餐廳亦提供煮酒同食鹽俾食客自己加料 唔好以為係水 佢真係一枝酒 曾經燒到未發揮曬d酒就食左 陣酒味好嗆喉!除左海鮮外 熱食都有驚喜!本人係燒雞軟骨控 坊間太多標榜'燒'雞軟骨但其實係炸雞軟骨 炸皮厚之餘仲炸到好乾..而呢到雞軟骨真係燒到juicy 而且炸粉薄 雞軟骨仲大到肉眼見到!encore左雞軟骨三轉 可想而知幾好味放題餐廳少見到有蒜蓉包 即叫即烘 出到黎仲熱辣辣 咬落酥脆伴隨蒜蓉牛油香 亦有鬆軟口感 值得一讚! 繼續閱讀
(以上食評乃用戶個人意見 , 並不代表OpenRice之觀點。)