夢工房西日料理

Dream Maker Restaurant
182
61
27
港鐵葵芳站 A 出口, 步行約1分鐘 繼續閱讀
電話號碼
26289636
特色
包場派對
營業時間
今日營業
11:30-16:00
17:30-23:00
星期一至日
11:30-16:00
17:30-23:00
付款方式
Visa Master 現金 八達通 其他
座位數目
150
其他資料
VIP房 詳細介紹
加一服務費
電視播放
吸煙座位
有關餐廳
餐廳正門位於夢工房烘焙店之內,所有麵包及甜品新鮮製造,透過大型玻璃設計,麵包製作工場一覽無遺,客人可以看到製作烘焙的過程.當中所供應的甜品,包括chessecake, 泡芙,和鮮蛋糕果等每日會有不同款式選擇,享受放題時可點選烘焙店的甜品。

為保持放題店食物質素,夢工房堅持提供優質品牌--Dreyer's雪糕.共有5款味道選擇。而咖啡則選用Movenpick的即磨咖啡。讓客人享受滿足的任食放題後,可減低飽肚感和清新味蕾。
食評 (296)
等級4 2017-05-15
679 瀏覽
今天和好姊妹來吃晚市放題,隨她自己喜好點選食物,不用我搞腦汁之餘,又可滿足到對方的慾望。這天是我倆人第一次嘗試磯燒。 有點期待又興奮。服務有禮,又經常面帶容的店員為我們擺放磯燒爐和下單。 除了甲羅燒,還有新鮮的生蠔和肥美的扇背各兩隻。新鮮翠綠的毛豆。溫泉蛋在小碟上盪漾,原來是凍食的,有點不習慣。三文魚、甜蝦和扇貝刺身都很新鮮。鮑魚片刺身,味道比較淡。火焰芝士三文魚壽司、火焰蟹棒壽司和北寄貝壽司,用料新鮮,壽司飯軟硬適中。脆香三文魚腩骨 、流心芝士蝦丸、魷魚圈和充滿榴槤蓉的榴槤炸彈。羊架肉質鬆軟,帶少少羊羶。 鹽燒海蝦秋刀魚,不覺腥又有魚香 。牛油蒜蓉包頗香脆。番薯、茄子和南瓜天婦羅,外層薄脆,不油膩。Hoegaarden任斟任飲!來自法國的cider品質和味道也不錯。淡淡茶香的龍井茶。除了雪糕、雪條、雪米糍外,還有奶凍和tiramisu等甜品。 最後還是選擇了最愛的榴槤雪條。不但質地幼滑,還帶重重的榴槤香,實在無法抗拒它的誘惑呢!這頓晚市放題每人不用200元,很抵食,感覺開心又滿足! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-03-09
9108 瀏覽
今日同朋友仔行葵芳,順便係附近食埋個lunch 揀左間係地鐵站附近食日本放題嘅餐廳。呢間餐廳嘅放題都幾多選擇,除咗一般既壽司炸物拉麵,仲有打邊爐,竟然仲有磯燒水產食,好特別啊!首先叫左d壽司,叫左芝士炸蝦卷、蟹柳壽司同和牛壽司。炸蝦卷炸得很香脆,不過蝦大隻d就好,同芝士好惹味。蟹柳壽司面頭有䁔粒粒嘅芝士,好香。和牛壽司面頭係XO醬,味道辣辣地,幾開胃。螺肉味道酸酸辣辣咁好開胃,非常煙韌。而且份量唔多,唔怕食唔晒。炸物方面,叫左紫心香芋丸同炸蝦餅,炸蝦餅有少少似泰式炸蝦餅,味道有少少冬陰公味,味道辣辣地。我最鍾意食呢個紫心香芋丸,我覺得似係紫薯波波,紫薯味好濃。味道煙韌甜甜地。磯燒水產方面叫咗個味增蟹蓋同埋帆立貝。蟹蓋燒左陣蟹膏既香味已經陣陣散出,將蟹膏撈埋蟹子蟹柳蛋黃同蔥一齊食,非常甘香鮮味。帶子大約燒45秒,啲海水就會滾起來,就可以食得,帶子好新鮮,味道鮮味。今日有啲凍凍地,我想食啲暖粒粒嘅嘢暖下個肚。見到有得打邊爐梗係試埋啦,估唔到放題打邊爐都有咁多選擇。我哋揀咗個番茄湯底嘅。本身見到個番茄湯底顏色咁淺色,仲以為味道好淡,點知原來好重蕃茄味。加咗個公仔麵公仔麵吸收晒蕃茄味嘅湯汁,味道酸甜好好味。而且個肥牛我都好鍾意食,有啲似日式肥牛咁,脂肪部份比較多,所以好滑。加埋啲丸同芝士腸,食完成個人都暖粒粒總括嚟講,一個放題有成三種選擇,真係非常啱我哋呢啲鍾意食唔同選擇嘅人,可以一次試晒咁多樣嘢。真係食到好飽啊!呢度仲有甜品同雪糕,不過已經食唔落啦! 繼續閱讀
(以上食評乃用戶個人意見 , 並不代表OpenRice之觀點。)
任飲任食 焦點食評
等級4 2017-02-20
5704 瀏覽
到葵芳行街,上網search openrice 附近有間任飲任食嘅中日食店就黎食下。原來向地鐵站上面幾方便。一坐落黎就緊係第一時間叫生冷野食下啦,魚生就真係首選,原來有生蠔任食,每次每人可order兩隻,一人一個百幾蚊又真係算幾多選擇下,平民化嘅價錢,抵魚生我同我朋友都係每樣叫小小食下先,當初都無咩特別期望,諗住一個價錢有唔同嘅嘢食下甘就算,不過魚生拼盤一上枱,賣相已經唔錯,食色性也,立刻要試試味道三文魚同呑拿魚刺身可以,普普通通食得過,返而個八爪魚刺身同魷魚刺身有驚喜而𩶘魚係有小小鮮甜的,正我平時好鐘意食帆立貝刺身,依個帆立貝同我平時食果種有小小唔同。個生蠔食落唔錯,可以再叫食左個生嘅生蠔,再叫個熟嘅芝士蠔同蒜味蠔食下先。我食落都係生蠔比較吸引。叫多次,依次生蠔仲大隻過上次,食落好鮮甜,正再叫返兩杯梅酒飲,梅酒味道甜甜地唔錯。食左刺身就叫左小小壽司食下先,壽司都有十幾款,我叫左小小大路壽司食,壽司飯個size 正正常常,不是很大,一口一啖不會太飽前菜都有好幾款,食放題就有個好處,咩都可以食小小。我朋友就叫左個羊架食,小小汁配幾juices 。原來依間放題有火鍋食,我朋友二話不說就叫左個番茄湯底嘅鍋十下十下牛肉食,勁。食到甘上下我就緊係食甜品啦,有蛋糕,有啫喱,仲有雪糕同豆腐花食食左兩個鐘唔停口,每人兩百幾都可以接受。 繼續閱讀
(以上食評乃用戶個人意見 , 並不代表OpenRice之觀點。)
。街坊放題。 焦點食評
等級4 2017-02-16
2254 瀏覽
做阿媽的,真係多數唔煮飯,今日話去食放題,唯有揀間有咁近得咁近的放題同佢開餐,就係葵芳地鐵站出面的夢工房。 其實一直都知佢存在,但一直未有機會試。咁啱見到放題有蠔食,阿媽鍾意食,所以就帶佢去食下。 7:30準時到,原來餐廳都幾大,雖然門口細細,但入面差不多可以容納成200人,而且有梳化區,幾特別。 晚市放題$178,要食埋長腳蟹及蠔,就要轉升級放題加$98蚊。我地黎到,當然要試呢個去食下蠔啦。 基本上食物同出面放題大同小異,都好齊全,壽司、刺身、手卷、卷物、串燒、揚物及火鍋配料。先黎一定係食刺身啦, 長腳蟹有海水味,咸咸地,甜蝦、八爪魚、吞拿魚、鱆紅魚、鮑片、墨魚都算新鮮,最值得讚係完全無漏單,上菜好快。 壽司細細件,一件一啖,唔會因為食得多而太飽,幾貼心。 天婦羅新鮮即炸,所以熱辣辣,番薯好甜、茄子多汁、炸蝦都滑,食左2輪。 中華沙律、芝麻八爪魚、螺肉都係食開的大路野,但俾得都幾多,唔算慳。瑞士雞翼肥美幾入味。雖然蜆肉有啲沙,但份量都幾多。炒牛肉似吉野家牛肉飯的牛肉,不錯。 炸丸子令人幾驚喜,一來新鮮,二來好脆口。紫芋丸甜甜地,芝士蝦丸入面有拉去絲,最特別係有榴槤丸,咬開真係有啖啖榴槤肉,好香榴槤味,好好食。 去到主角蠔,因為阿媽唔食生蠔,所以都點晒芝士焗焗蠔。蠔唔算大隻,但都夠肉,灑上蒜蓉又或者芝士焗都幾好食,阿媽encore左幾轉。 最後食埋火鍋,算係心滿意足,火鍋料都好新鮮下,丸呀、菜呀、菇呀,烚烚下,又食下刺身、壽司呀,這是放題的樂趣。 呢度飲品選擇多,啤酒、汔水任飲之餘,最最最正係有好多韓國雪條同雪糕波波可以揀,仲要有好多味道選擇,食得好盡興。 簡簡單單食餐飯,或者血拼完葵涌廣場,又近近地想放題解癮,呢度可以諗諗。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-02-06
2333 瀏覽
農曆年尾忙不開交,又要大掃除,又要清理手頭上工作 。這天放工疲倦得整個人也跨倒了。晚餐吃甚麼也沒有頭绪。在回家路上必經的葵芳,忽然間想起這家夢工房西日料理。每每看著各類點餐紙,總有喜歡的東西,而且每人晚市放題只需$168,價錢非常吸引。男友選了加$98,可任吃生蠔與松葉蟹腳。想不到,未到七時已幾乎坐無虛席。幸早到幾步,否則真不知怎樣打算。松葉蟹腳肉質新鮮又爽。蟹鉗肉夠豐厚。蕃薯天婦羅:番薯香甜,天婦羅外皮夠脆薄。海蝦天婦羅:微微鮮甜的蝦肉,幾結實。鹽燒雞軟骨串:雞軟骨夠爽,且沒有雪味。鹽燒海蝦:蝦肉新鮮帶爽甜。鹽燒秋刀魚:魚身燒至夠乾,又沒有腥味。叉燒手打烏冬:叉燒薄片的夠入味,烏冬爽滑有點彈性。湯底濃滑。紫心香芋圓:煙煙靭靭,芋味香濃。榴槤炸彈:想不到入面有豐富的、軟滑香濃的榴槤肉。冰凍帶梅子香的梅酒。火鍋:選了蕃茄湯底、餃子、豚肉丸、墨魚丸、豆腐、魚蛋和唐生菜。各款材料都新鮮企理。最後以榴槤味很重的榴槤雪條為這頓滿意的放題劃上句號。個人應為,食放題是可以一次過滿足很多慾望。而不是大量的吃過夠本才叫滿足和番本的。 繼續閱讀
(以上食評乃用戶個人意見 , 並不代表OpenRice之觀點。)