夏麵館 (始創中心)

營業中

休息中

雖然過咗農曆年，但係跟朋友團拜的機會陸續有嚟， 因著要就朋友食完再返公司OT, 所以我哋揀咗就腳的始創中心內的夏面館食dinner, 呢間夏麵館裝修比較新淨光猛,而且枱與枱之間相 隔比較闊落,坐得非常舒服,傾計聚腳一流, 我哋叫左自選前菜五小碟， 包括美味海蜇，雞絲粉皮，鎮江水晶肉，糖醋小排， 四喜烤麩， 每份前菜的份量都很多，抵食！ 另外我哋還點了砂鍋雲吞雞 、do、re、mi及 豆漿。 極力推介doremi要撈白飯食， 不經不覺撈咗一大碗飯， 食到舐舐脷

本兔和獅子老公對上海菜的確沒什麼抵抗力。今天就到始創中心的<夏麵館>開飯雖然已經八點鐘，但依然還有非常多人在等位。排咗一陣，終於到我們，內裏採用海藍色，滿有夏天風味的裝修風格，是夏天的麵館。中餐館的設計風格，又帶點時尚，用餐也很舒服。〈鮮肉小籠包（四隻）〉熱辣辣，一蒸好就香噴噴的登場。小籠包的皮非常薄而且口感Q彈，內裏的肉汁也不少，小肉團肉味香濃又好咬口，肥瘦適中，不錯不錯。〈生煎包（三個）〉有小籠包又怎可以有生煎包？？生煎包的外層煎得香脆乾爽，內裏同樣有厚厚的肉糰和豐富的肉汁，正〈蒜泥白肉〉見到滿滿嘅蒜泥鋪起面已經即時心心眼。濃郁嘅蒜味配襯肥瘦適中嘅豬肉，肉質香軟，口感柔滑中卻帶有豬皮的爽，完全毫無違和感。〈濃湯骨津白〉大大塊的津白浸在濃郁得像忌廉般的豬骨湯中，仲有金華火腿絲，味道一啲都唔寡，就算不喜歡吃菜的老公就係覺得不錯〈砂鍋獅子頭擔擔麵〉湯底味道超濃郁的一道菜，一來到的時候已經香氣撲鼻。用肉糰做成的獅子頭真係超大個呢！！獅子頭肉質結實，肥肉不多，真正的啖啖肉。〈麻醬拌麵〉$36呢個價錢真的絕對超值，份量超級的大！！雖然衹是簡單地把濃郁的麻醬加在爽口的麵條中，但正

環境不錯，坐位夠多，雖然樓底比較矮，但一啲都唔侷促，呢到係旺區嘅一個不二之選。虎皮素鵝𥚃面包住嘅係菇菌，本身諗緊會唔會好乾，但一咬落去菇嘅汁中和咗，外脆內軟，所以一啲都唔乾，好好食蟹粉小籠包好掛住大閘蟹嘅味道，忍唔住叫咗4個蟹粉小籠包，上檯熱騰騰，入面餡料以蟹肉，豬肉制作，皮做得唔錯夾起唔會穿，但略嫌蟹粉味唔太出，但咬下去湯汁滿滿嘅，食落都滿口流香干扁四季豆炒得好香，因為呢道菜正常嘅做法係需要油炸四季豆，所以一定會較油，但佢地做得唔錯，食落好香口又唔會滿口油，當小食或送飯都一流麻醬拌麵因為唔太想食飯又唔想食湯麵，所以簡簡單單叫咗拌麵，上檯暖暖嘅，味道香噴噴，一碗兩個人分份量啱啱好豆沙窩餅呢個無論我去邊到食上海菜嘅必食，食到差唔多就要叫服務員上甜品，事關要即食先會熱辣辣，果然不出所料，真係好好味，皮薄餡靚，一咬啲豆沙餡爆出嚟，好幸福呀，真係做得好出色。

夏麵館-經典上海菜最近太子新開的上海菜，又在公司附近，今日決定一試，門面掛著「夏麵館」三字的發光招牌，旁邊配以菜館簡介的燈箱，店內以粉藍色為主，燈光明亮，給人簡潔乾淨的感覺。涼菜五小碟一次滿足五款口味，甘甜軟綿綿的四喜烤夫、爽口涼伴的美味海蜇、花生醬滿滿的雞絲粉皮、香脆可口的虎皮素鵝和腌製得入味非常的糖醋小排。蟹粉小籠包剛蒸好的小籠包，外皮薄，內裡餡料十足，湯汁亦很夠，蟹粉的鮮味加上豬肉的肉味口感，兩者夾得很。雞扒擔擔麵大大塊的酥炸雞扒，炸得金黃色的，脆脆的炸粉包裹著嫩滑的雞扒。擔擔麵的份量非常多，麵身剛好不會過軟，湯底加份辣椒、肉粒、花生醬，愈食愈上癮。蘿蔔絲酥餅一客三件的酥餅，外皮鬆化，內裡蘿蔔一絲一絲，蘿蔔汁溢出，外脆內軟，味道相對比較淡。

之前喺屯門試過夏麵館，今日行太子，原來始創都開左~記得上次食過嘅薰蛋，好好味，蛋黃軟綿綿，咸咸地，口感一流😍今日緊係要再叫啦～推出了一些蟹粉菜式，例如金牌蟹粉生煎包，蟹粉生魚絲，蟹粉拌麵。。。。我選蟹粉小籠包，咬開有湯汁，熱騰騰，小心燙親咀哦😜肉餡鮮嫩甘香，蟹粉令整個小籠包更出色👍上海菜館我最愛的是醃篤鮮，用冬筍、鹹肉、豆腐皮結和鮮豬肉，慢燉而成。有鹹肉和鮮肉，熬煮出來的湯集結了五花肉和鹹肉的精華，有鹹肉的咸鮮味，加上鮮肉的甘甜味，味道是非常鮮美。再加入了鮮筍的清香味，多種風味同融一鍋，湯頭呈奶白色，喝起來濃厚複雜，所以我十分喜愛🤩響油鱔糊，味道濃鬱，鱔鮮盈口，黃鱔的肉質軟糯細膩，加上爽脆嘅筍絲，美味可口😋😋😋上海擔擔麵，這擔擔麵未送入口前已聞到陣陣花生味， 香氣撲鼻，湯頭濃厚帶一點小辛辣，做到掛汁效果👍至於麵底煮得剛好，軟硬適中，份量可不少呢～我地兩個人分享😅坐低就見到與別不同嘅高力豆沙，不是一般嘅餡料，而是用貓山王😍味道微帶酒香、甘香可口的貓山王榴槤，製成金黃鬆軟的高力再配上糖霜，相信榴槤迷一定會喜歡🤗酒釀丸子，有桂花嘅幽香，丸子軟糯，酒香亦恰到好處~食到捧住個肚，咁多嘢都吾使$

同朋友開年飯聚, 好耐無食上海野就選擇呢間夏麵館 地點係始創方便大家,平日晚市人唔算太多, 店面裝飾淺色系藍白茶色為主, 燈光柔和, 比人一種恬靜既感覺坐底打開餐牌好多選擇, 另外仲有2/4/6人套餐餐牌本身已經有心水就好快揀定食咩頭盤先黎 酸辣湯(例牌) + 四喜烤麩酸辣湯好足料, 例牌份量足夠分到4碗, 由於我本身唔係好食得辣覺得有點嗆喉, 但好好味我都食晒成碗:-P烤麩咬落去多汁, 滋味醇厚冷盤醒胃~上海野當然要有鮮肉小籠包 + 蟹粉小籠包小籠包湯汁多肉汁更多, 皮厚適中,而蟹粉版食落去仲多左一份鮮甜味~花雕醉雞就正常既味, 雞件滑, 有酒香亦浸得夠味, 合格~椒鹽小黃魚夠晒惹味, 亦煎得岩岩好, 外脆內軟令人有衝動叫碗白飯配埋食雪菜肉絲炒年糕個人覺得偏淡, 如果雪菜份量多返D就更好高力貓山王榴槤, 呢個係門口見到有牌推介咁特別已決定要叫埋, 係叫起先即刻整出黎熱辣辣咁上枱, 外層蛋白炸到好鬆軟, 一咬開陣榴槤味湧出黎, 食得出真係貓山王黎, 榴槤喜愛者請一定要叫黎食~成餐飯最後食埋呢個甜品係帶著一種滿足感離開~~

蟹粉小籠包($38/2隻)，不用多講，這個一定要趁熱食，皮簿兼多湯汁，入面主要用上豬肉，記得配埋醋一齊黎食。上海擔擔麵($46)，辣度選左微辣，我覺得岩岩好，湯底好香花生味帶小小辣好好飲，麵條好幼好滑，同埋個碗真係好巨型。XO醬炒年糕($68)，年糕份量都幾多，好似食極都有，好煙煙韌韌，用XO醬炒香，好惹味，哩個餸唔錯。醉香豬手($62)，有濃郁花鵰酒味，好香，豬手皮製作得好出息，型狀似啫喱狀，口感好爽口彈牙。上海春卷($28/3條)，皮炸得好脆，餡料主要用上素食。豆沙鍋餅($36)，型狀脹卜卜，餡料都幾足，剛上菜時，因為太心急想食，結果唔小心燙口，入面既豆沙餡仍然好熱，所以要放涼一陣再食，豆沙唔太甜，幾好唔錯。

同中學同學一行4人，聚舊搵就腳既地方係最重要。但又想坐得舒服少少。最後揀左夏麵館，新式裝潢令人都唔覺得自己入左中菜館既感覺每一次見到酸辣湯，都係必叫的，大大個例牌都係$65，料唔算少，但辣味係比較重的。小籠包都係唔少得，一人一隻邊會夠皮，鮮肉之餘仲叫埋蟹粉，個人覺得原味係抵食啲既。同埋湯夠清甜！醉雞酒味好重，見到好多檯都口左，係啖啖肉之選。我最驚喜係椒鹽小黃花魚，真係第一次咁食法，但脆之外仲好滑，又無骨，食左一次必會愛上的！我本身唔好年糕，所以無食到，賣相都唔錯的本以為佢煮津白會奶白色的，但黎到原來係上湯，仲有金華火腿吊下味最後竟然有貓山王高力，如果有埋糖霜就會更好味。

黎始創行街，見到商場入面有夏麵館嘅廣告牌。好似好吸引咁，所以我哋就嚟試下。望下餐牌先，都好多選擇。 有涼菜，小菜， 湯羹， 蟹粉廚師推介，炒粉麵，湯麵燴麵，甜品。一陣仲要去拜年，所以食住少少嘢先。叫咗一個 夏味燻蛋，四喜烤麩，唐芹水餃淮山湯麵，上湯雲耳勝瓜， 貓山王榴槤高力。燻蛋有啲似茶葉蛋，不過畀茶葉蛋多咗個煙燻味 ，幾香，唔錯。四喜烤麩，個人覺得太甜同埋油，味道比較單調。 愛吃甜嘅朋友應該會鍾意。 上湯雲耳勝瓜都係比較油， 味道不過不失 ，都唔錯嘅。唐芹水餃淮山湯麵竟然有驚喜， 驚喜嘅唔係因為嗰水餃，而係個淮山麵同湯底好正。唔知點解覺得個湯底好清香，飲完都唔會覺得口渴嗰種。我覺得就算冇水餃，淨係食一碗淮山湯麵都可以。水餃不過不失，肉質紅潤，滑，不過無咩唐芹味，有少少失望。甜品榴槤高力，都預咗佢會好油膩㗎啦。不過真係值得推薦喎! 入邊榴槤嘅份量唔算好多，但係食得出質素非常之好。四個字，齒 頰 留 香 !! 食完仲有浸淡淡嘅榴槤味喺個口腔度，非常之幸福!

第一：要訂位 及要有四人才有卡位坐第二：二人只能坐吧枱第三：吧枱凳設計差 會向前滑 很難坐 滑梯凳第四：落錯單 菜肉餃麵 變 雪菜肉絲麵 第五：竟然收走茶壺並要和陌生人用同一壺茶

是日行經始創中心，發現開左間新既連鎖餐廳，之前係荷里活廣場經過都想試架啦，既然而家佢送到上門，無理由唔俾面架~入到去睇到餐牌好多選擇呀~前菜、粉麵、點心、甜品樣樣都有~基於我地得兩個人，最後試左「嫩雞煨麵」、「鮮肉小籠包」同「排骨菜飯」。排骨菜飯: 個排骨炸得有D過火左，冇咩肉汁，但份量就夠既。菜飯係普通一個屋企碗既大細 (唔記得影相)鮮肉小籠包: 小籠包個皮最緊要，要做到皮薄而又唔穿仲要鎖得住小籠包入面既肉汁係好高境界。估唔到一個$38既小籠包竟然可以做到呢個效果!!佢既餡好大粒，入面好多汁，咬開個尖尖頭，啜晒佢熱辣辣既肉汁，正到痺呀!!呢個小籠包我俾10個like~最後到小妹最中意食既上海菜嫩雞煨麵: 好大個煨麵呀!!佢一黎到就霸左半張檯，我地見到果陣都呆左，仲要係$55咁抵。唔好見佢咁大碗以為全部係麵，佢成碗入面夾雜住好多雞粒同菜粒，加埋濃郁既果隻嫩雞煨麵獨有既湯味，又係另一番享受~~~總括來講，呢間夏麵館既嫩雞煨麵同小籠包真心，新裝修，地方又大，價錢仲要咁親民，小妹日後又多一個飯堂啦~

2月3日 11點30分 走進夏麵館始創中心 的店舖 11點38分落單 , 到到十二點十五分 才有第一碗麵到。原来师傅只在12点才到。楼面经理仲叫我地唔好再催促 因為越趨會越慢. 感覺 整個廚房沒有管理 點樣可以客人比師父仲要早到30分钟， 如果員工冇辦法準時開工管理層應該考慮唔好咁早開。 或者 一早喺舖頭門口寫明唔可以催單， 只會越催越慢。

今天是年廿七，我和Honey到太子剪頭髮，準備過新年。之後，打算到始創中心1樓吃上海菜。原本叫上上的上海菜館，改了做夏麵館。正好！夏麵館是我其中一間很喜歡的店。我們叫午市套餐，午市套餐包括了主食、小吃和飲品。擔擔麵：擔擔麵微辣，很香花生味，湯底濃厚。嫩雞煨：麵嫩雞煨麵湯頭很清，湯頭奶白色。雞肉很嫩，但是麵質會得不太稔，未算｢煨｣。小籠包：小籠包的皮不算太薄，但是裏面的肉湯鮮甜。青瓜粉皮：粉皮爽口，不錯。兩杯豆漿大大杯的。我們加錢，加了高力豆沙。剛炸起，裏面很鬆軟，非常不錯！環境、服務、價錢和食物，夏麵館是我一向喜歡的選擇。現在於始創開館，我想，我會常常幫襯的。

最近日韓西都食到厭，係時候食返中式，上海菜就係一個唔錯既選擇，呢間餐館間隔幾好，位於旺角黎講今日既人流真係唔算多，可以輕輕鬆鬆食餐飯，同4個朋友7點半黎食都唔洗等位，叫左幾碟餸，上菜速度都幾快，先黎個花鵰醉雞，酒味好濃，不過雞唔夠多肉，同唔夠滑，雞骨居多，個味係幾好。食到一半先記得影之後到回鍋肉粗炒，火候控制得幾好，有鑊氣，食落幾香，有好多高麗菜，好大塊。生煎菜肉包都幾正，底部煎到脆脆地，好香口，唔油脷。最正係呢個鮮肉小籠包，外皮軟簿，湯汁好好味，肉餡都幾新鮮，唔會有雪藏味，值得一試

香港人其實有好多人都喜歡「上海菜」，而很多食肆都會豎立起主打「上海菜」的招牌作招徠，以吸引更多的食客。「上海菜」，好多人意識上都會諗到要點指小籠包，所以好多食肆會主力推廣自己的小籠包有多麼與眾不同。而今次來到太子這間「夏麵館」可以說是香港其中一間有名的「上海菜」連鎖店，彌漫著上海味的氛圍之餘又帶點家常人情味。位置方便，地點就腳，位於「太子始創中心」，我們來的時候約六時正！店入面食客偏少。門面的店員安排我們入座。看上去大多是過一會下才會多人來吃的。環境舒適寫意，裝修偏年輕，跟過去幾間分店不一樣喔！單點紙有好多選擇，都有供應晚市套餐；但我地都係會單點為主，因為一來唔繁咁肚餓二來可以自由選擇，更開心吧！餐具以黑色為主感覺新式一點。先來個雞絲粉皮 $52上海菜的最佳開胃前菜，一年四季也受歡迎。粉皮能作多方面配搭，既可以熱炒又可以作涼拌。我會選擇涼拌粉皮吧！感覺更好吃，以以青瓜和雞絲作配菜，再淋上用芝麻花生醬、白醋、糖、蒜末、麻油等等...味道簡直一流！雞肉沾醬愈多，口感愈豐富，淡淡麻油香好正！到啦到啦...鮮肉小籠包 (4隻) $38有四隻，好開心啊！一人兩隻！唔洗爭！小籠包皮薄多汁，夾起唔會