夏麵館 (始創中心)

營業中

休息中

前嗰排陪媽媽去旺角花墟嗰頭買花，順便睇吓啲小盆栽，睇完之後都接近六點啦，我哋決定行去太子始創中心嗰邊睇吓有乜嘢食，見到食上海菜嘅夏麵館，嗰陣時晚飯時段先啱啱開始，都仲有位我哋就即刻坐咗落去啦。上海餐廳來講，呢度裝修得好有特色，好特別，好似啲西式Cafe嘅感覺，好適合年輕人泥打卡。餐單上面有前菜小菜麵食飯甜品等等，亦都有套餐可以揀，不過因為我哋想試其他嘢，所以我哋分開叫冇選擇到套餐，呢度出名嘅係蟹粉系列，睇相都好吸引，但媽媽對蟹敏感，所以唔敢叫。夏伯伯涼拌茄子$34涼菜食落好舒服，個汁有少少鹹亦都有少少辣味，反而幾開胃，亦都好好送飯。上海春卷（三條） $28平時最鍾意就係食春卷㗎啦，上海春卷外脆內軟，裡面嘅餸都有好多，煎到金黃食香噴噴，又唔會食到一口油。蟹粉小籠包（兩隻） $38媽媽唔識得所以我就叫左兩隻蟹粉小籠包試吓，金黃色嘅蟹粉成為咗小籠包嘅點綴，咬落去啲肉汁會咇出嚟。排骨擔擔麵$65我哋叫咗個小辣，連我都可以食到，湯個味道好濃，以排骨都揸到好香脆。雞扒菜飯$62菜飯唔油，雞扒亦都係外脆內軟，雞肉都好嫩滑，唔會乾身。最後甜品高力豆沙$36 ，因為係即叫即做嘅，所以上枱嘅時候仲係好熱，

放假日，同家人去左夏麵館食晚飯，由於晚上七點食飯，時間較早，好快入座！入到去環境優雅，十分寛落。夏麵館好多款特色上海菜，而且價錢平民化，十分抵食！招牌擔擔麵必食之選，我叫左排骨擔擔麵，份量十分大碗，其實兩個人食一碗也足夠，排骨炸得脆脆不粉又大塊，送麵一流！老公就叫左酸辣湯麵，鍾意食酸辣朋友最岩點這湯麵，酸酸辣辣十分開胃。另外點了一個小菜糖醋魚塊，只係$72價錢，好多魚塊，十分足料。小吃方面叫左一碟鮮肉鍋貼，鍋貼十分大隻，而且好多豬肉，點埋辣椒醬，絕配！食飽飽，當然吾少得點甜品-高力豆沙，軟熟帶有一點甜！

話明再食，一定唔會再講相同既野，裝修就睇之前既食評啦，主要集中再推介其他菜式，連價錢，先放埋多啲餐牌俾大家參考先有涼菜：夏味燻蛋，就相等日本菜既味玉，有味既半熟蛋，熟既程度幾好，但味道唔太濃，蛋味亦唔重，正正常常小菜：賽螃蟹 $78賣相相當唔錯，味道都ok加入蝦仁增加口感同鮮味，但青豆反而影響滑嫩口感，整體都係唔錯既黃魚煨麵 $68絶無味精，純魚既精華，你睇下佢奶白色既湯真係贏晒$68實在超值，飲一下個湯，真心正魚肉滑而無骨，味就好清，但都ok魚味濃而又鮮味夠，飲湯一流，但加埋麵就好淡下，大家自己諗下自己口味老上海炒麵 $66即係上海粗炒，味道調得唔錯，配合香港人味道唔會太甜炒得夠火候亦好味，大碟到一個點百搭既飽肚菜蒜子浸豆苗 $78季節限定，可揀清炒、蒜蓉炒、蒜子上湯浸，想清啲所以唔炒，點知賣相同入口油過炒，需要其實係好味既豆苗味濃，不過都真係炒會有風味多啲坦白講，從風味、裝修、份量、味道，夏麵管既性價比都好高實在要食，好過好多嫲嫲婆婆爺爺公公姥姥姑姑#服務都一流完全唔似連鎖仲有好多小菜好吸引

香港地搵食，咩國家咩菜式都可以搵到，但講到最鐘意同最岩食的菜式，要數上海本邦菜了，溫文儒雅，細緻貼心的特色，善用糖，醬油上色，咸淡適中，保持原味而又醇厚鮮美。所以屋企人一直都偏好上海菜。今天放工早，約左屋企人來食飯，晚市開六點，如果不想等位，就真的要一開門就來，因為遲左超多人的！餐牌不乏特色，蟹粉類美食都有好多種。座位整潔，裝修也都明亮大方。涼菜類百食不厭的是薰魚。不愧名為熱爆薰魚，果然夠新鮮熱辣！仲以為涼菜一定系凍冰冰，那你就錯了！魚肉夠味，肉質都不錯。乾扁四季豆，呢款看似簡單的菜式，但其實工序比較復雜，所以屋企通常都懶得整，佢地d四季豆夠香口，索左肉碎既味，卻不油膩，乾扁得來不會鞋口，好味！黑醋話梅骨，典型上海菜，色香味俱全，醬油黑醋好上色，有話梅粒粒，帶出酸酸甜甜的好味道，勁開胃，份量超滿足，仲要不會太肥膩，空口食已經好喜歡，如果拎來送飯食仲正。而今天我地就揀左排骨擔擔麵做為主食，走左辣油，轉左懷山麵，更為爽口，濃濃的湯底有花胡椒的香味，誘人😍一大份排骨，超級滿足食肉獸！相當滿足的一餐，好抵食。

口淡淡，來到夏麵館食碗麵，想黎d刺激d既，就整酸辣湯麵，個湯好足料，肉絲，木耳，荀，而且酸同辣既分佈相當好，唔會有其中一樣味蓋過左另一樣，等係有水準。就算是不太能吃辣的朋友都無問題。

夏麵館係其一食到正宗上海菜嘅地方，太子有一間，位置算方便。就黎去上海嘅我未出發就已經好想食上海嘢，所以一黎呢到，原來晚飯都真係幾多人等位，完全係人山人海，如果要黎食真係要早少少拎位啊！黑醋話梅骨 $78如果你係鍾意食酸酸甜甜嘅嘢我就推介你食呢個餸，佢加咗黑醋同話梅，超級開胃！而且都幾大碟，要黎連飯死超級開胃好味。雞排菜飯 $62雞排炸得好鬆脆，油脂唔算好多，唔驚會好肥。配埋菜飯食十分飽肚，呢個價錢食個dinner都絕對抵！上海陽春麵 $30+$10可以轉做擔擔麵，麵條好入味，而且份量多多，單單睇個碗都似係2人套餐黎。推介鍾意食上海麵嘅人必試！鮮肉小籠包 $38每粒小籠包都好大粒，入面好多湯，肉質好嫩，每啖食落去都食到鮮甜味。呢個都可以話係其一振店之寶。豆沙鍋餅 $36除咗高力豆沙外，上海菜我最鍾意食就係豆沙鍋餅。每啖都有滿滿嘅豆沙容，不過個皮炸得唔太夠脆，唔係應該更加好味。豆漿 $15飲落似係自己磨嘅豆漿，唔”KOCK”喉，啖啖哋味道OK。🍽8/10🔎 夏麵館 (旺角)旺角彌敦道750號始創中心1樓115C號舖

專門來夏麵館食麵，最鐘意呢度既擔擔麵！餐廳晚市開六點正，五點五十幾分的時候，門口已經企滿人，大多系有蘇杭口音的老人家。或許呢度真系地道又實惠吧，先至可以吸引到咁多人。餐廳裝修簡潔大方，亮麗的Tiffany blue 顯得高貴典雅。環境清潔，坐位舒適。鍾意食咩就tick咩，眾多地道特色菜可以揀。我地首先嗌左熏糖心蛋，可惜是日蛋皮有d乾身，好在糖心仲保持到質素，叫來一小碟甜醬油，蛋皮浸入去之後，味道變得很好。來呢度就系為左食麵，呢度既麵食過一定回頭。尤其系呢款擔擔麵，仲要系排骨擔擔麵，可以揀轉淮山麵，麵身更較為爽Q，而且澱粉質比較少，淮山制品對健康有益。忘記標註走辣，所以呢碗麵有少少辣，不過完全可接受，即使唔食得辣既人，應該都可以食到。排骨擔擔麵好抵食，只是比擔擔麵貴左少少，就有一大碟排骨！啖啖是肉！好滿足。麵的份量也好足，兩人share好夠食。麵超級Q！真系好好味。虎皮素鴨，炸腐竹包住的金針菇卷，香口！飯後甜點糸豆沙窩餅，新鮮滾熱辣，口感超好，豆沙蓉餡好綿密，不會太甜，好味！

夏麵館連續三年獲得「上海最佳食府」美譽著名畫家謝春先生揮筆大讚， 彌勒佛：『神仙要吃麵，也到夏麵館。』招牌菜：上海擔擔麵、花雕醉雞、松鼠桂魚、黃金蝦、虎皮素鵝、夏味燻蛋、醬鴨、夏味鱔糊麵等個人推介醬鴨，濃郁的醬油味，鴨肉質感嫩身，味道鮮甜。四喜烤夫，烤麩，麵筋的一種，主要成分為高筋麵粉，搓揉後經過多次水洗麵糰，再發酵蒸熟而成。在發酵過程中，麵糰產生氣孔，就如網狀的海綿，入口微甜，口感鬆軟彈牙。韮黃炒鱔絲，鱔絲爽口脆身，醬汁裹滿鱔絲。上海擔擔麵的湯頭略嫌不夠香濃，入口清淡些，麵質軟腍。

成日見到啲人食夏麵館，今次終於有機會去食（因為咁岩經過見到間餐廳就決定食佢）主要都係上海菜，啲辣度都幾辣，有啲無得叫少辣價錢都相當便宜，例如水煮牛肉$100內啲小菜都係$20-30好平！🔶漁香茄子 🍆 $50味道甜甜地辣辣地，好香茄子味，送白飯一流加上$50 係好平，入面仲會有肉絲，所以好抵食！🔶水煮牛肉 $98因為同行朋友唔食得太辣，想叫少辣，但無得揀辣度睇落好似好大碗，其實個底墊左好多芽菜，底層都有啲粉皮牛肉得面個層，唔算多片牛肉，同埋好碎，不過$98就算啦我都叫食得辣都覺得有點辣，要係咁飲水。🔶回鍋肉粗炒 $64呢個唔太辣，甜多過辣，都幾好味而啲回鍋肉唔似罐頭肉，似自製肉、都好淋！（因為好多餐廳都會用罐頭回鍋肉）🔶紅油抄手 $38比我想像中淡味，因為平時食既抄手係被紅紅的辣油浸滿佢做到好似水餃咁，唔似紅油抄手🔶白飯 $10 唔算貴，而家都唔太差，正常質素已經好好！總括，呢間野都幾抵食，會再食！

一直見過呢間上海野，今次無咩人等位18:30就入座。好似二人餐比較優惠，皮蛋豆腐唔錯。整體係咁多，還有炒飯。阿妹中意的黃金蝦球。最後姍姍來遲的蛋白炒飯。呢個係鮮肉小籠包，另外再85折蟹粉小籠包。兩大籠小籠包。

今晚想食上小籠包, 朋友馬上諗起呢間位於始創中心嘅夏麵館。鮮肉小籠包(4隻) $38皮薄餡靚, 一口咬下, 熱騰騰嘅湯汁馬上湧出, 記得趁熱食呀！賽螃蟹 $78 蛋白炒得很香, 加一點醋, 拌飯一流。蛋白嘅嫩滑程度如能提升一點會更美味。醃篤鮮 $75醃篤鮮集合鮮肉、鹹肉、百頁結同竹筍, 熬煮出奶白色湯水, 飲落充滿鹹鮮味。竹筍爽脆鮮, 以豆腐皮編織成嘅百頁結, 豆味香濃, 口感柔韌。 紅油炒手(6粒) $38餛飩比想像中大粒, 而且餡料很多, 紅油辣度不會太過刺激。豆沙鍋餅 $36豆沙鍋餅炸得香脆, 餡同皮嘅比例剛好。

又在旺角發現新大陸，在始創中心入面原來有間夏麵館，星期五晚上都不太多人，但不是因爲不好吃，相信只是不是太多人知道這裡有間夏麵館。每次食醉雞都覺得唔夠食，但呢個酒味比較濃同d雞肉有d老。。小龍包，其實d皮有d厚。但d料好好食。。。。鱔糊好少份量，但好食窩。。。個麵底呢就清清地。。總括而言，個性價比比重係因為唔洗排隊同d服務員的態度而增加左的。。當然食物都唔錯嘅。

一直都有食開這一家餐廳, 不過都是在鑽石山分店。這次來到旺角, 才發現原來這一家在始創都有一家分店, 所以就和肥膏一起尋找。這家分店位於始創中心的一樓, 扶手電梯上去, 一直走到最裡面就是了。附近都是賣女生內衣的店, 人比較少。當天是平日的晚上六點左右, 餐廳已經有好幾台客人了。原本還以為這分店地址有點難找, 但我猜錯了呢。蒜泥白肉 HKD 52.00重口味的我, 很喜歡吃蒜泥白肉。這一家的白肉, 是偏向多肥肉一點的。但是因為生蒜粒加上酸酸的醬汁, 就算是肥膩了一點也還是不錯吃。不過, 個人認為多一點蒜粒, 會更好吃。水煮魚 HKD 108.00原本是想要點水煮桂花魚, 但是又怕有骨頭, 所以最後選了魚塊。這個魚也很不錯, 魚肉很嫩滑, 而且啖啖魚肉, 份量也很足。另外就是辣度方面也是很夠的, 辣味很足! 我跟肥膏都覺得夠辣! 蟹粉炒飯 HKD 95.00蟹粉是另外用一個碗裝開的, 這樣自己想放多少就多少, 很貼心。蟹粉也是很多的份量, 不過味道有點偏淡, 也比較稀。炒飯味道也是偏淡的, 不過炒得也好吃。另外我們一人點了一杯飲料。凍豆漿 HKD 15.00沒有多大的豆味, 但是夠甜,

環境寬敞舒適， 侍應殷勤服務。二人套餐 $288酸辣湯/三絲豆腐羹兩位、 自選涼菜兩款、 自選小菜一款、 自選飯/ 麵/年糕一款 、 甜品桂花拉糕/高力豆沙兩件。三絲豆腐羹， 好足料， 有爽口蝦仁、 菜粒、 金華火腿粒、 嫩滑嘅豆腐， 入口清爽鮮味， 營養豐富。熱爆燻魚， 深褐色， 炸到乾身， 甜甜的醬汁， 魚骨細幼， 好美味。美味海蜇， 口感煙韌， 有嚼口，表面灑上芝麻、 濃濃的麻油香味， 感覺十分滋味。黃金蝦球， 蝦球外面完完全被金黃色的鹹蛋黃包著， 入口鹹香細緻， 蝦球大大隻，爽口彈牙， 簡直是黃金組合。老上海炒飯， 火候十足 ， 口感適中，粒粒分明， 不油膩， 配埋彈牙的蝦粒， 幼嫩的蛋絲， 香蔥粒 ，味道不太鹹，比較健康。高力豆沙， 用打起的蛋白去炸， 灑上糖霜， 賣相吸引， 內裏有豆沙蓉，不太甜， 好鬆軟， 飯後甜品好滿足。

好耐冇食過夏麵館，今日去第一個感覺係好經濟實惠，難怪平日晚市都好爆。*呢度有茶位費（$4）夏味燻蛋（$13）單隻order都幾flexible，味道還好。蟹粉小籠包（$38/2隻）蟹粉小籠包可以order 2隻或4隻，想經濟啲就叫兩隻過下口癮，小籠包包皮唔算好薄，蟹粉餡味道鮮，下次可以食普通版小籠包，睇下邊隻好啲。牛肉生煎包（$30/2隻）牛肉餡都算juicy，但包煎得唔係好夠脆。干扁四季豆（$58）好有鑊氣，四季豆炒得乾身，推介。三鮮煨麵（$60）排骨擔擔麵（$65）碗麵熱辣辣，湯底帶微辣，呢個麵都幾好。