夏麵館 (始創中心)

營業中

休息中

去始創中心取東西，一行出來見到 夏麵館，原來1:45 已開始下午茶時段，看下menu 有好多選擇。叫了一個唐芹水餃麵，加$5 轉了淮山麵，送飲品一杯 選了夏伯伯酸梅湯，另外加了半份豆沙鍋餅。唐芹水餃麵 比較清淡，小小的水餃好袖珍，餡料較淡味，淮山麵幼身，質感唔錯，爽口。豆沙鍋餅就唔得，餅皮硬硬的脆身，不是有蛋香較軟身的皮，失望。

上海菜也很適合香港人的口味，尤其是小籠包，鍋貼，上海粗炒，酸辣湯等等，都是港人的至愛 。 一向都覺得夏麵館的上海菜做得幾出色， 上星期日睇鄭秀文演唱會之前， 就到了太子始創中心的夏麵館吃晚飯， 點了蔥油開洋拌麵$42， 酸辣湯麵$52轉淮山麵$5， 唐芹鮮肉水餃$38， 豆沙鍋餅$36。 ⭕酸辣湯淮山麵🍜～ 近期很喜歡吃淮山麵感覺比較健康， 酸辣湯味道適中， 帶酸而不太辣，惹味開胃。 ⭕蔥油開洋拌麵🍜～ 蔥油味芬香撲鼻，拌麵煙韌易入囗， 香蔥配麵非常好吃。 ⭕唐芹鮮肉水餃～ 芹菜味清香， 但反而水餃皮比較散和厚身。 ⭕豆沙鍋餅～ 因為趕時間的關係，我們要拎走吃， 豆沙鍋餅的皮脆， 豆沙餡不太甜， 正！每次到夏麵館都可以好好享受一餐上海菜， 非常開心滿足。

平時晏就食中餐多，夜晚食真係少啲，今次難得食～因為本人係糖心蛋終極愛好者，見到中餐館竟然有，即刻試下先！ 佢依隻係燻蛋黎，食落有好濃烈既煙燻味，帶少少不知名既香料味～ 蛋既生熟控制得唔錯，都算係有水準既糖心蛋主食方面我地就叫左酸辣湯麵、蟹粉拌麵同蔥爆牛肉～其實我地係冇諗過佢一碗麵係咁大份，食到我地勁飽！酸辣湯面好足料，酸味較重蟹粉拌麵就分開麵底同蟹粉汁，蟹粉汁係杰身啲既，食得出都幾濃既蟹鮮味～蔥爆牛肉就都有獲氣，配飯應該幾正！另外我地都叫左野飲，美滿既一餐～

去始創中心取東西，一行出來見到 夏麵館，原來1:45 已開始下午茶時段，看下menu 有好多選擇。叫了一個唐芹水餃麵，加$5 轉了淮山麵，送飲品一杯 選了夏伯伯酸梅湯，另外加了半份豆沙鍋餅。唐芹水餃麵 比較清淡，小小的水餃好袖珍，餡料較淡味，淮山麵幼身，質感唔錯，爽口。豆沙鍋餅就唔得，餅皮硬硬的脆身，不是有蛋香較軟身的皮，失望。

銀絲卷新鮮即炸，放上檯時還是熱烘烘，外皮色澤金黃，入面藏著屢屢麵絲，銀絲軟綿油潤，帶淡淡甜味，而外皮亦散發著自然麥香，蘸點甜美的煉奶吃，香脆可口。鮮肉小籠包一客有 4 隻，即叫即蒸，上檯時不斷冒出熱煙，用筷子小心翼翼地夾起其中一隻細看，皮不算很薄，沒透光效果，不過褶紋部份如扇貝，個個大小均勻。輕輕咬開頂部，熱辣湯汁即時流入口腔，非常滋味；而肉餡食落亦鮮香富嚼勁，完全不會過韌，的確有水準。砂鍋雲吞雞內有半邊雞，上湯以原隻靚雞煲成，完全無落味精，味道鮮甜。雲吞大大粒，餡料扎實，菜同豬肉的比例啱啱好，加上吸收咗湯中精華，飽滿又多汁。雞肉仍然保持滑嫩，配埋湯內浸至入味的小唐菜，用料十足。濃湯滑津白， 津白以上湯燜過，吸收了老雞精華，佐以金華火腿，鹹香又鮮甜。另外個濃湯汁亦做得很水準，入口好 Creamy，非常滑溜。

又到食大閘蟹的季節，由於友人不喜歡吃，所以只係點了一隻乸的試試。我想其他食客因為有yahoo 團購的關係點了許多隻。由於蒸的時間需時，所以點了其他食物，食物質素不錯👍🏻喜歡食拼盤。終於等到我的大閘蟹了。大閘蟹與宣傳的圖片差不多，所以覺得都可以。可惜蒸得太熟了😞 而且膏亦相對較少，所以如果$148（未包加一），我覺得性價比一般，所以如果再來，應該不會再點大閘蟹了，其他食物更吸引

小朋友嘅時候好鍾意到屋企樓下嘅上海舖食晚飯，飲我最喜歡嘅酸辣湯，食上海炒粗同埋小籠包。上海舖結業之後，嗰種懷舊嘅味道同埋周圍都有，上次食過夏麵館，感覺味道有7分上次相似，所以久不久放工會專程搭車到太子吃碗酸辣湯。《酸辣湯》酸辣湯辣緊要個酸，這裏的酸辣度控制得好平衡，而且用了豐富，每一口都有咬感，暖胃又實在。《夏味燻蛋》很有懷舊的味道，煙燻味濃郁，蛋做到流心的感覺，十分美味。《鮮肉小籠包》我個人推介的美食，小鮮肉果然肥美多汁，皮薄喊靚，熱辣辣即叫即做，入口小心小籠包的湯汁會噴出來。《牛肉生煎包》生煎包就食得多，以牛肉作餡料的都是新嘗試，肉味濃郁多汁，包底煎得夠香脆。《排骨擔擔麵》這裏的擔擔湯底也是非常出色，濃郁的花生香味，麵條爽口彈牙，掛汁能力高，上海炸排骨更加是外脆內軟，食到停唔到口。《川味口水雞麵》川味口水雞的雞肉嫩滑，醬汁麻辣，冷盤來說口味十分惹火，辣得好刺激。

今晚突然好想食上海菜，就同左男友去夏麵館😅因為太肚餓所以叫咗勁多飽肚嘅嘢😂 包括雞絲粉皮，黃魚煨淮山麵，糖醋魚塊配菜飯同百葉小棠菜苗～雞絲粉皮嘅粉皮韌度適中，豐富嘅花生醬味，配埋爽口消暑既青瓜好開胃👍黃魚煨淮山麵叫左少麵都超大份😱 個湯有少少奶白湯嘅味，幾香幾好飲🙊啲魚好滑，清淡得黎好味😋糖醋魚塊係新鮮炸起，酸同甜既味道剛剛好，送飯一流👍👍百葉小棠菜苗煮得啱啱好，菜爽口， 有啲金華火腿既咸香味，同樣清得黎幾正👏坐得幾舒服，價錢唔貴，可以再黎😁

我係旺角做完facial揾朋友食飯，都夜啦，朋友揀咗始創方便大家小巴返屋企。今晚唔想食熱氣野，揀左中餐夏麵館。天花板好似狗仔手印咁，幾新穎。醉香豬手 $62花雕酒滿一碗湯咁，豬手份量都唔少。花雕酒好濃味，入哂豬手既皮、根位、有少少少少肉。根位好出色，晶瑩剔透得靚深入花雕酒硬得嚟係咬到既，唔係軟骨個隻。豬皮比根位薄會更入味爽口，最重要無毛！唔錯。花雕酒都飲咗半，哈哈。蒜香四季豆 $34冷盤色澤鮮艷，有綠有白有紅。蒜香幾重，辣就唔辣。鮮肉小籠包 $38多汁，樣見皮厚身，但食落唔會太重粉底。加薑加醋重味d，又熱又「辣」。多肉多湯，熱湯慢慢流入口。之後再食肉，幾大舊半肥瘦豬肉。蔥油蝦米拌麵 $42蔥黑晒帶甜，蝦米就鮮，混合拌麵。拌麵無湯以為會好咸，又ok喎。反而湯麵有d咸。夏味鱔糊麵 $70湯麵係話陽春麵呀，有d咸。見佢麵底仲大個拌麵咁，算啦。鱔糊就味道唔咸岩岩好，鱔糊絲肉質甜勁夠又夠實，再加爽「脆」酸筍蔥花，整體好實淨既菜。酒釀丸子 $30桂花酒釀花香甜甜，打左個大獻咁結結地。

好耐冇來夏麵館，真系好卦住佢d特色懷山麵，出面真系好似未見過有呢種麵食，好特別的口感，又特別健康。餐廳環境時尚又不失古典韻味，很有上海茶樓特色。大細卡位舒適，適合一家大細。多款上海小菜選擇很多，淨系麵就有十幾款，只是加返幾蚊就可揀擔擔麵湯底，更可選擇懷山麵。我地揀左擔擔麵湯底的排骨懷山麵，價錢系70蚊。跟埋酥炸排骨，真系好抵食。麵身爽口，口感好特別，配上擔擔麵湯底，麻醬香口。酥炸排骨金黃香酥，肉質鮮嫩。熏魚很有上海特色，溫熱的口感新鮮。肉厚又夠味。上海醬鴨的醬味十足，咸香正宗，鴨肉肥瘦適中，好味！

今日同朋友出開太子買野，去咗始創中心覓食，然後我哋揀咗呢間夏麵館。即使今日係平日夜晚，餐廳都有唔少枱客。我地揀左個主食再加幾樣小食share。我哋見佢個蟹粉美食係廚師推介，於是叫咗個蟹粉炒飯。蟹粉同炒飯分開上，蟹粉十分濃味，撈埋炒飯食好惹味。而且上枱時蟹粉同炒飯都熱辣辣，值得一讚。鮮肉小籠包，皮薄餡靚，食落去充滿鮮嫩肉汁，唔錯。紅油抄手，總共有六隻，size比平時食開大粒，由於唔係被辣油浸住，所以味道較淡。夏味燻蛋（兩隻）隻蛋經過煙燻，味道比較特別同吸引，凍凍地，幾開胃。花雕醉雞 ，花雕酒味夠出，雞的份量亦不少，而且煮得入味。餐廳野食價錢便宜，而且每樣嘢食都分量十足，食到好飽都只係每人百零蚊，好抵。

身為一個吃貨咩都會去試下👅而上海菜.四川菜.我都好喜歡今日就去左一間好多人都推介既餐廳夏麵館.聽就聽得多.但真係未試過!.食物方面:⚪️上海醬鴨味道比較濃郁入味.肉質都好嫩滑分量唔算太多.作為涼菜都唔錯😛⚪️蟹粉豆腐煲好香蟹粉味.而且非常足料豆腐好滑.配合蟹粉好夾成煲都可以見到好多蟹肉同蟹膏😊⚪️蟹粉拌麵蟹粉係另上的.一個拌麵跟一碗蟹粉相對上無蟹粉豆腐煲好味🤔拌麵係冇味嘅靠蟹粉嘅味道所以整體都比較淡.蟹粉味唔算好出而且一碗蟹粉唔足夠撈成碗麵.不過不失⚪️鮮肉鍋貼大大隻鍋貼.餡料好足但係略嫌皮厚.煎得唔夠脆但唔算好乾都可以的😌⚪️鮮肉小籠包熱辣辣嘅小籠包充滿湯汁.一咬就流哂出黎.肉味好鮮甜😚整體方面:因為見到有得食蟹粉.本身都好鍾意食所以叫咗兩樣蟹粉嘅菜式蟹粉豆腐煲絕對有驚喜好濃郁😋而且配合豆腐非常夾小籠包都係必食之選建議麵食揀返上海粗炒或者擔擔麵應該會更好食想食上海野都係一個幾好嘅選擇👍🏻

我久唔久想食上海菜就會嚟呢度。食物多元化，價錢大眾化，而且有我喜歡的菜色！《蒜泥白肉》每次去食上海菜必點的菜色。豬肉肥瘦平均，點埋個醬尤其好食。《東波肉》外型和器皿都十分別緻。有一層非常厚的豬皮口感十足。醬油味道十分濃郁，不錯吃！《鮮肉小籠包 4隻》皮薄餡靚，肉味鮮甜加上豐富肉汁，十分好吃。《酥炸雞扒准山麵》雞扒炸得很香，炸粉亦鬆化。淮山麵味道清淡感覺健康，面質彈牙。《牛肉生煎包》 有兩件。麵包做得不錯頗軟熟。裏面的牛肉餡味道濃郁幾好味。《紅油抄手》有六件咁多。味道豐富，又麻又辣。《豆沙鍋餅》即叫即整的！上枱時熱辣辣，紅豆是半融狀態，就像新鮮出爐的麵包，十分之好吃，highly recommended!

這裡裝修懷舊有特色，琉璃燈飾加上墻上的鏡片，仿佛時光倒流身處老上海餐館。蒜泥白肉，有別于其它地方的五花肉片，這裡把肉片切得較厚身，醬油和蒜蓉味道唔錯。酥炸雞排麵，這個麵做得非常出色，我喜歡這裡的淮山麵，有咬口又夠滑，炸雞也相當唔錯，外面酥脆，裡面肉汁豐富。鮮肉小籠包，小籠包係上海菜必食，基本上唔會失手，一啖咬落去裡面湯汁飛濺入口腔，十分滿足。豆沙鍋餠，剛煎好熱辣辣食非常香，好味。桂花拉糕，面個D桂花汁好濃烈桂花香味，個糯米糕好煙韌。

響始創行完街，路經此處，響門口見到呢個廣告牌，兩眼發亮，衝着貓山王高力而嚟，正值當季貓山王，又夾我自愛嘅高力，但係今晚嚟到冇貨，有啲失望，差點想走，但係朋友話好肚餓，所以繼續留低～唯有叫其他嘢食啦，見到隔離枱嘅炸黃魚，好似好好味咁，我哋都要一碟... 熱辣辣、外脆、內軟又多汁～炒鱔糊以筍及鱔混和其中，爽口又不失鱔肉嘅香味～叫唔到榴槤高力，就叫其他甜品試吓啦，豆沙鍋餅，滿滿豆沙餡，外皮脆剛好，唔會太燶～酒釀桂花小丸子，上枱熱辣辣又香噴噴，足料，滿滿都係小丸子，夠熟煙韌，恰到好處，桂花、酒香突出～簡單一頓飯，滿足～