夏麵館 (始創中心)

營業中

休息中

身為上海人，由細到大都食唔小人地方嘅上海菜，但係唔係間間餐廳都做到嗰種味道，今日黎一試夏面館嘅手勢。第一樣野當然要試吓個上海粗炒，呢個係上海菜最基本亦都係最難做得好食嘅菜式。首先個麵條一定要好煙靭，炒完唔係好爛，呢度嘅調味亦都剛剛好唔會太鹹亦都唔會太淡，配料亦都好足夠，食第一啖覺得好值得點。見到Menu上邊那個新項目，就係口水雞。我真係好鍾意食口水雞醬，所以叫咗黎試。呢度嘅口水雞醬係酸酸甜甜嘅感覺，一啲都唔辣，食唔到辣嘅人都可以接受到，再加埋個湯麵可以緩和油膩感覺，好適合女士。係人時段同炸饅頭之間糾結咗好耐，最後都係叫咗一絲絲嘅銀絲卷，加埋煉奶食就好似甜品一樣。同行嘅朋友係完完全全的酒釀丸子粉絲，所以佢一定要嗌呢個酒釀丸子做甜品。然後，佢覺得味道同埋丸子嘅煙靭度都係非常好，呢個湯好似比傑左少少。蔬菜吸收：津白。

下午3點零，tea time啦，但個人工作關係要tea time先食lunch. 見呢間嘢d相頭幾好，就特登過海去試下啦。一入去，叫一位，咁d姐姐好常都係安排搭枱，今次就安排搭坐中間d硬pan座位，我要求坐卡位，當時餐廳有零星客人，4分一滿，近門口卡位有留座牌，但入面卡位有人坐，佢就話兩邊卡位都係清潔中。。。跟住我轉身就走，去左樓下地庫台灣面(原來都有醉雞食) 。其實呢d單拖食嘢比人迫搭枱都係常見(但佢有幾堅持會反映待客之道嘅高低) ，而下午茶時間人少唔開某區亦係常情(省清潔，省冷氣，省送餐步程？，但省唔到租金), 但我做嘢做咁辛苦到tea time先食lunch嘅情況下就真係冇氣同佢去nego個坐位問題，因為個氣氛已經唔welcoming(唔聽姐姐指揮坐硬位), 食餐飯唔想頂住。咁冇氣點解又會有呢編評論？因為已經食飽飽

屋企人話想食上海菜，所以就黎咗夏麵館😆 首先揀咗呢一款小食，係自選涼菜，五小碟。每樣都可以試到啲！以我最鍾意食嘅都係雞絲粉皮，粉皮整到晶瑩剔透，加少少麻醬簡直冇得輸！叫咗個回鍋肉粗炒，雖然寫住回鍋肉，但係呢一個粗炒食落又唔係好辣，但係都幾惹味，份量都好大！特登嚟食上海野，梗係要叫鮮肉小籠包，雖然呢度小籠包皮比較厚身，但入邊既餡料都好鮮甜，夠哂湯汁。最後叫咗兩款甜品，高力豆沙同豆沙鍋餅，兩個都係紅豆餡，但係好彩食落唔會好甜～整體來講兩款甜品味道都唔錯

今日去咗太子行街，行到攰就去左食野，揀咗一間食上海野既餐廳，呢間鑽石山食過味道唔錯所以今次就黎太子試下。太子呢間個經理就態度冇咁禮貌同友善首先叫咗呢一款，自選涼菜 五小碟 ($115) 有五款小食可以揀，滿足晒五個願望。咁我就揀咗四喜烤夫，雞絲粉皮，鎮江水晶肉，糖醋小排同埋虎皮素鵝。全部小食都好味同高質👍🏻 自己特別鍾意食糖醋小排，個味道唔會話好酸，甜甜地食到停唔到！XO醬炒年糕 ($68) 叫咗呢個炒年糕，食落都辣辣地，炒得夠晒火候，食落都好惹味。但係唔知係咪因為XO醬嘅緣故，食落感覺都幾油。蒸饅頭 ($28) 上次試咗炸饅頭，今次就一於試下蒸饅頭，個饅頭咬落好鬆軟，加埋煉奶好好味蟹粉小籠包 ($70/4隻) 蟹粉味都幾重，但係就略略蓋過咗肉嘅鮮味。我都係覺得原味小籠包好味啲同埋性價比較高到咗甜品環節叫咗高力豆沙 ($36)同豆沙鍋餅 ($36) 豆沙鍋餅比較有驚喜，個皮炸得好脆，但係又不失口感。而且紅豆食落都唔會好甜，share黎食就啱哂。

上海擔擔麵 $46夏麵館係連鎖店 食上海菜 我經過其他分店唔少次 不過都未試過 今次一試太子始創呢間食上海菜我例牌會叫擔擔麵 麵系既我唔在意有無肉或者其他餸 最主要係睇個湯底調味得好唔好 擔擔麵就開正我果泛 濃湯同花生粹等配料都令我每次必叫呢碗麵都係一貫濃味 落單店員有確認有一定辣 我估都有唔辣版本 反正呢個辣度我就滿意既 麵質感唔算特別 個湯底就覺得唔錯 如果要係擔擔麵中分類 我覺得呢碗係靠個湯就夠果種 唔使太多配料都ok鮮肉小籠包(4隻) $38食上海菜叫小籠包又係指定動作一流既小籠包不外乎皮薄餡靚 仲要加上足夠湯汁 皮薄先可以容易啲進食 如果唔係好易爆汁話講未完 我食第一啖就真係咇左啲汁出黎 間接睇得出呢籠小籠包皮唔算超薄 不過食落其實又唔厚 可以接受 同埋爆得汁即係代表夠多汁啦 至於餡方面 呢款唔係咩特別口味 肉餡都係普通豬肉咁 對我黎講都ok 因為指標當中我最睇湯汁一項如果想要特別啲既小籠包 我見有張餐牌專講蟹粉類點心小菜 可以試下叫蟹粉小籠包 家常煎餅 $26呢份餅平得黎又份量多 好抵叫外表同味道黎講都有啲似印度薄餅 上海菜當中少見啲 分別在於呢份煎過既痕跡大啲 所以口感偏

#夏面館小篇不嬲去開附近的上海姥姥或上海廳幫襯朋友向我推薦夏麵館，於是去試試小編叫左擔擔面、蟹粉小籠包、三鮮煨麵及火腿津白擔擔麵湯底好濃，岩曬重口味既人但唔算太辣，仲帶有小小甜既味道麵質偏軟，有彈性，又掛到湯三鮮煨麵比較清淡，湯底由新鮮既魚熬成加上海鮮既配搭，令成碗麵更加鮮甜蟹粉小籠包，識食一定係從頂部開始食起頂部有足料既蟹粉，皮夠薄一咬，鮮甜既湯汁就爆曬出黎火腿津白係白菜加高湯白菜好新鮮，配搭咸咸地既火腿，清淡健康評分： 7.9/10

#排骨擔擔麵 🍜 ($65)超大碗擔擔麵😱 同排骨分開上的😊 排骨keep住脆唔淋👍🏻 擔擔麵湯底帶微辣😛 麵條份量超多🍜-#自選涼菜五小碟 🍱 ($115)自選五小碟👋🏻 揀左雞絲粉皮、海蜇、糖醋小排、鎮江水晶肉同素鵝🤚🏻 有得自選好flexible😎-#生煎包 🥟 ($36)#夏味燻蛋 🥚 ($24)📍太子始創中心1樓115C號舖🚇太子站B2出口👍🏻

同友人行完街， 諗住搵個地方坐得舒服又唔好太貴剛巧見到夏麵館有位就入去了生煎包 ($36) 大大個， 不過肉質稍乾排骨擔擔麵 ($70)超級大碗1個人一定食唔晒XD排骨皮脆肉嫩湯麵味道濃郁， 咬到有花生粒又有少少辣， 好好味～紅油抄手 ($38) 好大粒點辣油食非常惹味蟹粉小籠包 ($70) 最好味湯汁好鬼熱， 小心辣口豆沙鍋餅 ($36) 唔會油淋淋豆沙偏甜， 不過我鍾意食！兩人埋單唔洗＄300，食到好滿足服務唔錯，會再嚟

在太子夏麵館吃晚飯，店內裝修精緻，有懷舊的上海情調。我們點了夏味推介的排骨擔擔麵，排骨剛炸好上枱，熱辣酥脆，湯底充滿濃濃的花生香，微辣惹味。另一款夏味推介的夏味鱔糊麵，味道正宗，鱔糊夾著筍絲，十足上海風格。而必食的鮮肉小籠包，一籠4隻，咬落鮮嫩多汁，皮薄餡靚。生煎麵包賣相吸引，大隻抵食。甜品則叫了高力豆沙，配上冰凍及不會太甜的豆漿，十分好味。店裡的食物都很快上枱，選擇多樣化，味道不錯。難怪晚市都十分多食客。

在旺角想吃小籠包， 就想起夏麵館！有好多選擇呀！ 點了蟹粉小籠包，鮮肉小籠包 皮薄餡靚，咬一小口， 濃濃的湯汁爆出來！ 蟹粉味道好濃呀！ 超幸福的！又加了蟹粉炒年糕年糕超Q彈， 配上蟹粉和蟹肉 超好吃呀！ 蟹粉量也夠，味道超濃蘿蔔絲酥餅 之前沒吃過就點來吃看看 外面是千層薄薄脆脆的酥皮， 包著一絲絲新鮮的蘿蔔絲！ 好香好好吃！當然少不了上海擔擔麵 很大一碗！ 我們兩個人分剛剛好 怕辣可以要求少辣， 我很喜歡濃郁的花生香的湯！今晚的甜品是香煎南瓜餅炸得剛好，外觀很可愛 有保留淡淡的南瓜香， 裡面QQ的餅芯， 再加上一點點糖霜， 不會有油膩的感覺 好好味呀！

夏麵館-滬式滋味有時食得西餐多都想轉下口味食返餐中菜，黎到始創中心被夏麵館既門面吸引住，可能岩岩裝修完，全店都好摩登。一坐低服務員就奉上一壼熱茶🐻雞絲粉皮 $52粉皮晶瑩通透，爽口彈牙，配上青瓜絲同雞絲，再加上香濃既芝麻醬，開胃之餘亦係消暑佳品。🐻XO醬炒年糕 $68未上枱已經聞到香味，用上大量XO醬、生抽同辣醬炒年糕，每一塊年糕同配料都沾滿醬，入口微辣，年糕煙韌，但不失惹味。🐻鮮肉小籠包 $38小籠包皮薄肉嫩多汁，筷子輕輕一夾都冇穿，食之前點埋醋同加兩條薑絲，口感即時大增，食既時候真係要小心，因為真係好多汁。🐻醃篤鮮 $75上海第一名湯，用上冬笋、腩肉、咸肉同百頁結慢火熬，乳白色既湯頭，入口非常鮮味，百頁結豆味濃郁，同時亦好索味，冬笋非常爽脆，看似簡單既湯，其實係一道繁複既功夫湯。🐻豆沙鍋餅 $36即叫即炸既豆沙鍋餅，薄薄既餅皮，熱辣辣又脆口，內裡滿滿豆沙蓉，味道唔會太甜，絕對係一個唔錯既飯後甜點。

✿╮❤╭✿ ✿雜感女生   好味日記✿ ˚*•✰。夏麵館．必食醉雞。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤ 太子的始創中心也是食店雲集 夏麵館極長的排隊人龍最好是訂好位才出發朋友早早預訂了，也要等2張台才能入座可見是多麼受歡迎花雕醉雞 超入味的酒香，冰爽的雞皮 嫩滑的雞肉，味兗絕對唔會輸！鎮江水晶肉 每次到訪上海食店必食 精緻的水晶視覺，動L的口感正！蘿蔔絲酥餅 so 酥 ！ 油炸點心的經典，每層酥皮細緻均勻蘿蔔鹹香汁多！夏味鱔糊麵 (淮山麵) 鱔糊可以加入韭黃，醃耐D，更入味 鱔肉如可以減少「骨感」就更加好 淮山麵夠爽爽滑，整體口感不錯小評： 味道：★★★★☆ 環境：★★★★☆ 服務：★★★★☆ 衛生：★★★★☆ 抵食：★★★★☆

又係時候同媽媽撐下枱腳 熱辣辣 都係行商場算了行完聯合附近 見到始創有夏麵館 唔洗諗啦 坐底作為餓底嘅我 叫左超有份量嘅二人餐 先黎花鵰醉雞 上枱勁香酒味 勁吸引雞肉完全被花鵰包圍住 肉質嫩滑㨂左好耐無飲嘅酸辣湯 的確又酸又辣 好醒胃我至愛嘅烤夫 好入味 口感唔會太淋 好食之後份量十足嘅擔擔麵 竟然係一窩咁上兩個人食 實在太過份啦 擔擔麵質彈牙配埋肉碎同埋花生粒 味道一流䓤爆牛肉 味道相對地濃 牛肉都算嫩滑食到呢度已經飽到上頭頂 重有甜品未食就係即整嘅高力豆沙 不過略嫌糖粉同豆沙都少左啲 如果唔係就完美了

好耐無食過中菜，今日途徑太子附近見到有上海菜已經好想食，小籠包、窩貼、生煎包諗起都開心。夏麵館有別於其他分店，入內全走摩登的設計，地方相當寛敞舒服又有卡位雅座。餐廳設有餐紙給客人單點，由小食、小菜、點心、飯粉麵、甜品等，應有盡有。特別一些手工菜或限定系列，例如蟹粉系列、貓山王高力豆沙，深信總會有一班棒場客。麻醬拌麵 $36估不到拌麵的份量那麼多，麵條幼身與麻醬互相輝映，麻香四溢並帶有口感。2-4人單點也可以，相當抵食。鮮肉小籠包 $38上海菜又點少得「小籠包」，4小粒熱騰騰皮薄餡靚，輕輕咬一口湯汁豐盈，肉味濃郁連同薑絲及醋同吃，更見滋味。大千蝦球粉絲 $118驚喜的莫過於平凡的食物更見不平凡，本屬普通之物-粉絲，爆香蝦仁連同酸辣汁炒至乾身並利用鐵窩奉上保持其溫度。上桌相當吸晴，大大粒蝦仁與粉絲入味又惹味。炸銀絲卷跟煉奶 $26好耐無見過炸銀絲卷，平常上海菜通常只有炸饅頭但其實銀絲卷更見美味。銀絲卷即叫即炸，香脆的外層與內裡的鬆軟呈絲狀，連同煉奶同吃非常好吃。

去親旺角太子，要揀晚餐食咩都有點難道；因為選擇太多太多啦！今次咁岩約左係始創附近買野，2個人就去左始創中心既夏麵館食上海菜~~前菜我必點醉香豬手入口夠凍，酒香適中唔會過於嗆喉，豬手皮多肉少，而且夠爽口！食上海野點可以唔叫蟹粉小籠包可以叫2隻或4隻，皮薄入面仲裝滿哂上湯；蟹粉味濃，不錯!!平時成日食上海粗炒，今次就黎個回鍋肉粗炒~~微辣既醬汁食落好惹味，又唔會過辣，唔太食辣既人都食得到!!回鍋肉唔會太乾太老，有水準～最後仲點左個紅油炒手一碟６隻，皮薄包住滿滿既豬肉，加上辣油同花生碎～味道都ＯＫ，而且都有少少辣！一餐晚餐都每人$200 左右係呢區黎講都唔算貴，而且味道幾好!!可以再黎~~