夏麵館 (始創中心)

營業中

休息中

夏麵館的出品，勉強可以，只是勝在位置方便，在太子始創中心內，鄰近地鐵站。因為有一位朋友晚來，所以先點了一份生煎飽和小籠包，邊吃邊等。我們是以Eatigo訂座，享有10%折扣，但服務員說只限正價餐牌，套餐沒有優惠。在我們結帳的時候，卻說因為點了套餐，所以全單不能打折，這樣有欠公允。他們的套餐，確實便宜，我們三人點了四人套餐，可能因為晚上8:00多才用餐，大家肚子餓，所以全部光盤行動。整體菜式只是一般，不會太差，但也不是突出，只能說飽肚而矣。題外話，始創中心有做推廣，晚市惠顧$500或以上，送贈$100優惠券，只可到指定餐廳消費時使用。

本身都幾鐘意食上海菜，呢日下午茶時段嚟點左個套餐--小籠包同上海擔擔麵配豆漿，茶錢另計。平時食小籠包一籠最少都4件，少人食既話其他菜就唔可以點咁多。呢度下午茶叫套餐人少少食都得，一次過食鐘意既菜，分量剛剛好。可能太耐冇食上海菜，食完呢餐都幾滿足。

這家餐廳不只是食麵，而是吃上海菜菜館。這已不是我們第一次來了，這次我和另外一個朋友過來吃。叫了一碗五小碟。朋友很喜歡食吃酸菜魚，於是也叫了一盤。🍲五小碟海蜇頭、雞絲粉皮、糖醋排骨、腐皮卷、烤麩。分量比我們想的要多，而且很便宜，才$115。如果兩個人來吃，能吃五款小吃，真的滿足了我們這種貪心的小饞嘴。每一款小吃的水準都不錯，挺好吃的。🍲酸菜魚酸菜魚將四川的做法，有很多紅辣椒乾和紅油，桂花魚的魚肉嫩滑，配上了芽菜和唐芹菜，很好吃。

下午茶時間以為無乜人，點知要取籌等位。等咗一陣便有位，入內有很多人在吃，找到個角位坐。下午茶與午飯餐的區別是少了小食，需另加$配上的。選了青菜煨麵，大大碗煨麵加有切碎的小棠菜，湯是奶白色，是湯底加有奶而成的，令煨麵吃時軟滑溜。加$20，鮮肉小籠包4隻，即叫即蒸，都幾大隻，皮唔算太薄，夾起沒有破，一咬內裏很多湯汁，唔太鹹，肉餡鬆軟，不錯。夏伯伯酸梅湯，飲到用酸梅煑出來的味道，但唔太酸，甜度適中。其實以下午茶來計，是否算抵就因人而已。

捱過一星期後終於放假了，今晚又帶左媽咪黎到旺角始創中心「夏麵館」食佢最愛嘅上海菜～晚上七點幾已經座無虛席，好受歡迎呢菜單上嘅選擇好豐富，價錢經濟實惠涼拌小木耳木耳口感爽脆，加咗辣椒仔同酸醋吊味，酸酸微辣頗開胃呢鮮肉鍋貼有三大隻，鍋貼表面不太油膩，底部則金黃香脆，外皮略厚，充滿麵粉香。裏面係新鮮豬肉，肉餡頗肥美香軟，充滿肉汁鮮肉小籠包小籠包外皮厚薄適中，滿載湯汁同juicy豬肉餡，味鮮且鹹香，好出色賽螃蟹蛋白好滑溜，蝦仁新鮮爽彈，兩者比例剛好，味道好夾，仲有少量毛豆同紅椒，送白飯食就啱晒啦高力貓山王榴槤最後又點少得甜品呢，高力豆沙或者香蕉就食得多，呢度竟然有貓山王榴槤！金黃色的外表非常吸引，大小適中，裡面係濃郁香甜的貓山王榴槤蓉，真材實料擂沙湯丸芝麻湯圓好軟糯，口感QQ，有糯米香，內裏係粒粒起沙的黑芝麻餡，甜度適中，好好味啊

今晚同少爺響太子食飯，去左始創中心既夏麵館食野，我地已經接近十年無食過夏麵館。仲記得十幾二十年前? 在element食第一間的夏麵館，果陣真係覺得好好食，果間的夏麵館感覺好elegant, 裝修幾清雅。。之後夏麵館忽然開左好幾間分店，水準亦差左好多，同element店完全吾同! 我地亦沒再幫襯了。始創呢間夏麵館都幾迫，d 枱非常貼勁嘈吓! 叫左鮮肉小籠包($38), 個小籠包係多汁的，但係個皮同我面皮一樣太厚!!鎮江水晶肉 ($55) 呢個水間肉真係好吾掂!!!我本身好鐘意食水晶肉，每次去奧海城金滿庭都會叫，呢度的水晶肉太硬，完全做不到水晶肉應有的林和軟，食完呢度我忍吾住同少爺講：金滿庭做的真係好好食!火腿津白 ($70), 呢個津白做得好林，只係個汁少少咸。排骨擔擔麵($65), 個擔擔麵醬汁做得香濃的，只係麵有d過林，我自己喜歡食有咬口的麵。豬排ok good , 吾鞋如果肥多少少更好!XO醬炒年糕($68)個XO醬幾香口，但年糕片切太厚而且煮得太硬埋單326蚊，餐廳服務係好的，非常多人而且有d迫，但侍應嬸嬸非常殷勤。但係，今日既夏麵館味道真係差左好多，我好懷念element的夏麵

去始創中心取東西，一行出來見到 夏麵館，原來1:45 已開始下午茶時段，看下menu 有好多選擇。叫了一個唐芹水餃麵，加$5 轉了淮山麵，送飲品一杯 選了夏伯伯酸梅湯，另外加了半份豆沙鍋餅。唐芹水餃麵 比較清淡，小小的水餃好袖珍，餡料較淡味，淮山麵幼身，質感唔錯，爽口。豆沙鍋餅就唔得，餅皮硬硬的脆身，不是有蛋香較軟身的皮，失望。

上海菜也很適合香港人的口味，尤其是小籠包，鍋貼，上海粗炒，酸辣湯等等，都是港人的至愛 。 一向都覺得夏麵館的上海菜做得幾出色， 上星期日睇鄭秀文演唱會之前， 就到了太子始創中心的夏麵館吃晚飯， 點了蔥油開洋拌麵$42， 酸辣湯麵$52轉淮山麵$5， 唐芹鮮肉水餃$38， 豆沙鍋餅$36。 ⭕酸辣湯淮山麵🍜～ 近期很喜歡吃淮山麵感覺比較健康， 酸辣湯味道適中， 帶酸而不太辣，惹味開胃。 ⭕蔥油開洋拌麵🍜～ 蔥油味芬香撲鼻，拌麵煙韌易入囗， 香蔥配麵非常好吃。 ⭕唐芹鮮肉水餃～ 芹菜味清香， 但反而水餃皮比較散和厚身。 ⭕豆沙鍋餅～ 因為趕時間的關係，我們要拎走吃， 豆沙鍋餅的皮脆， 豆沙餡不太甜， 正！每次到夏麵館都可以好好享受一餐上海菜， 非常開心滿足。

平時晏就食中餐多，夜晚食真係少啲，今次難得食～因為本人係糖心蛋終極愛好者，見到中餐館竟然有，即刻試下先！ 佢依隻係燻蛋黎，食落有好濃烈既煙燻味，帶少少不知名既香料味～ 蛋既生熟控制得唔錯，都算係有水準既糖心蛋主食方面我地就叫左酸辣湯麵、蟹粉拌麵同蔥爆牛肉～其實我地係冇諗過佢一碗麵係咁大份，食到我地勁飽！酸辣湯面好足料，酸味較重蟹粉拌麵就分開麵底同蟹粉汁，蟹粉汁係杰身啲既，食得出都幾濃既蟹鮮味～蔥爆牛肉就都有獲氣，配飯應該幾正！另外我地都叫左野飲，美滿既一餐～

去始創中心取東西，一行出來見到 夏麵館，原來1:45 已開始下午茶時段，看下menu 有好多選擇。叫了一個唐芹水餃麵，加$5 轉了淮山麵，送飲品一杯 選了夏伯伯酸梅湯，另外加了半份豆沙鍋餅。唐芹水餃麵 比較清淡，小小的水餃好袖珍，餡料較淡味，淮山麵幼身，質感唔錯，爽口。豆沙鍋餅就唔得，餅皮硬硬的脆身，不是有蛋香較軟身的皮，失望。

銀絲卷新鮮即炸，放上檯時還是熱烘烘，外皮色澤金黃，入面藏著屢屢麵絲，銀絲軟綿油潤，帶淡淡甜味，而外皮亦散發著自然麥香，蘸點甜美的煉奶吃，香脆可口。鮮肉小籠包一客有 4 隻，即叫即蒸，上檯時不斷冒出熱煙，用筷子小心翼翼地夾起其中一隻細看，皮不算很薄，沒透光效果，不過褶紋部份如扇貝，個個大小均勻。輕輕咬開頂部，熱辣湯汁即時流入口腔，非常滋味；而肉餡食落亦鮮香富嚼勁，完全不會過韌，的確有水準。砂鍋雲吞雞內有半邊雞，上湯以原隻靚雞煲成，完全無落味精，味道鮮甜。雲吞大大粒，餡料扎實，菜同豬肉的比例啱啱好，加上吸收咗湯中精華，飽滿又多汁。雞肉仍然保持滑嫩，配埋湯內浸至入味的小唐菜，用料十足。濃湯滑津白， 津白以上湯燜過，吸收了老雞精華，佐以金華火腿，鹹香又鮮甜。另外個濃湯汁亦做得很水準，入口好 Creamy，非常滑溜。

又到食大閘蟹的季節，由於友人不喜歡吃，所以只係點了一隻乸的試試。我想其他食客因為有yahoo 團購的關係點了許多隻。由於蒸的時間需時，所以點了其他食物，食物質素不錯👍🏻喜歡食拼盤。終於等到我的大閘蟹了。大閘蟹與宣傳的圖片差不多，所以覺得都可以。可惜蒸得太熟了😞 而且膏亦相對較少，所以如果$148（未包加一），我覺得性價比一般，所以如果再來，應該不會再點大閘蟹了，其他食物更吸引

小朋友嘅時候好鍾意到屋企樓下嘅上海舖食晚飯，飲我最喜歡嘅酸辣湯，食上海炒粗同埋小籠包。上海舖結業之後，嗰種懷舊嘅味道同埋周圍都有，上次食過夏麵館，感覺味道有7分上次相似，所以久不久放工會專程搭車到太子吃碗酸辣湯。《酸辣湯》酸辣湯辣緊要個酸，這裏的酸辣度控制得好平衡，而且用了豐富，每一口都有咬感，暖胃又實在。《夏味燻蛋》很有懷舊的味道，煙燻味濃郁，蛋做到流心的感覺，十分美味。《鮮肉小籠包》我個人推介的美食，小鮮肉果然肥美多汁，皮薄喊靚，熱辣辣即叫即做，入口小心小籠包的湯汁會噴出來。《牛肉生煎包》生煎包就食得多，以牛肉作餡料的都是新嘗試，肉味濃郁多汁，包底煎得夠香脆。《排骨擔擔麵》這裏的擔擔湯底也是非常出色，濃郁的花生香味，麵條爽口彈牙，掛汁能力高，上海炸排骨更加是外脆內軟，食到停唔到口。《川味口水雞麵》川味口水雞的雞肉嫩滑，醬汁麻辣，冷盤來說口味十分惹火，辣得好刺激。

今晚突然好想食上海菜，就同左男友去夏麵館😅因為太肚餓所以叫咗勁多飽肚嘅嘢😂 包括雞絲粉皮，黃魚煨淮山麵，糖醋魚塊配菜飯同百葉小棠菜苗～雞絲粉皮嘅粉皮韌度適中，豐富嘅花生醬味，配埋爽口消暑既青瓜好開胃👍黃魚煨淮山麵叫左少麵都超大份😱 個湯有少少奶白湯嘅味，幾香幾好飲🙊啲魚好滑，清淡得黎好味😋糖醋魚塊係新鮮炸起，酸同甜既味道剛剛好，送飯一流👍👍百葉小棠菜苗煮得啱啱好，菜爽口， 有啲金華火腿既咸香味，同樣清得黎幾正👏坐得幾舒服，價錢唔貴，可以再黎😁

我係旺角做完facial揾朋友食飯，都夜啦，朋友揀咗始創方便大家小巴返屋企。今晚唔想食熱氣野，揀左中餐夏麵館。天花板好似狗仔手印咁，幾新穎。醉香豬手 $62花雕酒滿一碗湯咁，豬手份量都唔少。花雕酒好濃味，入哂豬手既皮、根位、有少少少少肉。根位好出色，晶瑩剔透得靚深入花雕酒硬得嚟係咬到既，唔係軟骨個隻。豬皮比根位薄會更入味爽口，最重要無毛！唔錯。花雕酒都飲咗半，哈哈。蒜香四季豆 $34冷盤色澤鮮艷，有綠有白有紅。蒜香幾重，辣就唔辣。鮮肉小籠包 $38多汁，樣見皮厚身，但食落唔會太重粉底。加薑加醋重味d，又熱又「辣」。多肉多湯，熱湯慢慢流入口。之後再食肉，幾大舊半肥瘦豬肉。蔥油蝦米拌麵 $42蔥黑晒帶甜，蝦米就鮮，混合拌麵。拌麵無湯以為會好咸，又ok喎。反而湯麵有d咸。夏味鱔糊麵 $70湯麵係話陽春麵呀，有d咸。見佢麵底仲大個拌麵咁，算啦。鱔糊就味道唔咸岩岩好，鱔糊絲肉質甜勁夠又夠實，再加爽「脆」酸筍蔥花，整體好實淨既菜。酒釀丸子 $30桂花酒釀花香甜甜，打左個大獻咁結結地。