回到味來 (已結業)

又到放假嘅星期日，等埋太太做完家務先去行街，佢話屋企欠一部细嘅電視放係房中，想去睇吓，下午去咗旺角D大型連鎖店度睇，睇咗兩間電器鋪頭，终於買咗一部24寸嘅電視机，等嗰店員包好部電視，比埋錢，行出門口嘅時候，太太问係咪食咗飯先回家呢，問佢想食乜，佢話凍凍地想食雞煲，我話啱啦，上次食过嘅，又係附近，又唔使行咁遠，嗰間(回到味來)係有雞煲食又可以打边爐，一舉兩得，去到嘅時候，因為時間尚早，唔使等位，侍應招呼我俩坐底，俾咗嗰餐牌我地睇，因為太太想食雞煲，而我又唔係食得咁辣嘅，所以叫咗一個 黃燜雞煲，食住先，雞好入味，好滑，食到差不多嘅時候，就叫侍應加番啲湯，要嚟淥嘢食，太太鍾意食菜，我 喜歡食牛 所以就叫咗一個雜菜，一個手切牛頸脊 ，雜菜都有好多選擇 ，有菜心，白菜， 黃芽白 ，仲有兩嚿粟米同埋冬菇， 牛頸脊都好大碟 ，只要淥一陣就食得，加埋一個自己調配嘅醬汁，特别惹味，因為嗰湯底已有雞和牛肉味，所以啲菜都非常好食，粟米非常甜，食咗個半鐘就叫侍應埋單，回家裝埋部電視先，下次可以叫多幾個朋友嚟，因為好食嘅嘢係要分甘同味嘅。

一年四季都係打邊爐好季節，而冬天就最岩麻辣雞煲啦！可惜今日喉嚨少少痛，未能挑戰大辣，不過食下微辣過下喉癮都唔錯！一開始的調味盤，擺正你面前，唔使行出去調味，好方便。芥末牛柳粒。太肚餓的關係，先上熟食醫醫肚，覺得有加沙律醬的原因，芥未沒有太攻鼻，亦唔係淨係得芥未味，反而都食到牛味，同埋牛柳粒小小一口，好岩做前盤小食，或者餸啤酒一流。主角—麻辣雞煲出場，一開始辣味未出，就覺得醬油味略重，到食左2-3件雞後，辣味出來就岩岩好味啦！而且雞件大大塊，量又多，唔似半隻雞的份量，兩個女仔淨食雞已夠飽。牛肉拼盤。牛肉丸真係好彈牙、好爽絕對唔係街邊10蚊一串牛肉丸可比。打邊爐最好食一定係蔬菜類，萵筍更係最近至愛必點的，其次就係蓮藕片，呢兩樣都係又爽又吸汁的蔬菜。（餐廳送的海產小盤）

呢幾日天氣轉凍，約左朋友去回到味來食暖笠笠的雞煲。餐廳唔算大，裝修簡潔。我地一行5人入座後就即刻叫左個雞煲先。惡魔辣雞煲小辣 - 有大量香料包括多種辣椒，洋蔥，蒜頭，生薑，麻辣子，花椒，芫茜等，一上台就聞到好香，d雞夠嫩滑亦好入味。海鮮拼盤 - 份量足，海鮮夠新鮮，特別係隻蟹，好鮮甜。響鈴 - 即炸夠新鮮，香口脆卜卜，必點！雪花肥牛 - 油脂分佈勻均，牛肉夠嫩滑，唔鞋口。手工鮮蝦雲吞 - 雲吞皮夠薄，涵有原隻鮮蝦，爽口清甜。

天氣開始轉冷，打邊爐就最啱。係openrice 搵到呢間回到味來。女仕們想要藥膳鍋保一下，但又怕男仕們流鼻血🤧，又有人吾食辣，所以食吾到呢度既特式鍋。🥄 黃燘雞煲雞煲就好似屋企煮既炆雞，味道不錯。食完就加清湯打邊爐囉！薯粉係跟雞煲附上，薯粉非常Q，索左汁好好味。🥄 調味料有豉油，白醋，另外六格香料。生蒜，炸蒜，香蔥，芫荽，辣椒，香芹我想要既都有齊😍。🥄 即炸響鈴比平時街市買既響鈴更有豆味，好鬆脆。🥄 安格斯肥牛油花分佈均勻，如果切厚DD仲好味。🥄 大蜆拼墨魚仔係送既，墨魚仔好大隻。D蜆都好新鮮，無沙。🥄 花枝片🥄 手工餃拼盤豬肉餃就實左D，好似手打豬肉丸。🥄 豬粉腸粉腸洗得好乾淨🥄 雙拼滑蝦滑拼墨魚滑，好鮮味好有彈牙。🥄 薑茶水中花水中花係豆腐，廚師刀功好勁🔪，靚到唔捨得食。連個碗同匙羹都好靚。薑茶勁薑勁驅寒我地四人諗住叫兩個薑茶水中花試下，老闆話送多兩個俾我地👍👍👍總括呢度既食物品質吾錯，廚師將食物處理得好好，樓面既哥哥仔就甩漏多D，一開始成張單吾見左再落單都有漏單。不過佢地都好有禮貌講吾好意思並盡快解決。吾緊要啦，咪食耐DD，最緊要食得開心。😉

本身想同朋友食雞煲所以黎試下呢間，但上到黎發現有其他特別既鍋，好吸引😍😍最後我地就簡左藥膳紅燒牛肉鍋😆😆我覺得藥膳牛肉鍋個味唔會太濃，我幾中意，聞落去又香香地，我中意呢個湯底加烏冬食！配料方面都有好多選擇，本人特別推介手打丸。皆因我朋友唔食牛既，所以無得簡手打牛丸😢😢😢我唯有簡手打芝心墨魚丸，手打芝心墨魚丸好好食好好咬口，裡面仲有芝心！好正🤤🤤🤤另外，我覺得鮮炸響鈴都係必食既！！鮮炸又脆又好食！一上枱我先食一舊鮮炸既，試下脆唔脆正唔正先😆😆之後再扔一舊落個鍋到滾。正！如果你中意食餃，不妨試下手工餃，料足又幾好食！

The Spicy Chicken base, hot pot, just keep my mouth-watering! It is supper tamping and exciting to have hot and spicy food to keep your tummy warm!!! Especially when they service good quality and fresh ingredients makes dishes to another level!! It makes my holidays can’t be happier, stay warm and eat out! 🤪Love the idea of having different spices around, it enhance the flavours with different food! Love to have more garlic and soya sauce with beef! The fat and meat part of the beef cutlet is w

天氣轉涼最適合就係打邊爐食火鍋 ，呢間係鬧市嘅火鍋店，最適合就係禮拜五，同朋友一齊團聚。為繁忙的一週來個輕鬆的完結。​​煱底選了燘雞煲。熱辣辣的雞煲，鮮嫩多汁的雞件。食完雞，加上上湯，呢餐火煱打開了序幕。調味香料有很多(辣椒，芫茜，蒜，葱)，用一個六格盛器，任君自行調配。火煱料當然一定要有肥牛，美國安格斯的，雪花紋很美。花枝片係我的至愛，鲜甜爽口。老闆送的蜆和墨魚也很清甜。雙滑(墨魚和虾滑)相當新鲜和彈牙。​​响鈴係鲜炸的，係湯中快燙一下，入口外軟內脆加上外熱内暖，感覺良好！D油麥菜，皇帝菜同豆腐索晒D湯汁，相當好味。另外叫左竹蔗茅根，太好味唔記得影相。​​最後最精彩嘅係甜品：薑汁豆腐水中花。精炼细緻嘅力功將半塊豆腐切成一絲絲，放入薑湯，加上一粒杞子。變成一朵美麗的花。靚到唔捨得食。老闆唔開火煱店，開甜品舖都可以好成功！​​之前漏單，原本有D唔高興。老闆送多两碗水中花俾我地，靚到咁，真係嬲唔落。

· 最近天氣愈來愈凍❄ 係時候雞煲打邊爐了🍲呢個 "惡魔雞煲" , 聽個名已經好邪惡啦~ 半隻雞嘅份量都幾大份! 肉夠多!嫩!厚! 仲辣得過癮添😆當中仲睇到湯底有藥膳鍋· 當歸鴨· 南瓜海鮮湯底選擇👍仲有榴槤雞湯底 ⬅ 榴槤控可一試~ 但我自己都係鍾意原味多啲😄打邊爐嘅配料都好多選擇👍必點食呢度嘅 雪花肥牛同手打墨魚/ 蝦滑 ⭐環境感覺一般 😐食物整體上枱速度及味道都不錯👍Menu 多選擇但文字圖片挺矇矓有待改善📝 ·

天氣開始轉涼，去食雞煲或者邊爐就最好，同朋友講起佢都話想一齊去食，咁就搵間交通方便既黎食下，上網搵到依間都唔錯，comment幾好，就一於黎食下。 睇睇menu，個湯底都有幾款揀，咁我地都係想食雞煲，所以都係集中睇辣既惡魔雞煲同埋唔辣既黃爛雞煲。因為我地都係食得辣既關係，揀左半隻惡魔雞煲，小辣。 個雞煲係廚房個度已經準備好，黎到大約等2-3分鐘就食得。配料好多，雖然係小辣，但都幾辣下，好惹味。而且雞肉分量都幾多，雞肉夠嫩，值得一讚。 食完雞煲就落湯打邊爐啦，因為我地9點前入坐既關係，有海產送，係蜆黎既，都好鮮甜又無沙。 今日唔叫牛肉，就試下佢羊肉卷，羊肉卷有小小羶，但可接受，點一點醬油，好香羊肉味。 丸拼盤又係值得推介，全部丸都係自家制，尤其是牛肉丸，當我諗住用筷子吉入個丸個陣，有D 汁爆出黎，我個陣仲以為係貢丸黎，但原來係牛肉汁黎，而且肉質彈牙。其他丸仲有豬肉丸、蝦丸同埋墨魚丸。 另外仲有手工餃拼盤，都係自家制，都唔錯。 打邊爐其實淨係食肉就唔飽既，一定都係要食下D 殿粉質食物，平時都係會揀公仔面或者烏冬，但依度有得揀伊面，簡直係絕配。因為伊面吸左D 湯底之後夠哂味，而且又夠冧，一個

惡魔雞煲辣度有好多選擇 但我地挑戰小辣就夠啦😄😄😄【醬料】除左醬油 白醋 仲有配料 蔥花 炸蒜 蒜蓉 芫茜 辣椒 唐芹 蔥花 比大家自己調配醬汁【惡魔雞煲（小辣）】$1582個人叫半份惡魔雞煲都好足夠 好多嫩滑雞件【金菇】金菇 非常新鮮 吸滿麻辣鷄煲醬汁【大蜆】好鮮甜爽口 【🦌鹿柳】$98第一次食鹿柳味道比牛肉濃d 口感軟嫩【手工餃拼盤】$48薄皮餡多 咬一口餡料都快溢滿最鍾意係韭菜豬肉餃子

天氣開始轉涼又好想食辣野，今晚就同老公訂左位去旺角食雞煲！去到餐廳座無虛席勁多人食而且非常之香大概等多15分鐘就可以入座坐低左之後，即刻左依度最出名嘅惡魔雞煲小辣試吓！雞煲應該係即時準備，要等一陣先送上再煮2分鐘就可以打開食喇食咗第一口，已經發覺小辣都係好辣，超正呀！中意食辣既人必試雞肉又香又濃又辣食過番尋味！最重要係啲配菜洋蔥索晒d汁，食完一啖好辣，又忍唔住再食過！因為叫個雞煲都已經食咗半隻雞，所以唔係叫咗太多野食打邊爐只係叫咗一個雪花肥牛，一個娃娃菜，一個油麥菜，米粉同埋即炸響鈴個雪花肥牛雖然睇落去好薄但係食起嚟都唔錯，肉質夠滑！另外，打邊爐真係一定要叫響鈴啊！呢度嘅響鈴仲要係即炸，唔叫點得！本來想叫烏冬，但又唔想食太飽所以叫咗新竹米粉！新竹米粉都幾彈口，而且佢都幾索雞煲嘅湯底，都幾好食另外我打邊爐好鍾意食好多菜，所以叫咗兩盆菜，菜嘅份量都好多，抵食！除此以外，係openrice訂位係有折㗎，依間餐廳性比價好高，值得一試

第一次試食，有半價單點真的低食！叫了一個雞煲，真的不錯！雞好滑、味不會太濃剛剛好！再用返雞煲加湯打邊爐，十分野味！另外，炸魚皮都是暖暖的，十分薄脆！響鈴都不錯但炸魚皮必食牛肉都ok,但就薄左少少！但要讚他們自家調制的「醋」，與其他食物十分夾而且不會太過酸！坐位有點窄！十分好！期待下一次再食！

天氣開始轉涼，最岩就係打邊爐食雞煲。未上枱己經聞倒好香辣味，果然冇令我失望，啲雞入口都幾辣，辣得黎食完個口仲會麻麻卑卑咁，唔係淨係得個辣字嫁，啲雞仲好嫩滑同好入味 就咁睇啲雞好似切到細細舊咁，但其實我地三個人都食唔哂啲雞食完雞就加左湯底打邊爐，加左湯底之後冇咁辣，味道都冇頭先咁重落其他油膩野之前梗係要落響鈐吸吸湯啦！除左響鈴蜂巢豆腐都好吸湯 不過就要淥耐小小不得不提佢地嘅雲吞好特別，除左蝦之外中間嘅豬肉食落有小小似手打豬肉丸咁，好彈牙！仲有特粗薯粉，仲粗過我隻筷子阿！因為佢有啲厚所以淥嘅時候都要耐小小，但係就淥極都唔會淋

今日喺附近上完堂，由於太肚餓想早D食野, 見到呢間回到味來有唔少優惠，決定上去試下。先來個調味盆, 有蒜蓉、炸蒜、辣椒等等基本選擇。黃燜雞煲  $158/半隻：好快手我地就落單，order完即聽到廚房起鍋聲，出到來熱辣辣的,，先食為敬，雞好入味又滑~安格斯頂級肥牛 $198：好味，叫得安格斯都係好淋架啦...手工墨魚丸 $78 (8粒) 、黑松露蝦丸$88 (98粒)：彈牙就一定係預期之內，估唔到加左D黑松露就令粒蝦丸再昇華，味道特別，口感十足豬頸肉、寬薯粉：豬頸肉一向的豬美; 寬薯粉QQ彈牙, 如果今日係叫個辣湯底會再正D~原來九點前入座有花甲送, 食落無沙又鮮甜, 送的又正, 真好雖然半打藍妹只需$120; 但今晚我地飲一酌酌竹蔗茅根 $32, 不太甜, 也好解渴~

今天在旺角行街，在想食什麼晚飯，走在彌敦道新城大廈看了一下，發現這間私房菜雞煲火鍋，就想去試一下。看餐牌，選擇豐富，各式各樣的火鍋材料一應俱全。由於同行有人唔食辣嘅關係，我們點了一個黃燜雞煲（半隻），雞煲現炒，鍋氣十足，雞很滑很入味。原來九點前入座他還有一個海產贈送，今天的是花蛤。打邊爐又怎可以少了肥牛，點了一份安格斯頂級肥牛，$198分量充足。另外點了黑松露蝦丸，蝦肉鮮甜配了黑松露的香氣，令這個蝦丸味道十足，絕對值得推薦。炸午餐肉每一塊都是厚切的，炸了令原本美味的午餐肉變得更香口。還點了即炸響鈴，這個上菜的時候熱辣辣，不論你放湯打邊爐還是就就咁攞嚟食都很爽脆好味。也是推薦的必食。環境舒適，服務員的服務也很好，如果你下一次到旺角，可考慮這家私房菜火鍋。