回到味來 (已結業)

係Openrice見到咁多食評，就帶埋屋企人去try try。雖然佢最出名嘅係惡魔雞煲，但因為我屋企人唔鐘意雞煲，唯有轉戰藥膳紅燒牛肉湯底👍🏻呢度仲有極少見既南瓜海鮮湯同黃燜雞煲🐓混醬～～藥膳紅燒牛肉湯底，牛肉味香濃，藥材味就唔太突出。如果唔鍾意藥材味嘅人都會接受到呢個湯底～我最鐘意就係食蜆～呢度嘅海鮮都算飽滿多汁。響鈴即叫即炸。牛肉粒牛味都算濃，不過口感則較un。墨魚仔都幾新鮮。羊肉羶味不重。總括黎講，食物種類都幾多，路過可以一試。

今日同班中學同學去咗回到味來食雞煲，黎到一心係想試下佢個惡魔雞煲🤤 點知唔記得咗有兩個食唔到辣，唯有試黃燜雞煲啦！ 不過黃燜雞煲都好正好入味，我地淨係叫咗半隻雞因爲想試多d其他野食😁半隻雞4個女仔已經好夠食👍🏻食完d雞就開始加湯打邊爐啦！打邊爐最鍾意叫d可以吸哂d湯既精華既餸😁咁又點少得響鈴呀仲要係即炸既添😍仲叫埋冬瓜片同白蘿蔔，除咗吸哂湯既精髓仲食到材料本身好鮮甜！打邊爐又點少得牛呀！本身想叫肥牛，見到佢有款叫手切牛頸脊，又想試下所以叫咗碟細既試😊 牛頭脊既肉超嫩超滑，真係食到停唔到手！仲送左碟硯好生猛新鮮係度開開合合！😆之後我食到有史以尼最大既竹笙真係大過你個褲浪😂最有驚喜嘅係芝士魚豆腐，上碟果陣賣相已經令人流哂口水，外皮炸到金黃色！本來仲擔心浸湯會破壞口感，但索左湯汁味道一流，鍾意佢軟滑嘅口感加埋湧出黎既芝士，比起芝士丸更好味😋除左料靚湯底正，值得一提係佢嘅竹庶芽根，係店家每日新鮮煲，足料又健康，岩哂打邊爐解熱氣！下次要試下佢個勁香既惡魔雞煲！

話說最近係日本食完川菜，返到香港想繼續呢份香辣既快感，所以黎到市中心既呢間出名既川味雞煲，試一試手工火鍋既威力。每人十蚊醬料架，配料都算齊全，唐芹係唔錯既醬油料，店員有介紹一半豉油加一半白醋既混法，但我都係溝左自己平時個豉油😂一黎當然要講佢地個惡魔雞煲，辣味十足但又有好多香料去堆砌個味道，令你除左辣仲有好多香同麻係入面。雞肉入晒味，就算唔點醬料都好夠味。另外要提佢雞煲好足料，唔會叫一隻但得3/4，兩個人食食極都食唔晒。我地只係叫左小惡魔，聽聞叫得愈辣愈平，但小辣都唔惹小，不過又真係辣得好過癮。打邊爐最重要牛肉，298size幾公道，唔算好肥，係肉味濃既牛肉，肉質都好軟滑。另一個推介係呢到既手工丸，今次呢個芝心墨魚丸好彈牙又好大粒，感覺墨魚充足。今次女朋友想食午餐肉，呢到既午餐肉都有炸過，表面香脆，打邊爐食午餐肉真係一絕。其餘叫左唔少吸湯汁既食材，有凍豆腐同響鈴，仲有蔬菜籃同出前一丁，其中響鈴係即炸，配合湯底係幾好食既。我地仲叫左一個小食，黃金軟殼蟹，其實呢個諗法幾唔錯，咸蛋黃同軟殼蟹組合確實不錯，如果炸完出黎冇咁濕同油就完美啦。總結今日樓面有少少人手緊湊，但店員都有禮貌，盡快完成客人要

番工做野打份牛工做到死都係為左食好啲者，呢間有秋冬最岩食的雞煲，仲要係有不同辣度既惡魔辣度😈 食辣野減壓一流，呢間又坐得闊落，主要都係卡位，有空間同朋友呻下又食下 ! 醬料齊全 ： 豉油，白醋，唐芹，芫茜，蔥，蒜頭，炸蒜。惡魔雞煲一隻 $298多青會多啲芫茜，少辣都好辣，但愈食得辣就愈多折愈平。不過就算最少辣都好辣，個辣味唔齋，花椒麻，八角、月桂葉、蒜頭、薑、蔥頭爆香左個雞煲，一隻份量都幾多，啲雞都入味。手切牛頸脊 $298重牛味，油脂唔算多，傳統雙飛切法。芝心墨魚丸 $88比一般的柔軟，有墨魚肉粒既口感，會爆芝士。即炸響玲 $58真係即炸冇油益味，好脆。炸午餐肉 $58浸完啲湯好食過頹飯既煎午餐肉。冰豆腐 $32吸晒湯汁好辣。打邊爐一定要落個出前一丁。蔬菜拼盤 $58份量既多而且新鮮。黃金軟殼蟹 $88炸完用鹹蛋黃撈，幾惹味，但油左少少，不過咸蛋用油開成醬都難免既。餐廳都幾好坐，由7：30到10：00 都冇催我哋走好岩同朋友黎食野吹水 丫。

入冬又是吃雞煲火鍋的季節😍今次一於「回到味來」！一看湯底餐牌已有驚喜，「榴槤雞湯」！？🥴心裡不寒而慄，很難想像是甚麼味道呢，哈哈！不過更吸引我的必定是惡魔雞煲，出名嚐辣的我毫不猶豫要了終極大魔頭🌶🌶🌶最高的辣度，更可享全單七折呢！很多時候點最高辣度的食品對我這辣妹來說都是浪得虛名，稱不上勁辣。但這裡的絕對名付其實是惡魔雞煲😈辣勁十足🌶🌶🌶🌶🌶，味道也不錯，雞肉嫩滑惹味，配料中不乏香料增添香氣，不會過鹹。我也不禁點了個椰青🥥來解辣呢！十分剌激，比預期中做得出色👍🏻（本人嚐辣標準是譚仔特辣也輕鬆駕馭，能否接受這終極大魔頭辣度請自行衡量）吃完雞煲，先請侍應給我小碗撈起多餘油分，再加入雞湯，開始吃火鍋🍲鯇魚片和魚腩新鮮爽脆，魚味鮮甜，口感甚佳；安格斯牛肉份量多，味道不過不失；意想不到竟然有我最愛的雞子😍粒粒晶瑩飽滿；另外點了蔬菜和冰豆腐，餐廳更送了一小碟沙白呢！總括來說無論雞煲或是火鍋質量都在預期之上，吃得十分開懷滿足😋座位舒適、員工服務態度友善。最開心是全單七折後埋單$400不用，太抵吃了！值得一試。

秋風起又係打邊爐食雞煲嘅好時間！ 今次朋友帶我嚟到旺角呢一間邊爐，餐廳環境都算幾舒服，全部都係卡位，啱晒三五知己喺度食飯傾計。醬料有炸蒜、蒜蓉、辣椒、蔥、芫荽等等，簡簡單單，新鮮最緊要～仲有比較少見既唐芹，而我有芫茜就啱晒啦！叫左個歸鴨湯底$168等左一陣，湯底終於嚟啦！原來湯底係餐廳店主係台灣學番黎，難怪同我係台灣食既咁相似！不過因為係打邊爐關係，所以唔會太濃。侍應好細講解，話要煮20分鐘，鴨肉會更濃更入味！當歸味好香，仲有黨參、紅棗，非常足料。羊肉卷$88賣相好靚！好大塊呀😍😍😍肉味濃，厚薄岩岩好！脂肪均勻，唔會覺得太肥膩。鴨血$38鴨血爽口！配當歸湯底，更為滋味。冰豆腐$32有豆香，質感亦很好，唔會好易散。新竹米粉$28吸引哂湯底精華，好入味！油麥菜$28新鮮爽甜，與湯底非常夾。大蜆新鮮，肉質爽甜甜品-薑茶水中花$58一開始係比個名吸引到，原來係甜品黎。師傅將豆腐雕到像一朵菊花，賣相好靚，口感亦更細緻。薑茶薑母味好香，微辣，非常暖胃。好適合女仕食👍🏻👍🏻另外需要讚嘅就係侍應服務態度好好，會好主動咁樣幫我地加湯同埋收碟。

如果你係鍾意食辣嘅 嚟到回到味來一定要食佢嘅惡魔雞煲 夠膽嘅可以試下終極大魔頭 食完可以享有全單七折優惠我哋都係試下水溫先 一步一步慢慢嚟 今次試中惡魔 全單九折優惠 可選半隻雞$158/全隻雞$298佢係即炒起嘅 唔使等加熱即刻食得 雞肉嫩滑又多汁 仲有大量芫茜 配菜又香又惹味雖然係中辣 但係都唔講得笑 已經食到我哋口水鼻涕一齊流 係好食嘅食完雞之後就開始加湯打邊爐 安格斯頂級肥牛 非常漂亮的雪花紋理 有牛味又嫩滑 牛肉是打邊爐必備的自家製嘅黑松露手打墨魚丸 墨魚丸打字起膠 彈牙又鮮味 加入黑松露醬味道層次變得更為豐富蔬菜類亦都非常新鮮 亦都清洗得乾淨 蘿蔔索曬湯底嘅精華勁入味 最緊要食落去冇渣海鮮類點選了大蜆 上枱嘅時候仲旭動緊 勁生猛 灼一灼就食得 鮮味非常炸響鈴非常出色 即叫即炸 食落又唔會太油 放入湯底中 輕輕吸收湯底嘅精華 又不失香脆 要溫柔對待的炸響鈴金菇 正常嘢冇咩特別個湯底越滾越辣 越滾越出味 要嚟淥烏冬就一流 滑劣劣嘅手打烏冬麵質軟滑彈牙 唔使點任何醬料已經好入味餐廳有獨立嘅梳化卡位 每枱大概坐四至六個人 都總算舒服又寬敞 適合三五知己嚟聚餐的好地方最後真係要叫番

兩位喜歡雞煲的女生今次選了職員服務非常有善又有禮貌的「回到未來」試試味先來惡魔雞煲微辣版，紫洋蔥炒得香噴噴，辣香味濃，先試試味道，咸淡適中，帶帶微微得辣，非常過癮，也沒有油油感覺，唯略厭雞肉肉質有些粗糙。吃完雞煲當然用雞湯打邊爐啦。 先有午餐肉登場，外層稍微煎一煎，再用來打邊爐就是最好配搭，如午餐肉再煎多一會再脆硬一點就更合適了。再來是餐廳贈送的蜆，別以為是贈送就馬馬虎虎，這個蜆是驚喜，又大又鮮甜，如不是太飽就再來客付費的響鈴是我每次都必點的小吃，這裡的響鈴是乾身那種，就是不太吸油又不是一下湯就淋的那種再來三式手打丸，蝦丸墨魚丸豬肉丸，普普通通，較出色的是蝦丸友人喜歡冬瓜，下湯吸了雞煲湯，好吃豚肉是不錯，有豬肉味，肉質爽口最後是韮菜餃，是大眾適合的口味另外點了酸梅汁，味道濃烈甜甜酸酸，醒胃之選兩女生吃吃談談就過了3小時，職員很有善也很有禮貌，真的很值得讚揚。

提前一日book檯2人有四隻鮑魚餸，所以就book嚟度試吓，因為我勁鍾意食鮑魚！但不得不讚呢度嘅服務真心唔錯，因為我打佐3次嚟改book檯時間，都冇覺得我煩😂因為男朋友收工遲了，所以最後12pm我先嚟到食，因為我地太遲到，所以鮑魚送晒！改送其他海鮮，都OK的！雞🐔幾好食，夠味！

我其實之前都已經食過一次回到味來，但最近見到佢同某個app合作，係果度訂枱有折，所以又再次光顧喇。黎到發覺個menu同之前既完全唔同左，多左雞煲呢個選擇，唔算係太食得辣既我就揀左小惡魔。如果食得辣，揀中惡魔或以上仲有折扣，感覺幾吸引，可惜我食唔到。雞煲黎到後等2分鐘左右就可以攪下佢，會有人幫你攪，唔洗自己動手。佢仲用個蓋黎擋住d煙，咁你就唔怕比d煙攻到，非常貼心。就咁睇個雞煲用左最少3款辣椒，難怪會咁辣，而且就咁聞都聞到辣椒既香氣。雞肉外面有少少焦焦地，夠晒香。雞肉裏面嫩滑，而且索晒d辣味，其實好正，不過對我黎講真係太辣。洋蔥夠淋夠甜，又索晒d汁，正。諗住食完個雞煲加湯個湯底會變到無咁晒，但d辣椒實在太勁，逼不得已要拎走d辣椒。塊鮮腐竹好滑，但一浸落去就索晒d辣味，哈哈。食完即刻叫左搾竹蔗茅根，非常解渴又解辣。手打墨魚滑好新鮮好滑；蓮藕片係薄切，吸到d汁得黎又夠爽脆。睇相都知d豚肉片靚，豚肉片切到好似牛肉咁薄，基本上淥一陣就食得。d蜆煮完開晒殼都仲有海水味就知道係新鮮啦，肉質又夠飽滿。另外，食食下唔夠湯既時候，佢地見我地覺得太辣有問我地洗唔洗成鍋轉做雞湯，最後我覺得唔好意思，所以無轉到

呢排好鍾意喺旺角新城搵嘢食 前幾日先係呢棟大廈食完日本丼飯 今日同朋友開飯既地方係三樓:回到味來挑戰呢度嘅惡魔辣雞煲 分小辣 中辣 大辣 及終極大辣 辣度任君選擇星期日至四挑戰不同辣度可享不同折扣優惠 最多可以有七折醬料費人頭價10蚊 餐廳職員建議我哋調配醬汁嘅時候一半豉油一半白醋 結果未到出乎意料之外 有驚喜惡魔辣雞煲半隻 中辣 $158裏面有大量香料包括多種辣椒，洋蔥，蒜頭，生薑，麻辣子，花椒，芫茜…… 香味非常濃郁而且惹味中辣足以人令食到噴火 越食越辣 我哋個個食到變孖潤腸嘴鼻 涕都流曬出嚟食曬啲雞之後 就加湯打邊爐喇， 加咗湯之後湯底依然非常濃郁 同樣係越滾越辣 愈食愈刺激中聖子$38/隻非常鮮甜灼一灼就食得 肉質爽甜而且彈牙 清洗得乾淨完全冇沙 啖啖肉黑松露雙拼丸$98分別係蝦丸同墨魚丸 口感彈彈的 後段黑松露嘅味道散發在口腔 好香呀打邊爐又點可以少得炸午餐肉$48炸過嘅午餐肉零舍香口即炸響鈴$58個湯底咁惹味 梗係要點返個吸湯名物響鈴啦即叫即炸上檯嘅時候仲係熱辣辣沙爆魚肚$42 吸曬啲湯底嘅精華 一咬落去有爆炸效果養顏花膠$98 女士們嘅最愛 膠質非常重 齊來補充骨膠原正宗

系旺角睇完戲，所以揾間就脚既餐廳食埋晚飯。由於天氣都凉凉地，食雞煲都系一個唔錯既選擇。 間餐廳喺旺角新城3樓，交通 方便！ 入面嘅環境都唔錯，地方闊落，坐得幾舒服。啲調味醬除咗有蔥，生蒜,炸蒜， 芫茜，辣椒，醬油之外，還有醋。 個調味醬加咗少少醋之後，酸酸甜甜幾開胃！今日唔想食辣，所以揀咗個藥膳雞煲，米酒雞！ 個鍋同啲配料分開上，啲雞件大大件， 肉質鮮嫩，再加上少少酒味碟雪花肥牛切得厚薄適中，味道唔錯黑松露墨魚滑($88), 啲墨魚滑，滑一滑，加埋啲黑松露，必食炸魚皮份量岩岩好，炸得又脆又香！竹蔗茅根和西瓜盅餐廳仲送了幾個只花甲

員工有禮，服務一流。全部卡位，環境闊落。不趕客，可以慢慢食。豉油配料充足，要額外收費。先叫了個雞煲，開頭食時比較淡，滾耐少少開始好濃味，有冬姑係裡面，仲要係多既。牛是主打吧，所以都叫了很多食。

盛載食物的器皿很精緻，食物上枱的外觀也很吸引。但食物整體質素只能用合格來形容，優點是不限時，服務也不错，確是朋友們聚會不錯的選擇。經open rice 訂枱有五折優惠，但留意不是所有食品都有五折優惠。只有"其他/ 雞煲 /湯底/小食"有五折.優惠 只限 星期日至四.湯底選擇也非常多惡魔雞煲半隻(小辣)$158~配料非常多，花椒八角， 辣椒乾,洋蔥，香葉， 蒜頭，香蔥，芫茜…非常入味，後悔沒有選全隻雞。因為太好味，不知不覺，巳食完半隻雞9:00pm前贈送海產一碟~六隻小蜆,上枱仍是生的。特級牛舌$98 ~ 不合格，肉質和外觀也不吸引安格斯頂級薄切牛肉$198~外觀不錯，但口感一般.回到未來手打牛筋丸$108~盛載牛筋丸嘅木雕很特別，但牛筋丸味道卻麻麻。手工餃拼盤(六粒) $48~要再用心改量，三款餡料都不合格，皮又太厚蔬菜拼盤$58~用心擺設，亦非常新鮮 竹蔗茅根水~清甜健康之選

係旺角行完街，朋友想去樓上鋪食打邊爐，見鋪頭名幾特別，即入。店舖有多種唔同特色湯底，例如惡魔雞煲，原條桂花魚湯底，全部都似乎湯頭十足，似乎麻辣最出名，但因為朋友唔食辣，我哋就要左個招牌當歸鴨$168 做湯底，再要咗個黑松露雙拼滑（墨魚滑/蝦滑$98，雪花肥牛$168一碟，鋪頭送咗兩隻魷魚俾我哋。佢哋用嘅火鍋煲好大個，好似面盆一樣咁大，當當歸鴨湯底上枱時，侍應當住我地面將整個鴨放入湯內，仲教我地幾時可以食鴨，幾時可以飲湯。鴨湯10分鮮甜，我哋忍唔住飲咗兩大碗，我不是太喜歡食鴨，但朋友說鴨肉10分入味。黑松露雙拼滑，二者都10分彈牙，加上我最愛嘅黑松露，色香味俱全，唯一可惜黑松露味道不夠濃郁，如果可以再增加黑松露香味便完美。雪花肥牛，可說是今晚的畫龍點睛之作。超級超級滑，入口即溶的感覺，比起以往吃過的日本和牛及安格斯，過之猶不及。再配上鴨湯底，香甜惹味。完全是今晚的highlight。10分推薦雪花肥牛給大家，不要錯過。—————————————如果喜歡我嘅文章，請幫幫忙follow 我，俾個like我。鼓勵下我繼續寫食評。多謝你。❤️