回到味來 (已結業)

每月飯聚，最頭痛就係搵餐廳食飯，又要食物質素高，又要唔限時，今個月新年後的飯聚，朋友想食雞煲火鍋，偷其意頭滾起滾起，幸好無意中係Openrice 搵到呢間火鍋店，我們叫了一隻全雞煲，味道好，辣度適中，啲雞好嫰，接著就放湯打邊爐，竹庶茅根水，好足料，味道夠，甜度適中，各種食物出其地都好有質素，魚皮薄而脆，炸午餐肉，煎到啱啱好，外脆內軟，恰到好處，韮菜餃，韮菜分量足夠，蘿蔔片超甜，牛肩脊好有牛肉味，又淋又嫰，座位舒適，還要讚賞服務員，殷勤招待，時時添水，另外我們叫錯了食物，也讓我們更換，加上餐廳星期五都沒有限時，非常適合朋友，家庭飯聚，值得推薦給大家

近期天氣開始凍返少少呢個時候就梗係食打邊爐啦，前幾日行行吓旺角行到攰會地見到某個商業大廈有廣告牌，介紹呢間火鍋餐廳，睇個樣好似唔錯咁，就膽粗粗想去試吓。叫咗個安格斯牛肉，蝦滑，墨魚滑，響鈴同埋丸拼盤，牛肉睇過相就知道佢好靚食落都唔錯，蝦滑，墨魚滑10分新鮮真材實料，丸拼盤略嫌份量少左少少但係都幾好食嘅二響鈴新鮮即炸擺落啲湯浸兩浸，即刻成嚿響鈴都有湯嘅精華而飲嘢方面就嗌左兩罐汽水，打邊爐配汽水都係一個唔錯嘅配搭，不妨一試。

六點三去到先知,個訂座優惠六五折要七點三之前走先有,於是拿拿臨叫左個雞煲小辣已經同出面食開中辣差唔多,仲有平時唔多見gei魚肚可以叫,幾新鮮,再叫多個粉絲索d雞煲汁黎食,正到差唔多七點三,賣單,個煲仲有少少料,服務員都比我同個fd食埋佢,無叫我吔離座,抵讚!雖然佢叫我吔離座我吔都可以即刻離,但唔想浪費食物唯一缺點係d雞切得比較細,鐘意啖啖肉gei會無咁過癮仲有餐廳個位置都幾難搵, 如果想食特價六五折就預早少少搵

我一向都食得辣，但我男人就最多譚仔小辣已經流鼻水。一黎就為左就佢就選最小的辣，但服務員已向我們打定底話會越食越辣，我就當然正啦，我男人就一額汗。我地只叫了半隻雞，但上時是一隻雞害我地以為真係咁抵食，咁多件但了解清楚後都重新更換半隻雞煲上枱果然真的越食越辣連我平時食開大辣都覺得有點意思，想必魔鬼辣一定更正，佢的辣不是乾辣，是真的麻辣，食完嘴仔都麻掉很過引。響鈴！必食！我同男人爭食到差點出手！上枱後不會很快林，放15分鐘也脆脆的

呢間打邊爐其實都黎過好多次，今日收早，朋友話想打邊爐，諗都唔使諗就嚟呢度用app book位，六點零鐘有半價優惠，真係超級抵鍾意呢度係好多卡位，坐得好舒服，我地嗌咗個惡魔雞煲小辣，惡魔雞煲小辣其實都已經係好辣不過就好惹味，啲雞好入味，食得好過癮之後我哋仲叫咗好多配料嗌咗黑豚肉，分量好多，而且價錢唔貴，豬肉質都唔錯 擺盤仲好靚添叫咗炸響鈴，新鮮即炸，超級新鮮，卜卜脆，又唔油，呢個好好味海鮮叫咗幾款都冇，因為真係好想食海鮮，所以就嗌咗個大蜆，大蜆分量都唔少，而且新鮮大隻 打邊爐食好鮮甜呢度d餃子食得出係新鮮，唔係急凍，所以皮薄餡靚再嗌左丸拼盤，最鍾意食墨魚丸同蝦丸，爽口彈牙呢度嘅食物質素依然維持到水準，而且上網用app book仲有半價優惠， 真係超級出色，超級超值

三個食量不多的女生想打火鍋，有個推薦曾吃過的店，除火鍋又有雞煲。又在信和附近完全適合我們幾個宅女逛完吃飯。地方方便，坐位正常不至好窄。最終都是選了火鍋～雖然聞到附近食雞煲好香但還是忠於當初所想。叫了個鴛鴦鍋，一邊麻辣一邊蕃茄，湯底夠濃所以放久會入味。點了個什菜藍，都幾多不同種的菜。幾新鮮～麻辣湯底食丸同餃一流～肥牛下兩邊鍋都正，嫩滑的好有牛味。丸盤都有扎肉，丸都彈牙，扎肉有夠味，幾好食。另叫了豬紅薯粉，魚同響玲。整體都不錯價錢又公道，朋友推介食還真不錯。

平時去旺角食夜晚，不外乎都係果幾味，雞煲永遠都係我約朋友出來食飯的首選，聽講旺角有間以辣出名既雞煲，就拉埋辣控女朋友放工食個痛快！我同女朋友都自認食得辣，所以選左個中惡魔特級辣度，仲可以可以全單9折，超正！惡魔雞煲一上枱已經聞到超香嘅雞味，一打開更加係香氣逼人，食落雞肉都好入味，加上完全冇雪藏味，一食就知唔係冰鮮雞！黃金軟殼蟹軟殼蟹炸得金黃鬆脆，份量都唔少，但得一試！薑茶水中花最近天氣都開始凍，整返杯薑茶就暖粒粒了！呢杯薑茶水中花外型好特別，茶面上有一朵花型豆腐~

餐廳上網訂座湯底半價，同男友２個人嚟試吓菜。食後有感餐廳做火鍋係有心機，回頭指數起碼8.5/10！個藥膳牛腩鍋係紅燒湯底，上桌時好似個大面盆咁，好得意。未落火鍋料時試咗少少湯頭，都過鹹幾好味～手切牛頸脊一大碟唔駛＄３００，牛味濃之餘有少少雪花，好滿足男友好鍾意個厚切午餐肉，即時加單要個出前一丁添蔬菜籃份量都ＯＫ，索哂個湯唔駛點醬～另外叫咗個黑毛豬肉都好好味又唔酥，配黑啤一流～２個人打足２粒鐘好滿足！！

冬天凍冰冰一定要食打邊爐❤️咁啱係旺角又唔想食任食就搵到呢間卡位闊落 平日六點半去到都唔係好多人🌟藥膳紅燒牛肉鍋$168因為朋友唔食辣，所以叫唔到雞煲，湯底好香藥材味，好足料，但唔會太濃，牛肉份量適中，可惜太難咬，食咗一舊就冇食😢🌟牛柳粒$88大細適中，嫩滑🌟羊肉片自己幾鍾意食羊肉，切到好薄，好易熟，唔係太羶，好香羊肉味🌟即炸響鈴 $58啱啱上枱嘅時候仲係熱辣辣，好脆，手工即炸果然係唔同啲，無論浸湯定就咁食都好好食🌟寬薯粉$28寬薯粉一直係我至愛，因為可以完全吸晒啲汁，而且唔使煮好耐，可惜今次嘅湯底唔係好夾，如果係雞煲嘅話會好啲🌟芋絲$28同樣係吸湯之選，而且都唔會好貴如果行過想食啲好少少嘅火鍋都值得推介

今晚和家人吃飯，家人提議到這裏吃火鍋。番茄濃湯牛肋條鍋，甜甜酸酸的蕃茄湯，配上牛肋條，味道適中，用來作火鍋湯底又幾新鮮。黃金軟殼蟹，以蛋黃碎包著軟殻蟹，蛋黃味十足，加上軟殼蟹外脆內軟，是一道滋味的餐前小食。黑松露雙拼滑，是墨魚滑拼蝦滑，濃濃的黑松露混合在墨魚滑和蝦滑之中，帶起了海鮮的鮮味。炸午餐肉，可以即吃又可以放湯，炸過了的午餐肉，非常容易吸收湯的鮮甜味，午餐肉變得更加好味。新竹米粉，是台灣新竹地區的一種知名食材，比起廈門米粉，味道更加好。鮮腐竹、白蘿蔔、金菇菜，這些都是火鍋必備的配料，吸收了湯底，更加好味。

友人推介我説必定要來吃火鍋，因為味道不錯，價錢很低，自然來吃一次。先來一客小食，皮蛋肉鬆豆腐，可以單獨吃皮蛋、肉鬆、豆腐又得，撈勻一起吃味道更皆。番茄濃湯牛肋條鍋，蕃茄濃湯沒有用蕃茄醬溝出來，反而是用新蕃茄煲來的，這份誠意真的不少，加上牛肋條已經煮腍，極力推薦這個番茄濃湯牛肋條鍋👍。手切牛頸脊，脂肪分佈均勻，牛肉味道濃郁，帶點嚼勁而不靭，是一碟精選的肥牛。唐生菜，份量適中，吃完牛肉吃多一點蔬菜，感覺健康些。寛薯粉，這個薯粉比較厚身，要煮多一點時間才好吃，煙煙靭靭，非常飽肚。竹蔗茅根，這個自家的飲料，不會過甜，是吃火鍋必備之一。

有時食得多西餐 都會想食番d中式野 有日G同我都想食雞煲 又唔想搵d大品牌星期日仲一定要等位 所以我地就搵左間樓上雞煲😀呢間雞煲夠簡單 仲唔使等位timd邊爐配料都幾有條理 好乾淨 生熟蒜蔥花有齊哂 仲有白醋tim邊爐料都好大份 好彩G同我都冇特別叫得太多先食雞煲 回到味來 有好多選擇 有出名既惡魔雞煲 仲有大小惡魔tim 不過今日G同我今日都唔想食辣野 所以選擇左黃炆雞煲一打開個煲已經非常香 個醬汁非常入味但又唔會太鹹 雞肉好滑 黃炆既意思係用薑薑配雞 帶出鮮味 😍😍豚肉 好大份😍😍白龍素麵 又係好大份 吸哂d湯😀😀仲有冰豆腐 同埋大大份油麥菜 新鮮又得意

老公之前和朋友去試過旺角一 火鍋店，名叫回到味來，他們的惡魔雞堡好好味，今晚專程帶我來試試！惡魔雞煲半隻：有辣道選擇，分微辣、小辣、中辣、大辣、和極辣，老公說越辣越好味，但因我吾食得甘辣，就選了微辣，雞上檯前已用辣椒、蔥頭和多種香料爆炒煮熟，上檯後煮熱就食得，雞肉鮮嫩入味，有辣味的確惹味好多！，食完雞煲加湯食火鍋。脆鯇魚腩；魚腩新鮮，口感爽脆。手工蝦丸：蝦丸鮮味彈牙。包心蟹粉丸：鮮甜彈牙！手工鮮蝦雲吞：餡料用鮮肉和鮮蝦，雲吞皮滑餡鮮味爽口。藍妹

雞煲達人報料話係旺角有間惡魔雞煲 好鬼好味啱我呢啲唔食得極辣嘅人。餐廳喺旺角新城3樓， 地鐵行過去都算方便就腳。為咗雞煲來梗係食佢嘅惡魔雞煲， 雖然其他藥膳 火鍋都好想試。餐廳仲設有嗜辣勇士優惠， 食得晒地獄級嘅辣雞煲全单七折， 好似有成十五隻辣椒指數。。 牆上面仲有相為證..好多成功挑戰者。。 佩服佩服混醬時間， 主要嘅 醬料配料都齊全， 切得仔細。藕帶贈送小食，酸酸地爽爽地， 質地有啲似蕎頭， 但味道冇橋頭咁濃。海蜆店家贈送，鮮甜冇沙㗎。惡魔雞煲 (微辣半隻)雞煲上檯仲未聞到香味， 不過滾起之後店員快手炒兩，三下， 蓋上煲蓋大火 炆焗 兩分鐘 再開蓋， 即時香味四散。 配料香料極多， 紅洋蔥，洋蔥，蒜頭，獨子蒜，薑， 花椒八角 。。仲有幾款 辣椒。 我哋只係叫咗最小辣， 辣味啱啱好， 唔會蓋過 雞味同其他醬料味道， 雞件本身都非常入味， 沙嗲醬嘅香同 洋蔥香料 配合得宜，整體非常惹味， 係我食過咁多款雞煲中美味指數數一數二了。回到味來牛拼盤$168手打牛丸和手打牛筋丸 好精美好有層次咁放在木製架， 幾有睇頭。 下層嘅係手打牛肉餅， 切到好薄一片片晶瑩通透。手打牛丸 質地堅彈， 重牛

一到星期六就會行下旺角一帶, 行到天黑就食低, 又凍又支力食個雞煲火鍋就最醒神餐廳以全黑為主色, 可能襯過佢個惡魔雞煲, 我地食開小辣就叫小辣雞煲, 侍應提醒小辣比外面既小辣再辣少少, 我地食過真係約刺激。雞煲有勁多薑, 兩種乾椒, 蒜, 花椒, 小回香同蔥。 食過雞肉好入味, 辣係後勁果種, 所以一定要叫飲品。食完雞煲加水打邊爐同時食下藕辣, 望落唔開胃, 食落好醒胃同解辣一流。 叫左海鮮拼盤: 女朋友呢個時間先醒起原來自己食過一次, 但果次冇叫雞煲(同行朋友唔食辣), 今次佢終於食到覺得好開心。 話說個海鮮比上次新鮮好多: 蜆大隻, 蝦仲動梗( 煮太耐會甩殼), 桂花卉(?)去左沙囊好正, 仲冇蟹, 好嫰滑既肉好正。最後整碟雪花肥牛$168, 見到相都知高質, 入口即溶。 約早訂位可以送鮑魚, 心有不甘叫左隻鮑魚黎食,睇每日來貨大細, 今日就$42, 幾大隻。