回到味來 (已結業)

一間我絕對會翻兜既雞煲！好耐無食過雞煲，一搵之下竟然就搵到間好嘢！呢個雞兜叫小惡魔已經好夠辣，個種辣係到喉又到肺，全因一睇就見到成煲都係辣椒花椒洋蔥乾蔥，不是平日個種只有淺薄辣椒醬嘅味道，一打開蓋就好香好香。食完雞煲就打邊爐，呢個雞煲最令我surprise嘅地方係即使加水後依然好夠味，配料亦都唔馬虎，必食豬肉丸夠彈牙，響鈴也是即炸的，就算係送嘅蜆都大大粒，好肥美！整體來說呢間餐廳絕對out of my expectation！侍應哥哥仲要好細心會用手遮住，怕d水彈到我地，值得一讚！

去樓上體育用品開倉無功而回, 結果就去呢度醫肚, 點知有驚喜。雞煲看似材料簡單, 其實要做到好味入味好難。 呢度專做雞煲既叫招牌菜果然冇失望: 雞肉嫰口, 入味, 新而麻, 雞骨都好食。 再加個蔬菜籃: 有生菜, 娃娃菜, 菜心, 栗米同金菇菜, 冬菇。 好滿足凍豆腐: 專門泵水處理過再雪, 煮完唔易散 密度勁高, 吸湯力一流。黑松露蝦丸墨丸: 望落好似樣, 煮落好香, 食完好彈口. 質感高。星期日至四仲有超值套餐好正。 韮菜餃都好唔錯 見隔離枱叫海鮮拼盤好正, 下次要黎多次先試哂d招牌菜

火鍋店愈開愈多，品質與味道各異，全因香港人喜愛打邊爐！而喜愛雞煲跟打邊爐的我，今次就跟朋友來到這間叫‘回到味來’的餐廳品嚐品嚐。餐廳環境不錯，全都是廂座沙發，兩個人坐很寛鬆！一來便先叫了一個小惡魔👿雞煲$158/半隻，原本想叫中惡魔的，但店員說像譚仔的特辣，平時只食到小辣的我們，立刻縮沙！店員會幫忙炒雞煲喔！第一口沒有很辣，立刻懷疑店員剛剛是騙我們的，但愈煮便愈辣，食到最後已經辣到流鼻水😝，幸好選了這個辣度。雞煲滋味十足，除了辣味還有多種香料例如花椒八角的味道，件件雞都很入味！除了雞之外，甜甜的紫洋蔥都不錯吃喔。之後加湯打邊爐，湯底依然很夠味也沒有很油！雪花肥牛 $168打邊爐沒有肥牛就不叫打邊爐了！看它的紋理，頓時想像韓國人那般驚呼「藝術呀！藝術呀！」肉質真心讚，很柔軟。芝士魚豆腐 $38 為什麼這個街市買不到？滿滿的芝士，彈牙魚糕及甜香的味道，超對我胃口。皇帝菜 $38論打邊爐的菜，當然要數皇帝菜了。那獨特的味道與清爽的口感，尤其是皇帝菜的營養價值高，多食有益。9點前入座有小小的海鮮拼盤送！雖然份量不多，但挺驚喜的。煮完後的模樣。海鮮很鮮甜新鮮。竹蔗茅根 $32打邊爐和雞煲都熱氣，

同朋友去完旺角買嘢，佢話知道有間餐廳嘅雞煲唔錯，於是我哋就嚟咗回到味來。惡魔雞煲 (半隻$158) - 雞煲入邊加有好多香料，乾辣椒、紅洋蔥，花椒、八角、香葉、芫荽……上枱後先等雞煲再煮兩分鐘，然後等侍應幫我哋爆炒後，就可以食用。雞肉嫩滑有雞味，味道香、麻、鮮、辣，十分惹味。食完雞煲加入湯底就可以開始打邊爐，侍應隨即送上呢碟蜆同魷魚仔，話因為我哋九點半前入座所以有得送，雖然係送嘅，但係一啲都冇欺場夠曬新鮮。羊肉卷 ($88) - 有羊肉嘅鮮甜味但唔會太羶，口感爽口中帶少少咬口，唔錯！鴨血 ($58) - 口感爽口彈牙，麻辣湯底嘅最佳拍檔。鮮腐竹 ($28) - 有豆味，份量亦多，抵食。蔬菜拼盤 ($58) -  有白菜、菜心、娃娃菜、生菜、冬菇、粟米同金菇，新鮮超值。出前一丁 ($18) - 食麻辣湯底就最鍾意叫出前一丁，因為煮好之後，麵條索满湯底嘅麻辣味，超正！呢度嘅惡魔雞煲真係幾好食，朋友仔無介紹錯！

涼涼地又想食雞煲，今日揀左呢間回到味來，網上好評超多，訂位又有折。餐廳位置喺旺角新城，一出lift望到餐廳比想像中細喎，好在有訂枱。呢度大部都係卡位，梳化位，坐得舒適，同朋友傾下計吹下水都得，唔會話催催趕趕。我地睇左餐牌，好快落單，其實呢度有d套餐幾抵食嘅，不過唔知點解最後我地都係變左散叫首先點左個雞煲，可以揀微辣，如果食得辣，可以挑戰佢地嘅惡魔雞煲，分小辣，中辣等，愈辣就會有折，不過我地食開譚仔三小架咋，點左惡魔少辣就算。雞煲上枱好吸引，點左半隻，睇落都足料嘅，有好多種辣嘅配料，辣椒、花椒、八角等等，仲有大量芫茜，好香口。雞件唔算好多內，但個煲真係好入味，又辣又麻，好過癮，食完就可以加湯打邊爐。我地點左手打蝦滑，蝦滑好新鮮彈牙芝心墨丸推薦，佢成粒好大粒，然後有墨魚口感，芝心有夠流質，正。菜肉餃好得意，餡料係扎實嘅，有D似燕餃。造型好搞笑，用個啤酒樽裝，又幾特別。是日送嘅係墨魚同沙白。之後點左菜心苗，菜苗夠嫩，淥落個雞煲，又辣又爽。最後點埋個麵，滿足。

天氣凍，係時候打邊爐，今次我哋就去咗一間有特色湯底嘅餐廳。兩個人坐低之後，侍應生好用心解釋佢地嘅特別湯底，最後我哋就揀咗個招牌當歸鴨，話哂當歸做湯底之前都未試過。選完湯底，侍應生就給我們一些調味料，最特別的就是有醋，佢建議我地落三分二豉油，三分一醋。招牌當歸鴨，個煲一上枱，不禁嘩一聲，估唔到個煲咁大，之後仲要成隻鴨，侍應生同我地講，隻鴨大概要滾20分鐘，滾滾下就聞到好強勁嘅當歸味及酒味，然後我哋飲一啖都覺得當歸味好重，不過幾分鐘後再飲，個湯就淡咗少少，反而我哋更加鍾意。呢個湯好適合今晚咁凍嘅天氣飲。回到味來手打牛拼盤：其實本身見到個價錢都覺得幾貴，因為主要都係丸，不過食左啖之後就發覺點解要呢個價錢，因為真係好有牛味，另外個牛肉餅都做到好薄，估唔到都有8塊，再沾上有醋嘅豉油，完全係好夾！沙爆魚肚：好少火鍋店有魚肚揀，所以我哋見到點菜紙後，就二話不說決定order, 食完後更加冇後悔呢個決定，真係好好食，比棉花雞嘅棉花硬少少，但食落更有質感。野生竹笙：竹笙都係我喜愛打邊爐菜式之一，貪佢夠索湯底，但又唔會好似響鈴咁食到好飽。蔬菜拼盤：太多蔬菜選擇，但又唔想煩，蔬菜拼盤是最合適了，不過不失。下

天氣開始轉涼，又到左食雞煲嘅時候喇香港都唔少雞煲勝地，今日同朋友嚟咗旺角市中心呢間坐得舒舒服服之餘隻雞又滑又好味嘅餐廳，個名仲夠晒特別，叫回到味來入到去，位置都幾大，又有位放手袋，職員好快就攞咗調味料過嚟，俾我哋自己混醬我哋叫咗半隻黃燘雞煲，我都係第一次食黃燘雞，感覺入口好滑，而且味濃，唔需要點任何醬汁或者加任何配料，已經好好食，我哋兩個好快就食晒半隻雞我叫咗竹蔗茅根，發現都幾足料，入口好清甜，唔似有加防腐劑叫咗職員幫我地個煲加糖之後，我叫咗枝竹，質素中上，但比其他雞煲餐廳份量多係等緊嘅時候，職員俾咗啲闊麵條俾我哋，原來黃燘雞煲可以配闊麵條一齊食，咁嘅配搭我都係第一次試，但又真係幾好味喎呢個花甲都幾好食，特別係放落去呢個黃燘雞嘅湯底入邊重頭戲就梗係呢個雪花肥牛啦好欣賞師傅將佢哋切到咁靚，排的咁好睇煮到半生熟嘅時候真係非常好味最後加埋黃鱔同埋烏冬，個烏冬食得出係靚烏冬，吸收左黃燘雞煲嘅湯，啲烏冬變到好入味，配埋我最鍾意嘅黃鱔簡直係一流

天寒地凍，最好就係打邊邊！今次同朋友試新野，回到味來。叫咗個小惡魔雞煲半隻，寬薯粉，竹蔗茅根，即炸響鈴，手工鮮蝦雲吞，野生竹笙！一嚟到緊係要混醬先啦選擇都夠多，個雞煲好足料，好香...上到嚟見到佢落咗好多香料落去，而且越食越辣越食越濃味，正！雞肉啱啱好熟冇煮過龍，啲料有薑，蔥,蒜頭,洋蔥,辣椒啦花椒八角同埋一啲香葉嘅物體，又唔覺好油膩。黃金軟殻蟹，炸得幾穌脆香口，佐酒佳品！雲吞都幾足料幾大粒，而且薄皮唔會好似食粉皮咁。竹蔗茅根最啱打邊邊飲，清熱解毒👍🏻

凍冰冰 係時候又要打邊爐啦！見個名幾幾吸引 叫回到味來，於是就決定試下！Menu選擇都幾多叫完野食，店員就拎醬汁比我地，好多款🥳店員建議我地7分豉油3分醋，酸酸甜甜好中意😋黃燘雞煲($158)對上一次食雞煲都已經幾年前，一食個感覺即刻翻晒黎，店員先拎個雞煲上黎，焗2分鐘後開蓋，香氣立即撲鼻而來，醬汁濃郁，雞肉嫩滑餐廳更送上一碟寬薯粉，加落雞煲索晒啲汁，十分好味，而且麵條寬得黎好有嚼頭，因為實在太正，我哋另外再點多一客黎食，高度推薦！🤘🏻食完雞煲就叫左少少野食打邊爐🥳鴨血（$58）其實第一次食😂個人幾中意，較豬紅爽囗，味道較為清淡，唔錯！手打丸拼盤（$88）丸真係小店新鮮製作，絕唔係連鎖店既貨色！尼到既丸食落會更彈牙，鮮味更出。個人最愛蝦丸，好重既蝦味😋價錢都幾貴，但食材質素唔錯，而且坐得舒服，都可以考慮下～食得辣既人就會著數d，因為有折😂唔食得辣既人建議9點後先去會更抵！

Blue Monday 最喜歡約好友聚聚解鬱悶，2人都嗜辣，朋友想吃雞煲，向我提議這間回到味來，反正我未試過，就這間吧。其實除了雞煲，還有其他款式的湯底，而主打的惡魔雞煲，點中惡魔以上並吃完便有折扣優惠，越辣折扣越大。吃雞煲有備長的竹筷子真的有加分，另外還有那個網籃好像也很好用。吃火鍋，這些調味配料當然不能少。雖然只點了小惡魔辣度，但一上桌已經聞到香噴噴的辣味，雞肉份量不少，吃下去鮮嫩入味，夠香夠辣又不會太鹹，亦沒有蓋過雞味。竹蔗茅根 $32入口啖啖蔗汁的香甜，味清甜不假夠解渴。烏梅汁 $32沒有下太多糖，梅味極重，味道酸酸的只帶微微的甜，夠開胃消滯。吃完雞便加湯繼續火鍋，這個湯底絕對夠香夠惹味。雖然這些蜆是送的，但質素不差，夠大隻又鮮甜。足料韮菜餃 $38賣相不好看，但夠大隻亦很足料，皮薄餡多包到脹卜卜，調味不錯不會太鹹。略嫌包得太紮實，口感差一點。白蘿蔔 $28萵筍 $32唐生菜 $28鮮腐竹 $28蔬菜和豆製品份量不算少，而且夠新鮮。寬薯粉 $28薯粉本身很夾辣湯底，不過我們覺得這裡的寬薯粉厚了一點，較難滾至軟身，亦有點飽滯。力上份量不算少，求飽肚的話這個很適合。朋友超喜歡這個，

好耐都冇同屋企人出街打邊爐喇,今晚行過旺角試去左間叫回到味來嘅私房菜食雞煲。上網見到啲人話最好打電話預約,諗住WALK IN上去最少都要排半個鐘。好彩上到去仲未爆場,可能係平日嘅關係啦。一坐底望到張點單就俾佢嘅惡魔雞煲所吸引住,但可惜屋企人唔食得辣,所以就嗌左個黃燘雞煲, 雞煲好正好入味之餘又唔會太咸。由於我地4個都係食肉獸嘅關係,所以我地嗌左好多肉。首先一出閘嘅係響鈴,特別嘅地方係一叫即炸。浸一浸落個湯再放入口,真係有外軟內脆嘅鬆軟口感。安格斯肥牛,花紋分佈均勻,滾十令秒就放得入口。薯粉, 好有嚼口,彈性十足。手打牛拼盤, 4款牛肉任均選擇。出場賣相更加吸精, 牛肉咬開後有啖啖湯底精華流出,值得一嗌~羊肉卷,鍾意食羊肉果陣羶味嘅朋友一定要試, 食完包你齒頰留羶。鴨血,口感好好, 放入煲到滾完都唔會散收收。

幾個月前黎過一次，上次印象幾好味，職員又nice。今日出信和買野，順便過隔離的新城商場吃多次。雞煲本來已很惹味，洋蔥及胡椒粒爆起後，就更加色和味全晚上9點後有海鮮拼盤送贈，雖然份量不多，但睇得出是很新鮮的黑松露雙拼丸很彈牙，且松露味濃，很值得介紹俾朋友表面平平無奇的流心芝士丸，嚮咬下去一刻，裡面的芝士火即刻流晒出來。剛剛食左咁多肉，要點番呢疏菜平衡一下，睇吓個籃，很趣緻喎聽人講打邊爐飲酸梅湯可消消熱氣，我唔知有冇根據同有冇成效。呢到沒有酸梅湯，替而代支的是烏梅汁。酸度其實差不多，但味道較濃，好飲

今次飯局揀左嚮信和隔離既新城商場，貪其方便又夜收，萬一吹水吹到夜左都有車返屋企。惡魔雞煲除左走辣外，還有3個不同程度的辣度可選，order不同辣度，均可享全單7至9折。可惜，今日有成員唔舒服，只能嗌唔辣雞煲吃得七七八八時，加入清雞湯便可繼續打邊壚。除非介吃牛肉，否則遇到這碟肥廋比例均稱的手切肥牛，相信無乜人可以不被誘惑唔駛講，火鍋又怎可缺少各式肉丸、芝心丸、餃子、鮮枝竹...呢！今次還有竹笙，"索索" 聲，真係好爽

秋風起、涼涼地，一大班朋友就最好十下十下(打邊爐)啦先黎一個番茄濃湯牛肋條鍋拼麻辣湯底, 濃濃的番茄味加上濃郁的牛肉味,把湯底的味道再提升另外一個層次; 雖然是一個麻辣湯底,卻沒有完全奪取食物原有的味道。這裡的醬料(每人$10)十分齊全, 分別有豉油，白醋，唐芹，芫茜，蔥，蒜頭，炸蒜。時令海鮮拼盤($198):有蚌、蝦、蟹、墨魚、蜆, 很鮮甜、爽口, 夠新鮮安格斯頂級肥牛($198): 重牛味，油脂唔算多豬紅($32): 新鮮,不腥脆魭魚腩($88):夠脆、鮮甜芝心墨丸($88):流心芝士在裡面,好好咬口、好好食雙拼滑(手打蝦滑拼墨魚滑)($88):好彈牙，食得到墨魚味即炸響鈴($58):非常新鮮，香口又鬆脆，推薦食品！手工餃拼盤($48): 皮夠薄,餡料足又好食蔬菜拼盤($58)：份量多而且新鮮。寬薯粉 ($28)：麵條比較粗和厚,口感非常QQ (堅韌、有咬口)竹蔗茅根($64): 不會很甜,非常解渴!整體來說,以6個人來說,性價比挺高的!

旺角素來有許多火鍋和放題店，而位置大多在一些單棟式或大小型的商業大廈中，有的很有名，人人皆知，有的卻是沒有什麼人氣的。不是說人氣高的火鍋店會比較高質素，人氣低的會比較低質素的，有些可能是沒那麼有名但卻高質素的店。無意中發現一間旺角一座商業大廈中有一間樓上火鍋店，我本身就未聽過這間火鍋店的名字，但知道裡面有很多款式的火鍋種類，所以便去試試。湯底方面，原來這裏最有名的是惡魔雞煲，應該就是很辣的意思吧？但我自己吃辣實在不太行🙈所以還是看看其他湯底，南瓜海鮮湯也是這裏很有名的，但是價錢很昂貴，最終選擇了番茄濃湯，感覺上配火鍋配料很適合。醬料跟很多火鍋店都一樣了，是把所有醬料都呈上給每一台的客人，喜歡生蒜的我還取了不少呢。發現到一樣現象，以前的火鍋店大都喜歡把醬料放在自助取餐區，待客人出去自己拿取，而現今的火鍋店則喜歡把所有醬料都呈上給客人，其實這樣也挺好的，起碼不用跟其他客人爭先恐後的拿醬料。我們點的是蕃茄濃湯牛肋條湯底，為了顯示不是罐頭的蕃茄湯，湯中有不少蕃茄，蕃茄湯底看來也很濃郁。 大蜆 $58有時在一些火鍋店吃的蜆體積很小，但就這樣看這些蜆已經知道是很大隻的。裡面的肉當然都很大隻，而且帶