回到味來 (已結業)

天氣開始轉涼，去食雞煲或者邊爐就最好，同朋友講起佢都話想一齊去食，咁就搵間交通方便既黎食下，上網搵到依間都唔錯，comment幾好，就一於黎食下。 睇睇menu，個湯底都有幾款揀，咁我地都係想食雞煲，所以都係集中睇辣既惡魔雞煲同埋唔辣既黃爛雞煲。因為我地都係食得辣既關係，揀左半隻惡魔雞煲，小辣。 個雞煲係廚房個度已經準備好，黎到大約等2-3分鐘就食得。配料好多，雖然係小辣，但都幾辣下，好惹味。而且雞肉分量都幾多，雞肉夠嫩，值得一讚。 食完雞煲就落湯打邊爐啦，因為我地9點前入坐既關係，有海產送，係蜆黎既，都好鮮甜又無沙。 今日唔叫牛肉，就試下佢羊肉卷，羊肉卷有小小羶，但可接受，點一點醬油，好香羊肉味。 丸拼盤又係值得推介，全部丸都係自家制，尤其是牛肉丸，當我諗住用筷子吉入個丸個陣，有D 汁爆出黎，我個陣仲以為係貢丸黎，但原來係牛肉汁黎，而且肉質彈牙。其他丸仲有豬肉丸、蝦丸同埋墨魚丸。 另外仲有手工餃拼盤，都係自家制，都唔錯。 打邊爐其實淨係食肉就唔飽既，一定都係要食下D 殿粉質食物，平時都係會揀公仔面或者烏冬，但依度有得揀伊面，簡直係絕配。因為伊面吸左D 湯底之後夠哂味，而且又夠冧，一個