四季良晨 (新都城中心) (已結業)

剛放工去搵食時經過一間小店, 店外有好幾台既人在排隊. 心想咩年代仲有咁多人願意排隊食飯. 加上門外電子餐牌不停介紹不同既野食, 有自家制既麵, 湯底, 滷肉飯, 牛肉麵, 燉湯, 餃子, 小食, 好多款式, 咁就吸引到我去排隊一試. 停左10分鐘左右就可以入座啦! 一入座就被滿滿既文青風吸引住, 牆上放滿好多小說, 散文給客人睇啦. 仲有好多令人微笑, 幸福既金句, 真係好窩心.我同朋友分別叫左兩個小食: 滷水雞翼, 涼伴木耳, 涼伴木耳, 爽口又開胃, 滷水雞翼非常入味, 個滷水汁濃而不膩, 仲有清新既麻油香味, 非常夾. 每人叫左個主食: 三盛養生牛肉麵, 勁大碗, 份量十足, 個養生牛肉湯底, 真係不得了, 好清新又滋補既湯底, 清得來又好滋補, 好岩夏天既味道, 餸有三款, 牛展, 牛腩, 牛丸. 直頭係牛魔王上身咁, 牛展, 牛腩, 煮得好入味夠 “霖”身. 麵底自家制係唔同D既, 非常Q彈, 好有口感.另一款主食, 紅燒四寶麵, 有豬手, 牛展, 花枝丸, 滷水蛋, 極之豐富.來到台式餐廳點可以唔試下, 台式飲品呀, 芝士奶蓋桂花烏龍茶, 出奇地個芝士奶蓋又濃又滑,

台式餐廳食嚟食去都係嗰幾間. 今次試試新意思 呢間餐廳有裝修到食物都好用心. 價錢相宜味道唔錯. 煲仔塔香三杯雞飯88蚊呢個係晚市定食. 跟餐有埋上湯浸時菜同埋燉湯三杯雞用上九層塔煮味道香濃肉質好嫩麻醬雞絲冷麵配涼拌貓耳朵 52蚊. 鹵水蛋加六蚊夏天真係好難抗拒台式冷麵特別係佢濃濃嘅麻醬簡直將成個麵昇華呢度嘅冷麵整得都好出色雞絲唔會乾柴. 而且麵質好彈牙涼拌雲耳調味出色酸味恰到好處超開胃. 蕃茄濃湯水餃28蚊四隻. 水餃比較一般外皮有啲厚但個茄湯真係對得住濃湯呢個名相信如果叫茄湯嘅麵食應該好出色. 桂花雞翼23蚊3隻. 我孤陋寡聞叫嘅時候以為係凍食嘅. 原來係將一隻隻炸起香脆嘅雞翼點上桂花醬嚟食. 個桂花醬靚到呢 兩者配起上嚟食都幾夾點上醬後味道fresh啲食起上嚟冇咁熱氣. 同埋個味道幾特別好鍾意. 芝士奶蓋抹茶28蚊芝士奶蓋唔算突出比較稀身只計抹茶嘅話味道可以. 鐵觀音珍珠鮮奶23蚊鐵觀音茶底清香茶同奶比例唔錯整體都ok. 唔使加一服務費埋單兩個人約250蚊.

台式嘅文青餐廳受歡迎，呢間同將軍澳廣場嗰間好似。我哋每人叫咗一份主食，兩個餐嘅加配小食同一個散叫小食，由門口到用膳完畢，我覺得呢間服務嘅態度比嗰邊好好多，又唔會太多人，食物質素又唔錯。煎手工餡餅，豬肉餡，肉汁都幾豐富，可以試吓。三盛牛肉米線配養生湯，腱心牛肉，牛腩，牛丸每樣兩件，肉類唔係好鬆軟嗰種，有咬口，唔韌唔鞋都唔錯，但感覺有啲少，湯底清淡適中。鹽酥雞扒雞肉飯，第一次食台式蔥油飯，炸香嘅乾蔥淋上面，加少少豉油，雞絲同蔥粒，都幾香，如果油多啲會更好，鹽酥雞新鮮炸好，又脆又嫩，呢份午餐幾好，好味又飽肚。加配小食：涼拌黑醋茄子，微酸微辣，心凉醒胃。滷水豆腐：有少少Q嘅口感，幾得意。凍香濃奶茶芝士奶蓋玫瑰茶，同我想像中有少少唔同，我以為會係有啲粉紅色嘅玫瑰花粒喺茶裏面好靚，原來係茶包，不過都幾好味，淡香嘅玫瑰花茶中和到奶蓋，感覺清新。

經過這裡看到豐有台灣特色的餐廳，有花花牆身和書架牆身佈置，書卷味道濃郁，很有文青風格📚鹽酥雞排滷肉飯套餐 $76套餐包括上湯浸時菜和蟲草花杞子燉雞湯。我和朋友很久沒有吃滷肉飯！於是2人把整個滷肉飯吃光了🤣很誘人的滷肉味道。鹽酥雞排酥脆金黃又不油膩燉湯碗小小的內裡材料十足，有雞有杞子，味道較清淡，濕潤喉嚨不錯喔！😋涼拌貓耳朵 跟套餐加配的貓耳朵，冰涼爽口的雲耳帶點微辣，超開胃的前菜😊滷水牛肚 $38滷水味道濃郁，牛肚彈牙爽口！久違沒有嚐過牛肚的我按耐不住多吃幾塊😂蕃茄濃湯水餃 $28蕃茄味道十足，水餃有4大隻！皮薄餡多，每隻好juicy! 每人分2隻剛剛好🥰桂花雞翼 $23雞翼香脆可口，肉質不錯，桂花醬味道甜甜的帶有淡淡清幽桂花味道，小清新的感覺☺️鹽酥花枝丸 $23花枝丸酥脆兼彈牙，喜歡內裡花枝味濃郁又有嚼口🤩原來特飲是手沖台灣飲品🤣以外賣杯子送到，很可愛喔～鐵觀音珍珠鮮奶茶 $23少甜味道剛剛好👍🏻茶味較濃😌還可以選熱的珍珠奶茶！珍珠小小的很飽肚😂日式紅豆抹茶 $26抹茶味道較香濃，飯後喝一杯好滿足喔🥳❤️mylittle score： 7 ❣️Will I be back? 70%

放工同朋友食晚飯，聽聞將軍澳開了間台式餐廳，我們一於去試試😌我們望完餐牌，都不約而同的選擇了定食套餐，再加了小食同飲品，好豐富的晚餐，當慰勞下辛苦一週工作的自己😋首先上左三個小食貓耳朵就是涼拌雲耳，有點酸而帶點微辣，很開胃的小吃涼伴黑醋茄子 茄子吸收左黑醋的酸酸甜甜味🤤 係我朋友最喜歡的一道小食 大大令食慾大增 而滷水豆腐非常入味 肉質好結實 送飯佳品👍🏻我的滷水豬手定食有一大碗飯、一碟滷水豬手、一個燉雞湯、一小碗上湯娃娃菜。豬手有四件，炆得好濃好入味，又軟不會硬，滷水味送飯一流。個燉湯都好足料，有多件雞肉、粟米，清甜又有些胡椒粒味，不錯的中湯我朋友就叫了三杯雞定食套餐雞肉肉質嫩滑，香而不膩，好入味，加上九層塔的香味，有畫龍點精效果🤤 都係送飯一流👍🏻 上湯娃娃菜則吸收了上湯的精華，份外鮮甜🤤 朋友都話燉湯清甜一點都不膩👍🏻 好有屋企的味道！最估唔到最後我們都差不多食哂一大碗飯😂😂我的飲品幸福紅豆豆乳，聽個名就好吸引，豆乳配紅豆粒，豆乳味濃，不會太甜，喜歡這味道😊朋友叫左日式紅豆抹茶飲品，好大杯🤭 佢話抹茶加上粒粒飽滿起沙的紅豆好有口感，不算太甜😋 值得再試！我下次要飲下呢個先😌

朋友住寶林，相約他食飯，來到新都城商場，經過一間餐廳，聞到特別的味道，是什麽味道，是書卷味。好有文青Feel,近門口牆邊兩則有一幅花🌸的畫，靠裡面有書📖櫃鹽酥雞排滷肉飯 $58鹽酥雞排份量足，炸得酥脆，外脆內嫩，雞肉滑滷肉飯挺香的腱心牛肉麵(紅燒)$58挺喜歡那面質，白色卷狀的，韌韌的，牛肉大大塊，肉🈶咬感鹽酥花枝丸(5粒)外面炸得脆香，大大粒煎餃子(4隻)餃子皮煎得香夏日水漾鮮果茶(凍)味道清香，有青檸，火龍果，橙混合而成的果香，茶味濃度甜度剛好。黑糖珍珠鮮奶(凍)手拍小黃瓜上湯浸時菜蔬菜新鮮，清甜整體來說，性價比高，環境設計見心思，食物平均質素不錯

最近去左喺將軍澳嘅四季良晨食飯🥣，佢地係食台灣嘢嘅本身想叫麻辣牛肉麵🍜，不過最後都係俾佢地嘅三杯雞吸引到🐔三杯雞係用煲仔上，夠哂熱辣辣，雞煮得夠入味😋，仲有勁多九層塔，夠哂惹味🤤跟餐仲有原盅綠豆薏米蓮藕燉排骨湯🥣，勁多湯料，夠哂滋潤，另外仲有上湯浸娃娃菜🥬，個餐都好多嘢食呀飲品方面佢地有好多款嘅手調飲品🥤，仲有芝士奶蓋系列添，最後我揀左仙氣芒果茶加珍珠🥭，茶味幾香，唔洗食完飯再搵嘢飲lu🙃

之前一直聽講呢間台式餐廳好好食好地道，但總係冇機會嚟試。今次咁啱約咗個台灣控朋友，就決定嚟呢度食我地叫咗兩個小食、兩個主食同兩杯飲品：手拍小黃瓜：清新爽口的小黃瓜，細細粒，加上小小蒜蓉，非常開胃古早味滷水拼盤：呢個拼盤我個人來說十分之推薦，非常好吃！這個滷水當中有淡淡的藥材味，滷水和藥材味互相配合，些少甘、些少甜、些少咸，加上啲食物滷得非常入味拼盤的價錢不算好貴($58)，但已包括了4款小食：腱心牛肉、牛肚、雞翼和蛋，份量不少，而且滷得好食，性價比整高三盛牛肉麵：牛肉麵的湯底係養生湯，有很香濃的藥材味道，食麵前喝了幾口暖胃，感覺非常不錯三盛包括了有腱心牛肉、牛腩和牛丸，台色牛肉好食的地方在於牛肉會煮得很淋、好易入口，肉和筋分佈平均，口感會有些少彈牙，而且牛肉味會很濃厚。而這裡的牛肉麵做得非常出色，果然係推薦的菜色之一鹽酥雞排滷肉飯：如圖所見，整個鹽酥雞排滷肉飯的份量很多，雞排有整整兩大塊，餐廳用的炸漿不多，所以皮比較薄而且香脆，但雞肉卻可以保持鮮嫩，加上些少咸香，冇得頂另外個滷肉飯也做得好出色，肉和脂肪的比例很平均，而且好多汁，就算只係單碗滷肉飯都已經很好食了，配合埋個鹽酥雞排，實在係

早幾天放假，終於可以遲少少起床～剛好住在寶琳的朋友同樣放假，提議食lunch敘舊一番，就去新都城中心揾食🤩 這間店午餐時段好多人排隊，就去試試👍🏼——————————🔸滷酥炸排骨滷肉飯 $68這個酥炸排骨炸得不算太酥脆， 但肉質軟嫩，食起來不會乾身，不用蘸醬也很夠味☺️滷肉飯份量也不少，雖然不是用肥美的豬肉，食起來不會有膠質和油香味，但是醬汁好多好濃郁，配飯一流！🔹紅燒滷水雞翼麵 $58朋友喜歡吃麵，這個台灣麵彈牙吸汁，充分吸收了微辣而清甜的紅燒牛肉湯☺️ 麵條放久了再吃，也不會變成一坨👍🏼不錯！滷水雞翼醃得好入味，同時有陣陣的麻油香味，朋友特別喜歡吃😊🔸煎手工餡餅 $48 (4件)本來以為餡餅會小小一件 ，但是我們猜錯了🤢 餡餅內有豬肉和椰菜，調味不錯，配上脆脆的餅皮，很快就飽了😂🔹現做煎餃子 $28 (4隻)餃子的確是即叫即煎，香脆可口☺️裏面的豬肉餡料份量十足，餃皮不會太厚，相比之下煎餃子會更好食👍🏼🔸黑糖珍珠鮮奶 $29黑糖珍珠鮮奶超大一杯，裏面的黑糖味算濃郁，珍珠彈牙有嚼口，但黑糖紋理不夠，外觀可以改善下🤨🔹芝士奶蓋白桃烏龍茶 $28本身有一大包茶包在內，不是一早泡好🧐白桃烏龍茶味

✨ 今日同友人A去咗將軍澳見個朋友順便食個晚飯😋 小妹我突然間心血來潮就去咗呢間四季．良晨食台灣野。7點左右過去都開始多人，排咗5分鐘左右就入得去食。✨餐牌✨ 麻辣牛肚麵👧🏻 小妹嗌咗一個麻辣小辣嘅牛肚麵，而麵底就簡咗台灣麵。一上台嘅牛肚麵大大碗，真係好啱大胃嘅小妹😚，麵底較為稔身容易入口，而且牛肚份量十足 👍🏻👍🏻✨ 三盛紅燒牛肉麵✨台灣烤香腸、 鹽酥花枝丸👧🏻 台灣嘅街頭小食一向都係小妹我嘅摰愛，每一次食台灣野都係必嗌。烤香腸做得好細心，廚師會將台灣腸切片再烤，令到香腸外層好脆口，唔會到有漏口嘅感覺。✨ 芝士奶蓋白桃烏龍、芝士奶蓋抹茶👧🏻 芝士奶蓋手調飲品而家愈來愈普及，我地都繼續跟住風去試唔同店舖嘅芝士奶蓋。白桃烏龍，味道清甜、比較淡口，加埋奶蓋點綴一下，令到味道無咁寡。 而奶蓋抹茶，小妹我選擇咗少甜，抹茶粉好香濃，份量同味道都啱啱好。

其實有時都鍾意清清地食台式野，呢間位於寶琳站上蓋的四季良辰就正正合我心意。先叫了一個晚市套餐，那個煲仔塔香三杯雞飯，配上原盎燉湯，另外還可以加一些小食飲品，可是我不太肚餓，還是留待下一次吧。另外還叫了一個三盛紅燒牛肉麵，有腱心牛肉、牛腩和牛丸，而且是店內的推介，果真想試試看。在等待美食的同時，我留意到店內的裝修充滿文藝氣息，在櫥窗上的設計上亦花上了不少心思，好像一些精境的人生語句例如勉勵人要往前看、堅強和保持正能量，我在思考的過程時，兩個餐就到了。令我驚訝的是那個牛肉麵湯底！真的是 熬出來的，明顯嘗到一些藥材煲過的味道非常濃烈，而且牛肉味非常重，三款牛肉質感亦各有不同，令人回味無窮。三杯雞套餐亦是我所期待的，雖然餐牌上有列明要耐心等候，可是不夠10分鐘就已經見到香噴噴的三杯雞。色水有點濃烈，是汁醬醃過的效果，附上一些娃娃菜和蟲草雞湯，是完美的配搭。最後還叫了兩個特飲包括仙氣火龍果茶，還有黑糖珍珠鮮奶。火龍果茶比較少飲，果味濃郁而且鮮甜入心涼快極了。還有鮮奶茶，茶味比奶更出眾，珍珠有咬口。每人消費約$100，果然是經濟實惠呢。

食物與環境都值得一讚依間台灣餐廳成日都好多人幫襯，今日終於有機會幫襯一下，搵左位之後就記得枱號，去反門口度落單，依度其中一個好處係唔使加一服務費，係商場餐廳黎講都幾難得，變相又平左。咁佢有晚市定食套餐配原盅燉湯，亦都有台灣面。咁我就揀左鹽酥雞排面，加碟小黃瓜做小食。野食都好快就送到黎，食物份量多，幾抵食，而且味道都唔錯，鹽酥雞排外皮都仲係幾脆，雞肉嫩滑。小黃瓜不過不失。另外都要為環境加分。雖然可以稱得上係快餐店，但裝修絕不馬虎，有台灣味道，而且環境都幾乾淨。

又同屋企人黎四季良晨食晚飯！今次食下唔同既野先～蕃茄花枝丸米線 + 桂花烏龍茶花枝丸好好食 係入面有啲粒粒既 好彈牙 超有口感 值得散叫埋鹽酥花枝丸小食！蕃茄湯都夠濃夠足料！烏龍茶方面 用成個茶包黎泡所以一定好夠味🤣但同時桂花味亦都好出～好balance～鹽酥雞排麵大大碗好抵食 雞排亦麵炸得好鬆脆 雞肉都好juicy～爸爸好讚賞個湯底 甜甜地 麵亦好有咬口👍🏻桂花雞翼雞翼都炸得岩岩好 少少咸味既雞翼配上甜甜既桂花醬 又幾match！雞翼亦都好大隻👅

今日同男朋友去將軍澳行街真係估唔到而家原來有咁多嘢食喺花多眼亂嘅情況之下我哋選擇咗去呢一間台式牛肉麵鍾意食辣嘅我就叫咗個地獄三盛牛肉麵店員係落單嘅時候已經千叮萬囑話食得辣先好叫所以我都照嗌 嚟到果然冇令我失望真係好夠辣 但係又唔會好油嗰種啲牛嘅部位都好好食啲牛煮得好林 牛丸亦都爽口彈牙小食方面我哋叫咗個滷水牛肚好入味 而且好好食而且我哋仲叫咗兩杯台式飲料一杯係鐵觀音珍珠奶茶 令一杯係黑糖珍珠奶茶我就鍾意黑糖個杯多啲 個甜度啱啱好

一直想試吓新都城呢一間台灣既餐廳，夜晚去嘅時候發覺有好多人等緊位，我哋排咗大概有半個鐘頭就有得入。我哋叫咗一個酥炸排骨滷肉飯嘅晚市定食，定食入邊仲有上湯浸時蔬同埋燉湯，CP值好高。燉湯係粟米燉雞湯，湯底好清甜粟米味，好好飲。滷肉飯係偏瘦嘅滷肉飯，酥炸排骨亦都炸得外脆內軟。另外仲帶咗一個鹽酥雞扒雞肉飯。鹽酥雞扒嘅份量好多亦都炸得好脆好香。因為我哋太肚餓所以我哋另外仲叫咗兩個小食一個係桂花雞翼，一個係牛肉濃湯水餃。兩款小食都好好食，牛肉濃湯水餃個湯底係有少少薑味，個水餃係豬肉餃。最後我哋仲叫咗兩杯嘢飲係隔離鋪頭幸福茶研社。一杯係魔力水晶可可，一杯係芝士奶蓋鐵觀音。兩杯飲品水準都好高，推介大家黎試下。