四季良晨 (新都城中心) (已結業)

食台灣野永遠令我有驚喜，呢間不得不推介，香港食台灣野黎講算平價，超抵食！雞翼滷肉飯 $68豐富到一上枱wow咗聲～套餐本身會跟一個小菜，仲有送燉湯！仲有多個菜係朋友的，而豆腐就係另加的～滷肉飯比較偏向媽媽的味道，煮到好腍好腍但入晒味，滷肉粒唔太肥美，少一份油膩感。配雞翼都係滷水嘅味道，有5隻咁多，係5隻呀！！！平時當送咁嗌都可能冇咁多～而且味道都OK，甜甜地幾好味，食肉獸一定好滿足。滷水豆腐 $6跟餐 手拍小黃瓜 $12青瓜仲貴過豆腐～但豆腐好食，可加！塔香三杯雞飯 $88友人的三杯雞飯，又係一個煲仔嘅份量，十分足料。三杯雞個汁好惹味，撈飯一流。台灣烤香腸 $28想食台灣腸見到平仲要再嗌，其實已經唔係好食得晒，呢個唔使點講啦，台灣腸的味道是無可替代的！鐵觀音珍珠鮮奶茶 $28珍珠紅豆奶茶 $24呢間鋪都幾特別，雖然好抵食，但裝修好文青，有啲似台灣cafe 幾好坐，夜晚都幾多一家大細過黎食飯隔離分開咗間做外賣茶飲，但你都可以嗌過黎坐住飲～如果跟餐價係正價減$5我嘅鐵觀音珍珠鮮奶茶，茶味較淡，鮮奶味比較突出，但因為可以調整甜度所以都OK珍珠大粒而且彈牙好QQQ
總結，下次再經過都會食下！真

自從上星期同囡囡試過一杯超好飲既百香果後，我同囡囡己經將百香果取代左珍珠奶茶既位置。今日黎到寶林站，其實已經食晒野，但因為咁岩經過口痕就去買杯野飲下，由於近排大愛百香果，就試左杯百香果QQ綠茶，本來想加多D野咬下，就想加錢$3加椰果，但店員告知，原來飲品內已經包椰果了，所以最後就冇再加。佢哋除左可以加椰果，同其他台式飲品掂一樣仲可以加蘆薈，珍珠等....講返杯飲品，之前飲既百香果都真係會有埋百香果同入邊既籽可以咬到，但呢間舖，見到杯飲品就只係得椰果，已經有小小失望喇。飲落去可能真係冇加粒粒果籽，真係比較冇咁酸比較甜，但都因為咁，就冇咁香喇，就只係飲緊杯百香果味既飲品，但相對呢排飲過咁多杯百香果飲品，算係最淡既一杯。

是日去到寶琳見客，但由於客人同我都係有少少選擇困難症嘅病人😂所以早少少去到附近睇下有乜好野食，行下行下見到一間門面唔錯嘅台灣餐廳，因為唔想再揀所以決定呢度🤫以為個名叫清湯，但一試發覺有啲咸🙈

真係要分享下，一個餐好大份好多野食！自己又為食，叫左個鹽酥雞扒麵套餐，點知食唔哂！😂套餐有配煎餃子和台式三小碟，也有飲品。先看看圖片多麼的震撼！雞扒份量超多，雞肉好juicy, 外表又炸得脆脆的，食哂全份真係罪過！🤪煎餃要新鮮食，剛煎好的餃子一咬肉汁四濺！而三小碟中，醃厚切茄子最吸引！講番湯麵，湯底我選了養生湯。養生湯味道好好，睇落好清完全無油粉，但有陣藥膳味道，調味不太咸，每一啖麵條我都飲大大啖湯！無揀錯，而以上禁多野都只係$68!!另外，朋友就揀左滷水牛肚麵配麻辣牛肉湯。佢就話少食麻辣，但個味太勁條脷麻哂！另外，我地仲有點左麻辣豬肚，豬肚爽，無臭味，大件好惹味！飲品方面，加配左特飲！芝士奶蓋桂花烏龍茶，毫不比坊間有名的台式飲品店輸蝕。芝士咸香味濃，而烏龍茶底味濃，桂花香氣撲鼻！調配均勻！另一杯是「來一杯香濃奶茶」🥤今餐真係好抵食，高CP值之選！❤️

最近屋企附近開左間台食，今日終於等到冇乜人去食，有位了餐廳係半自助式，要出去收銀落單比錢先，跟住店員會送餐餐廳周圍有幾個書架，黎食野既人可以參加漂書活動，捐一本書可以有10蚊現金卷，或者捐兩本書換一本書走我地先叫左一杯台式飲品，芝士奶蓋白桃烏龍茶，呢到既芝士奶蓋味道同出面有啲唔同，相對清香，茶味亦都幾香，唔會過份地甜我地叫左兩個主食，鹽酥雞老肉飯同地獄三盛牛肉麵呢到既食物比較清，唔會有過份多既調味，不過地獄真係幾辣，值得試下

除了食物味道吸引外,書卷味也是很吸引人的。今晚來到文青台灣餐廳品書嘆食物。環境方面，餐廳不算大，座位不多，但設計見心思，壁畫，牆上見掛飾物，聽著台灣歌心情輕鬆下來紅焼四寶麵(養生湯)份量好多喔，牛肉丸,豬腳現做煎的子台式三顆熱哄哄的，內含汁液三盛牛肉麵(清雞湯)牛肉肉嫩，面質韌韌地夏日水素鮮果茶(凍)青檸，檸檬🍋藍莓，火龍果，淡淡茶香 芝七奶蓋桂花烏龍茶煎手工餡餅(2件)🈶驚喜，餅挺香，表皮韌韌地，軟軟地，餡料清香，juicy很喜歡餐廳裡貼著的文句世間最好的感受就是發現心在微笑

四季良晨，台灣的味道，捧場的客人相當多，店內坐下，門口櫃枱點餐，是台灣小店的特色，燈光下，小店顯得溫文儒雅略帶書卷味，或許台灣小店都希望客人可以扮演文青悠閒愉樂一下。懷舊波子機，真是有小朋友在玩。飲品有外賣也有堂食，台式飲品的選擇還真不少。黑糖珍珠鮮奶是指定動作，今次仲加左芝士奶蓋白桃烏龍加咖啡水晶。黑糖是珍珠鮮奶最好的朋友，香香甜甜令人期待永不落空。而芝士奶蓋同白桃烏龍就好像是情侶，時而撞出火花，味道上又互補，芝士奶蓋的綿滑口感帶出，白桃烏龍淡雅清香。店內大多時間是繁忙的，等位還是需要耐心，好在我們已經坐下，就等上菜。懷舊的餐牌，古香古色的台式味道，傳統麵食古早味濃厚。紅燒腱心牛肉麵，紅燒牛肉湯底，台灣麵，小辣，麵身勁道，Q彈爽口，精華在湯里，牛肉燉得很出味，牛肉好冧，燒得夠爛。滷水拼盤好抵食，賣相不錯，相當滿足。花枝丸大大粒，口感彈牙，金黃香口，細份3粒，大份5粒。

話說上星期三我拎左個對我黎講幾重要嘅獎於是同我BOSS去慶祝一番我BOSS帶左我黎到勁耐無黎嘅寶琳係四季良辰食一餐豐富嘅台灣菜我就要左紅燒三盛牛肉麵($68)三盛牛肉包括了 腱心牛肉 牛腩 牛丸湯底清甜而濃郁 自家研製的幼麵味道好夾 而麵質有彈牙口感👍🏻而MY BOSS就叫左酥炸排骨滷肉飯 ($76)仲有上湯浸時菜 加個冬瓜蜜棗花生燉排骨湯份量豐富 氣勢迫人酥炸排骨脆身 配上滷肉飯 整體好香濃😛另外想推薦 獨有的桂花雞翼($23/3)點上桂花醬汁 味道清新香甜 好夾雞翼😋________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

今日同太太忙裡偷閒，到將軍澳嘅一大型商場逛街，無意間經過一間台式料理嘅餐廳，出邊人頭湧湧望落去非常吸引，所以決定同太太品嚐一下這間餐廳叫做四季良辰 ，單看名稱已經非常有詩意，門口可以自動取票，方便快捷！餐廳內嘅裝飾與外面截然不同， 裏面都是以木材為主調，牆壁上擺放着好多精緻嘅裝飾，並提供好多不同嘅小說觀看，感覺自己已成為一位民青，好友台灣嘅味道牆壁嘅另一邊就有七彩嘅鮮花裝飾，用嚟呃下like都係一個唔錯嘅選擇餐單非常一目了然，價錢都非常親民！而呢度同其他餐廳最大嘅不同之處，就係客人需要先選擇食物後在收銀處先付款，然後再回到座位等待食物到來牛肉麵算係台灣食品嘅代表作，所以嚟到選擇食牛肉麵就可以試到佢嘅食物水準，而我點嘅呢款係叫做三盛紅燒牛肉麵！賣相非常精緻而且非常足料，未食先嚐一口他們的牛肉湯，確實湯底真的濃而不膩。牛肉選用牛腩及半肥瘦的牛肉，食落口感有層次，牛丸也很彈牙隨餐的小食是鹽酥花枝丸， 不得不讚他們的花枝丸確實很彈牙， 外皮炸到金黃，入面非常熱辣辣另加了一款小食滷水豆腐，滷水汁非常入味，配嫩滑的豆腐簡直冇得彈最後是抹茶芝士奶蓋，綠茶味非常濃郁，從上面可以喝到奶蓋， 用飲管就能喝

朋友住將軍澳介紹呢間台灣小店，話抵食、性價比高，今次就黎試下😋😋呢間「四季良晨」裝修都走台灣餐廳小店風，店內用左好多文青既標語、書本做怖置，配埋台灣歌，真係好似置身台灣一樣🤩今次叫左豬手便當，豬手滷得好入味，有滷水既鹹香，但又唔算太死鹹，配埋白飯就岩岩好☺️豬手既脂肪比例較少，所以唔會太油，唔洗怕肥🤣🤣小食叫左麻辣牛肚，牛肚唔算好辣，我覺得加左花椒，有花椒既麻香，十分惹味。而且以小食黎講，份量超多，夠3至4人share。十分抵食👍🏻👍🏻

網上見到呢間幾多好評，所以突意同媽子去食早餐，當日門口都多人排隊，所以要等一陣，我地等左大約15分鐘就入左去~餐廳唔算大，裝修簡潔燈光都光亮~我同媽子睇完餐牌後就叫左碗酸菜肉絲花枝丸米線和滷蛋滷肉飯~酸菜肉絲花枝丸米線 $28跟台式奶茶可加$8要炒蛋烤多士滷蛋滷肉飯 + 紫菜魚丸湯+伴菜 $34飲阿華田我很喜歡它的紫菜魚丸湯，滷肉飯就不過不失~總括來講，味道ok,服務就一般，斟水係自助，落單都係要自己出去買，係出餐個下先服務員送餐~

又食台灣菜*好味🤩*, 新都城二期百佳對面有間靚靚台式cafe, 裝修文青, 價錢街坊, 難怪咁多捧場饕客, 個人覺得午市尤其抵食, 隨餐附送嘅三小碟好好味. 裡面嘅姨姨仲非常之nice, 熟悉餐牌之餘仲會運用walkie溝通而唔係咩都大聲嗌過遠處問. >滷水豬手•台灣麵•紅燒牛肉湯 (HKD63)就算唔係午餐都有多款抵食Add On揀, 想講啲豬手真心高質, 皮厚而滑, 吃時滿滿骨膠原😍, 台灣麵有質地帶點彈牙口感, 而微辣嘅牛肉湯呷幾多口都無口渴感, 食得出係用心製作.>涼拌黑醋茄子🍆 (+HKD12)我地四個都係茄子控, 當然要加個涼拌一人少少share, 溫和黑醋好入味, 茄子蒸得軟腍度洽到好處👍🏻.>滷水豆腐 (+HKD6)濃味滷水豆腐切成小粒, 每一寸都滲滿醎香滷水味道.>麻辣牛肚麵•麻辣小辣•午餐 (HKD61)重點推介*麻辣小辣*嗰碟辣醬🔥, 以為小辣都係輕輕辣下, 原來辣度好有層次, 點左一小口, 餘辣係會留在口唇麻個夠本🔥. 我地直頭每一口麵都Dip落碟辣醬, 味道升哂level. 牛肚份量我會以”佛心”黎形容-一定多過平時酒樓飲茶嘅

四季良晨係一間台式餐廳，採用自助形式落單，入座時職員會告訴你枱號號碼，然後再到收銀處先告訴職員枱號然後落單！呢間台式餐廳食物質素非常高，我特別最愛這裏的特濃蕃茄雞扒米線🍜，呢度嘅番茄湯真係非常濃郁，更加有原塊蕃茄係湯入面，呢度有幾款湯底可以選擇，所以唔一定要揀蕃茄呢個雞扒米線整到好似鹽酥雞一樣，皮脆肉嫩，雞嘅份量真係好多，淨係食雞唔食米線已經好飽另外套餐更可以加錢配小食，仲可以加超過一樣見到涼拌黑醋茄子($12)🍆同埋滷水豆腐($6)即點！分量仲唔少㗎而朋友就叫咗滷水雞翼麵，我啱啱都提過呢度嘅湯底有好多選擇，朋友就要左紅燒牛肉湯，咁雞翼仲有四隻，好足料！最後我哋仲叫咗一個滷水拼盤$58入邊有腱心牛肉、牛肚、雞翼、滷水蛋，份量好足最後唔可以錯過係佢旁邊嘅台式飲品店，我哋叫咗個芝士奶蓋桂花烏龍茶、百香果沙冰芝士奶蓋味非常濃，配清新嘅烏龍桂花茶底，百香果沙冰嘅沙冰亦都非常細滑

昨晚放工揸車到新都城中心行街食飯，行行下太肚餓，所以入四季良晨吃晚餐。 餐廳裝修以文青風格為主，店內佈置小擺設，很有台灣特色。對這間餐廳不陌生，因為已經食過， 今次點了滷水蛋牛腩滷肉飯＋上湯浸時菜＋綠豆薏米蓮藕燉排骨$83， 特盛四寶麵$78， 滷水牛肚$38， 蜂蜜檸檬蘆薈$19， 遇見珍珠可可$17。滷水蛋牛腩滷肉飯＋上湯浸時菜＋綠豆薏米蓮藕燉排骨～ 牛腩有四大件，炆得又淋又入味， 還有滷水蛋和蘿蔔全部入味好吃。 滷肉飯味道可以濃少少就比較好，上湯浸時菜清清地，好健康。綠豆薏米蓮藕燉排骨湯， 原盅燉製味道好清。特盛四寶麵～ 我點了紅燒湯， 紅燒湯味道惹味微辣，湯底濃郁，四寶麵入面有牛展，豬手， 彈牙墨魚丸，滷水蛋和蘿蔔，我最喜歡豬手炆得特別林又滑，超好食！ 麵的質地做得較淋，整碗四寶麵份量超多。滷水牛肚～ 口感一啲都唔硬， 夠爽口。蜂蜜檸檬蘆薈～ 甜甜酸酸絕對可以去膩， 入口有清涼的感覺。遇見珍珠可可～ 超濃的朱古力味， 啱曬我 這個朱古力控， 加上煙韌珍珠，滋味無窮。幾欣賞這裏的滷水食物，基本上試咗咁多款每一次都可以做到好入味又夠淋，好啱我口味， 可能我本身都很喜歡吃台灣菜的關係

今日難得早收，特登約埋男朋友去新都城食嘢，聽同事講呢間台灣餐廳水準不俗，所以今日試一試！餐廳裝修帶有台灣味道，周圍都有文清句子，非常適合打卡呢！三盛牛肉麵（養生湯）$68養生湯底超好飲，係滿滿嘅藥膳味，味道清甜，令我差啲飲晒成碗湯。麵質彈牙，因為餐廳用咗傳統嘅台灣麵，夠晒粗，非常有口感！仲掛滿湯汁！鹽酥雞扒滷肉飯$58必食！鹽酥雞扒炸得剛剛好，咬落非常脆口，唔會有油煙味，雞扒新鮮，完全冇雪藏未，仲非常juicy添！古早味滷水拼盤$58必要！所有滷水小食非常入味，我特別欣賞滷水牛柏葉，索晒所有滷水汁！芝士奶蓋桂花烏龍茶&鐵觀音珍珠鮮奶茶 各$23芝士奶蓋做得成功餐廳用咗鹹味芝士，所以帶有淡淡鹹味，同烏龍茶有好大對比，令到口感更豐富！而珍珠鮮奶茶不但奶味香濃，珍珠亦非常QQ ！我哋仲叫咗手拍小黃瓜，黃瓜爽脆清甜，略有拍碎，吸收晒醬汁嘅精華！