四季良晨 (新都城中心) (已結業)

話說上網見到很多人推介這間去有良心的餐廳，當然我亦要親身去感受一下，看看這間「四季良晨」有何特別之處。因為我今晚要去將軍澳那邊，所以特意向朋友介紹這間。其實我去到新都城那邊都大約8點鐘左右，理應會少人一點。但不知大家是否看到網上推薦，餐廳8點鐘外面仍然有不少人在等候。沒關係，我們可以邊等邊看餐牌，看看兩個人可以食些什麼。 ⟳ 1. 三盛紅燒牛肉麵我本身就想食辣的，問了一下店員，原來地獄三盛牛肉麵辣的程度是非常高。店員還說，如果不是吃得很辣的，建議還是吃養生清湯比較好。清湯有清湯的好處，就是湯底有著非常濃厚的藥材味，配上腱心牛肉、牛腩和牛丸，味道更加配合。 ⟳ 2. 滷水豬手飯定食朋友比較喜歡食豬手，所以她就來個滷水豬手飯。豬手份量很足夠，一碟有四顆，可以互相share。豬手燜得很軟稔，一咬即溶，不用浪費牙力。 ⟳ 3. 煲仔塔香三杯雞其實我們兩個最想食的就是三杯雞，與其點其他小食，倒不如大貪一點，叫一個煲仔三杯雞。煲內有大量洋蔥，所以雞件煮得頗為入味，我和朋友吃到有點要爭吃的感覺。 ⟳ 4. 芝士奶蓋桂花烏龍茶因為太口乾的關係，我和朋友都是一人點一杯飲品。我就想嚐一下台式的芝士奶蓋，不

寶林新都城終於有一檔台灣傳統食店，味道不過不失，晚巿不乏顧客幫襯。先來一份滷水豬手餐，滷水鹹度適中，咀嚼中也嘗到少許豬骨香味，比預期中好。台灣烤香腸，台式食店不能少的一道小吃。這裏的烤香腸也有板有眼，香腸肉質鬆軟烤得香甜。三盛紅燒健心牛肉麵，這一碗麵有幾健心我就不知，麵就一般，材料卻很豐富，大大塊牛展肉，湯味濃郁，靈魂所在。鹽酥雞排滷肉飯鹽酥雞扒炸得不錯，酥炸外皮不太厚而鬆脆，雞肉還帶少許香滑，喜出望外。可是，滷肉飯卻失色，肥肉多兼滷水汁不夠香濃。餐湯也是一般，冬瓜的清爽味道不夠。還未完全飽，於是品嚐一下這份煎手工餡餅。結果令人很失望，外皮和肉餡都非常 heavy，味道過濃，看來餡肉是用味精調出來的。店舖雖小，選擇卻很多，可惜帶點參差。若不是這一份煎手工餡餅，應該會留下不錯印象。整體來說，性價比一般，但環境總算舒適，可以文青一下。

前幾日我去寶琳商場行街，地鐵收10點所以都要早些食完回家，行到寶琳商場裏面有間叫(四季良晨)個名好文青，入到去餐廳看見牆2邊都有書架，好有台灣文青feel, 我們2人不是太餓所以只叫左1個:煲仔塔香三杯雞飯$88，有1個煲仔雞細細個，有洋蔥、蒜頭大大粒爆得好香，雞肉都唔錯，1個排骨蓮藕煲湯，有薏仁、綠豆，味道剛剛好而且熱乎乎，好清甜有家中飲湯原味道，1小碗清菜比較啖。白飯好大碗是用珍珠米煮，粒粒分明。加鹵水豆腐$6，豆腐豆味都幾濃郁，QQ地上面有些葱花是鹹左少少。紫菜魚丸湯$6,紫菜爽口魚丸鮮味只有1粒開邊，但加$6都好平仲有幾款可供選擇。椒鹽花枝丸$38(5粒)，我就最喜歡這個椒鹽花枝丸，炸到香口、墨魚丸打得好爽口、彈牙集於一身。桂花雞翼$23(3隻)有碟桂花蜜糖醬分開上，雞翼肉質好嫰滑，外皮被脆漿包住，食落卜卜脆，點醬料就有甜甜的桂花香味。鹵水牛肚$38，牛肚洗得好乾淨，炆得好腍又入味，都好大碟幾底食。靜心玄米茶(熱)$20。好大包玄米茶，飽飽地飲佢消化就最好，好香玄米茶香味道。而友人選左凍夏日水漾鮮果茶$30（少糖、少冰）內有紅火龍果、橙、藍莓、西柚，飲完好清涼清爽既感覺！😋😋+

將軍澳真係有好多好多好嘢食，呢度係寶琳嘅商場，最近我都行到去將軍澳線搵嘢食，竟然俾我發現原來呢度有一間好抵食嘅台式餐廳，餐牌上嘅set lunch 完全唔貴，因為呢入咗嘅時候可以見到餐廳入邊嘅客人每一枱都大大碗大大碟，而且價錢只係六十幾至七十幾，完全可以接受，加上環境真係好有感覺，值得坐入去食一食！我同朋友兩個人一人一個餐，我要咗個滷水蛋牛腩雞肉飯，我朋友就要左個牛肉麵，另外梗係要試吓佢嘅特飲啦，價錢同出邊嘅差唔多，不過依度嘅份量真係好大杯，而且份量好足料！咁我先講下我嘅滷水蛋牛腩雞肉飯！其實落左單冇耐就已經好快上菜，雞肉飯嘅份量估唔到都幾多，成個碗都滿曬，而且啲米飯好香好飽滿，雞肉絲都冇出現嚡十十嘅感覺，滷水蛋唔會太老，而且牛腩嘅份量實在驚喜，因為都幾多，而且每一片都係厚切，啖啖肉！我都有時當我朋友嘅牛肉麵，我幾鍾意佢嘅牛丸，足料彈牙，紅燒湯底同個面都幾夾㗎！麵條有咬口，而且唔會太淋唔會太硬，剛剛好！特飲其實10幾蚊至到30幾蚊不等，睇吓個人喜好啦，我朋友就要左杯黑糖珍珠鮮奶，其實真係好大杯，甜度都係啱啱好，珍珠都好有咬口，唔會太硬，而我就要左杯火龍果，其實未落班嘅時候喺度諗究竟佢係

今日去左將軍澳同朋友睇戲，睇完戲之後我哋行咗陣街，原來呢個商場幾多嘢行，又多衫買，又多野食。終於有機會食到呢間台灣野😊餐廳個名幾得意，叫做「四季良晨」餐廳來清一色木系主題餐牌嘅選擇有好多，更有不同類型嘅食物。我哋唔算好肚餓，所以選擇咗麵食三盛牛肉麵 $68選擇咗紅燒湯，湯頭好濃郁好香，內包括三款牛肉（牛展、牛腩及牛丸），而我個人最鍾意就係牛展，肥瘦相間，麵條軟硬適中。酥炸排骨麵 $58豬扒即叫即炸，麵漿不會過厚，而且份量偏多。食完一碗麵已經好飽鹽酥花枝丸。$38一客有5粒，花枝丸食落入邊有墨魚粒。桂花雞翼 $38同樣是一客有5隻，雞翼個皮得好脆，可惜桂花香味唔算突出，但咬落都幾Juicy脆脆阿華田 $23成日去到茶餐廳都會飲，估唔到嚟到依度都有得叫😂阿華田味好濃郁，正呀！

🍜麻辣紅燒腱心牛肉麵有得揀小辣🌶中辣🌶🌶大辣🌶🌶我唔夠膽叫咁辣, 就叫咗小辣🙊湯底清甜又有少少辣味. 仲有少少酒香, 幾好飲呀😬 麵嘅軟硬度適中, 牛腱肉味重, 整體黎講碗麵都幾好食😋-加$12仲有小食! 我就揀左涼拌黑醋茄子🍆 麻油味好香, 有少少微辣🌶再有少少黑醋嘅酸味, 夠晒開胃😌-飲品方面有好多台式飲品嘅選擇，有珍珠奶茶，果茶等等...我就叫左仙氣芒果茶🥭茶味香濃, 有得加我最鍾意嘅珍珠, 仲要超好咬口🤩 好正, 煙韌控必叫呀📣

今日入左將軍澳交收，所以去左新都城搵食，都幾多野食，見到呢間台灣菜幾好咁，拎左飛等左幾張枱，好快就有位。原來係半自助式，出去櫃臺order完就埋位等上菜。上菜都好快👍🏻叫左個三盛紅燒牛肉麵、酥炸排骨麵、牛肉濃湯水餃、現做煎餃子、百香果冰沙、珍珠阿華田！叫左紅燒湯底，有少少辣辣地、甜甜地。幾好味，個人唔食得太辣，但又喜歡有少少辣吊下味咁，呢個湯底就好啱我心水。餃子🥟又可以叫4隻，咁就可以叫多款試下，煎餃即叫即做，所以要等多少少時間。飲品方面真係好多選擇，真係超級選擇困難😅。最後都冇選錯，2杯都幾好飲。2個人埋單二百幾蚊，價錢合理👍🏻！

好特別的一間台灣小館，有大大的書架放滿了書籍，認真望左下，中英文各個領域都有，很隨性很悠閒的空間，在香港這個連呼吸都很緊張的地方，這樣的環境令人感到舒服，同書做朋友，唔會有錯，食餐飯，輕鬆下，忘卻周邊的煩惱。配合台灣特色的餐牌也很吸睛，懷舊的感覺，也很溫馨。台式飲品，總離不開茶，今次我地叫左杯凍玄米茶同幸福紅豆豆乳，茶味十足，紅豆綿密豆乳香滑。台灣香腸，很正宗，烤得皮好脆，也不會太肥。一定要食滷水雞翼，滷味很透，肉質嫩滑，很入味。滷水拼盤抵食，有牛𦟌，牛肚，雞翼，魯蛋，滷水成功的關鍵系夠入味，咁佢又系幾入味既，不足之處系牛肚硬左打，最欣賞系雞翼同牛𦟌，燒得好爛。台南魯肉飯系列，魯肉飯會分開碗裝，魯肉大粒，醬豐富，好夠送飯，超拆食。

難得今日平日放假，就同媽媽到附近吃下午茶，享受一個family afternoon。我們來到寶林新都城中心二期，我們很久都沒有來過這個商場，原來已經大有不同。印象中地下這一層之前還是一間大的百佳，原來已經轉化成很多不同的餐廳，變化真大。我和媽媽就隨便進入了這間四季良晨，因為下午茶都不想食得太heavy, 所以就想食台式料理，輕盈一點。我們點了一碗牛肉麵分享和幾款小食。地獄三盛牛肉麵 $71牛肉分別有腱心牛肉，牛丸和牛腩。腱心牛展十分爽彈，有咬口。牛味濃郁，滷得入味。雖然話地獄湯底，但其實不算太辣。湯底用了豆瓣醬，所以味道十分香濃，帶點酸甜的蒜香辣味。值得一題是它的麵質非常滑溜，彈牙，有點像韓式拉麵。份量都頗多，作為下午茶，二人分享非常足夠。煎餃子$48餃子煎得好香口，不過略微餃子皮厚身了一點。桂花雞翼$38這個雞翼很不錯，雞翼炸得香口，而且皮脆肉嫩，配上清香的桂花醬汁，更帶點蜜糖香甜，感覺像蜜糖雞翼。加上了清新的桂花香，這樣的配搭很好吃，頗創新，必點！台灣烤香腸$28食得台灣野又點會不叫香腸，配以台灣麵一流！黑糖珍珠鮮奶 黑糖珍珠非常煙韌，口感不錯。而且黑糖味道都夠，配以香滑鮮奶好好飲

到左夜晚10:00左右，已經差唔多last order，先入去食，估唔到又幾驚喜，抵食夾大份～鹽酥雞炸得好脆，個麵要左紅燒牛肉麵既湯底，好惹味，夠曬大碗～不過餃子就麻麻，皮厚左dd~雞既份量都多，夠入味，送飯一流～店內環境幾似cafe格局，裝修幾有住家味feel,由於已經夜晚差唔多關門時間，所以客人唔多～牆上放左好多書做裝飾～先簡位坐低，再出去櫃枱，叫野食比錢，記得講低自己係坐咩枱，店員會為你送餐～兩個人食晚餐，比茶記既價錢就食到唔錯既台灣野～仲要大大份到食唔曬～

位於將軍澳新都城商場的臺式食店，7點半還未到就已經有超過10個人排隊就知道很受歡迎。選擇多元化，臺灣麵、定食、小食等等一應俱全，而且價錢相宜。我們吃了這麼多才240元左右。一定要推介嘗試的是桂花雞翼雞翼炸得十分鬆脆可口，更重要的是店員為他配上了桂花糖漿，這是沒有試過的新口味。點完後雞翼變得十分甜美、清新！本來想試餡餅，但是7點45分已經賣清光了只好改為煎餃子吧。晚市定食套餐10分超值，才70多元就已經有正宗燉湯、鹽酥雞扒、上湯浸菜，還可以自由選擇滷肉飯或者雞肉飯，由於滷肉飯較常見所以嘗試了後者。以為祇有雞肉碎原來是很豐富很多的雞肉還全部都是瘦肉呢，簡直多得好像有另一個餸菜般，十分豐富。滷水蛋牛腩雞肉飯也十分美味，連配菜也做得很出色，白蘿蔔老蛋十分入味，牛腩沒有多餘的肥膏，但是一點也不會乾硬。別小看白飯，也充滿驚喜，飯裏面有甜豉油和蔥油，吃起來更加香滑。當然不能錯過燉湯，從圖中可見肥油沒有太多，而且沒有味精配搭也很健康，今天的湯正是蓮藕綠豆薏米湯，非常滋潤清火，吃完鹽酥雞扒後正好下下火呢。兩款茶飲也非常值得推薦，這裏的另一個窗正是賣外賣飲品的，別的茶飲都是容易調好的茶加水，但是這裏卻是完

將軍澳新開了好幾間台式食品店，都是長人龍店啊！剛去完台灣不久，很是想念台式食品及手搖飲品..近近的在家附近試一試！除了定食外還有多款小食可額外加，兩個女生吃得飽飽的👍🏼..#三併牛肉飯定食 $73有腱心、牛肉、牛腩及牛丸，大大一份還滿多肉的，喜歡吃腱心，頗入味也有口感😚定食還附上一小碗湯浸娃娃菜，有點菜下肚感覺健康些😆..#台灣烤香腸 $28這個小食我好想吃所以點的😆是台灣的烤香腸，切好一片片易入口，滿有油香的台灣腸，太邪惡了😋..#蕃茄濃湯水餃 $28是四隻水餃🥟的份量，附上蕃茄濃湯酸酸的幾開胃..#鹽酥花枝丸 $23花枝丸有驚喜呢這個必食！一客有三粒大大粒，炸得金黃香酥，彈牙而且有粒粒花枝，很喜歡👍🏼..#涼伴貓耳朵 $12想點個涼菜吃，還了貓耳朵，有點椒絲，調味調得好，不過酸不會味淡，$12都幾抵食👍🏼..#夏日水漾鮮果茶 $29好大一杯水果茶，加了咖啡點子（不會奇怪嗎？完全不會😆）叫了半糖茶底還是很甜，也許下次我要走糖就好了😌..#芝士奶蓋桂花烏龍茶 $28這個朋友叫的我沒有試，聽她說茶味可以再濃些，但附上茶包的冷泡茶幾特別😆..📮地址: 將軍澳貿業路8號新都城中心2期UG樓U

點了一杯荔枝 QQ 茶，都$2X一杯。成杯野得個甜字，乜味都冇！難喝！另外一杯鐵觀音鮮奶茶，喝了一口隨即放棄連照片都沒有拍下，茶沒有鐵觀音味，只有奶味跟甜味，完全不是一杯奶茶該有的味道！浪費金錢！

咁多位朋友仔有無發現越來越多台灣餐廳出現？咁即係代表咩，即係代表👦🏻又要出黎覓食啦，因為👦🏻愛台灣菜❤️呢間餐廳同👦🏻既屋企好近，成日行過都好想食，屋企人唔想煮飯既關係，👦🏻就提議不如去試下，佢地都ok，所以就去左攞位同等位；最後叫左煲仔塔香三杯雞飯、紅燒四寶麵、酥炸排骨滷肉飯、木瓜純鮮奶、幸福紅豆與豆乳。👦🏻就最愛酥炸排骨滷肉飯，因為啲排骨炸得香脆但又唔個柴身，連埋滷肉飯一齊食，味道真係好夾又唔會好漏，點埋個蜜糖芥末醬，👦🏻👧🏻同屋企人都好鐘意，另外呢個套餐仲跟埋一盅湯同上湯浸菜，都幾豐富；而三杯雞酒香味好濃，送飯一流，連埋餐都係跟埋一盅湯同上湯浸菜，一個人一定食唔曬；最後既四寶麵分別有腱心牛肉、豬手、滷水蛋、花枝丸，紅燒既湯底，微辣，配埋台灣麵其實個配搭好夾，亦令👦🏻一啖接一啖，而麵餐好有趣係配煎餃子同台式三小碟，推薦餃子🤤飲品方面木瓜純鮮奶似係木瓜沙冰加鮮奶，飲得出佢真材實料，👦🏻👧🏻都好鐘意；幸福紅豆與豆乳就係紅豆豆漿，紅豆煲得好綿密加上甜度適中，配合埋淡淡既豆乳，味道好夾🤤每次都會透過以下6大方面評分(滿分:30分)味道 : 4 / 5環境 : 4.5 / 5外觀 : 3.5

今日嚟到寶琳呢間台灣小店 估唔到咁多人 8:00嚟到都大概要等15分鐘先入到黎 店入邊嘅裝修幾靚有好多相片啦粉紅色嘅乾花啦同埋感覺都幾文青。有啲似Cafe坐得好舒服 。我就叫咗特盛四寶面，加咗$3轉番茄湯，本身就應該係紅燒牛肉湯，蕃茄湯酸酸甜甜入邊總共有四款嘢食，分別係豬手，牛肉，滷水蛋，花枝丸豬手幾彈牙，牛肉夠淋，不過台灣麵煮得太淋。另外加咗$6要咗個滷水豆腐，都幾重滷水味配上青蔥一齊食唔錯。嘢飲方面就叫咗個火龍果花茶，呢個有比到驚喜喎，除咗有火龍果味道之外仲有淡淡的花茶香。另外就叫咗杯黑糖珍珠鮮奶，珍珠稍嫌煮得唔夠彈牙硬左少少，不過黑糖嘅味道都唔錯，加上堂食可以減$5叫嘢飲都可以一試。