四季良晨 (新都城中心) (已結業)

見到間餐廳咁多正評，就特登黎試下，點知原來所有野都好普遍不過，就好似台式既快餐，如果係醫飽個肚係無問題，因為佢啲野係黎得好快，亦都係即整，但佢並吾係好食，但亦吾難食-牛肉濃湯水餃，其實同食灣仔碼頭差吾多，吾好太有期望-上湯浸菜，根本就係雞粉黎，算不上濃湯-古早味滷水拼盤，牛展吾厚，到到都食到既質素，蛋吾入味，最入味係牛肚，整體而言，係不過不失-手工餡餅，佢係做到爆汁既效果，但就係灣仔碼頭椰菜豬肉水餃換左個皮，如果你中意灣仔碼頭水餃，佢係滿分既-酥炸排骨麵，太失望了🤦🏻‍♀️🤦🏻‍♀️，根本係茶記炸豬扒，一啲台灣既味道都無😞😞-脆脆阿華田，同茶記阿華田一樣，佢都夠濃味既，但啲脆脆係oreo碎，並不是阿華田脆成餐飯，味道吾係特別突出，但勝在食物好快黎到同熱辣辣

又來到我最愛嘅台灣午餐時間！今次試吓依家位於將軍澳嘅台灣餐廳，佢嘅雞翼滷肉飯我係未食過㗎，平時食炸雞翼煎雞翼嗰啲就食得多啦，喺台灣餐廳食滷水雞翼真係第一次，感覺好吸引，相信質素都唔差，所以好快就決定咗午餐就食佢啦，我另外再加多個小食要麻辣牛肚，之前試過豬肚亦都試過滷水，麻辣牛肚真係第一次試，朋友都話好想試吓依度嘅麻辣牛肚，我哋兩個一齊嗌左依個小食。朋友就帶咗依度嘅下午茶餐，滷肉拌麵，朋友呀食湯麵就食得多啦，佢今日想試吓拌麵喎٩(˃̶͈̀௰˂̶͈́)و先講吓我嘅雞翼滷肉飯啦，佢嘅滷水雞翼入晒味，而且肉質好滑，佢嘅滷水汁撈飯真係好好味，加埋佢啲滷肉，成個配搭真係冇得彈！米飯嘅份量都幾多，所以真係夠食㗎，雞翼有五隻，數量比我想像中嘅多，佢嘅麻辣牛肚原來真係唔錯，唔會超級麻辣， 係好開胃嘅，又係撈飯食，又係一個新嘅配搭，麻辣牛肚嘅份量真係多㗎，兩個人食足夠有餘，佢好香好開胃，如果你鍾意食辣一定要嗌！我試咗朋友嘅滷肉拌麵，平時食拌飯就多啦，好少會食滷肉拌麵，我起初以為會好乾身，又或者唔會入味，但係撈埋一齊竟然係好好味♪( ´▽｀)我嗌左一杯芝士奶蓋特飲，佢係芝士奶蓋阿里山金萱茶，茶味好香，其實我最欣賞就係依

今次試吓台灣菜先～見到價錢都中矩中距👍🏼台式雞肉飯定食配涼菜雞肉飯既味道較淡 雞肉亦唔算好滑 但成個餐都比較精緻 好多配菜 呢樣野值得一讚 外出食飯通常多肉少菜 而呢度就多菜少肉👍🏼🥗呢配紅燒牛肉麵都幾好肉煮得好淋 好嫩 麵質比較軟 唔係太彈牙 但麵好掛湯 而且紅燒湯底都好濃 呢個滷肉飯唔肥瘦適中 入口唔會太膩 而排骨炸得非常出色 好香脆肉質一啲都唔柴 好彈 推介呢碟👍🏼👍🏼👍🏼🤩清雞湯底好淡 冇乜味 推介紅燒湯底 鹽酥雞扒都算炸得脆但係稍為硬左少少 整體ok餃子煎得香口好味👍🏼

商場內的黃店💛裝修幾特別，裝修簡約，以木色為主調，再加上書本同食物作為裝飾，是充滿文青風格的一間台灣店，適合朋友相聚，但又懶得專登去搵工廈或者其他隱世文青Cafe，位於商場嘅店舖極度方便💛-🔍 lunch set : 紅燒牛肉麵(with 飲品）$64紅燒牛肉炆得夠淋夠入味，肥瘦亦都啱啱好，麵條煮得亦唔會太淋，濃味嘅牛肉麵再配返個上湯浸時菜，清清地又健康-📍 將軍澳貿業路8號新都城中心2期UG樓UG051F號舖

放假天和家人再來將軍澳寶琳站的新都城商場吃台灣菜，之前和家人吃過後好喜歡又抵食，所以再來吃。每次店外都有人排隊等位的，好在按好飛仔不用但太久。我們點了各人一碗蕃茄麵，包括：特濃蕃茄雞排麵和蕃茄水餃麵，其蕃茄湯香甜又有濃厚的蕃茄味道，好讚！雞排炸得金黃香口、而且雞排無骨啖啖肉，吃得滋味，另外，水餃涵料充足，大大隻水餃🥟，皮不厚剛剛好，很不錯呢！再來每次必點的鹽酥花枝丸，炸得金黃加上花枝丸彈牙具口感，這個必吃。還點了滷水雞翼，共三隻，滷水汁滲透每隻雞翼內，份外入味，喜歡滷水雞翼的可以點呢！飲品點了凍蜜桃烏龍蘆薈🍑，有驚喜之作，蜜桃香甜配上健康滋潤的蘆薈粒的烏龍，味道清新，推介。還有，家人點了凍珍珠紅豆奶茶，平時不太吃甜的都覺得好味道，珍珠有咬口又Q彈，加上紅豆，不會太甜，好滿足的一個下午，下次再來吃，

上次晚市同朋友食過都覺得唔錯，今日就同佢黎食個下午茶先xpp茶市由兩點半開始，當中有十多款不同配搭既優惠茶餐平均都係廿幾三十蚊，價錢相當貼地！！！就算今日係平日都有唔少人流，我地都要拎票等左陣先有得入坐~~睇左一輪，我就決定要個肉鬆蛋餅配蕃茄通粉餐，朋友就嗌左個紅燒鹽酥雞扒米線轉蕃茄濃湯（+4蚊）~~除此以外，我地仲要左一份滷水拼盤share食：）呢度上菜既速度都好快，唔洗十分鐘就經已齊曬食物，可以開動啦~~~~蛋餅可以揀要火腿或者肉鬆做餡，我就要左肉鬆，份量都不少，每啖都食到微甜既肉鬆😊😊配上既通份雖然唔係大大碗，但都絕對唔係迷你size，食完件蛋餅之後再食通粉，頓時覺得今晚個餐都唔洗食xpp而朋友都話佢個米線份量幾多，完全唔覺得係茶餐份量，似係其他地方既午餐份量！！個滷水拼盤都好豐富~~最愛又淋又入味既牛肚：）朋友跟餐加3蚊要左杯凍既梅子綠茶~我就跟餐補錢要左杯仙氣水果茶！味道夠fresh又解渴，夏天飲真係一流 :）

喺寶琳行街行到好攰，想搵間餐廳食下野，就搵到間台灣野。本來下午茶時間，以為可以食平啲，但原來假日係冇下午茶餐嘅。但係唔緊要，因為好肚餓，所以都想食得飽肚啲，所以一人叫咗一碗麵，再加一人一杯珍珠奶茶。朋友叫嘅係麻辣紅燒牛肉麵，佢叫咗中辣，佢好滿意。而我叫咗番茄花枝丸米線，唔知係咪因為好肚餓，我覺得好好味，連個湯都飲埋。因為跟個面叫嘢飲，可以減$5 ，所以我都叫咗一個珍珠奶綠，好滿足。我都好鍾意餐廳嘅佈置，好有台灣特色，亦都好似家居一樣，都可以話係一個打卡位。唯一有意見嘅係，珍珠奶茶嘅杯，係外賣膠杯，如果係堂食都用外賣膠杯，感覺一啲都唔環保。

因為疫症冇得去台灣玩，今日淨係都食台灣野，呢度嘅防疫措施都做得好足，令食客食得好安心。我就叫咗個酥炸雞扒麵，我一向中意食台灣店既雞扒，貪佢好酥脆，呢間既雞扒亦唔例外，唔單止雞肉嫰滑，雞扒既外皮既炸得非常香脆，配埋一碗台灣麫食，好滿足。 仲有呢個蟲草花杞子豬肚雞湯飯，我平好少出街食湯飯，因為驚出面食既係味精湯。今次因為唔太肚餓，所以叫左碗湯飯試下，點知有意外收獲。湯既藥材味好足，飲得出唔係味精，唯一美中不足嘅係豬肚唔算多，但而豬肚同雞都幾好食，值得一試。 跟餐仲可以加配上湯浸時菜，十蚊都唔使就有一碗，好抵食。而菜都幾新鮮，食落唔會腍，幾爽口。 呢個桂花雞翼嘅桂花醬好特別。醬既味道幾甜，食落又有少少桂花既清香同蜜糖既味道，配埋雞翼食比想像中啱味，唔錯。 現做煎餃子食落熱辣辣，而且入既既肉汁都幾多幾juicy，唯一要小心既係D汁會爆出黎。而餃子既料亦好足，咬落啖啖肉。 當然唔少得台灣飲料，呢個夏日水漾鮮果茶嘅鮮果菜好足料，而且顏色配搭得好好，賣相十足。而且唔單止睇得，亦好飲得，菜既味道同鮮果味配合得好好，近排天氣熱，飲落即刻涼哂。 呢杯芝士奶蓋阿華田野飲雖然叫阿華田，但味道反而有D似美祿，係

最快都要年底或2021年才有得去旅行全香港人都變成本地遊咁我地今次就去將軍澳行下啦十幾年前都成日去附近搵食已經變曬,高級既商場變成了民生商場多了好多不同種類既餐廳我地今天選擇了台灣菜 四季良晨晚市要排隊,先自助取票大約20分鐘就有位了先坐低記低坐位編號,再睇餐牌,去收銀位下單多款台式小吃,麵飯供應我地決定了要四寶牛肉麵 (可選麵或米線)虫草花雞湯飯,桂花雞翼,台灣水果茶份量好多,好豐富特盛四寶牛肉麵 $78滷牛肉片,滷蘿蔔片,花枝丸,滷蛋,滷豬腳典型紅燒牛肉湯底,辣中帶甘甜,不會死辣牛肉片滷得入味,肉味濃而質感細緻有咬口豬手有彈性好有膠原口感滷蛋平凡了一點,花枝丸好大粒彈牙爽口濃郁既牛骨湯真係超好喝!!桂花雞翼沾上粉漿炸至黃金脆口,配以特製既桂花蜜雞翼嫩滑,桂花蜜香而甜中和油膩感虫草花雞湯飯 $68養生藥膳濃湯,濃濃既雞湯底配上木耳絲,菜絲,虫草花等食材養生味美,鮮甜順口,雞肉仍然保持到嫩滑口感湯汁配白飯食,沒有一絲油膩感~非常好吃另外可以單點各種台式特飲我最鐘意呢度既水果茶 有各種水果切片飲起黎味道豐富,不會太甜

Weekend完結，成個人都好攰，又想搵朋友食個飯、傾下計，係返同區搵食就最適合不過。斷估唔到，星期一的四季良晨竟然爆晒場，實在厲害。之前試過姐妹店，呢度環境有一種台灣書店的風格，走文青舒適感，特別喜歡我身後的牆上的紙花，非常有心思。煲仔塔香三杯雞定食 $73最近先食完三杯雞，見到又忍唔住叫黎試 呢度亦係用煲仔上，保持溫度之餘亦增添風味，三杯雞好重麻油味，肉質滑嫩，加埋九層塔係香上加香。另外，煮至全熟的洋蔥吸收曬醬汁精華，配埋上湯浸時菜一齊送飯好開胃。鹽酥雞扒麵 $59揀左台灣手打麵同紅燒牛肉湯底，湯頭有少許牛香，清甜又惹味，麵條算是幾有口感，我比較中意浸到軟身啲再食會更加入味。鹽酥雞扒分量好多，數一數大概有10件，外皮炸至脆身，雞肉多汁熱辣辣，多到食唔曬。椒鹽花枝丸 $26/3粒睇個外表確實平平無奇，椒鹽味唔算突出，不過花枝丸好好食，有別於平時Q彈口感，呢款比較軟林。煎餃子 $28/4隻特別有興趣食自家手作餃子，一碟4隻每人2隻岩岩好，外皮煎至香脆煙韌，肉汁飽滿，而且裏面全部都係肉，非常足料。梅子金萱冰茶 $20 及 蜜桃烏龍蘆薈 $24我比較中意梅子金萱冰茶，味道酸酸甜甜，解渴又解

去左寶琳買電器，就順便出街揾下邊到有好食餐廳啦，呢幾個月都冇得出街食好野，真係好悶！襯疫情穩定返少少，就出去食嘢放鬆下，刺激下經濟！入去寶琳買野通常都係新都城揾食。所以留係新都城二期揾，之後發現原來有間台灣食店，叫四季良晨，好耐無去旅行喇係香港食住台灣野頂住先！睇餐牌有麵飯，仲有小食同台灣特飲，好吸引！個間店地點係百佳附近，如果你地鐵出轉左，上電梯入商場再落一層轉右就會見到個招牌四季良晨，招牌仲要識發光，真係好易揾到。我地二人等左一陣就可以入去，當時都有吾少人食梗。店內裝修簡單舒服，好文青，坐位同枱都坐得舒服，有足夠安全距離。仲有店員都好小心，為每位入場客人量體溫，再俾搓手液你消毒，所以你可以食得好放心。店內仲整左個書牆，有扭蛋機。如果你坐係書旁，仲可以邊睇邊食。我地睇完餐牌，價錢大眾化五十幾至七十幾幾，以晚餐來講都好好，出面食晚餐有時都超過九十。天氣熱，我地點左二個湯飯同小食，分別係士林胡椒豬肚湯飯，蟲草花杞子豬肚雞湯飯，仲有椒鹽花枝丸同台灣香腸！首先講下士林胡椒豬肚湯飯，湯胡椒味重，岩哂鐘意食辣既朋友仔！如果你想係屋企整，真係好大工程，又要洗又要清個豬肚，所以想飲就不如黎食餐湯飯。

而家喺香港台灣野真係越開越多雖然模仿係好容易但要食到傳統滋味就真係有啲難度行吓行吓見到一間好有台灣墾丁裝修嘅餐廳，都真係要一試再試因為每一次都有唔同嘅驚喜四季良晨呢一度係主打台灣野而最多人鍾意嘅應該就係台灣麵，所以每次嚟到都成為咗必定要嗌嘅一樣嘢食，尤其是係牛肉麵因為係台灣最出名嘅美食所以更加唔可以錯過就算到咗下午茶時段食物嘅吸引力都冇下降，尤其是今次我要大力推介蛋餅，仲要加芝士先好叫。絕對要講下味道雖然唔龍但係每一啖都混合住蛋香同埋肉鬆再加融化左嘅芝士，係有少少手肘餅嘅感覺同時又好似有糯米嘅煙銀度。 味道真係一試難忘再加上香港暫時好少會有一間台灣野係有埋呢一個美食所以下午茶時段就成為咗我可以大快朵頤嘅時段。最近都推出左酸菜鹵肉台灣麵，呢一個係一個幾新奇嘅配搭所以都試咗，味道除咗酸酸地之外再加上本身牛肉湯嘅又甜又香所以配搭起上嚟係做得唔錯，鹵肉就同我哋食嘅回鍋肉質感差唔多大致上都有台灣嘅風味。絕對值得一試飲品都係呢一度嘅特色價錢又唔算貴但最重要係大大杯，每杯都700ml, 我就極力推薦奶蓋嘅系列，無論係茶又好阿華田又好，芝士奶蓋確實做得幾濃郁，配合茶一齊飲嘅話又清新又有奶香， 配合阿華

因為疫情關係好耐無見過朋友 咁岩大家都想食台灣野就黎左四季良辰🌼我叫左個麻辣三寶米線套餐🤤🤤 轉台灣麵 湯底係指定嘅麻辣牛肉湯 其實就係紅燒牛肉湯加少少麻辣汁 非常惹味 台灣麵彈牙有嚼勁 配料方面有牛丸 豬肚 同水餃 鋪到大半碗麵 非常之足料 啱晒大食嘅人😋😋嘢飲方面我叫左個熱黑白配珍珠豆乳😋 味道有驚喜 估唔到珍珠同豆奶咁夾 感覺亦都健康啲小食叫咗台灣烤香腸 食落鹹香 皮脆肉嫩 每次必叫! 現做煎餃子味道亦唔錯 可以一試!😽

一家經常會同朋友來吃的台式餐廳👍每隔一段時間就會好掛住佢個紅燒牛肉台灣麵，真係好難搵到餐廳同四季個牛肉湯媲美，微辣又惹味既味道配搭埋彈牙吸湯既台灣麵真係一流，每次都依然保持到水準真係讚，今次叫左滷水牛肚台灣麵必配紅燒牛肉湯底，海量牛肚就唔再講，白蘿蔔吸曬啲汁最後食仲正，台灣腸醃得頗入味，鹹鹹的是不錯的小吃，煎餃子都很推介，因為煎得皮脆同時肉餡很大件能保持濕潤，蕃茄湯餃酸甜度適中，豆乳飲品和珍珠奶茶都很好喝，整體性價比實在太高🤣👍

好懷念台灣牛肉麵 ，記得呢間好食 今日就同屋企人一齊去食!三盛牛肉麵配養生湯 牛肉養生湯好飲，裹面有紅蘿蔔，白蘿蔔 吸曬湯嘅精華 ，麵質彈牙爽口 。腱心牛肉同牛腩炆得夠淋，牛丸好有牛味。😋😋涼拌貓耳, 涼拌黑醋茄子加15蚊有兩碟，真係非常抵食, 黑木耳，切開細細粒 易入口，茄子醃得好入味 ,味道酸酸辣辣, 非常惹味煲仔塔香 三杯雞一上枱已經好聞到好濃嘅三杯雞,九層塔味道， 裏面有好多雞肉 ，口感嫩滑 ，原粒蒜頭同埋好多洋蔥 。當然不乏重點九層塔 ，食出不同層次感👍👍台南手工 餡餅 原來唔係清真牛肉餡餅嗰種， 裏面有肉啲用加埋菜 ，沒有湯汁流出嚟 ，味道都ok ，唔會喊鹽酥花枝丸 ， 呢個好食，好重嘅墨魚味， 外面炸得香脆 ， 花枝丸裏面鬆軟 ，值得一讚 夏日水漾鮮果茶好多唔同嘅水果，只係加$30蚊 ，大大杯，足料好抵飲。蜂蜜蘆薈檸檬 ，好清甜解渴， 啱曬炎炎夏日呢間係食完可以再encore既台式料理