四季良晨 (新都城中心) (已結業)

我之前試過將軍澳個間既黑糖珍珠鮮奶，兩次都好好飲，但呢間質素似乎差d，今次叫左茉莉珍珠奶綠，味道有d淡，好似太多水溝希左，珍珠又太生，成杯野冇咩奶味，但係$20就幾平，不過應該唔會再係呢間買

呢一間係專食台式美食， 入邊環境裝修都幾舒服，有啲文青感覺 ，推薦佢嘅夏日果漾茶 ，非常fresh 又可以選擇甜度，少甜半糖都得， 同埋佢嘅台灣腸非常美味， 仲有手包嘅湯餃子都不錯， 朋友仔叫咗個蛋餅蕃薯條超級好食， 最後仲叫咗一個沙冰甜品裏面有薏米綠豆同埋 仙草啫喱超級足料 ，價錢亦都唔貴性價比極高，會再嚟食！

呢件之前同朋友食過覺得都幾好味同價錢唔貴所以呢日自己黎再食過🤤店員安排左張長枱比我舖頭係要自己行出去落單今日叫左T35號餐🙆🏻‍♀️係台式蛋餅配蕃茄湯通粉🍅跟餐係唔包野飲嘅咁我就加錢加左杯珍珠奶茶蛋餅都有火腿或者肉鬆揀咁我就揀左火腿蛋餅🥞可以話係台灣早餐店一定會有嘅食物好掛住台灣😢太耐冇去已經唔係好記得台灣蛋餅嘅味道店員會送餐到枱面上到黎嘅時候蛋餅係切開左2半食落口係暖暖地好好食👍🏻👍🏻蕃茄湯通粉🍅個顏色都幾紅啲湯飲落口係酸酸地幾開胃🤣珍珠奶茶係正常味道冇乜特別🤣落單時張收據🧾嘅票尾會有張買外賣飲品嘅coupon可以留返下次再用👍🏻👍🏻

下午茶真係好抵食呀，我幾個人叫咗好多款茶餐，款式有好多，而且價錢又平，真係排隊等都值得！拉絲芝士肉鬆蛋餅配地瓜薯條$40🍟香港唔多台灣餐廳有得食蛋餅，所以見到即刻嗌，個皮唔乾，肉鬆多到會爆出黎，如果面再加番啲醬油膏會更加正宗。地瓜薯條好特別，夠粗身甜甜地，正！個餐加$6就有飲品，抵食。另外跟餐加咗兩個小食$15，揀咗拍黃瓜同埋滷蛋，拍黃瓜酸酸地好開胃，必食！煎餃子配桂花雞翼$28每樣有兩件，分量唔算多，雞翼炸得好香脆配上桂花蜜，都幾清新。台式肉鬆吐司$20厚多士上面有肉鬆同埋芝士醬，食下午茶輕食之選！酥炸排骨台灣麵$39台灣麵麵質偏淋，炸排骨有一大塊，又香又脆台式香腸小食$28唔會太肥唔會太瘦，剛剛好，正宗台灣風味，同黑x牌有得fight！必食！紫薯薏米黑糖冰仙草$35中間係黑糖沙冰加上綠豆、薏米、紫薯同埋仙草！非常足料，仙草比較硬身，有少少似涼粉。不錯不錯！另外，飲品出乎意料地好飲，通常台式餐廳啲飲品都一般般，但佢都價錢合理又好飲。蜜桃烏龍多多$30，入面好似有成支益力多咁。夏日水漾鮮果茶$30，入面有多款唔同嘅新鮮水果，偏向桃味，清爽之選。如果唔想飲太甜，芝士奶蓋桂花烏龍$28都值

位於將軍澳新都城中心2期 UG051F 號舖的 四季良晨 (Cafe Mikoo)，主打台灣菜。餐廳以啡色為主色，播放著周杰倫、林俊傑等台灣歌手的歌曲，感覺悠閑舒適。餐廳在星期一至五，十一時至二時供應午市套餐，包主食、小吃及飲品各一。午市套餐的份量十足，男士吃也相當夠飽。滷水蛋牛腩 配 滷肉飯 (套餐 $74 )(Minced pork rice with soy egg and brisket)滷肉飯盛得滿滿，而且肉燥的份量也不少，肉燥味道鹹鹹香香，還有口感QQ的香菇粒。滷肉飯採用了台灣珍珠米，外形圓潤，口感軟糯。滷水蛋和牛腩是另上的，牛腩有五大件，如果能煮得再軟少許，口感會更佳。滷水蛋味道微鹹，而且一份有一整隻雞蛋，相當滿足。。旁邊還有少量蔬菜和蘿蔔作配菜。滷水牛肚 (Marinated beef tripe)牛肚的份量比想像中多，而且滷得入味，口感也不會太硬。特別加配了三款小食。涼拌黑醋茄子 (Eggplant with black vinegar)茄子煮得夠軟身，吸滿了黑醋，味道酸酸的，相當開胃。滷水豆腐 (Soy tofu)豆腐也是滷得相當入味，而且採用了較為硬身的豆腐，頗有

突然間好想食台灣料理，記起將軍澳寶林商場內既四季良晨，以前食過，覺得又抵食又美味。今日同囡囡去咗食lunch，我叫咗三杯雞定食，囡囡就叫鹵水雞翼鹵肉飯，配涼拌茄子同埋滷水豆腐。另外仲叫咗台式烤腸。三杯雞用瓦煲上熱辣辣，十分惹味。囡囡嘅滷肉飯好美味，上面嘅滷肉肥瘦相間，鹵水雞翼又夠入味。每個餐加8蚊有一個小食，15蚊有兩個小食。涼拌茄子係我嘅心水推介，茄子酸酸甜甜，夠霖入曬味，好開胃。而小食烤腸一定要叫，烤得外面脆內面juicy，又有蜜糖甜甜地，令人回味無窮。飲品方面，我叫咗特飲蜜桃烏龍蘆薈，非常清新解渴。囡囡嘅黑糖珍珠鮮奶夠香甜，珍珠彈牙❤️❤️❤️❤️

四季良晨喺將軍新都城中心，好有文青feel全木裝潢感覺十分溫暖、舒適，簡簡單單食一份下午茶（1400-1700下午茶時段）已是很幸福的事！「酥炸排骨麻辣湯米線」$43意想不到嘅係塊炸排骨十分之大塊，肉質夠嫩夠滑，可惜嘅係麻煩火線食落有少少🤏唔夾味，下次會改叫蕃茄湯底🤗「酥炸排骨米線（番茄湯）」呢間舖頭將排骨炸得好酥脆啊🥰 加埋足料湯底 有新鮮番茄同洋蔥一齊煮湯底 加埋煙韌米線真係好夾 番茄嘅酸甜同排骨嘅酥香match到不得了「雜果黑糖冰仙草」雜果真係好好好有份量，有火龍果、芒果 🥭又有士多啤梨 配埋涼粉真係好清涼，岩晒夏天食🥰仲豆豆襯番成碗仙草 真係100分啊💕

前日要送啲嘢去寶琳 就順便喺附近食埋野 見到商場入邊呢間好似唔錯 而且仲有下午茶幾抵 就一於入去試吓🙈入邊嘅裝修同擺設都好有心思 而且仲好配合到台灣嘅文青味道📚呢度嘅嘢食種類都幾多 雖然係食台灣野 但都有好多特色野食👍🏻我就叫咗個鹽酥雞扒麵配紫菜魚丸湯•鹽酥雞扒麵🍲🍗•-呢度都好貼心將鹽酥雞同埋麵分開放👍🏻👍🏻個麵用左台灣麵 彈牙得嚟又唔粉 而且加埋紅燒湯底 好有台灣味道阿😭而個鹽酥雞扒加埋少少辣椒粉 超惹味仲炸得外脆內軟 肉質仲保持到鮮嫩嘅口感🙈🙈估唔到喺寶林商場都搵到類似台灣的味道👍🏻👍🏻

將軍澳開咗好多菜色嘅食品， 其中一間就係呢一間呀！ 今日我特別大家推薦的一度可以坐喺度又有得飲台式飲品，而且又有好多地道嘅台灣小食 ，可以食返一啲營養而可以 心靈補充到嘅食物實在難得。首先我哋嗌兩杯台式飲品其中一杯係奶蓋桂花茶 ，味道淡淡的但是配上奶蓋味道 ，立刻口感豐富了。 佢嘅奶蓋好香滑而且好濃沃， 飲落一啲都 ，沒有油膩嘅感覺， 值得推薦。 另一個顏色非常豐富嘅就係來自天然顏色紅色火龍果嘅飲品， 可以令你， 大便暢通以呢又健康又好味一啲都唔甜。小食方面我特別推薦畀大家嘅係 椒鹽花枝丸， 本身花技丸質素已經好好再加上去椒鹽 ，份外惹味而且香脆 ，作為小食或者下午茶亦都唔錯， 因為我哋有小朋友嘅關係所以食物會比較香脆可口。 冇辦法啦要吸引佢嘅食慾， 但係估唔到一碟台式香腸， 一個小朋友自己獨吞 而且沒有同我們分享， 你就知道有幾好食啦 ，呢度都多人食㗎所以如果大家想食嘅就早啲去啦。最後唔可以少得嘅就係胡椒豬肚湯呢度嘅胡椒豬肚湯， 味道有少許辣但係可以接受，胡椒味極重大家可以快啲嚟試下。佢個湯底好濃沃， 一啲腥臭味都冇，證明豬肚洗得好乾淨， 值得推介。

疫情嚴重，早前因為太想念台灣美食，最後選擇了這間在朋友家附近的小店幫襯。今次特地選了當地名物「牛肉麵」及「雞肉飯」試試，食完覺得超滿足的！——————————🔹 特盛紅燒四寶麵 $78講到最喜歡的台灣美食，首選當然是紅燒牛肉麵。湯底濃郁帶點清甜，搭配豬手、腱心牛肉、花枝丸及滷水蛋，豐富足料！大推豬手，外皮Q彈不韌，豬肉滷得入味，好食！-🔸 鹽酥雞扒雞肉飯 $76炸物是我的最愛，雞扒酥脆多汁，帶濃烈的五香粉味，充滿香氣，不過炸皮略嫌太厚，薄一點會較好；雞肉飯搭配滷汁及炸蒜，味道濃郁；飯餐跟原盅燉湯及時菜，整體大份飽肚。-🔹 台灣烤香腸 $28 +鹽酥花枝丸 $26小食當然不少得烤香腸，台灣腸類似港式臘腸，味道帶甜；花枝丸一份三顆，炸得香脆可口，但如果不沾粉漿炸，相信效果會更好～-🔸 黑糖仙草凍鮮奶 $24仙草鮮奶滑溜濃郁，搭配萬年不敗的香濃黑糖，超級好飲！-🔹 芝士奶蓋桂花烏龍茶 $23桂花烏龍清香，與香濃的芝士奶蓋配搭剛好！

我耐唔耐就會入將軍澳，因我有部份親友係將軍澳住，所以我定期都會入去探下佢地，入去除左探人架要找下好野食啦⋯⋯話時話都幾耐冇來新都城行下，有好多舖頭都唔同左，行下行下見到有間食台灣麵餐廳🍴「四季良晨」，就去試下啦⋯⋯麻辣紅燒肉麵雖然我好怕食肥豬肉，但呢個紅燒肉好入味，雖然有啲肥，但咬落去果質感好正，一啲都唔會有油膩感鹽酥雞排滷肉飯呢個鹽酥雞排我去親台灣餐廳必叫的，炸得好香口，可能我鐘意重口味，呢個雞排對我來講就比較比較淡左啲台式香腸我勁鍾意食香腸，特別鍾意台式香腸，佢做法有啲似香港嘅臘腸，加埋肥肉瘦肉比例平均，又煎得香口，讚👍🏻麻辣豬肚絲呢個麻辣汁好正，辣辣地加上麻麻哋好香醒胃仙氣柚子茶柚子酸酸地甜甜地好清新，啱晒而家咁熱嘅天氣飲，真係好解暑黑糖仙草凍當黑糖遇着仙草，簡直係絕配，食咗咁多辣野㗎要飲啲凍飲🥤來消下辣

呢日來寶琳呢頭搵朋友，順便係呢頭搵間餐廳食。呢間餐廳裝修幾別緻，好有文青風。雖然坐既係木凳，但係呢個疫情時期就比較易打理，感覺比較乾淨啦。餐廳內牆仲掛左好多關於"幸福"既字句同畫面，真係幾窩心。餐單選擇都幾多，正餐，糖水，小食都有，而且d野食都幾特別。天時暑熱先來食個紫薯薏米黑糖冰仙草真係透心涼，涼粉滑lu lu,同黑糖冰一齊食最正, 加埋薏米同紫暑，成件事就變得好養生😊煎餃子味道正正常常啦，送到來時熱辣辣，可見廚房係即叫即煎。上湯浸時菜煲仔紅燒肉定食，呢個真係幾多人叫，唔好睇d肉略為肥小小，但佢真係整得幾入味，對於肚餓既人，呢個餐除左一定醫飽肚之外，仲有唔少菜，覺得食飯冇味又有附上酸菜，跟住又有湯，好似真係食緊屋企飯咁，幾好啦😊三盛牛肉麵係必食，先要讚一讚個湯，真係好正，d麵同蘿蔔吸埋個湯汁一齊食簡直一流，三盛應該係指牛𦟌牛腩同牛丸，全部都好好味，牛𦟌真係好靚，比例適中，食落帶有煙煙韌韌口感，係我至愛，牛腩唔太肥唔錯，牛丸真係有牛味。芝士奶蓋抹茶有厚厚芝士舖係茶上面，估唔到係餐廳都可以食到呢種芝士奶蓋茶，雖然個抹茶味道比較淡，但個芝士奶蓋已經有驚喜。杯上寫住"用你的微笑 改變世界"

冇得去旅行真係好掛住台灣，​所以就揀左呢間台灣野試下。​​嗰日12點鐘左右去到，已經要排隊，增加咗期望值🐷​​等左十幾分鐘左右啦，一入去成個環境都非常台灣，牆壁係用木製的，旁邊有d小擺設，仲有個大書架放滿晒書，非常之有台灣文青的感覺​​《特盛紅燒四寶麵》配紅燒牛肉湯​呢個四寶麵入面有豬手、腱心牛肉、花枝丸、滷蛋、青紅蘿蔔、大白菜，非常足料！​紅燒牛肉湯好濃郁，配埋煙軔既台灣麵，一啖麵一啖湯，勁正！​​《蕃茄濃湯餃子》​餃子皮係煙煙軔軔既，裡面係豬肉䱤，最要提既係佢個蕃茄湯，湯頭望落顏色唔係好深，但係蕃茄味好出，酸酸甜甜咁，我後尾仲攞個蕃茄湯沾個麵食，都係非常搭既​​《煲仔三杯雞》​呢個三杯雞係用煲仔整既，令到個雞非常有爐火味，但我就覺得個雞可以再入味少少​​整體上最推薦係佢個湯底，非常濃郁有誠意，希望下次可以試下其他湯底！​

鮮茄牛筋牛腩麵份量十足，濃郁嘅番茄湯底，飲落有啲黏口，酸酸甜甜好鮮味。牛筋同牛腩都炆到好腍，牛筋入口即溶，牛腩望落去雖然偏瘦咗啲，但食落去唔會起渣，味道適中，麵就稍為有啲腍🙈酥炸排骨滷肉飯酥炸排骨炸到金黃好吸引，咬落外脆內軟，味道偏淡，但配埋呢個蜜糖芥末醬就啱啱好，味道即刻豐富咗不少。滷肉飯中規中矩，滷肉肥瘦適中，入口唔膩，滷水汁唔會太鹹，撈飯一流。鹽酥花枝丸外皮炸到好脆，但略嫌重油，食落有啲膩。裡面嘅花枝丸大大粒好足料，但就唔夠爽口彈牙。外層薄薄嘅椒鹽好惹味，如加多啲椒鹽就更加好味了。台灣烤香腸口感唔夠，有少少粉，唔夠嚼口，味道尚算不錯😊鐵觀音珍珠奶茶珍珠奶茶飲得多，不過鐵觀音做茶底就真係未試過。飲落真係好重嘅鐵觀音味，珍珠都好彈牙。飲完先發現底下有個茶包，原來如此，難怪茶味咁重🤣黑糖鮮草凍鮮奶好香嘅奶味，鮮草啜落好滑，因為加咗黑糖，所以味道會較甜

同屋企人來到將軍澳食飯 見到呢間大家台灣野大排長龍 應該都無選錯嫁喇 就選了呢間拉絲芝士旦餅-有火腿同肉鬆可以簡，我地簡左肉鬆，意想不到同個芝士旦餅咁夾 仲有地瓜條 即炸勁好食 紅燒鹽酥雞扒麵-個雞炸得好香脆但又唔會好油膩 推介呀紅燒鍵心牛肉麵-個牛𦟌勁淋稔 勁出色 加上個湯底牛味好重 超級好味上湯浸時菜 涼拌黑醋茄子-我地再加左2個小食 白菜好新鮮 茄子配黑醋真係好夾完全無得輸牛肉濃湯水餃麵 現做煎餃子- 餃子分量好大 皮薄餡靚 可能已經好飽 唔係一定會再叫芝士奶蓋桂花烏龍茶-個茶底勁香桂花味 奶蓋勁滑 配埋一齊真係不得了仙氣火龍果茶-好似係其他地方有火龍果飲品 估唔到原來好好飲好fresh 推介呀