四季良晨 (新都城中心) (已結業)

嚟新都城行下街，原來有間台式餐廳，個名幾特別，門口又有台式飲品賣，就入去坐低試試.....入面嘅環境都好台灣feel，仲有啲書嘅擺設....我估餐廳都諗客人都會叫飲品，所以枱上冇放飲用水，而係餐廳中央位置放咗個自助水吧畀客人自己酙水。咁我吔嚟到台式餐廳都當然會order飲品啦～其中一杯就係芝士奶蓋阿華田，奶茶類就飲得多，阿華田嘅比較少有，所以有嘅話我都會試。講番個味道，真係好夠味，絕對唔同茶記常飲到咁淡，到加埋芝士奶蓋，成杯飲品令人好滿足。另一杯就相對清新啲~ 夏日水漾果茶，水果嘅份量啱啱好，亦係一杯好足料嘅飲品。朋友未食lunch，就叫咗個滷水豬手麵，仲可以揀紅燒湯底，豬手嘅份量好足料，每隻都大大隻，食完真係一定夠飽。另外咁啱下午2點有下午茶 (星期一至五先有㗎)，試咗呢個台式芝士蛋餅，有蛋、芝士同火腿做餡料，暖暖地好味，仲配埋蕃薯條 (地瓜薯條)，惹味得嚟又唔會太heavy，正!所以套餐都可以加錢配小食，$8一款/$15兩款，我吔加咗滷水豆腐、涼拌黑醋茄子、蘿蔔牛肉湯、滷水蛋，四款中茄子同蘿蔔牛肉湯最好味，滷水豆腐就好似硬咗啲。另外再加咗個單點嘅古早味滷水雞翼，咩係古早味我吔就唔識

疫情之下唔係人人都咁幸運屋企有飯食，要食街外餸最好梗係叫外賣。但係叫外賣產生好多垃圾，又唔環保。退而求其次，只可以搵間食得快嘅餐廳。冇錯，就係台灣菜！呢晚嚟咗位於寶琳嘅《四季良辰》，嘢食嚟得快，味道又唔錯😚煲仔紅燒肉定食 ($73)配上湯浸時菜及白飯呢個好好食，紅燒肉夠入味夠腍。另外仲有配上湯浸時菜同酸菜送飯🍚酥炸排骨滷肉飯 ($59)排骨肉厚實，外皮酥脆。台南手工餡餅 ($28/2件)餡係豬肉餡，肉汁唔算好多。古早味滷水雞翼 ($42/5隻)滷水雞翼麻麻，有啲韌，唔易咬。芝士奶蓋抹茶 ($28) (點正餐-$5)來一杯香濃奶茶 ($18) (點正餐-$5)嗌正餐再加飲品可以有5蚊優惠，味道都唔錯。-Menu:

上星期六同媽咪去將軍澳拎口罩比姨姨， 姨姨見我地特登拎口罩比佢就請我地食下午茶， 佢知媽咪鍾意食台灣野就帶我們去四季良晨到食， 第一次來感覺很好，呢到裝修有feel，岩哂打卡。姨姨幫我們叫左以下美食share 來食有紅燒腱心牛肉配特濃蕃茄湯 + 梅子綠茶三盛紅燒牛肉麵（腱心牛肉，牛腩和牛丸）配紅燒牛肉湯+凍桂圓杞子菊花茶古早味鹵水拼盤（腱心牛肉，牛肚，雞翼和蛋）凍魔力水晶可可加珍珠凍黑糖珍珠鮮奶麵的湯底好出色很甜，腱心牛肉牛肚雞翼夠入味，野飲用心去沖泡， 特別係凍桂圓杞子菊花茶，成杯好足材料媽咪好滿意，而我呢d後生就緊係鍾意飲凍黑糖珍珠鮮奶啦，黑糖珍珠煮得剛好有咬口，配上鮮奶一流。

今晚約左舊同事食飯：）佢帶左我黎呢度開餐！！呢間台式小店地方唔算好大，但裝修光明簡潔，加上店員有禮，感覺不錯~~食物種類都唔少，一般既台式主打既牛肉麵同滷肉飯等等都有齊，台式飲品都有兩頁之多既選擇！！！睇左一輪，我就決定要一份牛肉拼盤定食；）呢個定食都幾豐富架，拼盤肉有牛腱肉、牛腩同牛丸~~~之後仲有一小份浸菜添：）我仲加左六蚊將白飯轉為滷肉飯xpp當中既牛腱肉入味又軟諗，滷肉飯香很黎又唔會好油膩，很好很好！！！呢晚我地仲每人嗌左款小食share~~我揀左香口帶微甜既台式水煎香腸；）舊同事就要左份滷牛肚~~兩款小食既份量都唔少，味道亦唔錯，特別係個牛肚滷得好入味！！因為飲品實在有太多選擇，我地都揀左一陣先決定好飲乜xppp最後同事飲芝士奶蓋白桃烏龍茶~~而我就決定要呢杯pinkpink既火龍果茶：）

最近受疫情影響，香港人都應該過得乏味同埋好攰，出街d舖頭又好早閂，公共場所又好多都封埋，可以去既地方少之有少。自己住既地方吾系將軍澳，不過都算近戈頭，記起自己好耐冇食台灣菜，原來將軍澳新都城二期有間文青台灣菜小店，真系有興趣試試。一進去已經感到滿滿既文青feel，以木造既環境，就好似一個小蝸居咁，仲有吾少書本在牆身旁邊既木架。現今真系好少可以搵到一d有書卷氣息既食店，多數既食店呢家都吾願花好多心思系環境上。數十張海天一色既相片盡現眼前，比人既感覺好舒服。晚市黎講，套餐會比較便宜，70幾至80蚊不等啦，晚市套餐仲有埋原盅燉湯，感覺幾健康，仲要系師傅4個中燉湯，款式日日吾同架。見到呢度都幾多人叫呢款三盛紅燒牛肉麵，自己都試下先。所謂三盛其實系指腱心牛肉、牛腩同埋牛丸，自己不嬲都幾中意食牛肉麵，所以叫呢款，腱心牛肉我諗就系平時我地食牛肉既牛板腱部分，質感較硬。牛腩個樣好似牛展，林林地又吾會肥，好味牛丸同牛腩一樣，牛肉味好明顯。次次去台式小店都一定會叫花枝丸，今次都吾例外，呢度既花枝丸真系不得了，每粒都超大粒比起平時食戈d既價錢爭好遠呀。入面既墨魚好多，成舊墨魚丸都好新鮮，好有口感男朋友話試下

今日又來四季良辰，真係食完encore 再 encore. 點解成日想來？ 原因好多： 1. 黃店 2.價錢平，普通市民負擔到 3. 食物質素好 4. 環境好吾錯。今日我哋叫了～主菜：「蟲草花杞子豬肚雞湯飯」。這個熱騰騰的，將飯撈埋咁濃郁的湯料，又健康又好味。「鹽酥雞排滷肉飯」，鹽酥雞好脆，配埋滷肉，餸料豐富又多，好易送飯。小食： 「煎饺子」，好大粒，煎得好香。「桂花雞翼」，有桂花味的鬆脆雞翼，好特別。「涼拌黑醋茄子」，酸味味茄子，好醒胃。「紫菜魚丸湯」，好多紫菜。飲品：「芝士奶蓋阿華田」和「芝士奶蓋桂花烏龍茶」。好濃郁芝士，好正！

位於將軍澳呢個美食沙漠，估唔到都仲有間台灣野，原來都唔錯，好有台灣口味，唔會整到十分之港式港味，性價比都幾高。店舖乾淨企理，個裝修真係好有台灣d青年旅舍feel，好青春，有種去旅行追求冒險，follow your dream既感覺。入到黎食野，人都後生多幾年呀。野食方面，除左好有台灣風味之外，仲主打健康主題，有燉湯飲下，本人最鐘意既一味菜之一，燉湯好入味，有曬豬肉既精華，又無味道，飲落中和曬d油炸熱氣。炸雞扒，出場夠曬熱，炸得都幾脆，而且粉黎講都唔算好多，醃得都幾夠味。三杯雞，出場又惹味，熱辣辣既鍋出場，夠曬鍋氣既感覺，唔食得辣既朋友就岩曬，因為醃味偏向甜少辣，同埋香，而唔係主打辣味。珍珠奶茶就夠曬大杯，芝士有咸香，同茶配合上黎幾好。

第一次食呢間餐廳，平時都好少入黎將軍澳，咁岩今次去個frd度，就黎左😂見呢間menu幾多選擇就揀左呢間餐廳食午餐😉我地兩個女人仔叫左勁多野食，因為實在太肚餓太晏先食第一餐😂🥫蕃茄滷水雞翼台灣麵，加配左浸時菜同滷水豆腐，加左兩款小食都只係加$15，勁抵食👍🏻個蕃茄湯底岩岩好，唔會太酸或太甜，d台灣麵質都好yin韌🤤台式火腿🍳餅同地瓜薯條🍟勁中意食蛋餅既我又點可以錯過唔食蛋餅呢！佢呢隻蛋餅既口感同係台灣食既蛋餅唔同，佢呢個會食落去厚身d，相對會飽肚d😆邪惡既台式肉鬆吐司同花生醬奶油吐司🍞兩個都好好食，仲要熱辣辣，岩晒我呢d小朋友口味👍🏻👍🏻我朋友叫左滷肉拌麵，佢都覺得好正，我試左一啖，整到我下次都想叫黎食😂😂野飲方面，我地分別叫左🍑白桃烏龍茶同桂圓紅棗茶，我個杯係熱既桂圓紅棗茶，我打開左個蓋黎睇，入面係勁足料！勁多桂圓肉同紅棗切片🥰🥰🥰愛了！兩個人叫左咁多野，係果然食唔晒既😂😂但呢個餐廳都幾抵食，午市仲有好多套餐揀，肯定有個岩你心水！如果想食台灣野，真係可以黎呢度試下，可惜就係好少分店😌

近年將軍澳開了很多餐廳，住在寶琳的朋友介紹我到他那家常去的飯堂吃晚餐。餐廳主打台灣菜及台式茶飲，裝修講究且花心思，一邊是田園風格，另一幅牆則擺滿書本，而每個位置遍布有意義的字句，讓人反思一番。看完餐牌，到收銀台下單及外面拿餐具，食物則由待應端上，半自助形式，沒有加一服務費，整體價錢很合理。我們一人一個餐，一飯一麵，加一客小吃及飲品分享。台南手工餡餅有兩件或四件選擇，扁平的燒餅形狀，脹鼓鼓的，內餡主要是混合豬肉及蔬菜壓成的肉餅，皮厚煙韌，餡料厚實。先切一半，肉汁隨即流出，鹹香味汁濃、肉香，有點像生煎包。蕃茄水餃麵材料就是蕃茄及豬肉餃，麵底是台灣麵條，較乾身有質感，卻不是米線那般煙韌，份量大碗。水餃以豬肉餡為主，餃子皮軟，夾起來較易破掉，蕃茄湯緩緩滲入餡料，甜甜微酸，很開胃。蟲草花杞子豬肚雞湯飯冬天吃些養身暖胃的菜式吧。起初還以為這個湯飯是一鍋上，但原來湯和白飯分開的。蟲草花杞子湯頭有濃郁的藥膳味道，帶點甘甜苦澀，另外還有些補身的食材，蟲草花、杞子、豬肚及雞肉，湯汁無論拌飯吃或是喝起來也挺暖胃。光是飲品也有幾頁選擇，真的要點來一試。黑糖珍珠鮮奶飲品很大杯，幸好點了一杯和朋友分享。黑糖一向偏

👅今晚hapi friday,做考子同媽咪來咗一間店名好優雅既台店食飯，「四季·良晨」店主呢嗰名起得好靚，一聽就深象深刻，難以忙懷。🧡精心醒神既裝潢：店主好有心機咁係每面牆上落足設計，好鐘意佢大大小小不一既木櫃，再配上不同既小植物，賞心悅目👍而另一牆上則擺放左海量嘅書籍，特別留意到-龍紋身的女孩小說，成間店既書卷文藝味頓時大增。✅全部嘢食都俾like喎，唔差唔差，我同阿媽一人點左一款晚餐加一個小食。想講嗰晚餐性格比好高，跟埋原盅燉湯同上湯時菜同野飲，絕對飽肚又滋味，特別要讚佢嘅滷水豬手定食。我媽咪話佢整得夠曬𣺉同入味，我試咗都覺掂喎🔻其他抵讚位：入店量體溫，衞生意識做到足。上菜速度快得驚人，唔會餓親人🤣Just go n try!

台灣嘢食不嬲都係追求性價比高而且味道好繼桂花小幸之後有一間相類似嘅正宗台南口味嘅餐廳。餐廳入邊嘅裝修依然充滿着台南風味裏面亦都包含一啲圖片令到成個氣氛非常舒適優雅用來做午餐真係一流。今次就食咗個鹽酥雞扒滷肉飯，鹽酥雞扒同埋滷肉飯都係台灣必定要食嘅食物，當然味道都唔會差特別要點評一下鹽酥雞扒，外脆內超級軟， 識識吓傾一陣計就算凍咗個皮依然係咁脆卜卜！真係有啲喜出望外。 午餐嘅餐牌選擇都唔少而且價錢都偏向適中，亦都有餐前小菜可以揀，今次食咗個麻辣豬肚， 唔太辣作為開胃菜絕對合適。滷肉飯顏色上視覺上都幾突出，最起碼唔會太稀。顏色一定要係深啡色先叫上等，每一啖都係精華， 飯就用咗類似珍珠米但冇珍珠米咁粒粒分明，軟硬適中。飲品同樣都係一個焦點，呢一度主打奶蓋系列， 我自己都係推薦奶蓋完美茶就係最好，鍾意清淡嘅話我都推薦白桃烏龍， 鍾意龍啲嘅話就可以要鐵觀音。各有各好但真係齒頰留香

今日相約朋友去新都城食下午餐，又想食台灣菜就諗到四季良晨呢間，因之前食過一次又幾好味。芝士醬蘇排骨吐司+蕃茄湯米線，芝士醬蘇排骨吐司多士烘到好鬆脆又軟熟，蘇排又炸到好香配埋一起食好好味，地瓜又炸得好香口。蕃茄湯米線湯底好濃郁，米線又有咬口又夠味道。桂花雞翼雞翼煮到外脆內嫩又有肉汁，沾上桂花汁又更加香又好味😋古早味滷水拼盆有腱心牛𦟌，牛肚，雞翼，蛋，腱心牛𦟌好有咬口又不韌，全部滷得好入味又不會太咸。台灣烤香腸香腸好香又不油膩。

今日行過寶琳見啲食肆都開始有返食客，所以都行行下街都想食返個下午茶。依家將軍澳啲商場都越嚟越好行，新都城中心亦都多咗好多食肆，行過四季良晨，見到下午茶選擇都幾多，所以就入去試吓！腱心牛肉麵（紅燒湯）$51牛肉麵爽滑彈牙，湯底味道濃郁，腱心牛肉入味，有口感。紅蘿蔔和白蘿蔔都夠腍身，吸收了湯底精華。拉絲芝士蛋餅配地瓜薯條 $40芝士蛋餅選擇了肉鬆餡，芝士未至於拉絲，但係芝士味都幾香，加上肉鬆鹹鹹香香的。地瓜薯條很香甜，炸得香脆。而且薯條都比較粗身，外脆內軟。涼拌貓耳朵酸酸辣辣的，雲耳亦都夠爽脆，作為拌菜份量都唔少。鹽酥雞扒面$39大大份的鹽酥雞扒面只是$39，鹽酥雞扒炸得香脆，雞肉亦都唔鞋，但有些少肉汁。煎餃子配桂花雞翼$28桂花雞翼炸得香脆，配上桂花醬，非常清新，而且減低油膩感。估不到這樣配搭也不錯！黑糖珍珠鮮奶$24台式飲品要一定要飲黑糖珍珠鮮奶，黑糖味道香濃，而且鮮奶夠香滑！鐵觀音珍珠鮮奶茶$23鐵觀音味道夠清香，最緊要飲品大大杯的，好抵飲！

最近我好鍾意食台灣野，咁岩去寶琳探一個好耐冇見既朋友，即刻上網睇吓附近有冇台灣嘢食，午餐就決定咗喺呢一間食啦，呢度嘅環境好靚，牆上面有好多朵立體花花，真係好靚呀！我見到餐牌上有三杯雞依個選擇，諗諗吓都好耐冇食過三杯雞啦，就決定咗嗌三杯雞定食，一個飯一個菜一個三杯雞再加杯嘢飲，就係我嘅午餐！呢度嘅等候時間其實唔係好耐，繁忙時間嘅上菜速度都幾快，職員嘅服務態度都唔錯！三杯雞上菜嘅時候仲係熱辣辣，估唔到佢雞嘅份量都幾多，肉質juicy，而且雞粒嘅骨唔多，肥膏都唔多，可以放心食，三杯雞個汁撈飯真係好好味！唔會太鹹唔會濃味但係好惹味！另外我仲加咗+$8要咗個黑木耳小食，依個價錢真係幾抵！辣辣地好開胃！我同朋友都好鍾意餃子，所以決定咗要八隻煎餃子，估唔到呢度嘅煎餃子真係幾好食喎，金黃色，內餡唔會乾，皮又唔會硬，做得幾出色！我仲飲咗杯特飲，大大杯好解渴，啱晒而家出邊熱辣辣既天氣！仙氣火龍果特飲，飲得出好足料，仲有啲淡茶味，我個人幾喜歡！

收左工，同老公決定去好少去既將軍澳行街街，去到新都城都怕店鋪、食店會好早收，所以我地先去搵食先，見到有一間問口細細，又都算多人排隊既鋪頭，以住開伏既心態就去攞飛等位啦！我地大約等了15分鐘就可以安排到二人枱比我地。佢有好多唔同配答，食物種類都算多，所以都要用左d時間去選擇。大家留意返，佢地唔係叫姐姐幫手落單，係要自己去到櫃位落單及即時比錢的。我就比個燉湯吸引住，所以我叫左個晚市原盅燉湯定食晚餐同埋一個麵餐。主食酥炸排骨滷肉飯排骨有咬口，唔會醃得太犀利，令到冇晒肉質，炸得夠脆。佢仲配左個蜜糖芥茉醬，呢個真係不得了，加上任何炸物，呢個醬汁簡直一絕。是日燉湯 - 鮮淮山圓肉燉牛展潡湯都算清，可能肉牛展關係，偏油左少少，但隔走左之後，湯唔怕臊。滷肉飯滷肉比起台灣既冇咁油同埋比較淡口，適合我同而家注意健康既香港人既👍🏻鹽酥雞排面麵鹽酥雞炸得夠香脆，唔會好似出面咁有好多調味粉係面，呢個係我食得最多既。湯頭紅燒牛肉湯，佢既湯比較偏甜，味都算濃，如果唔濃就配起個麵就變左冇味。小食涼伴貓耳朵陳醋味夠，少少辣，貓耳朵唔會過淋，有口咬口。手拍小黃瓜偏酸（但我鐘意）小黃瓜夠爽口。台灣烤香腸係香腸同臘腸混合版，