四季常餐 (已結業)

今日星期 5 去了近期係中環非常有名氣既四季常餐食 lunch四季常餐出名既當然係常餐呢間餐廳每到午飯時間都非常多人排隊友人12點05分已到現場可惜要等埋我人齊先入得到我12點10分到場時剛好有全場最後 2 個位我地先唔洗排隊等位食物方面我點了忌廉雞湯通粉和湯蛋多士忌廉雞湯通粉標榜係新鮮雞湯味道唔錯滑蛋蛋味香濃可惜多士有點過火食落有 d 燶味要扣少少分食既期間店外已排滿人龍大約30位食客在等候用膳完我和友人都速速起行等下一位食客可以唔洗等咁耐

叫左兩味野食(蕃茄湯牛肉通粉配炒蛋多士—常餐 $46，叉燒炒蛋飯 $56)蕃茄湯牛肉通粉配炒蛋多士 (常餐)：唔好以為炒蛋要滑，一定落忌廉或者奶。四季常餐偏偏只係靠蛋漿同少量既油就炒到佢地既招牌滑蛋。蛋用左好滑既美國蛋，加上好香既日本蛋同湖北蛋，混合而成。少油快炒，又香又滑又天然。蕃茄湯唔係好濃味，非常清新，唔係茄膏味！牛肉大部份都幾腍。少有地佢連個奶茶都做得唔錯，茶同奶既平衡做得好好，兩樣既味都好出！叉燒炒蛋飯：炒蛋同樣係咁滑，加埋豉油既香味。唔使加餸都夠食半碗飯，加埋軟熟既叉燒，直頭覺得唔夠飯呀！

openrice其他食評都有講，呢間餐廳名氣大，又排晒隊，但係試一次就夠。我同朋友order既都係常餐多士好乾，有點硬，要加埋啲蛋先易啲入口。炒蛋好大份，好有蛋味，應該係落左好多隻雞蛋🥚 呢點抵讚不過就無牛奶/牛油香，應該就同其他餐廳煮法有不同。忌廉雞湯火腿通粉， 湯的確無呃人，一飲就知係雞湯 不過忌廉味就淡少少，如果個湯再濃返啲會更好。至於凍奶茶，味道唔得掂，我朋友飲檸茶都話茶味唔太夠。可以改善一下

Lunch time黎四季常餐食，因為好多人黎食，拎左飛之後都要等around 15-20min。入到去叫左個滑蛋叉燒飯加凍檸茶，個蛋真係好滑同幾正，叉燒都唔太肥唔太瘦，但如果有多d豉油可以撈蛋同撈飯就更好了。

茶餐室的常餐是我其中一款喜愛的食品，所以每次到任何茶餐室我的首選必定是常餐。星期日剛巧係中環周圍覓食，被這間茶餐室的名字吸引而入座，這裏的餐牌很簡單，沒有太多的選擇，既然名字叫「四季常餐」，唔食常餐又點對得住自己呢？首先上場是炒蛋與多士，炒蛋夠滑而多士也烘得恰到好處，外脆內軟，沒有令我失望，隨即對真.忌廉鷄湯通配火腿寄予厚望，真的希望愈大，失望也愈大。忌廉鷄湯就好像一個濃湯被稀釋一樣，喝不出忌廉鷄湯味，火腿也沒甚特別、份量少又不太熱，若是男生一定不夠醫肚。我姐姐就點了四季茄牛通，我試了一口就覺得番茄味很濃但牛肉就沒有味道，同樣通粉也不是太熱，但份量就正常得多。餐飲我們各自要了熱咖啡和熱奶茶，兩者也是普普通通吧了！

呢間餐廳開嘅時候又係人氣爆燈唔同嘅雜誌媒體都爭住做廣告成個facebook都係一面倒全部正評..今日lunch嘅時候行過去門口仲係好多人等位同等外賣但係我一個人就可以即刻有位😝當時都心郁郁想食叉燒炒蛋但係個c餐: A4宮崎和牛燴飯 又好吸引喎最後就嗌咗個c餐!! . 我都無期望會好好味 以為起碼靚靚仔仔但係我想問: 乜燴飯唔係有汁飯咩??燴伊麵都係炒好嘅有汁伊麵啦我預期中只係有汁飯加幾片牛肉我真係估唔到會係茄汁炆牛腩飯🤯終極失望 但係都食咗半碟 唔好浪費係真係普通炆牛腩飯囉 唯有比個讚marketing啦😅😅.

中環係香港金融嘅中心樞紐，而係高樓大廈林立嘅包圍之下，威靈頓街就有一間高質茶記！🤫香港人出咗名要快，所以普遍茶餐廳就會有快餐常餐之類嘅選擇！但講到快靚正三樣俱備，又冇邊幾間能夠做到🤔要做到快靚正或者平靚正，好多時係用料上邊就比較普通，做法亦都比較簡單！不過呢一間以常餐為主打嘅「四季常餐」，用料和做法都十分講究，值得一試！👍🏽根據網上嘅資料📄蛋漿用以美國、日本、祖國嘅雞蛋混成，冇加入忌廉或者鮮奶而令蛋汁更香濃嫩滑；番茄湯同雞湯都用上自家配方烹煮，誠意度遠超普通茶記😱😱😱講多無謂，睇相最實際！🤥✅叉燒滑蛋飯配秘製豉油汁：的而且確滑蛋嘅口感係比較細緻，不過我條利就冇咁犀利，唔係太識分雞蛋嘅產地🤡 反而我覺得叉燒就幾好，肥瘦適中！不過秘製豉油汁略嫌味道太甜，而且太多，搞到個飯太濕，呢個位要扣番少少分😖✅真．忌廉雞湯湯配火腿、炒蛋多士：絕對唔係金寶湯！食得出係自己調配嘅忌廉雞湯😏因為從來未食過呢一種味道😝！而且火腿都唔係平時食開個種，令到我有一種耳目一新嘅感覺！多士好香牛油味！另外一提，常餐嘅炒蛋同叉燒滑蛋嘅蛋味道係有點唔同㗎！（可能係烹調方式唔同）🆗凍檸檬茶：味道不過不失！喂大佬環保點得唔得？

我好耐都冇係中環食lunch😗 ，今次一番去呢條街，以前食開個間意大利粉已經變左做呢間四季常餐。🙈呢間野好多人排隊，見到呢個程況，咁就梗係攞飛等入😂。佢多人去食嘅原因都唔難諗，首先佢價錢係合理💰，$56一個飯同熱野飲。另外，佢個叉燒炒蛋飯真係好味。個蛋炒得好香滑😋，叉燒都正常。再加上鐘意飲奶茶嘅我都好欣賞佢個凍奶茶。❤️佢個凍奶茶唔係加冰，係成個雪，感覺有點似某大型連鎖餐廳嘅冰鎮奶茶。😍

常餐、特餐、午餐、茶餐......其實這些組合來來去去也差不多：湯通粉、火腿炒蛋、多士。學麥兜話齋：「都係嗰啲嘢啦」嫌太普通？偏偏上面提及的是茶記最經典的配搭，要做好出色的炒蛋、多士和通粉也不容易。每次經過威靈頓街的「四季常餐」都會看到不少人排隊，就是為了食它的常餐。午飯時間一到，「四季常餐」的門口已經圍滿了等候的食客，這天也等了十五分鐘才能入座。午飯時間，座位之間相當狹窄，基本上會和隔壁手臂貼手臂，不過食茶餐廳要搭檯是肯定的，所以也不會太反感。落單後不到一分鐘，整份常餐就送到面前，上餐速度可媲美「澳牛光速餐」。奶茶先上，凍奶茶甜度剛剛好，茶底雖然普通，但奶茶沒有加冰塊，不會越飲越淡，值得加分。從圖片可見，炒蛋偏橘黃色，聽說炒蛋使用了三種不同地方的雞蛋，並且不會加牛奶或者忌廉，全靠火候炒出滑蛋。不過當日炒蛋食到最後，才感覺到少許蛋香。多士烘底，賣相一流，不算厚身，一陣風就食完，整個常餐中，個人最喜歡這塊多士。通粉是坑紋通粉，普通貨色，湯底似平常的即食意粉醬加水而成，不過比起其他茶記，這裡的「茄牛通」合格有餘，可能不是它水準太好，只是其他茶記太廢罷了⋯⋯

餐廳屬快餐形式，午飯時間等左30分鐘，雖以炒蛋聞名，但餐牌上既款式不多，試左兩款常餐 - 炒蛋多士配真忌廉雞湯通 &  炒蛋多士配招牌四季茄牛通。兩款常餐均配有烘過既鬆脆厚多士，深黃色既炒蛋呈半熟狀態，富有濃濃既蛋香，口感滑溜。忌廉雞湯味道突出，同罐頭忌廉湯完全係兩回事，通粉使用坑紋款通粉，通粉熟度剛剛好，唔會因為浸耐左吸晒湯汁而發漲變淋。不過，四季茄牛通似蕃茄醬撈通多於湯通，味道帶酸都算開胃。整體食物質素算不錯，不過價錢偏貴，而且店鋪地方好細，較易同其他客人有踫撞，惟人多時冷氣極度不足。

今日放假同男朋友去中環大館打卡，順便去食一直都試下嘅四季！早餐的選擇都是散叫，但通粉和炒蛋都想try下，所以我們點了各一個常餐。炒蛋多士先講多士，烘得好鬆脆，加埋少少牛油，香口又唔油膩。而炒蛋方面，視覺上已經加分，係橙黃色架！入口嫩滑，重蛋味，但略嫌加得多左鹽，味道偏咸，有點扣分了。真忌廉雞湯通配火腿忌廉雞湯來説，個人覺得四季好味過旺記，味道剛巧且有一點點creamy！火腿是煙火腿，好鞋身又偏咸。四季茄牛通牛肉肉質鞋口又韌，係米唔新鮮呢？蕃茄湯好杰身，而且味道偏酸！男朋友點了的凍奶茶，堂食都用膠杯？好唔環保呢！總結：味道中規中矩，試一次無妨。

終於試了有人常掛在嘴邊的四季常餐。 由於是五點的騎呢時間餐廳完全沒有人排隊，五點還有下午茶，但想試他的通粉所以叫了真忌廉湯通粉和茄牛通粉。 炒蛋多士先上，店員見我看著多士發呆，醒目地 幫我更換，因多士太燶， 值得一讚！ 炒蛋蛋味濃， 多士普普通通，如更脆會更好。忌廉通粉的湯底是淡淡的忌廉加奶味，通粉有爽口的感覺， 有一點奇怪。茄牛通 湯底太酸，配炒滑蛋吃尚且叫做中和一點。 奶茶是正常水平，以 50多元 的常餐來說算 一般。炒滑蛋 是值得一試的！

近年真係開咗太多冰室了，多到你完全數唔晒，食唔晒，不過水準參差，所以比較想揀一啲種類無咁多，集中做好幾樣產品的冰室來試。哩間最出名就是炒滑蛋，你可以選擇不同的配搭，例如常餐，蛋治或飯類去配搭炒蛋，總之不喜歡蛋的朋友就不要來了。今日點左一個叉燒炒蛋飯，黎嘅時間差不多等了十分鐘才上，這不是茶餐地方的速度哦！賣相不錯，試第一啖不得了蛋香濃郁，蛋滑的程度匪夷所思，呈液體與固體之間，半熔啫喱的狀態。配合甜豉油和帶咬勁飯粒，這感覺又是像天堂才可以嘗到的味道真係估唔到呢個地方做嘅炒蛋可以咁出色，很有興趣先埋其他炒蛋的產品。

中環都有好多小店，例如勝香園呢種本土風味吸引各遊客什至附近工作的白領最近有另一間本地店人氣好高—4季常餐平日，中午十二時多，我去到已經見到排滿人餐廳地方不大去到就拎張飛仔，店員亦有準備咪打號碼中午選擇不多，主打2種口味的常餐，同3款午餐常餐同一般茶記分別不大，都係一個麵食，多士配炒蛋同熱飲我點了蕃茄通粉蕃茄湯不算濃，不過都有不少茄肉，多士好食，好香，牛油亦平均浸透蛋亦炒得很滑熱奶茶就是普通奶茶，沒有太特別結論，太多人排我應該不會再光顧

今一次叫左佢地嘅名菜- 叉燒蛋飯 蛋有奶香 加上蒽花同豉油 囗感順滑 不過似乎豉油落得稍有少少重手 飯不硬不軟 剛好 整體滿意 😀👍🏻（至少7.5分 （1-10分））但服務方面，又黑我面，脾氣又好似唔多好咁，落單又窒人，唔該俾返少少基本尊重俾客人好冇😑（no more than 3 （1-10分））有很大改善空間