四季常餐 (已結業)

下午茶時段去到中環威靈頓街近半山電梯，開業不久已成名店的「四季常餐」，兩點半依然全院滿座，午餐時間肯定一位難求。此店標榜炒蛋出色和以和牛油渣製作的滑蛋叉燒飯。在下不吃飯，還是點一客常餐便可。店面不大，裝修平常，中環茶記常見的狹窄座位，循環播放著陳百強梅艷芳的歌曲平添一點港味。招牌炒蛋據說混合日本美國中國蛋製成，顏色深黃，蛋味濃郁，滑不溜口，的確是佳品；真.雞湯火腿通粉店裡解釋是以雞骨熬出湯底，吃得出與其他茶記有所不同，也是誠意之作；然而茶記靈魂所在的奶茶只是平平，不夠味不夠滑，要扣分。

開張嗰時係威係勢，被吹捧到好勁咁但開左咁耐，每次都怕好多人排所以懶得行上嚟😂今次有朋友得閒嚟排定隊先，咁就一於行上嚟食啦朋友未夠12點嚟到，都已經要排隊，真係誇張人齊先可以入座，所以我去到既時候要等多一陣先可以入去都算幾有系統都掙扎左陣食飯定食通粉好，最後為左佢個咁出名既炒蛋就揀通粉啦未拎嘢食先上嘢飲，我飲凍檸茶，朋友就飲凍奶茶飲左第一啖......errrrrr......咁甜既再起勢篤啲檸檬，同攪勻個底啲糖漿啦再嚟!!!!ummmmm.....都係好甜，甜過汽水最後，擺到差唔多食完，等佢啲冰溶左，就啱啱好，都唔錯既朋友杯奶茶嚟講，我地兩個都覺得無乜茶味，唔太好飲然後就有炒蛋同多士炒蛋確係唔錯，夠滑又有蛋香不過就多士又唔脆又無味，就失望左啲原本以為多士已經夠失望，點知個茄牛通仲失望望落好似好多蕃茄好濃郁，點知好神奇地，係無味咖聞落同食落得陣酸酸地既味，蕃茄味就唔太出原本同朋友都仲傾緊食勝香園定食依間下次真係毫無懸念，一定係揀勝香園既蕃茄通真 · 忌廉雞湯通配火腿本身以為會係好濃郁既忌廉雞湯，仲咁強調係真一嚟就試飲個湯，ummmmm......隻味係好普通好普通既雞湯味咁，食完唔會記得

同同事都約左好幾次要食呢一間四季常餐，無奈次次經過都十分之多人，咁熱嘅天氣等到唔想等，直至近來秋意嚟啦，有微微的的秋風，而且我哋早左少少落去等位，希望今次食到啦，點知人流依然多，仲要等左成半個鐘先入到去，係咪真係咁好食？真係要坐低食過先知，好唔容易入座啦，茶餐廳預咗要搭枱，預咗背對背，所以我一啲都唔介意環境逼，我哋都叫咗常餐有個番茄牛肉通粉，多士炒蛋，我就叫咗一杯凍奶茶，奶茶先上，奶茶好好飲佢冇冰嘅，奶同茶嘅比例調配得剛剛好，甜度正常，多士比較凍，唔脆，同澳牛好有分別，炒蛋都可以，但再熱D更加好，番茄牛肉通番茄味濃郁，蕃茄肉鋪滿，牛肉係薄既，我又食唔出有咩特別，而通粉係坑紋通粉，都幾開胃因為酸酸嘅蕃茄味，至於好食到飛起，食物都還可以，但我應該未必短時間再幫襯了，因為等候時間太喇

中環上班都要四處覓好食，和朋友已等過數次又放棄，又再等既這間四季常餐，今次終於讓我們等到了，朋友們都點選了招牌既叉燒蛋飯，而我選了普通常餐。相信作招來既應係那個滑蛋，的確個蛋係滑而不溜，但個通粉其實好普通。但相信朋友的叉燒炒蛋飯應該比較吸引，最可惜我沒有試過，如果有下次，我會試叉燒炒蛋飯的，我飲熱檸茶，沒有什麼特別，檸檬無苦，正常一杯茶。環境比較擠逼，上餐都比較快，如果以常餐作招來都真的不錯，但如果要等太耐，我情願吾食，不過後期有改善

下午茶時間 - 本來好肚餓 但原來中環tea time 時間唔係好多地方開，最後去咗四季😆⋯⋯常餐。叫咗個我最愛的鹹牛肉芝士蛋包，包好軟 鹹牛肉加蛋再配cheese 一定無得輸。牛肉同蛋夠juicy 唔會過熟份量夠多，包夠熱而令到塊cheese 剛剛好半溶, but 敗筆又係 㸃解堂食嘅飲品要用外賣膠柸同straw ☹️☹️ , 眀明其他嘢都要洗就咪咁唔環保！如果我知佢用外賣餐具我一定唔叫凍飲......But overall 個包係好味的，只是唔太環保就回頭率變低了⋯⋯

自開店以來，每次午市經過都見到人龍從沒減退⋯這次為了吃這個炒蛋，特意提早離開公司來排隊，大概20分鐘多齊人就入座啦！結果果然沒有令我們失望！首先必點的當然是港式常餐啦－真忌廉雞湯通配火腿 炒蛋多士！炒蛋的質感非常細滑濕潤，而且蛋味很濃郁！多士是事前塗上了一層牛油再烘烤出來，熱辣辣又新鮮美味！而真忌廉雞湯通粉又的確很「真」，味道濃郁，滿滿的忌廉味，通粉亦煮得剛剛好的很彈牙！另一招牌菜叉燒炒蛋飯配秘製鼓油汁也是一級棒的！滿滿的炒蛋和叉燒已經完全掩蓋了飯，看到這個情景真的口水已流 哈哈。炒蛋仍然是非常滑溜和濕潤，配上肥瘦均勻的叉燒，簡直是完美的組合啊！我想重點還是在於它的秘製醬汁，讓整個飯有一種很特別而難以形容的味道 哈哈 總之就是很惹味又滿足！看到身旁的人都點凍奶茶，當然也不執輸！看到店員把整杯奶茶從雪櫃取出，沒有冰塊的關係，奶茶喝到最後仍然非常香滑濃郁！

呢間開左唔係好耐既茶餐廳吸引左我Lunchtime去食 本來想食叉燒滑蛋飯 但比隔離台既蕃茄牛肉通吸引左 呢個都唔錯 仲配左炒滑蛋同多士 價值唔算貴 性價比過 下次會再尼食！

呢間餐廳都開咗一段時間次次經過中環都會排晒長龍，今次一試便知龍與鳳。下晝一點攞飛大約15分鐘就可以入座，等嘅時間都唔算太耐不過真係好視乎嗰日有幾多人喺嗰度等，我唔會建議多個四個人去呢間餐廳食午餐。呢啲咁嘅鋪頭個環境就迫迫夾夾，都預咗啦不過衛生就唔會太差。我叫咗個常餐，鮮茄牛肉通粉個茄底都唔錯牛肉好新鮮不過略嫌太酸有啲寡。之類嘅炒蛋其實好老實講真係冇乜特別，係幾滑嘅不過我唔覺得有幾誇張話要排晒隊。佢呢種炒蛋同澳洲牛奶公司或者聯發茶餐廳其實大同小異。最失望嘅係個多士，烤到過晒火仲要一啲都唔係脆口！真係唔該唔好話要排晒隊啦，想你回水！

餐牌標明8點到11點 是早餐時間， 8時27分坐下 竟和我說八點半才可以點餐。又有一次去吃午飯 因11時27分到達 竟然不能點菜 要11時半才開始 這次見有不少人離開 這樣 做生意態度以新開的店舖 來說也是第一次見到。滑蛋吃過， 也不覺得怎樣精彩 相信名氣大過一切， 員工這樣的服務態度傲慢懶散， 這個年代相信也很難成功。因態度低劣， 員工張牙舞爪 ，越吃越興，不去也吧。吃餐飯 反而要自己那麼不開心 相信不怎麼值得。

又係放晏既時候，我哋特登嗰日去咗食四季常餐，一向都知道四季常餐嗰度好多人排隊，所以我哋差唔多等到成一點半先出發去食飯。點知我哋一點半去到，仍然等左差唔多成半個鐘頭先有得入座，但係仍然有好多人排隊首先比你地睇下個餐牌，我叫左宮崎和牛燴飯佢啲牛肉有牛味 好似出面嘅紅酒燴牛尾咁既味 不過真係好好食，我清晒。嫌我啲同事又帶咗一個面咁大咖喱豬扒飯，嘩，真係有我塊面咁大。而另外一啲同事就嗌左佢哋嘅王牌通粉，個湯底相當creamy，佢哈係杰身果隻creamy, 而係味道真係好濃郁。一定會再去食架，希望下次唔駛等咁耐啦。

極差👎🏻👎🏻👎🏻👎🏻茶記，夏天冇冷氣，咖啡冇啡走都唔緊要，一杯簡單咖啡都可以係冇味，得水同奶，奶茶又得奶🤮🤮🤮，冇茶味既，熱野唔熱，食物一般，番茄牛好似湯渣倒上面咁，見咁多人排隊以為好好食，要排隊食D咁既野👎🏻👎🏻👎🏻，名過於實！垃圾！D伙記好似咩都唔知咁，又唔想理你，問佢又唔知，好似我多事左咁，正情我serve返佢！🤬🤬🤬🤬🤬價錢唔算平，但難食囉！！！

中環午餐黎講，呢間環境+ 食物性價比算中上了！50-60$ 一個Lunch set！雖然款式唔多，但食物質素好的！滑蛋叉燒配特制豉油飯！蛋係香滑的，唔係全熟，火喉剛剛好，我好鐘意它的蛋！ 叉燒亦唔會過肥，份量充足！食完好滿足！ 個秘制豉油係有少少甜，好match！ 成塊面咁大的咖哩吉列豬扒飯真係好大塊！ 絕對無違反商品條例😂😂它款咖哩唔係帶甜的日本咖哩，係辣的！鐘意刺激的朋友一定要試下！！可能間鋪唔算多位，又可能太受歡迎！等位...等左半小時（Lunch hour等左半小時真係幾耐），所以要去試的朋友仔真係要比D耐性啊！

There is something  about a simple plate of rice topped with scrambled eggs and char siu that always says to me : comfort food.It was pouring rain outside so boyfriend and I came here as it was the closest place to eat.Cafe Seasons, much to our surprise, was not  a cafe but a cha chan teng. It had a cafe-like decor so I thought it was a cafe. But nope! It served basic cha chan teng food.Menu is in English and Chinese though in the evening they have a dinner menu that is in Chinese only. There is

中環食午餐想食冰室，就基本上要排隊，尤其係你想去到位於中環威靈頓街嘅呢間四季常餐。你係中午時段一去到門口已經有20至30人嘅中環寫字樓人排緊隊。黎嘅人大部份都係望住佢嘅滑蛋叉燒飯配秘製醬汁，即係午餐A。大概等左半個鐘之後前面個2-30人就終於入晒去輪到我了。去到毫不猶豫點左佢個招牌滑蛋叉燒飯，加配個凍檸茶，（好似佢果凍奶茶出名啲），啲飲品呢其實已經全部沖好晒嫁啦所以呢好快就可以攞到出嚟。滑蛋叉燒飯，要$54 ，係中環來講已經係十分相宜，呢個招牌飯真係非浪得去名。啲蛋炒得夠滑，叉燒又係半肥瘦，啲醬汁配埋啲飯十分匹配，唔怪得可以吸引咁多中環寫字樓一族等位。總結，值得一試，但係唔值得等半個鐘。如果可以冇咁多人嘅話大家可以一試。

本來約咗同事去食早餐，點知同事臨時甩底，只好我自己去啦。本來以為可以靜靜地食一餐好嘅早餐，點知食到一肚氣。首先冷氣唔夠凍，好焗，出晒汗。已經嘈底，點知嘢食都未嚟就比個男侍應串。態度差，施施然咁着緊條圍裙係我面前行過，我又唔係問你，你搭咩咀姐。如果你唔想做嘅咪唔好做囉！一朝早啲客要受你氣呀，啲嘢幾好食都無用啦！況且，又唔係真係咁好食，通粉好淋、想嘔，都食唔落，湯底又淡！其實唔該train吓D侍應啦！唔係求其請啲人返嚟就得，只會整臭間鋪個名！以後唔使返嚟！如果Service可以比零雞蛋，我一定會比零雞蛋！