四季常餐 (已結業)

自己一個人喺中環食咩好呢？適逢早餐時段，我就去四季常餐試下～聽聞呢間lunch hour會大排長龍，我11點左右黎到就唔使等位喇！我點左真•忌廉雞湯通配火腿，跟埋炒蛋多士同熱奶茶。火腿比一般茶餐廳嘅厚身同彈牙，坑紋通粉嘅掛湯能力高。忌廉雞湯味道唔錯，但食得多會有啲膩。炒蛋份量非常多， 表層嘅蛋比較滑溜，裡面就有啲過熟。兩塊厚多士嘅表層都塗上牛油，食落尚算香脆。就地段而言，四季常餐定價合理， 而且質素尚可同份量好足，不失為中環午餐之選！

中環有名的餐廳 價錢唔貴出品有水準 而且看得出 有心煮食 叉燒 滑蛋飯 叉燒係半肥瘦 滑蛋有蛋汁混合蔥花加上曬老抽 色香味可為一流! 常餐亦有水準， 滑蛋煙多汁 牛油多士外脆內軟可惜通粉一般 略為 淡味。

今天終於光臨前排大熱，經常排長龍嘅四季常餐。在平日嘅下午茶時間來到不用等位，立即就可以入去點餐了。叫了個常餐 ($48)，有茄牛通和炒蛋多士。通粉唔會煮得過淋，番茄湯都頗足料。個炒蛋炒得幾香幾滑，唯獨係凍咗少少。個多士同樣可以熱少少就好了。多士可以更香同埋更脆，呢到嘅只係微暖同埋比較淋。另外叫了個芝士鹹牛肉厚蛋治 ($39)。呢個包相比佢個多士香好多。鹹牛肉同蛋嘅份量比得好慷慨，多到食每一啖都會跌咁d出黎。

好記得以前係依頭返工既時候12點鐘門口去到已經排到要等40張枱 超級誇張 一路都未有機會食今日放假有機會終於去左！其實佢個茶餐真係幾高質!多士好脆 而且食落去啲牛油味好香炒滑蛋亦都好滑味道都好足 但我覺得對我黎講生左少少（入面啲蛋白有啲仲係生既！）茄牛通啲茄湯好鮮 成碗都有好多蕃茄溶 真材實料但係價錢黎講係真係有啲太貴 食個常餐都要差唔多60蚊 雖然中環食飯預咗唔會平但係附近其實有好多茶餐廳同樣嘅價錢可以食得好好多所以奉勸大家黎試一次就夠啦

之前睇YouTube介紹，覺得主打食常餐既餐廳幾特別。記得中午總係好多人，今次晚上黎試，唔洗排隊亦唔full。一個人的晚餐，叫左常餐“茄牛通配炒蛋多士”。上餐速度十分快，兩分鐘就黎齊。賣相確係唔錯，炒蛋色澤深黃，多士烘得岩岩好，齋睇賣相係幾令人期待。點知先食一啖茄牛通，心諗“哎呀，伏左！”茄湯偏酸，一入口就知用左茄汁茄膏，如果全部新鮮蕃茄係唔會有咁既酸味，當然廚師一定有用鮮蕃茄煮，但唔會係我中意果種純蕃茄味。牛肉三四小片意料之中，入口只食到醃味同鬆肉粉既味，唔滑有筋。到食最期待既炒蛋，一食第一啖，又伏左。唔係唔好食，個蛋係濃既。但炒得太生，大約半成熟多少少（睇相就可以見到好多生蛋白吊下吊下）。靚既炒滑蛋唔係一味唔熟就叫滑，功夫好既，可以炒到7-8熟但入口好嫩滑（其實好多餐廳都做到，比如翠華，生記）。再望望對面食客份炒蛋，又炒得熟得齊，證明廚師唔穩定。如果四季常餐唔係主打常餐或滑蛋，呢一餐我會比佢合格，但如果打響旗號賣常餐通粉炒蛋，我覺得咁樣既質素係唔合格的。以蕃茄通黎講，個人認為中環勝香園，尖沙咀星座冰室更勝一籌，係切切實實既鮮茄味道。炒蛋的話，翠華，生記，澳牛，樂香園（蛇竇）都比佢好

呢篇文係分兩餐食既17/2又心思思想試四季個B餐手指公牛肉飯，一放飯就一支箭標咗落威靈頓街。點知坐低後佢話早成二十分鐘落唔到晚餐單，我又唔想咁近又重覆再食叉蛋飯，就叫了個H 餐。好無食？好，食到個五味雜陳既，好像好有特色既炒通粉。屋企係整唔到呢種鑊氣嘅。講出來好得意，但炒通粉不見得俾意粉特別好在哪。我同事後join, 原本想試一匙但見到生雞蛋同葱頭卻步。係喎😧呢兩樣野咁有個性做咩無係菜名提到？如果有客上到枱先唔食生雞蛋或葱頭咪麻煩？報告🙋🏻‍♂️我係食唔飽嘅，不過係抵我死。建議其他人如果irregular hour 來食late lunch 要學我同事叫返叉蛋飯，足秤的🈵。堂食都用即棄凍飲杯差評🤦🏻‍♂️24/2又係星期日，又係一支公。死心不息要試下佢個B餐手指公。點知原來B餐即係A餐改版不過叉燒轉做山竹牛肉😛😛😛又好好彩我又鐘意食山竹牛肉所以失望驚喜双扺消🤔🤔🤔🤔不過咁，再望下餐牌，咁而家我明佢其他餐食咩lu~~頓時減低咗諗住來試哂咁多個餐既慾望。我仍然肯定佢啲野好食，但係變化就預唔太多。唔緊唔緊，維持水準就得了。飲了熱咖啡，繼續差評🥵水吧來貨要改進下😥😥😥

This restaurant was always so crowded over lunch and we finally came for a visit for afternoon tea. The price seemed to be the same regardless of the time of the day. I ordered their seemingly signature 叉燒炒蛋飯配秘製豉油汁 at a price of $57 including a hot drink (+$3 for a cold drink). There was no service charge. There were 6 pieces of char siu. The sauce was quite tasty. The dish smelt very good and the fried eggs were very smooth. The overall flavour of the plate was quite rich. Given the central loc

上次到訪的時候，人氣旺盛，雖然事隔一段時間，這家位於中環威靈頓街的茶餐室，在午餐時段，依然有唔少人在排隊。餐廳光猛而企理，座位有點狹小而擠迫。但在中環難得有平民價位的餐室，必然人山人海。這兒除了供應兩款常餐外，還有四款午餐，價錢只不過是$48-$59，包飲品免加一。四季茄通炒蛋多士$48這炒旦多士真好吃！炒旦極之鬆軟可口，仍處於半熟狀態，不但旦汁豐富，而且旦味濃郁，又香、又嫩、又滑！最緊要的是那不是預先炒定冷冰冰或微暖的，熱哄哄的炒旦更得我心。多士也是脆熱的，質地鬆脆又帶點牛油香，不錯。蕃茄通的蕃茄味極為濃郁，茄茸蓋滿了通粉，是清新的蕃茄酸香。肉片雖然比較少但也幾嫩口，加埋爽口的通粉，好吃。叉燒炒蛋飯配秘製豉油汁$57叉燒帶一點焦香，半肥瘦的肉質口感鬆化，加上滑滑炒旦和那甜香的秘製豉油汁，味道濃郁。飯粒是長身的米，帶一點口感，配上滑旦豉油，幾好下飯。熱奶茶味道濃郁，富茶香，口感滑溜而不澀口。雖然茶味比奶味為突出，但整體味道仍屬不錯。簡簡單單的港式午餐水準不錯，而且價格合理又交通方便，怪不得大排長隊。

中環返工必食四季常餐今次11點幾到左 入面都多空位平時食飯時間 12-2點左右係必須要排隊叫左叉燒炒蛋飯 $56 凍飲+$3 共$59凍飲杯係外賣杯黎 (飲唔哂可以拎走飲又可以快d埋單哈哈)蛋份量遮蓋哂所有飯真係超級滑 叉燒就正常唔突出 但蜜味都幾出😆蔥配豉油勁加分 好開胃喔女仔黎講我覺得份量剛好下次想試下四季茄牛通

忌廉雞湯火腿通粉+炒蛋多士($48)-忌廉雞湯算係比較特別嘅湯，好少係出面嘅常餐食到忌廉雞湯，而火腿同其他唔同，係一整片嘅，而炒蛋更加係又滑又大份，多士就較普通。芝士鹹牛肉厚蛋治(餐包)($39)-呢個係大力推薦嘅菜式，雖然芝士唔算太濃厚，但鹹牛肉同蛋一齊食真係好出色，包亦唔同其他餐廳個啲咁乾身。

工作關係呢兩個月成日經過威靈頓街，行過佢九十幾次。啲同事成日吹奏呢度幾好食不過見到人龍我地都係敬而遠之。 今日七點放工中環無咩一支工食野選擇下見到佢裹面得三枱有客立即跳入去。入到去一待應問先生幾多位....一支公呀，座埋.......隨便坐啦。😂😂😂佢慣咗疏導人潮突然間咁多位唔慣。坐低都唔諗，信啲相即A餐。結果如圖所示非常精彩。忍唔住五分鐘唔夠啪哂入口。佢葱油直係黐住蛋，蛋又真係拉實叉燒同飯，加上甜豉油真係所有咸度甜度油份口爽剛剛好，我真係覺得自己賣緊廣告。因為我每一匙剛剛分好有半舊叉燒+蛋+飯送入口，一啖又一啖，五分鐘唔夠就食哂🙈🙈🙈個待應見到我咁快埋單都打個突😂😂😂對唔住我剛放監出嚟未食過好野。好啦為咗避免俾人懷疑係廣告講下佢壞話先........ 杯奶茶唔好飲🥵🥵餐牌無咩選擇係好事，我舉腳贊成👍🏻

聽人講哩間野幾好食，一心走去試，點知好失望。食左個招牌常餐番茄湯通粉加一個炒蛋多士餐。老實講食物質素普通，普通茶記質素。服務員態度好差！無禮貌無笑容，自己比錯野仲要串串貢咁。

又UberEats喇，第一次叫四季常餐，試下個佢出名既叉燒炒蛋飯配秘制豉油，加埋熱檸水，總數$56。價錢算係咁啦，港島食飯有平既咩?! 都好大盒下，個豉油真心要讚，可加埋個叉燒炒蛋真係無得輸，啪晒成個盒！蛋都好香，叉燒都唔錯。可以再Encore

呢間鋪一開已經引起熱話，仲排哂長龍，今日終於有機會黎食下。因為係下午茶時間，所以唔洗等位就入得有早餐、午餐同下午茶，常餐就全日都提供，除左常餐食品，仲有幾款飯餐。難得黎到當然要試下最出名既常餐，我就揀左茄牛通。首先送上多士同炒蛋，多士有兩塊，開頭見麵包無咩牛油仲諗住會好乾，點知一食落去，好有驚喜！多士烘得岩岩好，咬落好脆亦好鬆軟，牛油已經滲入麵包裡面，淡淡都有牛油香！最正係佢烘到有酥皮既感覺，食過咁多間常餐最好味既多士炒滑蛋見倒色澤好靚，食落夠滑亦好重蛋香，份量都好多！不過食到中間就有啲過熟茄牛通，餐廳用既係坑紋通粉，我最中意食既通粉煮得軟硬適中。見倒湯底有好多茄蓉，味道偏酸，蕃茄味唔夠濃，牛肉有幾塊，唔鞋口但無咩牛味。我覺得係名氣過大，本體黎講唔算差，但就唔值得要排隊了。

年年驗身，令你放心。驗身要空肚，餓了大半朝，終於可以開吃。自從在上環上班，這大半年吃常餐的次數比前半生加起來的還要多。不過老公想試四季常餐便陪他來吧！而既然來到四季常餐，當然要點常餐囉。真的是打正旗號賣常餐，味道果然不一樣。蕃茄湯底夠濃，炒蛋也很滑。要不是離公司有點距離，一定會經常來。