四季常餐 (已結業)

餐廳屬快餐形式，午飯時間等左30分鐘，雖以炒蛋聞名，但餐牌上既款式不多，試左兩款常餐 - 炒蛋多士配真忌廉雞湯通 &  炒蛋多士配招牌四季茄牛通。兩款常餐均配有烘過既鬆脆厚多士，深黃色既炒蛋呈半熟狀態，富有濃濃既蛋香，口感滑溜。忌廉雞湯味道突出，同罐頭忌廉湯完全係兩回事，通粉使用坑紋款通粉，通粉熟度剛剛好，唔會因為浸耐左吸晒湯汁而發漲變淋。不過，四季茄牛通似蕃茄醬撈通多於湯通，味道帶酸都算開胃。整體食物質素算不錯，不過價錢偏貴，而且店鋪地方好細，較易同其他客人有踫撞，惟人多時冷氣極度不足。