四季常餐 (已結業)

平心而論，中環來說價格絕對合乎國情（利申：中環打工10多年$50一餐仲要好食，真的可遇不可求）言歸正傳店叫常餐就當現食常餐。茄湯牛肉通粉，跟多士炒蛋。- 茄湯帶酸，合本人口味，有茄味，經典茶記茄味，牛肉8成熟，合理因為全熟就硬又鞋，通粉系坑通，8成熟（不太淋）有口感，熟度拿捏得好！放久也不淋。- 炒蛋，滑而有蛋味！當然不是全熟啦，介意不熟就咪食滑蛋啦喂！- 不得不提個多士，系成個餐嘅精粹，個包嘅包味系好香，而且有口感！個包可能系燒定煎定焗，不是一般炕多士多士質感，最重要系牛油先塗後加熱，外脆內軟。真心正！因為個多士我第二天再來吃個白湯常餐。忌廉火腿通粉 (第二日再去食)白湯不太杰太膩，屬於香濃忌廉味。火腿屬高質，並非般茶餐廳「那」脷咸味金𠵈火腿！不能不提是他們用了香草提味。奶茶，奶味比較多所以可以不用糖，茶都香滑。據說茶走、啡走，鴛鴦免問！整體來講我見店主對食物原材料要求高。即使改用比較高質食材味道效果仍能保持常餐情懷。唯一不太合心系佢地冷飲系預先做好全部即棄膠杯加珍珠奶茶粗飲筒，環保角度非常不安，本人亦因為這樣曾經婉拒光顧。😰

常餐呀唔該！入親茶餐廳一望就會望下個常餐餐牌係乜，不外乎都係多少炒蛋或奄列，火腿通定係沙爹牛麵，加多個檸茶，所食既就係一種情懷。。打正旗號叫「四季常餐」，咁主角唔係講就一定係常餐啦，之前一直想來試，兩次經過都因為太多人而放棄左，OL食飯時間有限，實在等唔到。前幾日撞正星期六，又來開中環做嘢，諗都無諗就直接入左來食返個常餐，都好在行快左兩步，而且一個人易等位啲，唔係又唔知要第幾耐。✌🏻😂入去坐低，見個個面前都有啲蛋係度，唔係炒蛋就叉燒蛋，就知呢度啲蛋應該唔錯。常餐選擇唔多，多士炒蛋，常白（忌廉湯）或常紅（蕃茄湯），本來好想叫常紅，但因為我唔食牛既關係，無得揀，只可以叫常白。本身諗住忌廉湯應應該好濃，又怕好漏，來到時又唔係咁喎，唔杰身，唔會漿住啲通粉，試一啖湯，麻麻地。。好在仲有炒蛋同多士，炒蛋好香好滑，不過同其他出名炒蛋既餐廳，其實差唔多，反而平時食唔晒會棄食既多士超好食，烘得好脆，但又唔會過火又香，有驚喜。。配埋杯檸茶少冰，完滿既常餐作尾。。不過食情懷既嘢，想唔想試就自己諗下啦。。我應該都會為左件多士回頭的。😂😂😂

今個週末又去中環感受一下文藝氣息，探索完好熱好餓，想揾個地方歎下~四季常餐下午茶時間都多人下，但不需要等位，搭臺就得。座位都幾寬鬆。四季常餐應該是必點，抵食又ok好味。常餐雞湯忌廉通粉+多士炒蛋，加凍奶茶。雞湯忌廉通粉比較有趣，唔係特別濃稠的湯底，似平時雞湯，奶白色，忌廉味不多，但有點似雞湯磚煲湯，湯底不會太鹹。炒蛋偏濕潤，唔會太鹹，麵包係現烤的，所以好脆，幾好食。凍奶茶應該是整定，都可以，夠味。

中環滑蛋飯no1 係四季好味過之後蛇竇d 滑蛋飯真係好好好正我成日放工都去食因為幾抵食 滑之餘d 叉燒都好大舊 d staff 服務態度好好所以呢間宜家係我中環常食的list 入面

用三種主要食材: 蛋, 牛肉, 番茄, 就可以處理大部分菜式, 她走的是精緻路線, 不如一般茶記般, 選擇多而散. 既然如此, 廚師對這些食材的處理應該是很有自信吧! 點了一碟牛肉炒蛋飯和茄牛通常餐, 炒蛋沒落鮮奶或忌廉, 口感依然順滑, 火候處理得很好, 不添加其他食材, 我相信能吃得到原本豐盈的蛋香, 有點可惜是蛋香不夠濃, 除了雞蛋本身的原因外, 也許是因為拌飯的自家豉油汁, 甜中帶喼汁的酸, 影響了蛋香. 至於牛肉, 就是山竹牛肉的味道罷了! 至於茄牛通, 茄湯的酸是天然蕃茄的酸, 相信沒有加上太多茄膏之下, 味道舒服而相對天然, 可惜的是鮮牛片肉質頗老, 就是說在中環吃飯四十多元的價錢, 我只能以此合理化其瑕疵就是了! (笑)

平日中午時間 都人頭湧湧永遠都無可能係短短的午飯時間趕得到去拎位今次去大館 順路就可以去這裡食個午餐估唔到星期日都要等位但都比平日少人👬等左大約5-10 分鐘 就可以入常餐有兩款麵可以選 配 炒蛋多士🍅四季茄牛通 酸酸甜甜的蕃茄湯底 好開胃牛肉肉質有少少鞋口🍖真忌廉雞湯通配火腿超濃郁的忌廉味 但有少少咸通粉係坑紋通粉 煮得軟身少少會更好🍳炒蛋多士 我至愛😍炒蛋顏色比平時更黃 並無加任何牛奶同忌廉多士烘到好脆身 好香牛油味配埋滑滑炒蛋係一流

今日在中環行完街，想找一些平平地又好食的餐廳，終於讓我們找到在小街的茶餐廳。第一眼看到，發現門口有很多人，還以為要等一陣子，點知，他們都是叫外賣的。一入到去，店員很快安排我們入座，地方有點小，所以要與他人共用一張table。但空間都是足夠的，我和朋友分別點了，叉燒炒蛋飯配秘製豉油汁（$57）以及常餐的四季茄牛通配炒蛋多士（$48）。首先到的是叉燒炒蛋飯配秘製豉油汁，蛋是半熟的，口感滿分，配上秘製豉油汁更加是滋味十足！加上叉燒是瘦叉燒，但都不會有難咬的口感，我認為是必食之選。其次便是季茄牛通配炒蛋多士，不得不提多士的口感，咬落去是脆口，但又唔會整到個麵包黑哂。蕃茄的湯底，滋味十足，唔會係市面上的茄醬加水。牛肉更加滋味，雖然未做到入口即溶，但口感絕對不會差太遠。2個人建議一人一個餐，可以分享一齊食，或者可以等下午餐時間，會更加便宜！

今日終於食到四季， 不是四季酒店， 是中環的一間餐廳叫四季常餐。 餐廳位於中環威靈頓街， 近半山扶手電梯。因為今日要去大館，所以選擇了一間在大館附近的餐廳食早餐。餐廳門面以綠色為主， 感覺清新。 餐廳內裝修也很簡約。 星期六早餐時段坐得滿滿的， 幸好不用等位。早餐只有數款選擇， 我們選了餐廳推介的兩款。首先是四季茄牛通配熱奶茶($37)。這個早餐茄牛通粉是不跟炒蛋和多士的， 想有埋炒蛋和多士就要叫常餐48。茄牛通粉味道比較酸，不像新鮮蕃茄的酸味，不太喜歡。牛肉都幾腍，但只有數少薄片，份量較小。四季厚蛋冶（餐包）- 芝士餐肉 ($39) 配凍奶茶我會推介這個！餐包都幾大個，蛋炒得好香好滑，餐肉刻意煎成脆邊，滑蛋中間帶脆脆口感，不錯。此外，餐肉上加了一片芝士，芝士微微熱溶，很香口。凍奶茶是冇冰的那種，預先做好，用膠杯上。味道不錯，茶味濃一點較好。餐廳服務一般，店員有點惡，可能平時顧客太多要求吧！另外，餐廳把煮好的醬汁隨意放在店內，而且沒有蓋好，感覺不太衞生。總結，食物不錯，服務一般。

一直都想來，但每次都見到好多人,今日終於的起心肝來排隊。排流去得好快，所以唔係排左好耐就有位，要等齊人先俾入。一行三人，三個都叫叉燒蛋飯。叉燒肥瘦適中，但有少少偏甜，而雞蛋就好滑好易入口，份量夠。$57 包埋飲料，叫左杯奶茶，都幾好飲，以中環的物價來講係超值。

最近留意到一間中環茶餐廳，係藍帶廚師主理😈，開左都有一段時間。舖名一黎已經吸引到我喇 — 四季常餐，對好似我咁鐘意食茶記既人黎講都幾認同四個季節、中午晚三餐都可以食常餐依個理念🤤-常餐-蕃茄湯牛肉通 炒蛋多士 $48多士烘得好脆，仲有少少多士爐留低既坑紋，加埋牛油岩岩好😋。炒蛋炒得夠嫩唔會太老，蛋汁亦都幾多。-茄牛通用既係坑紋通粉，比較掛湯，配蕃茄湯岩岩好。牛肉算係幾冧🐮，唔會太咸。值得一講既係成個通粉層次做得幾好，最頂一層係茄蓉同牛肉、第二層係通粉，最底係蕃茄湯。用匙羹由頂畢落去，每啖都可以食到茄蓉、牛肉、通粉同埋茄湯👍🏻👍🏻-常餐-真忌廉雞湯通配火腿 炒蛋多士 $48通粉同樣係掛湯既坑紋通粉，忌廉味略嫌淡左少少。成個湯唔太濃，稠啲會比較好食啲，火腿冇咩特別，個人覺得茄牛通好食啲🐷-整體黎講價錢係中環區算係幾抵食，可以話係中環打工仔既lunch time之選，而味道都算ok，係果頭番工既可以試下⚠

話説剛剛在這吃飯餐前想吃藥於是向侍應索取常溫水一杯並説明水的作用是用來吃藥怎知道侍應拿來一杯熱騰騰出煙的水看到熱水, 我的火氣便上來明明説得那麼清晰水怎麼還是熱的過了一會，水還在出煙於是我便大嗌「唔該! 可不可以俾幾粒冰我呀?」侍應呆著看著我幾秒於是我便補充説「頭先我已講明水要常溫, 因為我要食藥水那麼燙要怎麼用來送藥」侍應見我有點上火便立刻進廚房取冰取完拿出來交到我朋友手上就轉頭走了我朋友還雙手合十説了句不好意思然後侍應背著我們跟她的同事説：「有病! 問我拿水......」餐廳已被我Blacklisted原因有41) 點餐時侍應已經顯得不太耐煩，此乃第一錯2)她們做錯事是因爲她們自身的問題, 額外的工作是因她們自己不理會我的標註求L期拿杯熱水給我, 為什麼我要示意不好意思3) 其實做多少少想多少少真的有那麼困難嗎?講明要用來送藥, 為什麼水可以是燙的呢?4)要竊竊私語説客人壞話就竊到我聽不到。但...大聲到被我聽到了

逢星期三早上，係中環做完gym。就會去「四季常餐」食個飽先返工。今日已經係我第N次食E3黑松露芝士厚蛋治。首先先講下個包，本人對甜餐包係有癖好，佢呢個包嘅鬆軟度，係恰到好處。佢哋仲輕輕咁烘一烘個包，係細心嘅。之後就係個黑松露蛋，好難得地，佢哋嘅黑松露係有香味嘅。唔係得個黑，而無松露香。雞蛋內嘅芝士唔太厚，所以唔會有不平均嘅感覺。做完gym，極肚餓情況低下。我係食得晒嘅，而係可以飽到lunch。價錢：HKD43 （包熱飲，但飲品種類唔多）

同個fd過嚟中環呢邊整啲嘢，聽聞過有個好正嘅叉燒飯，又慕名而來啦。嚟到真係好多人，等咗一陣位。入到去見到真係差唔多枱枱都係食緊個叉燒炒蛋飯，叫咗一個，再加上一個忌廉雞湯火腿通粉。一嚟到都幾大碟，個炒蛋一望就知道係好滑，食落仲要比想像中好味，唔會太濃味，叉燒肉質軟軟哋，撈飯真係一流，正喎係。至於個忌廉湯通粉，我就鍾意佢個湯底清清哋，唔會好「杰」身，一啲都唔漏，通粉係用返傳統茶餐廳嗰種，好回味嘅感覺啊！

系咩駛使大食妹晨早流流特登山展水遠去中環食常餐？系愛，哈利？其實系四季常餐得馳名炒蛋 wow 尋尋覓覓行咗幾次冤枉路，終於比我搵到一間呢間粉藍色餐廳，之前睇雜誌介紹見到佢個炒蛋想食好耐，終於都黎到啦，係愛啊裏面嘅裝修得幾雅致，天花板嘅燈飾好有酒店大堂嘅感覺以茶記黎講，咁樣嘅裝修都算唔錯星期日朝早都有唔少捧場客，所以入到去食都係要搭枱嘅<無冰奶茶 (跟餐) > (好味:4/5)女仔忌飲得太多凍嘢，但係偏偏大食妹好鍾意飲奶茶四季提供左冇冰嘅奶茶奶茶好香滑、茶味夠濃雖然冇冰，但係都有冰冰涼涼嘅感覺、朝早飲到咁好飲嘅奶茶，即刻精神曬<熱檸水(跟餐)> 不過不失喇～<真。忌廉雞湯配火腿炒蛋多士$48>兩個常餐嘅炒蛋多士都秋冇得輸炒蛋滑到呢，仲要極重蛋味，唔似有D茶記落得太多牛油、牛奶調味，個炒蛋得個滑字但係冇晒蛋味忌廉雞湯個湯底就稀左少少，不過都幾好食嘅通粉係細細個最鐘意食嘅粗粒通粉而家好少茶記用呢款通粉喇，正加多兩片厚切火腿，就真系goodest morning 喇<四季茄牛通配炒蛋多士$48>好濃嘅蕃茄湯底，牛肉好鮮嫩，最緊要系

上次去過四季常餐食早餐已經覺得佢地嘅炒蛋🥚好好食🤤🤤，今次特登再喺lunch time嘅時間再嚟試佢地嘅叉燒炒蛋飯配秘制豉油汁🍛炒蛋係一如既往嘅好食，夠滑又有蛋味😋😋叉燒就係半肥瘦至偏瘦嘅，相信如果叉燒肥少少會好食d😌至於個秘制豉油汁，撈埋蛋同飯一齊黎食會仲好味架😋，不過食到係尾d飯冇哂豉油，我就放棄左lu🙈另外仲試咗個和牛燴飯，牛肉炆得好淋，都幾好食嘅，不過比較之下都係覺得叉燒炒蛋飯好食啲😄