四季常餐 (已結業)

係中環返工，一諗唔到食咩，就會去四季因為水準一定有保證！係我嘅comfort food之前次次都係食蕃茄牛肉通粉常餐，今次一於試吓其他食物！平時食常餐嘅時候，已經覺得個炒蛋做得非常滑！見到Menu有滑蛋叉燒飯梗係唔執輸，嗌嚟試下啦滑蛋果然冇令我失望呢個滑蛋叉燒飯係我食過最正嘅！加埋上面啲蔥油簡直畫龍點睛一個女仔都食得哂！今次話明試新野就一於唔叫番茄牛肉通粉叫返個忌廉雞湯火腿通粉試吓先！忌廉雞湯原來都幾好味，食得出足料無味精！不過我就略嫌佢個湯稀咗少少如無意外下次都係食返茄牛通另加一幅特寫，以表我對炒蛋多士嘅愛順帶一提之後嘅熱奶茶都好好飲㗎！記得叫嚟試下！

今次係第一次叫四季常餐嘅外賣因為有時候見到咁多人又唔想排隊同埋想慢慢食 唔想趕頭趕命咁但係又想食🤣所以今次就試左：啊四滑牛炒蛋飯配秘製豉油汁($57)可能因為係外賣嘅關係所以賣相都麻麻地😂不過最重要都係味道！首先講下個牛先牛肉都幾多架而且都幾大片☺️同埋唔會好un 唔會煮到好老而炒蛋就當然係個highlight啦炒蛋好香好滑 但係佢並唔係個啲落左好多牛油或者牛奶個種好漏嘅感覺佢個種半熟嘅感覺 真係好正🤩不過個飯就有啲硬🙈呢個可能改善下就會更好！

四季常餐一間茶餐廳喺中環都算係幾出名 講緊佢哋嘅招牌湯底都好新鮮 係用鮮雞湯去煮 所以基本上連湯底都可以飲。之前試過佢哋嘅常餐 午餐肉煎得好香口 絕對唔馬夫 佢哋嘅炒滑蛋亦都係招牌，唔會炒得水汪汪，食得出好重嘅牛油味。自己來講亦都好推薦佢哋嘅番茄牛肉通粉，有種真材實料嘅感覺。而佢哋一樣好出名嘅就會係叉燒蛋飯。叉燒蛋飯嘅叉燒好厚身，而且唔多肥肉，佢哋嘅蛋就係招牌嘅炒蛋，基本上每一次食都會點依兩樣。最後最後佢哋嘅奶茶都好值得推薦

/四季常餐🇭🇰/➖➖➖識我嘅人都知我去親茶記一定會叫茄牛通、炒滑蛋多士✨✨之前都見幾多人介紹過四季常餐就去試下啦🤭🤭➖➖➖四季茄牛通常餐 $48（凍飲+$3)ღ茄牛通番茄湯幾香濃 酸酸地面頭有啲番茄蓉 但感覺唔係新鮮番茄🤧牛韌度適中 不過肉味就唔夠濃通粉就偏腍 唔算好彈牙 有少少偏碎整體份量適中 不過不失➖➖➖分數:6.9/10➖➖➖ღ滑蛋多士呢個份量都算慷慨✨炒滑蛋係幾滑 有蛋汁不過蛋香就可以更重多士有烘過 幾香脆 有牛油香但都唔會太肥膩☺️➖➖➖分數:7.3/10➖➖➖ღ凍奶茶唔會好甜 幾好飲 奶味佔得多少少但又唔算特別驚艷🤭➖➖➖分數:6.5/10▪️▪️▪️我會認為四季嘅炒滑蛋會更出色下次有機會再試埋叉燒飯😜食物質素都可以 不過就較少選擇而開係中環呢個地段 價錢都合理▪️▪️▪️📍四季常餐中環威靈頓街112-114號新威大廈地下C舖

沒想到四季常餐也有外送，立刻叫個comfort food叉燒炒蛋飯到辦公室叉燒炒蛋飯配秘製豉油汁 60外送的飯盒將炒蛋和飯分開，這樣還不錯，不會讓賣相變得很噁心凍檸茶正常，有點澀味炒蛋本身有調味，味道蠻鹹的，秘製醬油甜甜鹹鹹的和炒蛋很合，但是淋太多會太鹹，炒蛋很滑嫩帶一點蛋液，加少少的蔥花，叉燒的部分正常，不會太硬真的和蛋炒在一起，所以味道融合一起，整份吃下來蠻不錯，記得醬油不要加太多米飯好像使用香米，有種淡淡的香氣

外賣之選要係商業區晚餐時間食個常餐都唔係易事，四季常餐既常餐都有返咁上下水準架！之前試過堂食飯餐，都係覺得佢個常餐好味啲有2個選擇，我今次擇左忌廉雞湯配火腿通果個通粉同湯自動分開上，火腿唔係一般茶餐廳火腿黎，厚多士滿滿牛油好味，就算外賣返公司食都唔會淋晒，個蛋炒得夠滑加埋嘢飲都係$48，飽飽

四季常餐lunchtime經常現人龍今日都唔例外排咗成十幾分鐘入到去同朋友即係叫咗兩個常餐滑蛋多士配茄牛通($48)個滑蛋好滑有奶香幾大份下，夠餸兩片多士比起澳牛都唔差得遠不過澳牛滑蛋就咸過佢同牛油味更重多士用牛油烤過比澳牛多士更好食，好香牛油味茄牛通就麻麻😖太酸la如果個蕃茄湯咸番少少會更好不過好在d牛肉片唔韌番茄份量多通粉亦唔會煮到好淋，剛剛好總括而言，下次我剩係會嗌個滑蛋多士做早餐或下午茶

一直都想食四季常餐，但位置實在有點吊腳，天氣又咁熱，lunch去到仲要排隊。今日放工約左朋友係附近按摩，難得係附近而又唔洗排隊，終於有機會食到喇～我點左常餐，蕃茄湯牛肉通粉配炒蛋多士（$48），朋友點左晚餐，叉燒炒蛋飯（$57）。蕃茄湯底係羅宋湯咁嘅，味道夠濃，好味。唯一唔鍾意就係無其他麵底選擇，因個人口味問題，真係唔太鍾意食通心粉。希望遲d會有出前一丁炒蛋夠滑，多士夠脆夠軟，好味朋友嘅叉燒炒蛋飯一樣好味，叉燒夠嫩身平時Lunch難怪咁多人排隊，因為真係幾好味，價錢又合理

第一次同朋友嚟食四季常餐，之前已經係飲食男女見過佢嘅介紹，趁lunch time約左佢地一齊食，真係約出名下，夏日炎炎等左4個字終於有位。知道佢嘅常餐忌廉雞湯配火腿湯好出名，所以坐低就揀左，食落佢個湯好濃好creamy，但又未至於太咸，通粉都幾彈牙。炒蛋又係佢嘅強項，好滑而且好有蛋味。多士就正常表現不過不失。最後唔小得奶茶，佢係預先雪凍嘅，冇落冰溝淡，所以茶味冇俾冰水溝淡夠濃，不過我覺得就有啲太甜。

喺中環開完會已經六點幾，食啲嘢先返屋企。難得去中環要食啲平時冇乜機會食嘅餐廳，但係又唔想去fine dining🤔快快趣趣食完走人！ 於是醒起中環開咗間四季常餐 💡 記得個chef係讀完藍帶廚藝學院嘅烹飪班，夠膽喺中環開常餐？一於去試下！一早就知道呢個滑蛋遠近馳名最出位！ 梗係要試啦 大家可以睇下個餐牌，其實佢種類唔多，都係得十款左右。 所以應該要做得好好食1） 滑蛋牛肉飯： 首先個蛋真係好滑， 但係我覺得佢炒都唔夠熟出咗好多水。 牛肉嚟講呢，同你哋去飲茶食嘅<山竹牛肉>味道好相似!2） 番茄牛肉通粉 常餐配有滑蛋厚多士： 通粉係有坑紋大粒嘅， 番茄醬真材實料但偏向酸。 呢個常餐配嘅滑蛋多士 高水準3） 煎肉餅飯配秘製豉油： 因為未必會再返嚟食，所以叫多一個測試下先😆 呢個其實煎得好香，不過鹹！兩個人食三個餐，喺中環埋單呢個價錢算好合理 👍

位於威靈頓街的四季常餐、午飯時間超多人、等了差不多十五分鐘才能入座。餐廳座位不多、不過人流速度算快。點了常餐 $48 牛油多士香脆、滑蛋好香滑啊。但番茄牛肉通粉份量也多、牛肉片軟滑不過不失、幾多蕃茄粒、不過茄湯就略嫌太酸了...友人說之前吃沒那麼酸友人點的滑蛋义燒飯$54 賣相不錯、滑蛋做得很好很滑、义燒軟稔帶蜜味。跟餐有飲品送 這個價錢以中環來說也合理。如果不想等位可以叫ubereats 或者網上外賣平台 也很方便

因為住附近 經常會來食早餐 最鍾意就係芝士咸牛肉滑蛋治（餐包做base) 芝士加上出名既滑蛋好creamy 蛋好滑 蛋味濃 再加上咸牛肉既咸味 好perfect 好足料 一食落去 d餡會爆曬出來但食耐左會容易覺得好溜 感覺上都唔太健康另外要推薦既係忌廉雞湯火腿通 唔係一般既忌廉湯味 飲得出湯底係自己用肉煲出來 味濃但唔會溜餐廳會播香港經典廣東歌 係食過會番尋味既一間茶餐廳

真心！中環最好食常餐！雖然，佢要$48，凍飲加$3，唔係特別平。但係門口成日都超多人等位，所以我平時都叫外賣。今次堂食唔會好逼～上餐速度超快！首先講個多士，好夠熱，佢好軟熟。炒蛋好滑，味道剛剛好，唔會太喊。另外是cream soup火腿通，一般茶餐廳冇呢個汁的通粉，所以我黎到必叫呢個。佢唔係好人「傑」個種汁，其實都係湯黎，同通粉好夾。最後講個凍奶茶，佢係冇冰架！所以唔會溶左溝淡左味，同埋佢唔會太甜，欣賞！

中午去開中環見, 順便約舊同事lunch來個快聚。舊同事話好耐冇食過, 提議食四季。本先孤漏寡聞都唔識呢間茶記。12:45去到先發現超多人排隊, 等左20分鐘先入到去。等緊嗰陣又肚餓, 真係心諗有咩咁巴閉。當真係食左第一啖就知到有料到!!個飯賣相係非常吸引既! 黃紅綠白顏色豐富, 望到係會好想食~先講叉燒, 半肥瘦肉質鮮嫩 , 咬落鬆軟有淡淡既豬肉香味蛋炒到啱啱好, 滑滑溜溜, 仲保留左蛋汁。飯就正常, 冇話特別香, 屬中上水平啦。個飯唔大。當濃濃既蛋汁撈埋個秘制豉油一齊食, 再加埋荵花爽爽地既加持, 碟飯真係一下子就食晒! 大滿足!午餐叫埋凍飲都係 $60, 係中環來講算係唔貴。再加上佢係好食既, 所以都要俾個讚!!

We went to this restaurant for lunch in Central today as we were finding something light.The scrambled egg was good, which can be compared with the famous “澳牛” because the texture is so smooth and tasty. The toast was nice too . It’s chippy and yummy.The whole set of the lunch set only cost $51 with noodles, eggs, toast and drink. Although the noodle was soso but it’s nice overall