嘉寶漢堡 (已搬遷) 新店位置

唔知第幾次食喇，係我最喜愛嘅漢堡店。今晚毒毒前來試左個凱薩雞堡($39)加薯角同薄荷茶(+$15)。一聽凱薩兩個字可能會覺得好dry，但食落並非如此。主菜煎雞扒嫩滑多汁，大塊，脂肪唔算多，咬落唔油膩，凱薩沙拉醬同生菜令整個漢堡變得清新，加上沙拉醬啲黑椒做調味，同雞扒好match，有慢煮雞扒嘅味道，仲有凱薩沙拉啲麵包丁添！薯角照舊新鮮即炸，分量多，個人覺得唔點醬汁更好味，再配上薄荷茶降低罪惡感。不過都係喜歡蕃薯條多啲姐～總結：保持水準，繼續返轉頭。

平時有返咁上下質素嘅burger餐都接近成百蚊起跳，呢到價錢較親民，只係六七十大元就有套餐啦😬 但用嘅牛肉同雞肉質素都不相伯仲👍🏻 而小食嘅薯條薯格都整得好香脆，性價好高，一直都keep住有人入店。留意番座位比較少，所以太多人就未必岩❗️黑松露芝士牛堡 $50 + $15 薯條加汽水凱撒雞扒堡 $39 + $15 薯格加汽水總評🔮食完可再食

做運動為左食更多 XD 做完運動之後呢次去左朋友推介既漢堡店... 好抵食～ 好味～ 服務態度仲超好添～ 即叫即整記得耐心等候～ 套餐：芝士牛堡 番薯條 椰青水 芝士漢堡包好軟熟... 漢堡扒唔硬... 仲勁多芝士... 底仲有洋蔥... 好多醬既洋蔥... 婆仔比較鐘意食無醬既洋蔥圈... 簡單但好食～ 番薯條更健康... 哈～～ 唔理得咁多... 岩岩炸起好味又熱又香口... 就算凍左食都唔油～ 做完運動飲椰青水比飲汽水好～ 朋友推介... 所以幫朋友外賣一份～下次去運動完都來幫襯下試下其他漢堡～

話說呢一間已經係成為咗我食港式漢堡嘅number 1好記得我上一次嚟食仲要係平安夜哈哈哈哈哈雖然尖沙咀嘅分店距離地鐵站有啲距離但係亦都無礙我對佢嘅熱情今次一早約定左放工要同男朋友黎填肚一打開門就已經見到好多人今次我哋一樣叫咗兩個都係牛肉嘅漢堡首先要左一個烤布利芝士牛堡另外一個就係香辣煙肉蘑菇芝士牛堡由於之前黎食過所以知道佢加套餐勁抵所以今次就即管轉晒兩個套餐一個要薯條一個要薯格而且呢度仲要勁正只要加$5就可以要椰青水做嘢飲!!!咁首先講講我自己嘅烤布利牛堡本身第一次嚟睇餐牌嘅時候都唔知烤布利點解,原來佢係一塊好厚既cheese 放上去烤熱既牛肉上面又邪惡又滿足而且佢嘅牛肉一啲都唔會鞋口個漢堡仲要係有烘過!!!配合埋新鮮既生菜同蕃茄必食!!!跟住我男朋友既所講佢話佢嗰個香辣煙肉蘑菇牛堡入面啲蘑菇係多到會瀉出黎!!!而且牛肉又好香完全唔似呢個咁平嘅價位就食到嘅一流水準自己薯條每一次都係新鮮炸起仲要係我最鍾意嘅外國type 薯條勁長直身果d 好希望下一次可以試吓佢嘅炸燒賣同其他小食!!!

試過香港不少的漢堡店，好多都要百元起跳，所以想吃高質又價錢親民真的不容易。係尖沙咀嘅嘉寶漢堡就符合哂以上要求。食物麵係即叫即製，非常新鮮，每款漢堡加15蚊就可以轉套餐（小食及飲品）十分抵食小食可選：薯條/薯格/燒賣/炸燒賣飲品：汽水/茶/薑蜜/柚子蜜 其他就加錢轉黑松露芝士牛堡（$50）真係超抵，平時食牛肉漢堡起碼要$6-70，漢堡Juicy，黑松露醬好香又唔會搶左肉味，輕烘麵包香脆，全部都好夾香辣孜然羊堡+烤洋蔥（$42）平時好少食到羊肉burger，微辣嘅醬汁濃郁，有少少蓋過羊味即炸厚切薯條，份量十足，比薯格好食店內座位唔多，雖然唔喺大街，我地下午茶時間去，都keep住有客人，好彩唔洗等位

😍🤗用心又高質漢堡小店平日返工成日想食都食唔到，搞到成日心思思囉囉攣，對佢想了又想，終於的起心肝去左食止一止個心癮🙆🏻‍♀️-☆ 烤菇芝士牛堡 HKD$55未食已經覺得好吸睛🤩，有芝士蕃茄大啡菇洋蔥同牛肉漢堡。 包係烤過嘅十分香脆。芝士非常澎湃瘋狂流心，係車打芝士嚟嘅。大啡菇超大塊，菇肉厚實有肉汁😚洋蔥亦一啲都唔hea，係炒過嘅亦食得出係有醃過甜甜地。主角牛肉漢堡非常突出，係剁碎左既牛肉再整成漢堡，唔會太乾好有口感。份量超多，基本上女仔一啖係咬唔哂成個包嘅，好足料超正👍👍-☆ 烤布利芝士牛堡 HKD$50非常驚豔🤠😇起初唔知心諗點解個包有塊蛋嘅？原來嗰塊係Brie cheese，可想而知塊芝士有幾咁厚，好crazy😆！烤過既布利芝士內脆外軟，一啖咬落去芝士呈半溶狀，成個口腔都被芝士包圍，超級juicy味美🤤加上有我最愛既沙律醬做醬汁，配埋生菜蕃茄一齊食超fresh呀🤗-另外加左15蚊套餐，配有厚切薯條同可樂。薯條粗身大大條，絕對好食過大型連鎖漢堡店~-☆ 總括而言絕對係一間有誠意心機既小店，咁既價錢有咁既質素非常超值👏 食完覺得非常滿足，絕對值得大家去支持下哩啲有質素本地小店👍👍

•ᵂᴱ ᴬᴸᴸ ᴺᴱᴱᴰ ᵀᴼ ᴹᴬᴷᴱ ᵀᴵᴹᴱ ᶠᴼᴿ ᴬ ᴮᵁᴿᴳᴱᴿ ᴼᴺᶜᴱ ᴬ ᵂᴴᴵᴸᴱ -好好食 好大份 價錢好親民💯$50 價錢食到出面所謂既百幾蚊一份burger !薯條係粗薯而且炸得好好食🥰-今次試左3 款burger 🍔 :1. BBQ菠蘿雞排堡🐔🍍$362. 烤菇芝士牛堡🐮$523. 烤布利芝士牛堡🐮$48-每叫一款Burger 可以 +$15 轉套餐包括一款小食 & 飲品🥤· 小食任選一款：🍟薯條/薯格/蕃薯條/ 燒賣/炸燒賣· 飲品：除左汽水仲布道地綠茶、解茶等🍵岩晒唔飲汽水既我-我中意既係BBQ菠蘿雞堡🍍本身都好中意食有菠蘿既漢堡同pizza 雞排好厚身 菠蘿好juicy 個口感超正-烤菇牛堡都好好食啊 勁大片菇 絕對唔係切細片hea你個種 牛肉不錯 👍🏼 呢個價錢食都咁足料既牛同烤菇 第二到搵唔到-布利芝士係真係一大片厚身芝士 本身淨係中意食溶左既芝士 所以覺得一般 不過中意食芝士既你一試無防 夠特別-套餐簡左薯條🍟同薯格兩樣都係大大份 即炸 新鮮滾熱辣🤤另外仲+左$10 食雞翼係超好食 未食過咁好食既雞翼 大家一定一定要尼試呢到既雞翼🤩🥳-🍽 ！-#

自從發掘咗尖沙咀呢間burger 之後，每次諗唔到食咩我都會帶朋友嚟呢度😂😂😂Burger最抵食$35 起跳，但質素已經高過m記同埋紅磡嘅時新多多聲！！我每次都會加$15連小食飲品，因為佢啲小食選擇奇多，蕃薯條、炸燒賣、薯格呢啲都有，而且分量好多！我今次揀咗大菇芝士牛肉漢堡，牛肉十分juicy 朋友揀菠蘿burger都忍唔住要食我嗰個幾啖，真係必嗌！！飲品方面今次揀咗熱嘅伯爵茶，茶底濃淡適中，我鐘意！😚😚呢餐真係食得好滿足~~😋

其實已經喺呢度食咗好多次 但係一直都好懶冇寫到食評 首先講講個漢堡先今日係食菠蘿雞扒漢堡 中間有啲好濃味嘅bbq醬醃過嘅洋蔥個漢堡包仲好脆 入面塊雞好完整係連雞皮嘅連埋塊菠蘿都好有誠意又煎過下 仲有生菜同蕃茄呢d必備野總括嚟講係好好味而且口感足 唯一要彈下嘅就係因為菠蘿實在太多汁 佢張包住漢堡包嘅紙太細成日整到周圍污糟曬 不過間舖頭都好貼心有準備咗紙巾任拎 另外一個係芝士牛肉菠蘿漢堡 啲牛扒 係自己整嘅 不過略嫌都係碎咗啲 芝士會整溶咗黐住塊牛扒 再加啲生菜番茄成個包咁 味道好好 仲要大大個 性價比超高就算加埋菠蘿都只係45蚊 我老公每一次都係食呢一個 之所以話呢間係性價比超高嘅本土漢堡包店 真係冇講大話 只需要加十幾蚊就可以食套餐 其他所謂潮嘅漢堡包店 求其加個薯條都要30蚊 呢度個套餐仲好多選擇嘢飲有好多種 又可以揀薯條 薯格 燒賣 炸燒賣如果加多五蚊仲有我最鍾意食嘅炸番薯條㖭 今次我仲有加十蚊試埋癡然雞翼 不過d雞翼 誠意就夠 味道都唔及譚仔三哥 雖然舖仔細細 但係環境都唔錯 仲會得閒播下英文歌 得閒去食下都係賞心樂事

經朋友介紹嚟試一試 一試就愛上！一間小店 但係性價比好高兩個人一人嗌一個包餐 就有兩款小食一款係蜜糖芥末菠蘿豬堡 另一款係烤菇芝士牛堡 再加薯條同炸燒賣做小食個人第二次食佢嘅菠蘿漢堡 不得不讚個菠蘿好鮮好甜好好味 而豬肉又厚身 加埋蜜糖同芥末好夾好好食 而烤菇芝士牛堡同樣出色 個菇整到好juicy 而且好香單單漢堡都食得出佢地好用心 新鮮熱辣辣即叫即整 啖啖肉啖啖juicy juicy到可以食到爆汁！而小食同樣好出色 佢個薯仔真係100分 好香脆 而如果你中意仲可以加佢地嘅shake shake粉 不過自己覺得各有各好味 就咁食佢嘅薯條都好滿足 大大條又厚身 但係又做到脆嘅效果！讚！而炸燒賣都好好食 脆卜卜而且燒賣味好香！平時好怕出街食食啲會覺得好油嘅感覺 但係依間冇 雖然啲肉係即煎啲小食都係即炸 但係唔會有食到成口油嘅感覺 絕對一讚！

久聞小店的港式漢堡包以慢煮而著名，今次趁周末特意早一點走來潮聖，幸運地即時有位坐。位子不多，眾食客都有默契食完就閃。快脆點了「黑松露芝士牛堡」及「香辣煙肉磨菇芝士牛堡」配薯格/炸燒賣連飲品套餐。看著半開放式廚房，聽著油炸聲此起彼落，令貓人早已滿心期待。大約等候約8分鐘，店員將兩漢堡送上來，「黑松露芝士牛堡」包如其名，黑松露醬香味四溢，而不會蓋過漢堡扒的牛肉味，包邊微烘帶脆口而不會乾身。至於「香辣煙肉磨菇芝士牛堡」，微辣口感中感受Juicy軟腍的漢堡牛，體驗慢煮精髓。套餐伴隨的小食炸燒賣，外脆內彈；熱氣騰騰的薯格新鮮即炸，帶點邪惡美食感！

呢間係朋友極力推介，話一定要去食下既嘉寶漢堡！懷住期待既心情，搵日係尖沙咀就go eat la~~間店位置有啲偏，但其實都好近大街，想食好野，行多兩步都值得啦！呢度係先落單，堂食搵到位，店員會拎食物俾我地，坐位唔太多，有啲迫，坐滿晒客人，果然好受歡迎～講返食物先，蝦牛堡,超大塊蝦餅，好彈牙呀，好鮮好好味，超推介！香辣煙肉蘑菇芝士牛堡，呢個都唔錯，醬汁辣辣地，配埋蘑菇、芝士，好juicy!兩個包都係可以加$15 做套餐，配薯條或薯格，仲有一罐汽水可以揀～薯條比薯格出色，粗薯條即炸好脆熱辣辣好yummy!

位置比較偏左小小， 鋪頭細左d， 碰上繁忙時間會食得唔舒服。 我食黑松露漢堡加蕃薯條， 超級好食。 塊手工牛扒多汁鬆軟！ 可以要求加配料。 一個套餐有包有薯條有野飲都係70$左右！ 真係平靚正 抵食！

平時經過見到呢間漢堡店 於是今次就黎試吓依間漢堡包店喺尖沙咀比較入嘅位置所以如果唔係特登去嗰頭都未必會見到但係呢度嘅價錢同味道係尖沙咀來講算係數一數二嘅漢堡包店呢度價錢一啲都唔貴大概$40左右一個餐同麥當勞食嘅差唔多當然呢度嘅味道就好啲啦 漢堡包係即叫即做嘅所以都唔存在會凍哂嘅問題 另一方面呢度亦都有手撕雞慢煮牛肉等等漢堡包種類亦都幾多 呢度嘅甜番薯條亦都唔錯分量幾大可以比三四個人share總括嚟講呢間係一間位於尖沙咀個人幾推薦嘅漢堡包店性價比都唔錯味道亦都幾好

今日黎到尖沙咀行街，已經諗定要食bookmark左好好好耐既嘉寶😌😌呢間小店出名好味價錢相宜☺️所以吸引到唔少人！果日中午十二點幾去到，舖頭細細已經坐滿人，原本想堂食🤤但唔知等幾耐所以外賣，拎係手食就一定要輕便😌😌所以食個簡單既芝牛堡就算🤪等左幾分鐘，新鮮滾熱辣既包黎啦🍔當然相機食住～🤩🤩個包輕輕烘過，暖暖地少脆，有芝士蕃茄生菜洋蔥，配合適量既bbq醬，呢個組合簡單得黎又穩陣🤤最重要係厚厚既漢堡，男朋友食得出係手打既，係唔同啲👍🏻開頭咬落去略嫌漢堡有啲乾😌相都應該睇得出～後來唔知點解愈食愈juicy😳😳愈食愈多肉汁喎😍😍😍令到成件事好好食！好滿分！下次要試埋其他包丫～～～～～❤️