嘉寶漢堡 (已搬遷) 新店位置

之前聽過隱世小店嘉寶漢堡，仲諗住而家咩餐廳都會話自己係隱世，所以無特別期待，絕粹對小店漢堡有興趣因為食左少少野既原故, 只係叫左一個烤菇芝士牛堡$55蚊, 再加$15就可以有個蕃薯條。$70蚊有個burger餐, 都算係正常價黎既。噴到香噴噴既牛堡, 烤脆左既麵包皮一拎上手已經急不及待要試一啖。就係因為呢一啖, 整層味道包括左脆得黎又軟熟既包, super juicy既大 啡 菇, 車打芝士, 瘋狂千島醬, 繼續有緊鎖美味汁既牛, 烤得好淋同甜甜地既洋蔥, 加少少生菜, 好好味呀!!!! 雖然你會話呢種菇加牛既組合去到邊都有啦, 味道一定唔會差啦, 但我會話呢個漢堡只有嘉寶可以做到既味道! 頭先話正常價, 但食完覺得講緊大話, 因為直頭係抵食, 份量亦都唔會食唔哂。另外個蕃薯條又係極品, 熱熱地, 脆脆地就咁食同個堡幾夾, 甜薯唔點茄汁已經好好味。店面好細, 大約只有10個位左右, 地理位置唔算方便, 但係! 因為呢個味道難忘既漢堡, 會再回頭指數達99!

除了連鎖快餐店外，吃漢堡的其他選擇。點了蜜糖芥末菠蘿雞堡，加$15 轉套餐 (選了薯條，洋甘菊茶)，加$10再追加炸起士。一個字形容，正！薯條很厚身，剛炸好，是熱的，很好吃。菠蘿鮮甜，多汁，雞扒表面有煎過，配菠蘿，芥末一起吃，很好吃。炸起士就一般，起士味挺濃，但沒有拉絲，而且很小顆。

好耐無食burger，見到呢間burger零負評專登過黎試下。真係好好食，係到推薦比大家平時食開d大牌子嘅burger，選擇都好單一，多數係牛肉，雞，魚之類黎到呢間雖然鋪頭細細但估唔到佢選擇都幾多，仲有羊肉食我叫咗牛肉burger拼炸燒賣，朋友叫咗個羊burger拼薯條Burger鋪頭有得食炸燒賣真係好少見但又好好食wo，炸燒賣加d胡椒鹽呢個配搭一流朋友個羊burger有羊味之餘，又唔會太臊，好好食我個牛肉就正正常常，不過整體黎講都比起坊間嘅高質覺得唯一缺點係鋪頭真係比較逼出入好容易撞到人同埋油煙味比較勁建議如果要試嘅話可以take away

講到明小店就一定係鋪頭好細，其實呢間鋪冇乜位坐，又坐得唔舒服，更加唔好講環境情調裝修。但係你唔好理佢嘅漢堡包性價比真係超高。如果你要同麥當勞比較，就咁睇餐牌價錢唔平，根本唔使比。要睇返佢嘅質素，呢個漢堡包無疑係一個高質嘅漢堡包，牛肉味濃郁，煎得非常香口惹味，配搭黑松露醬表現相當穩重，其他地方可能賣緊$100一個，喺呢間應該好難話佢唔抵玩。加埋佢尖沙咀地段，亦要加分，如此就打造成為一間極高性價比的漢堡小店。比較可惜嘅係其他小食質素一般，但無壞，漢堡就是這間店的靈魂。值得試👍🏻

今次同💁🏻‍♂️又去探索小店，夜晚已經要排隊，小店坐位小，枱同枱之間既距離細，基本上係人貼人坐，好彩嗰日唔係太熱。。如果唔係同全身汗既人手貼手。。。。😅😅😅😅😅講番嘢食先，依度除左豬牛雞，竟然有羊，本身我個人唔鐘意羊騷味，不過💁🏻‍♂️都叫左個一試😂😂係叫左嘢食俾錢再自己拎既，個牛堡竟然用大啡菇，雖然個牛唔太多肉汁，不個個漢堡包個包好食，加上熱溶既芝士同蕃茄，依個價錢，ok na 喺尖咀嚟講羊肉都無太勁騷味，同樣都做得幾好，咬落去口感良好炸燒賣同蕃薯條一般，有機會再試下chips 先總括嚟講，小店食物質素ok,有誠意，要支持一下！

今日去尖沙咀shopping 加按摩 平時每次去做按摩都見到嘉寶漢堡 d漢堡包好吸引今日終於同朋友去試今日星期日 好多人下 要排隊等左大概10-15min 終於入到去 鋪頭係小店 唔係好大間 迫迫地我就叫左個芝士牛肉漢堡 加$20轉左做套餐同沙律 漢堡包個包好包皮好脆 塊牛肉又厚又多汁但個沙律就。。下次都係食返薯條🤪

今日瘦編要去理工大學，去之前經過尖沙咀買左個漢堡飽醫肚！🤣-我揀左蜜糖芥茉菠蘿豬堡加烤洋蔥同芝士。佢有勁多汁，好juicy，好易流出黎。菠蘿片好厚好大片，都好多汁。塊豬排都好多肉汁，所以成個飽真係好多汁！😂🐷-雖然係貴過M記啲飽超過一倍，但真係物超所值嘅。個蜜糖芥茉汁同豬排個味好夾。👍🏿-味道評分▶️🌕🌕🌕🌕🌗 (4.5)抵食評分▶️️🌕🌕🌕🌗🌑 (3.5)回購評分▶️️🌕🌕🌕🌗🌑 (3.5)-➡️嘉寶漢堡 (尖沙咀)📍尖沙咀金巴利道78號金輝閣地下A號舖

好耐好耐好耐無食漢堡包，真材實料足足6層漢堡包，層層都有唔同口感，夾埋就係肉汁豐富，香脆美味😋單隻芝士漢堡🍔 $39，+$15可以變套餐🍔🍟🥤 我揀咗香脆薯格配熱柚子蜜～ 估唔到薯格好大份，食到一半已經feel到好飽，但又太好味，最後都食曬🤪🤪 但我發現漢堡包配汽水或者啤酒會夾啲，打完嗝就會落隔😂😂店鋪雖少，大概容納15人左右，但上菜速度快，所以唔使排好耐隊就入得🥳🥳真正嘅🍔專門店😍

今日lunch 行過見到逆就去試下近排都開左好多漢堡店這一家整體來說不錯牛肉不是機俟做出來的死實，有牛肉的香味和質感，醬汁配搭得剛剛好唔會太乾，薯條又炸得脆脆的！價錢合理味道好好食地點好找

友人介紹漢堡包小店。今次試芝士牛堡，牛肉充滿肉汁，夠哂juicy, 仲夾咗炒洋蔥，風味一流，包底脆脆地，好正，相對包面比較平淡。朋友試蜜糖芥末菠蘿牛堡，就更加juicy. 加$15就有薯格或薯條或燒賣連飲品。今次配搭薯格，下次要試炸燒賣及炸蕃薯。總的來講，非常值得推薦，比起連鎖漢堡包店，這裡性價比高高高。至於價錢，又比起那些過百蚊的漢堡，食得開心多多多。

朋友好鍾意食burger，所以搵左呢間好似唔錯既burger, 我係美國食過shake shack, in-n-out，覺得都唔夠呢個好食！重點係佢價錢平，除左薯條汽水外亦有好多選擇，啱哂想食burger 但又馬馬地薯條汽水既人🤣-🍔芝士牛堡🍔 $39係認真又厚既牛肉！芝士溶哂落去，仲有蕃茄烤洋蔥生菜千島醬，絕對唔dry，係店內最平但又好有代表性既burger-🍤日式芥辣蝦堡🍤 $42炸蝦餅爽滑彈牙，同樣有蕃茄生菜，仲有日式芥辣少少刺激，好夾！-炸燒賣新鮮炸起熱辣辣，表面有啲椒鹽，係港式既味道🤤啱哂唔鍾意食薯條既人-番薯條 +$5同樣係新鮮熱辣，好特別，甜甜地，幾得意-好好食，一定會再翻黎食！唯一唔好係環境逼左少少

忙裡偷閒的下午，逛尖沙咀醫肚。見到漢堡飽店 ，門外貼左一些介紹特色漢堡的圖片，圖文並茂頗具吸引。我試左香辣孜然羊堡 ，另加$15可配薯條和罐裝汽水。羊肉漢堡不太辣，羊肉配左香料，不覺羊肉有羶味，很好吃 ，薯條炸得十分鬆脆。這餐我很滿意。

約朋友在尖沙咀吃東西但普遍都好貴想吃平些又不想等位等好久就要來嘉寶漢堡地點便利又易找！雖然店舖面積不大但是小鳥雖小但五藏具全漢堡是即叫即做非常新鮮！漢堡每個都好吸引好難取捨最後叫了烤菇芝士牛堡看見滿滿的芝士和厚厚的牛肉食指大動一個套餐才$70！配有薯條或薯格和柚子蜜！非常抵食！牛肉多汁嫩口薯條外脆內軟新鮮做的果然不同柚子蜜雖然是加水沖的那種但味道一點也不淡啖啖柚子肉！我看到有羊肉的漢堡外面很少有羊的很特別下次會再去吃想試試羊肉

呢間食店咁耐以黎一個劣皮都冇，於是同朋友一齊試一試係咪咁堅，結果發現，我地又多一間食堂啦首先價錢黎講係贏哂咗多間香港既 burger店，平時單叫一個芝士牛堡，可能都要成60-70蚊，仲要唔一定好食但係呢到套餐(薯格/or 沙律or 薯條 or 蕃薯條 加飲品)連包，兩個人埋單都係一百蚊左右 我地叫左兩個套餐加bbq雞翼包黎講，雖然唔係話去到絕頂好食，但以五十蚊一個餐，可以做到包皮脆 包芯鬆化，生菜新鮮，已經攞得高分唯一美中不足係 牛扒出水出得好勁，擺多陣個飽已經濕哂，反而個雞堡仲可以 keep到而最出色係炸薯格炸到脆卜卜之外入面仲係似薯容既口感 而家諗起都想再食呀我地仲叫左兩隻 bbq雞翼， 雖然雞翼都係炸到皮脆內嫰，但我對 bbq 醬都係麻麻地。下次都係試第二隻味好啲

HAPPY FRIDAY要食好西今日收工要出尖沙咀，想平平食個晚餐。之前聽人介紹葵涌有間又平又正既漢堡包，經OPENRICE睇先知開左係尖沙咀一段長時間所以決定去試一試。漢堡選擇多元化，清楚分左豬、牛、羊、雞同埋蝦岩晒唔同喜好既人士。跟餐+$15有薯條同汽水，除左薯條，仲可以揀薯格、燒賣、炸燒賣、蕃薯條或沙律。我地２人各自叫左個漢堡，分別有：1. 烤菇芝士牛堡 $50首先賣相已經十分之精緻同埋靚，絕對唔似係賣緊四五十蚊貨仔既漢堡牛肉漢堡好厚身，有成1CM咁厚，配合本身大啡菇烤完好多既水分，令本來已經十分JUICY既牛肉漢堡更加多汁美味。一路食，一路滴晒ｄ汁出黎，仲有已經融晒既芝士同沙律醬，令人食得幾狼狽而個包既包邊烘得好脆，中間鬆軟，食到最後個包已經食晒，淨返舊肉，可想而知塊肉有幾大2. 香辣煙肉蛋羊堡 $52實物如圖，冇PS過，真係咁高咁厚，一啖真係咬唔晒成個包同樣地羊肉漢堡一樣多汁JUICY，而且唔會好"SO"，怕食羊既我都可以接受到。整體黎講，兩個包都一樣咁高質3. 薯條 / 薯格 (跟餐$15連飲品)即叫即炸，熱辣辣好好味新鮮野永遠比炸定既好。２人埋單都係$132，好抵食又飽肚