189
20
2
港鐵佐敦站 D 出口, 步行約8分鐘 繼續閱讀
所有分店 (2)
電話號碼
95214405
開飯介紹
漢堡扒以牛肋條切碎而成,並以慢煮方法烹調,令肉質軟腍多汁。此分店更特別推出慢煮雞扒堡系列。 繼續閱讀
營業時間
今日營業
12:30 - 23:00
星期一至日
12:30 - 23:00
付款方式
AlipayHK 支付寶 現金 八達通
其他資料
當面支付
食評 (254)
等級4 2020-06-30
490 瀏覽
🐻上次同𡃁妹做完facial ,覺得幾靚靚🥰,買左個course,以後每個月都會去尖沙咀一趟,勤力啲做面扮靚靚。📌做完面去到6,7點,正直食飯時間,緊係孖埋樹熊去食好西喇。📌今次試下係尖沙咀區出名的平民漢堡小食店《嘉寶漢堡》,地點有點偏遠尖沙咀中心,熊妹睇地圖📍唸左好耐應該點行,不過由樹熊帶路就無有怕。原來由美麗華商場出發一直沿著金巴利道一直行一直行到尾去到漆咸圍就見到《嘉寶》喇。📌店鋪小小,幾個bar枱位,一張四人枱,一張二人枱,地方有點淺窄。📌大概7點到達,正直晚餐時段,所以都等左起碼45分鐘先有得入坐,要堂食真係要早啲黎排隊。📌以豬、牛、雞、蝦、羊做漢堡饀料,任君選擇,價錢$36-$60,加套餐$15,包一款小食及飲品,小食可揀薯條、薯格、燒賣或者炸燒賣,另加$5可選炸番薯條,都幾抵食。黑松露芝士牛堡,$50📌一望個餐牌,黑松露牛堡一定係熊妹的囊中物🤩。滿滿的黑松露醬澎湃的湧出來,接都接唔住,真係要小心翼翼咁食,如果唔係會浪費哂咁美味的食材。牛肉漢堡排煎得香香的,肉質係超軟淋,夾埋一片溶溶的芝士🧀,一片新鮮蕃茄🍅同一片生菜🥬,仲有塗上少少沙律醬係包面,各種口感的配撘就係漢堡包🍔的滋味喇!芝士牛堡,$39加煙肉,$7樹熊揀左最簡單的芝士牛堡再另加煙肉,咁先食哂自己想食的野。同樣地牛肉漢堡有齊牛肉漢堡排、芝士、蕃茄、生菜,而家加埋煙肉脆脆地又咸咸地,多一層調味。蕃薯條,薯格跟餐小食揀左蕃薯條,另加$5,同薯格。蕃薯條好惹味,蕃薯肉淋淋的,肉質甜甜地又夾埋鹽份,又甜又咸,唔點任何醬汁已經好滋味。薯格炸得幾脆喎!放耐左唔會變淋,點茄汁真係好味!炸燒賣,$14另外再額外點埋炸燒賣,本身熊妹已經好鐘意食炸燒賣,估唔到《嘉寶》都有做呢款小食,當然要試下喇。本身魚肉燒賣炸得變得香口,更顯肉質的煙韌,再灑上椒鹽,堅係正呀,另外配上少少沙律醬,不過熊妹覺得就咁食已經好夠味,加上沙律醬就有點多餘了。炸芝士條,$10跟餐可追加$10有兩條炸芝士條。呢款小食就遜色了點,外表係炸得好脆的,但炸皮比較厚,食落一扁扁炸粉團,內裡的芝士相信係mozzarella cheese,無咩芝士味的,要做到拉絲的效果係要用上mozzarella cheese,但要芝味特出就係cheddar cheese,所以一般都會兩者兼用先能做出拉絲芝味的效果。不過價錢咁平,都不能要求太多。雞翼(BBQ),$10大食樹熊不嬲都鐘意食雞翼,見到十蚊兩隻點都要食埋喇。雞翼本身炸起,雞肉都好嫩滑。揀左BBQ味,原來係雞翼撈上BBQ醬,醬汁味道太濃烈,而且成隻雞翼都係浸滿醬汁,蓋過了雞翼的味道,成口都係BBQ醬汁,早知點原味簡單啲。BBQ菠蘿雞排堡,$39加芝士,$6📌大食樹熊食一個堡又點會夠飽呢?點都要食多個雞排先塞得飽佢個肥肚。試完牛咪試下雞囉,樹熊話雞排一定要跟芝士先好味,所以另加芝士,$6。揀呢個雞堡吸引之處係塊厚厚的菠蘿片,超多汁又甜又厚肉又清新,可以解解漢堡的油膩。雞排煎得香香,肉質新嫩,加埋蕃茄,生菜,又另一番風味。不過又係味道濃烈的BBQ醬,食到漏哂醬汁出黎,亦搶了不少雞堡本身的味道,樹熊同熊妹都提議點原味沙律醬或者走BBQ醬比較好。罐裝汽水,跟餐價,$0跟餐汽水,樹熊點了最愛的可口可樂,本身好怕飲肥仔水的熊妹都不得不點返一罐零系可口可樂送漢堡薯條,因為食呢啲炸物肥膩餐真係要飲返啲有汽飲品gur一gur去。📌整體來講,各款漢堡小食都做得幾出色,以咁平民的價錢食到燒鵝的味道,仲要係尖沙咀地段,簡直係街坊生意,不過地方窄左小小,可以外賣🥡拎走返屋企慢慢歎。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-24
570 瀏覽
早前去金巴利道食韓燒,經過附近就看見這間舖頭排長龍,上網查返原來是一直很受街坊歡迎的嘉寶漢堡😍 之後一直很想過來試試,終於有時間和朋友一齊去食~當日7點半去到,大概等了九個字才入去😖 好在食完都覺得冇浪費時間等☺️這裏的漢堡都不是太貴,介乎$39至$60,即使加$15轉成套餐,都低於很多手打漢堡店。——————————🔹 烤菇芝士牛堡 $55朋友本身喜歡食大啡菇,就叫了這個烤菇芝士牛堡☺️上菜時,真的被漢堡的高度嚇親,半溶的芝士亦令人興奮😛朋友表示份量大到要壓扁漢堡,先食得到所有的食材😂 牛肉本身混合少許洋蔥粒,所以食起來不會太鹹;烤菇中和牛肉的鹹味,再配合菇的水份,令整體口感豐富,食完都不覺得好肥膩🤪 這個價錢值得再encore👍🏼👍🏼👍🏼-🔸 蝦牛堡 $60我就叫了最貴的蝦牛堡,未食已經聞到好香的蝦味😍 在蝦餅裏看到有幾隻蝦,味道鮮美而彈牙;牛肉同樣很厚身,保持了入面的肉汁😋不過,始終覺得這個蝦餅味道太突出,搶走牛肉的香味,因為兩者都是鹹🧐 下次都係分開食呢兩樣。-🔹 薯格平時食漢堡會配薯格和可樂,加$15就滿足晒我願望👍🏼 這裏的薯格都是即叫即炸,拎上手小心辣親!每塊炸到外脆內軟,同朋友share都夠食😋-📢 唯一不太滿意的是,食完會成身油煙味😖 希望餐廳的抽風設備可以做得更好。 繼續閱讀
(以上食評乃用戶個人意見 , 並不代表OpenRice之觀點。)
黃店 💛 #嘉寶漢堡 #尖沙咀 #葵芳#最愛漢堡 #沒有之一🟡 多次表明立場🟡 多次罷市🟡 分享文宣🟡 有yellcard、參與「和你包」活動#五一黃金週 第三日,今日去咗尖沙咀順便幫襯一間黃色小店先🐷 我揀咗呢間喺尖沙咀同佐敦之間嘅嘉寶漢堡。其實我已經食過三四次,真係次次都好食到感動🤤🍔 B2 黑松露芝士牛堡 ($50)因為今日一個人出黎就唔嗌餐啦,淨係叫咗一個burger,咁就揀個貴少少嘅啦🤪 之前都係食開三十幾蚊嘅雞扒堡加錢做一個餐,今次就單叫咗個$50嘅牛堡,不過其實比起其他burger店都已經平好多。金拱門都唔少包要呢個價啦~講返個包,黑松露味超級香超好味,醬汁份量好多,食到有少少狼狽(開心嘅!)牛肉應該係手打,超級軟淋,好好味!真心係我食過最好食嘅漢堡,而且夠飽又平。唔關黃藍事我都會繼續食,我愛嘉寶😘 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-05
0 瀏覽
一路都bookmark左呢間漢堡店好耐,有一次經過排晒長龍,睇嚟真係好受歡迎😍由於店內座位唔多,我去嗰陣都排咗20幾分鐘😱 食過就會知點解咁多人排,排咁耐都值得🤪-🧆黑松露芝士牛堡🧀最多人推介係呢個😍 一上到枱已經聞到超香嘅黑松露味,啲黑松露醬多到滿瀉🥺 食落反而冇想像中味道咁濃郁🤔 塊牛份量超足好重牛味🐂 配埋芝士食超級邪惡,但係食到最尾嗰幾啖有啲膩,可能因為味道比較單一🙈 女仔有機會食唔晒🤣-評分:8/10價錢:$50-🥓香辣煙肉蘑菇芝士牛堡🍔呢款嘅配料多咗煙肉同蘑菇,食落層次即刻豐富咗好多😍 煙肉同蘑菇嘅調味料好惹味,唔會好似淨係食到芝士味咁🤭 塊牛一樣份量十足,但係因為醬料較開胃所以感覺冇咁膩🤪 -評分:8.8/10價錢:$50-🥤炸燒賣🍢加$15就可以轉套餐,有一款小食同汽水😋 今次叫咗好多人推介嘅炸燒賣🤪估唔到份量幾多,有成七至八粒!新鮮炸起,外脆內軟😚 配上秘製醬汁,味道似千島醬,食落都幾開胃😆 -評分:8.5/10價錢:$15(轉套餐)-其實仲嗌左個炸薯條,不過味道普普通通,不過不失🤣下次嗌薯格或番薯條可能特別啲🤪-📍 嘉寶漢堡 尖沙咀📍 繼續閱讀
(以上食評乃用戶個人意見 , 並不代表OpenRice之觀點。)
想係尖沙咀食漢堡包,一定會諗起嘉寶小店,呢年好多人推介個到既漢堡,經濟實惠之餘,又好好味道,重點佢係良心小店,必定要去支持下,今次第二次去,比上次失望少少😖餐廳空間比較窄,好多貨品飲品都放哂係地下,客人要跨過貨物先可以搵到位置坐,同埋店員好似冇意要執開貨品讓客人行走,態度還好------1. 芝士牛堡跟餐 $54 6.5/10等左約8分鐘左右,就有得食,但店員冇比飲品我,要我提醒才記得,漢堡賣相唔錯,睇落漢堡烘得香脆,芝士又處於半融狀態,但食落麵包唔係熱辣辣,有點失望,不過牛肉真係幾多汁,可能用左慢煮方式,唔會好乾同埋幾juicy,汁多到漏哂係包裝紙上🤤薯格份量都幾多,但我覺得炸得偏燶,同埋痴埋一舊舊,第一次黎食既體驗較好,今次可能有期望就有失望 繼續閱讀
(以上食評乃用戶個人意見 , 並不代表OpenRice之觀點。)