嘉寶漢堡 (已搬遷) 新店位置

Happy Friday 試一間同事力推的漢堡店到食漢堡。一去到店内已經坐滿左人，好彩等左一陣就有位喇～叫左香辣煙肉磨菇芝士漢堡走芝士～ 再加$15要左套餐～ 有飲品同薯條～ 一拎個包上手，就知個包微微烤過，個面有少少脆身。菇同煙肉煮得岩岩好唔會太乾身，加埋烤洋蔥直頭係完美配搭。 一個好食漢堡，肉係非常重要，而呢個肉雖然唔算好多肉汁，但就有肉味，而且肉質唔會實的的。呢個漢堡，為呢個繁忙的工作星期畫上一個完美的句號，心情靚靚過weekend .

🍔黑松露芝士牛堡$50+$15跟餐🍔抵食漢堡😍份量幾多，食完好飽~麵包質地鬆軟，暖暖地好好食~中間嘅黑松露味道好香濃，份量亦都唔少，啖啖都有🤪夾埋半溶芝士一齊dap，美味しい！跟住到主角➡️牛肉漢堡扒❤️食落係意外地juicy同厚身，肉味亦都明顯，幾高質😍下面仲有生菜番茄🍅新鮮又清爽~.另外跟餐有薯條(/蕃薯條/沙律/炸燒賣...etc)~薯條口感好好，外脆內軟，熱辣辣👍🏻飲品我揀左伯爵茶，茶味唔算好濃，但都ok~整體而言絕對會encore❤️高質❤️.食物質素: 🌕🌕🌕🌕🌘食物顏值: 🌕🌕🌕🌕🌑性價比: 🌕🌕🌕🌕🌘回頭率: 🌕🌕🌕🌕🌘

成日聽人講起嘉寶漢堡🍔呢個名，以為會係茶餐廳式經營，但去到發現其實都幾西式😝，仲有落地玻璃窗，坐係度一路望住街境食都幾好feel🙈呢度啲漢堡都好平，都係$39-60左右，就算轉餐都只係+$15🤩，但絕對冇將貨就價，包皮係有烘，啲牛肉一路食一路有肉汁流出黎🤤，而且漢堡大到我個口咬唔到🤣，食落去真係啖啖驚喜‼️餐廳位置唔算多，而且好受歡迎，七點幾去到好好彩搵到位🙋🏻‍♀️，但走嗰時發現都有幾多人係度等緊🤭------------------------------⭐️推介菜色：1️⃣黑松露芝士牛堡（$50）基本上一黎已經聞到好香既黑松露味🤤，啲黑松露加埋半溶既芝士🧀，完全冇抵抗力🥺，仲要咁平！法官大人我冇野講呀！🤭2️⃣烤菇芝士牛堡（$55）菇係用大啡菇，食落去加埋啲牛肉，個味道係勁香勁鮮甜😍，芝士一樣半溶，一個字，正！😋

蜜糖芥末菠蘿豬堡🍯加5蚊配埋沙律🥗麵包烘得微脆☺️個包好多汁💦蜜糖芥末 再配埋生菜蕃茄 成件事好match😍沙律份量剛剛好 上面灑上芝士粉 脆口既麵包粒 唔錯香辣煙肉磨菇芝士牛堡🥓牛肉味幾濃 再加埋芝士好惹味🔥

選擇多多梗有一款啱心水😌🍔烤菇芝士牛堡$55望住啲芝士就已經覺得好吸引舊菇同塊牛咁上下size如果唔要菇嘅話可以叫芝士牛堡價錢仲再平啲😳$39🍟🍠小食方面可以配薯條、薯格、蕃薯條、炸燒賣🤪、沙律、雞翼等等Burger 夾炸燒賣又幾吸引😬一般套餐價為$15 （小食+飲品）

睇完醫生就要醫下肚尖沙咀有間幾出名的漢堡包店今日就過黎試下餐牌上有好多選擇眼花撩亂樣樣都好想試但係胃就得一個有選擇困難症搞到諗左好耐叫左個BBQ波蘿雞扒堡加15元要埋薯條同飲品等左15分鐘左右就有得食依15分鐘我就周圍望但係開放式廚房實在又愛又恨聞住陣陣香味好想快d有得食如果你勁肚餓千祈唔好黎你會等得好痛苦份量好大雞扒好juicy，大大塊但唔會鞋加埋波蘿中和左油膩感食完唔會好濟薯條又大又粗炸得好香口埋單54元真係好抵食好推介大家黎試下

食得多中餐西餐 有時都會想食下快餐 但次次都係kfc m記呢啲 開始覺得有啲悶..所以決定上openrice搵下有冇咩抵食啲既高質漢堡 見到嘉寶漢堡都幾多所以決定黎試下！平均啲漢堡都係35-50呢啲價位 而我今次試左蜜糖芥末菠蘿牛堡 完全估唔到呢個價錢可以食到出面$60-$70既漢堡咁😋👍🏻另外加$15可以轉套餐 配一款小食+野飲🥤性價比幾高！可惜既係真係都多人 好多時店內都唔會有位 特別係lunchtime😥

⭐黑松露芝士牛肉漢堡($51)+烤洋蔥(+$3)今日終於去左嘉寶拔草😆見好多人介紹過 終於有機會一嚐呢間漢堡小店😻果然冇令我失望😆叫左黑松露芝士牛堡 另外加左烤洋蔥❤個漢堡係即叫即做 所以上檯個時係熱辣辣 好香😆賣相好吸引 見到都流口水💞麵包烘到微脆 一食第一啖 牛肉 芝士 黑松露 生菜 蕃茄 洋蔥多重口感配埋一齊真係不得了咁正！！💞牛肉好厚好juicy 黑松露醬好香 食到停唔到口 勁快就ko咗成個😂-------總括黎講性價比幾高😍夠新鮮又足料👍雖然離地鐵站有少少遠 但絕對值得一試呀👍😆------價錢：$53------評分（10分滿分）味道：9賣相：8性價比：8回頭率：9------餐廳資料名稱：嘉寶漢堡地址：尖沙咀金巴利道78號金輝閣地下前往方法：佐敦站D出口

漢堡呢家野 耐唔耐總想食一下但又唔想下下食m記於是同同事黎黎食左嘉寶漢堡！今次叫左蜜糖芥末牛堡跟set揀左番薯條 必食！😂 因為新鮮熱辣 所以掛住食都冇影到相添！番薯條香脆可口 比薯條好食多了另外都試左薯格 都唔錯 畢竟熱辣辣點都好食啲講返個包 可以話係比上不足比下有餘啦以呢個價位都收貨嘅我呢個有菠蘿平衡返成個包感覺fresh 啲而之前食過芝士牛堡 會香啲睇各人口味啦總括黎講 都okay嘅但真係細細間超少位多人就免了

每次返學都會經過這家漢堡包店，常常都見到出現人龍排隊的情況，由於我本人最怕排隊，所以想試也沒有去試一試這家店的出品。今日經過，竟然沒有人排隊，加上又未曾食午餐，所以立即入去一試。我讓店員推薦什麼食物會令我再次光顧，他指漢堡包和魚柳包均非常受歡迎，於是我點了漢堡包。我覺得一個漢堡包要好食，個包本身同埋他的餡料必須平衡，太多餡料就像在吃漢堡扒，相反亦然，這家店做到這平衡；其次是漢堡扒，我認為只要選料和用心去做，好吃的漢堡肉並不難做，而且不一定要什麼和牛安格斯才好味，那些只是提供售價的伎倆；最後是個包，在香港要自家製的包似乎是有點奢侈，不過其實像交來的包如果好好加工，亦會做到不錯的效果。我就是喜歡這店。

Burger 唔錯啲料做得幾乾身，有薯條同番薯條揀，但唔好expect啲牛肉有牛肉味，因為係無。廚房同埋cashier 啲人態度真係好差，我唔知佢地係Owners 定請番黎。好似唔想serve 你咁，由頭黑面黑到尾，一句多謝都無。整完個burger “小姐，小姐，你自己拎。”😒位置都幾滿，同埋建議可以會recycle 啲汽水罐。見到佢有20個汽水罐直接定落垃圾桶，但其實recycle 就係對面街, 唔使30秒。

之到呢間野係葵芳有間本店，評價唔錯，發現佢開到黎尖沙咀，當然要試一試。嗌左一個黑松露芝士漢堡跟薯格。漢堡係非常之大個，由上到下咁講，包係厚個種，食落去表面烤得香脆，內裡鬆軟；再下面炒面嘅洋蔥，甜甜的，亦加入黑松露味；之後有兩層嘅芝士，咸咸香香；中間嘅牛肉都幾厚，而且多汁；最後生菜亦都幾爽脆。而著格黎到嘅時候係好熱，熱到辣口個種，可口。

CP值非常高的漢堡小店朋友介紹，表示家寶漢堡小店是非常出色，所以慕名而來，小店內座位不多，午飯的時間，都會座無虛席。👍🏼👍🏼香辣煙肉蘑菇芝士牛堡 （$50）加$15可以配小食及飲品。🤤最驚喜的是，漢堡包及薯條是即叫即整，所以送上來的時候，是非常香噴噴，還有熱騰騰的，所以薯條如果即食，會有點熱氣，牛肉非常juicy, 非常軟熟，吃的過程，牛肉汁會不停滴下。整體來說，性價比高，食物質素非常好。下次可以再食。

芝士牛堡。$39既然過來尖沙咀行街，之前bookmark左一間漢堡包店，真係慕名而來。雖然無抱任何期望，但完全無失望。牛肉漢堡夠牛味，芝士亦夠濃郁。夾埋烤洋蔥，真係幾出色。嘉寶漢堡 (尖沙咀)尖沙咀金巴利道78號金輝閣地下A號舖

今日黎到尖沙咀食飯 一心其實諗住食我至愛李家炸雞 點知遇上左佢地day off甘飯都係一樣要食既 眼尾望到嘉寶原來就係街尾 仲要對晤洗排隊喎 仲晤狗衝去試咩😂😂😂😂今日叫左一個比較貴既漢堡 － 香辣煙肉蘑菇芝士牛堡$50 加$15有飲品同小食 甘我揀左最多人推薦既薯格！同行朋友揀左薯條 甘就可以兩樣都試下😃😃😃個包本身係上圖厚一半 完全擺晤落個口到😂😂😂呢到啲漢堡係即叫即整 大概要等五至十分鐘咬落去第一啖我係好滿足 佢講既所有料我都一啖過食到 調味都做得好好 最怕漢堡會死咸 芝士落得一啲都晤省 根本多到會漏出黎我仲食左幾條自製芝士薯條😂😂😂😂另外薯格薯條都炸到好脆 特別推薦薯格 真係好好味 好重薯仔昧 我諗我會為呢個薯格再番黎😂呢到坐位比較迫 侍應送餐係會hi到你 特別坐近廚房既朋友仔 要環境氣氛既朋友仔未必岩另外 鋪仔細細加open kitchen 有油煙係一定的我仍然覺得呢到性價比好高 只係$65蚊就食到啲甘高質既食物👍