喫茶ちょうぼ

營業中

休息中

由日本京都傳入新開日式餐廳，主打蛋包飯特別之處外面由一層蛋包了第2層滑蛋再到入面飯，叫了一個紅酒蛋包牛肉飯，蛋整得都好滑，牛肉入味配上了紅酒汁加上都不錯，賣相都幾靚，餐廳裝修都幾靚，有棵最吸睛的樹在門口

自從搬咗之後都少咗返大埔食嘢😢 原來大埔中心開咗間新開嘅日式西餐🤩 仲要勁多人排隊🚶🏻‍♂️🚶🏻‍♂️🚶🏻‍♂️🚶🏻‍♂️ 今日同屋人 2個撐枱腳去試間新野😆 不過真係好旺場 見咁多人排隊應該都唔會差得去邊🤣🤣 所以我地都照排隊🙈 終於入到去 個環境好靚 好適合約會同打卡😂😂 男仔帶女仔黎一定加晒分😂😂 坐低打開個餐牌 有好多唔同種類既野食 我地就叫左2個主食 日式紅酒燉牛肉蛋包飯🍛明太子香腸意粉🍝 2個小食 炸北海道大蝦配四元豚豬扒 牛油果厚多士 仲叫左個甜品日式布甸 同2杯飲品雲朵沙冰 白桃梳打🤣🤣 日式紅酒燉牛肉蛋包飯店員好細心 送到我地枱面係我地面前切開個蛋再淋d汁上面😍👏🏻 味道方面 滑溜嘅蛋配炒飯再加埋d汁 好夾 仲有牛肉煮得好入味👍🏻👍🏻明太子香腸意粉明太子掛係d意粉上面 每一啖意粉都有好香嘅明太子😍 仲有d菇同紫菜碎 同個意粉好夾🤤👍🏻炸北海道大蝦配四元豚豬扒有2隻勁大既炸蝦🍤 同 炸原塊豬扒切件旁邊配上蛋黃醬（係真既蛋黃醬 真係有碎蛋係入面👍🏻）而唔係一般嘅蛋黃沙律醬 呢點好值得加分！牛油果厚多士厚多士上面有勁多牛油果🥑仲有巴馬火腿 配埋個烘過嘅厚多士 好夾！ 起初以為烘過嘅

呢間日式西餐門口好多人排隊，門面花既裝飾好靚，價錢亦都合理。日式紅酒燉牛肉蛋包飯：上菜後，侍應會將個蛋切開，然後蛋液會流出來。再淋上醬汁，賣相好吸引。牛肉應該係牛腩嚟嘅，食落去入口即溶。蛋包飯味道好好，配上醬汁食非常惹味。明太子香腸意粉：上碟時已經聞到好香，食落口亦冇油膩感，明太子sauce 非常creamy. 布拉塔芝士沙律：有一大舊芝士，配上士多啤梨汁食非常好食。舊芝士一點飽滯感都冇 好清爽，食落肚有啲似乳酪嘅感覺。草莓法式多士：有啲似平時嘅西多士，不過加上佢嘅士多啤梨汁 唔會太甜 感覺煥然一新。提子梳打同greentea latte 飲品都好精美 味道唔錯整體都好大碟 算抵食難怪咁多人排隊啦

喫茶ちょうぼ (大埔)大埔超級城最近嘅亮點真係一浪接一浪，呢間昭和風嘅洋食屋店面裝修已經夠吸引，食物仲相當有水準，難怪開張以嚟一直人氣高企🌀明太子煙肉蛋包飯貼心嘅店員會先問我地要唔要影相，之後再切開半熟嘅奄列，睇住滑嫩嘅蛋流出嚟感覺治癒🥚Creamy 嘅明太子醬汁鮮味十足，加上充滿蛋香嘅滑蛋，味道層次豐富🌀日式卡邦尼意粉卡邦尼意粉加上木魚絲，將日式食材結合西式煮法感覺新鮮👍🏼將流心嘅蛋黃撈勻食，意粉充滿蛋黃同忌廉香味，滋味無窮∞🌀炸北海道大蝦配四元豚豬Jumbo size嘅炸蝦🍤非常有驚喜，爽口彈牙，外皮炸得香脆裡面又啖啖肉，jeng!日本嘅四元豚肉味香濃，邊位帶少許油脂，食落有油香而唔油膩，值得一試😋🌀草莓法式多士擺盤精美，打卡之選📸法式多士口感鬆軟，加上肉桂粉，香味更為提昇🌀巴斯克芝士蛋糕芝士味香濃，食落口感軟綿，外層位置帶點焦香，整體唔錯🌀抹茶鮮奶咖啡抹茶同咖啡加埋一齊原來都幾 夾，飲落有抹茶嘅甘甜，隨後又有咖啡嘅香味，正正係我杯茶🙌🏼

裝潢走日式復古風格，以深啡色系作主調，佈置散發著濃濃日本風味，讓人有種置身於日本咖啡店的感覺。南蠻炸雞(小) ($85)外皮薄而酥脆，甜辣醬均勻地包著炸雞，帶有絲絲甜蜜感，雞肉嫩滑juicy，配上醒胃的他他醬，味道清新而不膩。日式紅酒燉牛肉蛋包飯 ($98)脹鼓鼓的欖形奄列放在炒飯上，店員把蛋從中間切開，流心的蛋漿輕輕瀉下來把炒飯覆蓋，畫面治癒，煞是誘人！牛肋粒軟腍又帶嚼勁，煮得入味。蛋奄列充滿蛋香，相當嫩滑，炒飯拌以滑蛋同吃，非常滿足！明太子香腸意粉 ($78)意粉掛滿醬汁，口感creamy，明太子味道濃厚，香辣惹味，讓人一口接著一口停不下來。伯爵茶戚風蛋糕 ($42)蛋糕蓬鬆柔軟，富空氣感，配上伯爵茶奶蓋，入口滲透著陣陣伯爵茶幽香。抹茶鮮奶咖啡說到日本又怎能沒有抹茶！茶味濃郁中帶有淡淡咖啡香，充盈著日式風情。

勁少寫食評,但真係不吐不快。服務 - 感覺要聽帶位指示做先可以放你入去食,完全冇被服務既感覺。食物 - 難食,小朋友勁唔鍾意食, 個炒底飯味道加埋後上既汁勁怪,大人都覺難食,一大堆汁配淋埋一達既飯, 唔識形容。 推薦既紅酒牛蛋包飯完全唔知咩味, 不過都好過蕃茄海鮮個款, 呢個仲難食,兩樣都食剩。唯一可取係隻蛋真係滑, 但跟餐既配菜都係唔好食。飲品 - 波子汽水沙冰唔識形容,兩個小朋友夾埋都飲唔晒一杯。烘焙茶苦過廿四味,涼左仲難飲。甜品 - 唯一叫正常,但都唔好諗住好食成點。行過幾個舖位去甜品蛋榚專門店買仲好。

送完個女返學後，有兩個鐘ME time，約左同學仔媽咪一齊去Tea 1 tea。Lunch 時間要排一陣隊先入得，我地坐左最入面嘅sofa area，坐位都好舒適。今次叫左個明太子香腸意粉同牛肉蛋包飯。蛋包飯好大碟，淋汁前waiter會問洗唔洗相機食先，梗係要啦🤣個蛋係半熟，所以一切開就會見到蛋汁流落嚟飯量亦夠多，牛肉都好足料意粉就無碟飯咁大碟，我覺得明太子同腸片可以多啲。另外，加錢可以跟餐有飲品，係全個menu嘅飲品都叫得呀

今日去大埔重遊舊地，發現好多餐廳唔同左。突然見到呢間「喫茶ちょうぼ Choubo Kissaten」，裝修得好靚。於是排左20MIN ，終於可以入去一試。入到去感覺環境好舒服🎎，座位好闊落，仲播著一些好日系好古典好舒服的純音樂。感覺就好像去左日本一樣。望住個MENU 樣樣都想食，於是最後叫左一個主食，再升級飲品及甜品。本身以為只可以升級一樣，但兩樣都可以，難得黎到大埔，當然要食哂想食既野。🍛日式紅酒燉牛肉蛋包飯（ $98 ）紅酒燉牛肉一上台就聞到好香的牛肉和少量紅酒味。之後將蛋切開後，滑溜溜的蛋漿包住整個飯。再把醬汁淋上去，非常靚。個蛋好滑但唔膩，牛肉有5，6舊， 燉得好淋好入味，飯係炒飯底加上少量紅蔔白。配上新鮮的蔬菜沙律，正⬆️升級套餐+配飲品（榛子鮮奶咖啡☕️）及是日涼拌菜（ +$28）榛子鮮奶咖啡好飲，略嫌少少甜。好香的榛子、鮮奶和咖啡味，有層次，且入面真的有一粒榛子，我仲以為係未搞混的糖。是日涼拌菜是有好新鮮的青瓜及南瓜結合的蛋沙律，非常新鮮和FRESH。+配喫茶蛋糕（日式布甸🍮）（+ $28 ）我最近愛上了布甸，香滑蛋味濃，但略為有點實。食完真係飽到上心口，滿足😋😋

🍁日式紅酒燉牛肉蛋包飯 $98😋😋😋上菜前店員會問洗唔洗影相，等你影完先用力𠝹開流心的蛋然後淋上醬汁😊蛋非常嫩滑，熟的程度剛剛好蛋內的茄汁炒飯味道較淡，如果比多少少茄汁會好d🧐紅酒燉牛肉味道一般，牛肉亦唔夠腍🍁壽喜燒風牛肉蛋包飯 $85😋😋😋壽喜燒牛肉唔錯👍🏻 比紅酒牛肉同雞蛋更合拍🍁小倉紅豆牛油厚多士 $65😋😋好失望😞 點解個多士一d都唔熱，到我食完時片牛油都依然係方形同冰凍！紅豆份量好大方，味道尚可紅豆配牛油，出奇地香💢但成件事最最最重要的就是熱多士 偏偏沒有😪🍁巨峰提子梳打 $42😋😋😋🍁紫薯牛乳 $38😋😋😋輕微紫薯味的熱牛奶

大埔中心進來開了不少新餐廳，今日就同朋友來試試這間主打蛋包飯的日式餐廳，餐廳門外有個打卡位，環境舒適，亦是與朋友閑聊聚腳之選。咖哩牛肉蛋包飯🍛蛋包飯份量夠大份，賣相不錯，雞蛋企身不會過杰或稀崩崩，日式咖哩略帶甜味，牛肉炒飯底。芫茜青醬蝦意粉🦐意粉軟硬度適中，咬落有層次，青醬帶點芫荽香味，醬汁包住每條意粉，有點幽香。選取虎蝦，夠大隻。炸北海道大蝦🍤配四元豚豬扒🥩豬扒夠大件，足夠2人分量，擺盤幾靚，豬扒炸粉薄身，配埋沙律醬感覺唔油膩。伯爵茶戚風蛋糕🍰蛋糕味道不算太甜，帶點清香伯爵茶味，喜歡吃原味的朋友可以嘗試走cream，更能吃出蛋糕的原味道。

大埔完全唔係我熟悉的地方，來呢度一係打波，一係行超級城。來來去去都係呢D地方。其他呢，就要有人帶先識得來啦。今日來到超級城B區嘅日式+西式fusion餐廳『喫茶』，事關每次經過都見有人排隊，咁今日就來幫襯了。『日式紅酒燉牛肉蛋包飯』呢個好似係招牌菜，一於嗌來試吓，送到檯面時待應先畀我影過完張相，然後先至加入紅酒汁，啲牛肉燉得好腍，好入味，好好食吖，啲蛋够juice，又大份，醫肚好充分。『炸北海道大蝦配豚豬扒』，大蝦名符其實大，啱炸的皮好脆口，蝦肉够熱又彈牙，豬扒亦脆卜卜。加配飲品只需28蚊就有『抹茶牛乳』及『白桃梳打』，抹茶味濃郁，係待應推介；白桃梳打雖然有白桃真品，但可以嗒到白桃味，亦已足够。

[ Choubo Kissaten | 大埔 ]This new Japanese dining experience opened in Tai Po and I knew I had to come ASAP as it’s my favorite cuisine and in my district too! We arrived at 4:45 and the line was empty but I passed by before and knew it would get crowded fast. So we walked around and came back at 5:20 where there was already a few people in line 😱. We got seated at 5:40 and the ambiance of the restaurant excited me for the food. The table was quite small, only enough for 4 people, no bags to spar

平時見好多人排隊就諗住同朋友嘗試。我哋今日排咗一陣就入到去，但因為座位上的燈閃下閃下就問了侍應可否轉另一個位，點知那位侍應就說了一句外面還有很多人在等位。其實我們也排了隊，當然知道出邊有人等位，但其實這根本就沒有關係，不過我們就此罷了。之後到我們等餐的時候聽到另一台也叫侍應，因為他的蛋包飯等了很久，但是侍應竟然回覆咩事，之後說另一枱也等了半小時，一句不好意思也沒有。總體只是被外面的那棵樹吸引了，食物一般，餐廳職員服務有待改善。短期內也不會再來

🔺大埔新開和風日式餐廳🔻餐廳極具人氣。次次經過大排長龍。門口位置擺放多款書藉。餐具。乾花等等。💟 日式紅酒燉牛肉蛋包飯一切蛋漿湧出來。滑蛋配炒飯底。牛肉口感似牛腩。非常淋身😬。💟炸北海道大蝦配四元豚豬扒炸粉唔厚。炸物做得不錯。豬扒鎖住肉汁😛。💟岩燒芝士多士上枱厚多士切開四份。好窩心❤️。熱溶芝士好難抗拒。配埋鹹香嘅巴馬火腿好芝味😍。💟冷泡煎茶💟☁️朵沙冰☁️朵沙冰其實係乳酸飲品。味道似益力多。你今日飲咗未牙☺️？

原本都冇諗住寫食評，冇影到上菜時嘅樣，以為鰻魚飯實冇伏啦。 先食舊蛋，入口已經有少少腥味，但係都唔係好覺嘅。點知食舊鰻魚嘅時候就黎料啦，腥到不得了，原來舊蛋啲腥味係喺舊鰻魚返到嚟🤢諗住挑戰第二啖嘅時候已經頂唔順，吞唔落。仲有杯綠色嘅廉價廁所香薰味波子汽水沙冰，真係一言難盡，只能說花香同波子汽水味唔太夾…鍾意腥鰻魚嘅朋友不妨一試嘅