喜記避風塘炒辣蟹 (謝斐道)

營業中

休息中

避風塘炒辣蟹===> 正... 蒜茸炒A 菜===> 正水煮花鏍====> 普通.. 其實係想食好spicy o個o的花鏍...豉椒炒蜆===> 本來係想叫其他唔記得o的乜..但又係冇又冇蠔仔粥... 唉.. 不過都係好食o既

一把年紀，尤幸當年還拉過衫尾去避風塘吃炒蟹，之後就幫襯木頭車。吃辣蟹，絕對是會上癮的，耐不時又會呼朋喚友的去食一次，食下食下，轉眼又廿幾年。又來吃，一行十三人，坐滿一張大圓檯。在這裡叫菜，當然沒有難度，隨隨便便也可以。就要了兩碟蟹，微辣及大辣各一、炒蜆兩碟，油鹽水浸及豉椒各一、白灼東風螺、椒鹽九肚魚、椒鹽鮮魷、椒鹽雞翼、豉油王中蝦、咕嚕肉、油鹽水雞腳，單尾是泥鯭粥、炒牛河及蟹油炒麵三味，當然少不了是隔離潮州村的鹵水鵝及鹵水鵝肝，十三人吃十六味菜，不用說，是很豐富的。主角是兩碟炒蟹，都要了中的，盛惠每隻四百六，比周遭的幾間炒辣蟹店都要貴。但這裡又真的炒得好吃，夠乾身而蟹件又保持蟹肉鮮嫩，是功力所在。大辣的初吃不感覺到辣，但吃落也是滿頭大汗的，不過也好像覺得，辣度是減了半級，只像是以前中辣再辣多一點的級數，不過是好吃；微辣以炸蒜蓉為主，吃起來較香口，味道是比大辣的更好。這味炒辣蟹，雖然貴，也仍然食得過。其他菜色是各有高下，白灼東風螺新鮮又肉質爽脆，但太細粒，之前忘記了去看一看才叫，小失敗；豉椒炒蜆是一貫的有水準，蜆肉鮮甜又全沒有沙，炒得也不錯；油鹽水浸蜆是另一味道，蜆肉亦鮮甜，湯底也帶有蜆

呢間野得蟹食,但唔知點解蟹羔炒飯又可以冇羔味...我呢個食肉獸想叫個生炒骨都要冇得俾我食T_T得咕嚕肉,同京都骨,(先前都唔知兩者有咩分別,而家明白晒係有/冇菠蘿之別,不過卡尼唔食炸野....)個蟹係幾好,不過得蟹好味就DRY左D...

大家想食辣蟹,灣仔橋底一定係大家的聖城麥加.當中最多人去潮拜的,就是"喜記".昔日無牌,做到今日入屋,仲越做越旺.成為名人飯堂,可喜可賀.此等食店,一直並非小弟與友人之主流之選,畢竟眾多人聞辣色變.難得有心人搞一圍,又唔使幫手諗菜式.當然身體力行去支持.食友Glucose已講得七七八八,我想我可打少幾隻字.呃下post.係咁意同大家分享下幾樣,費時比人話我渣攤渣得咁緊要.辣蟹兩味,一隻大辣,一隻小辣,炒蟹一定要兩斤重肉蟹,才吃得過癮,雖然叫大辣,但我接受到.頂得住.香蒜辣椒惹味非常,很有張力.可惜無將吃剩的打包,囉番去撈公仔麵,一定兩包打孖上.其他海鮮,椒鹽菜式也不俗.泥艋粥鮮甜非常,泥艋已同粥融為一體.好似一對老夫老妻.甜甜蜜蜜.如膠如漆.蟹油炒麵,用炸過蟹的油來炒埋一碟.很惹味.例牌啤酒白酒威士忌伴之,高高興興又一夜.好像近日經常囉住兩隊美國Post Punk野Be your own pet同Yeah Yeah Yeahs新碟日煲夜煲.兩者音樂同喜記菜式一樣,動力澎拜.吃到聲沙力竭.非常痛快,Yeahs個女主音Karen O,已成為我繼Garbage的Shirley Manson後

(21/4)一班朋友，能夠萍水相逢一同吃飯，實在不容易，再加上無需要考慮菜式及地方，更加不容易，當然要有負責的有心人才能成事。八時十五分，上場的是東風螺，有沙，可惜較細隻，當作前菜來吃也無妨，不消五分鐘亦剩下幾只。當然豉椒炒蜆亦遇相同情況。椒鹽魷及九肚魚，真的多吃也無妨，九肚魚很滑，油沒有益味，真的連骨也要吃掉。是夜來此處，當然少不了辣蟹。先上大辣，沒有想像中那麼辣，反而那時吃越華會比它辣。蒜粒及辣椒隨隨上口，香脆可口，那種辣香剩在口中實在回味，而隨後試蟹，我選了蟹鉗，只吃蟹肉，新鮮，但可能厚外殼，蟹肉沒有吃到辣味，唯有似飲藥水般蟹肉連蒜椒粒一匙一匙放入口；惟恐不夠分，故沒有試蟹腳。雞腳，本人喜歡吃的一環，有時也要外賣回家一邊吃，一邊飲，雞腳味道剛好，不太咸，有些汁伴上。油鹽水煮蜆，蜆肥大鮮甜，伴以粉絲及湯上，各人也不介意互相找蜆，湯亦被清場。椒鹽雞翼、咕嚕肉、薑葱蝦亦繼續叫、繼續吃，咕嚕肉亦是佳作，豬肉炸得嫩口，汁料亦酸甜適中，難怪有朋友那麼喜歡吃。而蝦不是太出色，有一兩只黏殼，不新鮮。之後有朋友推薦的乾炒牛河，師傅落油亦沒有欺場，油光滿面，而泥猛粥，泥猛沒有腥味，亦沒有泥氣味，鮮甜

朋友約食飯，話明叫大辣的橋底辣蟹，一直很怕會食唔到，但心想點都要試一試。當晚叫了唔少菜式，但印象最深的，還是橋底辣蟹，我們先叫了一隻大辣，之後再來一隻少辣；唔知係唔係之前那隻太辣，之後再食那隻小辣，已經沒有什麼感覺了。大辣那隻，對我來說，已經到頂了，但其他朋友還說唔夠辣，真係佩服他們。蟹肉新鮮嫩滑，加上好辣的香料和子，更加帶出蟹肉的鮮味；雖然價錢又真係幾貴，但一分錢一分貨，想食好，又點可以慳錢呢！

約左朋友去銅鑼灣好出名果間「喜記」食橋底辣蟹，叫左隻五百幾蚊既避風塘炒蟹，面頭舖满蒜蓉，撈飯都好正，確實係大過上次二百幾蚊果隻蟹，不過我寧願去返上次果間叫兩隻好似會抵食D。跟住仲叫左油鹽水煮蜆，鐵板串燒風鱔，椒鹽瀨尿蝦，椒鹽九肚魚，同埋蟹油炒麵，六個人食左千幾蚊。水準都幾好，不過價錢貴左D。特別係隻椒鹽瀨尿蝦，一隻要成$180，我覺得任隻瀨尿蝦有幾大，甚至曉飛，都唔需要咁貴囉﹗就係呢樣，已經令我對佢大打折扣，其他野就算再幾好食都係假。另外果碟蟹油炒麵，同一般既豉油皇炒麵完全冇分別，只係多左D炸過既蒜蓉粒。感覺上好似有少少避風塘Feel而已，絕對唔值咁既價錢。

屋企人生日話想食蟹，朋友食過大讚，咁一於試喇！招牌菜避風塘炒蟹真係好香囗，剩番個Ｄ辣椒碎撈其它菜又多左另一種口味；賴尿蝦、蟹油炒麵則一般；炒硯就水準以上，惹味。埋單時，天啊！加加埋埋真係好貴呀，$560一隻大蟹、$180一隻賴尿蝦，值唔值？唉，個心話我聽唔值喇……

去完廸士尼，出到市區已晚上十時許，故到這裡吃晚飯。這裡門面像茶餐廳，但很多名人明星光顧，應該有它的價值吧！在這裡當然要吃他們的招牌避風塘炒蟹，我們點了少辣，到上枱時，果然名不虛傳，縱然少辣，但都嗅到那陣辣味，伙計說已是少辣著我們試試。我本人不大吃得辣，但一吃下發覺那種辣不像一般辣般，沒有「乸」喉感覺，反是香口，是麻！好特別，好食。椒鹽瀨尿蝦好大隻，成十寸長，椒鹽配合得宜，不太咸太辣，好香脆，淡淡肉，吃得好爽快。鹽水硯好新鮮，都算大隻，不過胡椒多了少許，比炒蟹還辣。炒中蝦賣相和味道不俗，不過份量少些。咸肉炒苟菜花味道好，不過好油膩。此外，本想吃鵝背河，但售罄，唯有吃鵝脾河，可是強差人意。好肥膩，而者味精好重，不好食。食物都算不俗，但比較貴！值不值？自己品評。

We have ordered one middle crab and Crab-oil fried noodles on 26 Jul. Be honest, the crab was good in quality and very delicious. However, it's really worth 400 for that kind of food??

上星期五同個friend 兩個人去試，諗住咁嘅門面，應該唔會好貴。點知．．．我地叫咗一碟叉燒炒河，一碟炒蜆，一隻避風塘炒蟹（細蟹only）同兩枝忌廉，埋單竟然要四百幾蚊！碟河粉油到不得了，隻蟹冇厘味道，係碟蜆幾好味，問個伙記，原來隻蟹要成$250，點都唔值！做咗老襯，以後都唔去啦！

星期六八點去到居然有位唔駛等, 好出奇, 都唔係好旺咋喎, 可能係貴o左d啦, 係個"名"貴囉!!三個人點了五款小菜辣蟹唔少得, 斤半中辣, 失望在中辣唔夠辣, $380 一隻都幾"咯", 水準一般; 上湯蜆可以唔駛試, 都係越華會既鹽水蜆好味好多; 瀨尿蝦一隻大既$180斬到四件, 椒鹽上, 冇乜特別同幾貴, 財記抵食同鮮d;串燒風鱔幾好味, 鐵板汁上, 可以一試; 最後係豆豉菱魚炒A菜, 唔夠鑊氣...本人認為食辣蟹唔駛一定要去呢間, 信佢個名就會出事, 賣單$750, 試一次就夠咯!!

食過幾次....最正都係佢D招牌橋底辣蟹....其他小菜味道根本唔記得....去親都志在D蟹...次次都叫小辣...面頭舖满蒜蓉...撈飯都好正....D蟹真係超好味...仲啖啖肉...好食到唔停得口....不過次次食親都差唔多每人兩舊....本人覺得貴左DD囉.....

地點真係"了能"d,不過都值得"娟"入o黎食蟹! 一行七男女,叫o左兩份中size蟹,一份小辣,一份小/中辣. 怕辣既友人就覺得小辣已著燈.我自己就欣賞另外一碟啦! 肉蟹好新鮮,雖然有好多避風塘粒粒住,但份量都唔少. 好惹味. 仲有叫o左其他馳名小菜. 上湯浸蜆-鮮甜,仲好過炒蜆(加上其他食物都幾熱氣,油膩,用上湯浸絕對係一個好選擇).炒東風螺-自己覺得好味過白灼,友人覺得得手過辣酒煮花螺.沙薑雞腳-一般.蝦醬通菜-頗油.泥勇粥-又綿又甜.好.蟹油炒麵-麵身好幼細,軟硬適中.好味.加埋酒水,每人二百唔洗,好ok!

當然是海鮮出名，蜆與蟹都是拿手小菜招牌菜：避風塘炒蟹STAFF 見客人都唔招呼!