唐閣

上一次同男友staycation慶生，因為$0房價，所以食平時無動力去食嘅米芝蓮三星中菜午餐！😍😍味道服務各方面💯👍🏻👍🏻👍🏻十分推薦！.釀焗鮮蟹蓋 🦀 (5/5)上枱已經嘩嘩聲，期待已久！蟹蓋入面全部都係蟹肉絲，配少少🤏洋蔥🧅，好食到不得了！配上醋，更覺開胃！果然有料到！味道手工都一絕！.唐閣寶盒飯🍱 (5/5)男友十分欣賞！🤡佢話啲飯粒粒分明，有帶子、蟹、蝦🦐、洋葱粒、白汁再芝士鋪面🦀🦀🦀 都真幾好食！👍🏻👍🏻👍🏻.蜜汁叉燒 (5/5) 肥瘦適中，好香口！😍😍😍😍入口即融，加埋蜜汁💯💯💯💯💯💯💯💯無得輸！.燒賣 (5/5)作為燒賣控，一定要試！好香豬肉味，食落彈口，皮又唔散！即包即蒸，加埋辣椒🌶️油！米芝蓮三星當之無愧！😘.XO醬煎腸粉 (4/5)好乾身，XO醬唔太辣🌶️，覺得可以再辣啲！配有麻醬同甜醬，好食😋

今次難得朗廷酒店staycation plan送dining credit，小編們當然要試試酒店旗下米芝蓮3星既粵菜廳「唐閣」啦🤩 Tasting menu包6道菜，每道菜都非常精彩，絕對冇令人失望！_1️⃣釀焗鮮蟹蓋🦀️呢個蟹蓋真係足料到不得了！入面滿滿既蟹肉嫩滑彈牙、鮮味至極！加上帶點芝士香既白汁同清甜既洋蔥絲點綴，食落香口又不失鮮甜而面層薄薄既麵包糠更係畫龍點睛！經油炸後極為酥脆，但一啲都唔油膩，火候掌控得恰到好處。果然係唐閣既招牌菜式啊‼️🤤_2️⃣海味雞煲官燕🍲湯羹既䇜汁打得非常幼滑，而且用料非常足，除左一絲絲官燕，仲有海參、魚肚同嫩雞絲。雞既精髓完全融入湯頭裡面，肉鮮味香濃，伴上海味既鹹香同鮮甜 同淡淡既番茄味，成個羹不論口感味道都非常豐富！_3️⃣黃金焗開邊龍蝦🦞本地龍蝦肉質軟嫩Q彈、味道鮮甜。面頭既鹹蛋黃脆粒帶鹹香但唔會過於濃味，令整道菜更香口得黎，唔會蓋過龍蝦本身既鮮味！👍🏼_4️⃣燒汁茭筍日本和牛粒🥩好多時中式既肉都會調味偏重，但呢個燒汁味道點到即止，拿捏得好好。和牛軟嫩但不失咬口、充滿油脂香但唔會只剩一口油感覺太滯膩。最有驚喜係個茭筍爽中帶腍、嫩滑無渣！清甜既味道即刻起左解膩既作用！

唐閣可算是我去得最多的米芝蓮三星餐廳，沒有之一。每次去點不同的菜式都有驚喜。上次錯過了take the credit優惠，今次見到就即刻訂房了。executive room房價$2600 ，全數可用作酒店內餐飲消費，再送executive lounge下午茶、黃昏雞尾酒及早餐。忘記了預早訂位，還好餐廳有預留部份單位給住客，所以最後可以安排到8:30的位置。附送的前菜小食是炸蝦及青瓜雲耳。唐閣以至朗廷酒店的所有員工都非常細心。茶，我們點選了菊花，而侍應留意到朋友席間說喜歡甜的，就為他送上了蜜糖。這份心意很是值得嘉許。鎮店之寶釀蟹蓋材料很簡單，就是蟹肉及洋蔥。蟹肉選用的都是蟹身部份的肉，滿滿的蟹肉入口就是滿滿的滿足感。花雕醉乳鴿選用的乳鴿比較大隻，酒味濃郁肉嫰，就連鴿胸部份也不至於鞋口。酷愛家禽類的我，湯羹選了花膠鴨絲羮，花膠絲尚算厚身，燒鴨絲的鹹香配合花膠及其他配料的口感，就是份外的開胃。片皮雞是這裏的一道特色菜，吃法與北京填鴨基本上一樣，炸子雞配上海鮮醬、青瓜、辣椒、蔥段及春餅。雞是炸得非常的香春餅也不是一般的薄，可說是薄如蟬翼。可是一模一樣的吃飯，對比片皮鴨卻是少了一份野味的香味，卻

間酒店推出0房價優惠 ，我被米之蓮三星吸引了訂了房 又冇枱。諗住去唔到旅行 咪試下香港酒店住宿優惠 都係想休息吓姐 訂張枱都訂到心力交瘁好心咁大個頭就唔好戴咁大頂帽啦，去到先發現原來係甘full 人手嚴重不足 1.我第一次去一間要排隊入座嘅fine dining餐廳,我真係以為自己行錯地方去咗食放題。一到排隊 直到聽到個不停電話響 難怪我打咁多次尼都冇人聽.接待員跑上跑落 望到裏便嘅侍應個個匆匆忙忙 見到佢哋都覺得辛苦 未入去已經覺得感覺非常之差，破壞了我的心情2.入到去.四張枱放入一間房 完全覺得自己係fine dining餐廳 似係大排檔多啲 氣氛非常差 見到佢哋咁忙我都唔好意思同佢講我冇Menu 3.落單先同我講我叫嗰樣嘢食冇，我諗好晒你又要我再諗過。唔係應該放低Menu嘅時候就應該講清楚4.環境氣氛完全影響我食慾，出邊聽到個女人大大聲喺度鬧人，聽到我心都煩埋 我以為自己去咗大排檔5.完全冇幫我換過碟同碗，成晚我自己幫自己斟茶 。張枱仲要咁大張。6.食甜品嘅時候我唔期望你幫我清晒枱上面嘅垃圾，但至少都要換一套新餐具，我諗去酒樓食飯佢都會識做呢樣野。7.到買單我等咗差唔多15分鐘

與家人到唐閣享用午後盛宴（午後尊尚套餐）。食物非常出色，體驗近乎完美，可惜心情被一位員工徹底破壞。點心拼盤：特別欣賞春卷，皮脆，南瓜海鮮餡料有驚喜釀焗鮮蟹蓋：不愧為唐閣名菜，足料蟹肉，好香口鮮菌粉絲雜菜煲：湯底夠鮮甜，蔬菜新鮮，解膩蛋白杏仁茶：又滑又香，有驚喜餐廳裝潢走宮廷風，古典優雅，餐具同樣華麗。座位闊桌，環境舒適。員工很有禮貌，友善兼面帶微笑，貼心兼溫柔。服務員的拍照技巧高超，非常滿意！唯獨是一位女員工，態度很差，黑口黑面，不但動作粗魯，還不肯幫我們加水，有點找晦氣的感覺，令人聯想到澳牛的服務員。整體而言，今次於頂級米芝蓮三星食府用膳的體驗近乎完美，可惜唐閣一班員工的努力和付出被一名員工毀於一旦，嚴重影響唐閣的形象。

本身去之前期待都幾高，話哂米芝連三星餐廳，應該會有幾好既體驗。點知！無寫開食評都忍唔住要出聲😡1. 明明book 6個人，枱就set 4位， 要黎到先加返2個位，依家我walk in咩..set好枱是咪基本2. 坐低十分鐘都無人問有咩茶，到開口問先有人理我地3. 茶黎到明明係一個蠟燭座住熱住d茶，點知就得個爐，無蠟燭既4. 坐正係廚房門口，道門每次閂都砰一聲，真係唔可以sip d野唔好咁大聲？仲要廚房入面講野每次都好大聲，好似去左大排檔咁5. 門口傳菜枱未食又係擺果張 食完污糟又擺果張 仲要唔係淨係擺我地枱既野食..疫情下咁樣真係好咩6. 上菜後完全無介紹既，真係比左個餐牌就自己睇？7. 叫左wine pairing，先唔講上酒時間永遠都唔岩，都pair唔到一路飲一路食既。仲要酒唔洗講又係完全無介紹，酒樽都無比你睇咩名。新開酒試都無試就斟哂成杯，壞既話等個客同你講先換？5隻酒隻隻都係咁..8. 換餐具時候就唔係擺既，係扔既，就算扔得準都唔係咁掛9. 野食唔係唔好食，但三星有些少保留10. 成餐又蟹蓋又龍蝦，濕紙巾都無張，要自備？11. 枱布污糟無人掃12. 酒杯飲完又唔及時收，擺10分

蟹蓋午餐•點心拼盤•釀焗鮮蟹蓋•鮮菌粉絲什菜煲•蛋白杏仁茶-米芝蓮唐閣2-4pm最近做緊兩個優惠set , 其中一個主菜係燒鵝，不嬲食開唐閣嘅蟹蓋都好好味，所以今次呢個唔餐都揀咗呢個蟹蓋午餐，點心拼盤是廚師每日精選，當日既點心係蝦餃和海鮮菜苗餃，鮮甜，皮薄，煙韌，另外一個雞粒酥第一次食，好香口，熱辣辣，聽講有時會係和牛酥，希望下次食到，食完點心就食蟹蓋，個蟹蓋用白餐巾包住，用叉叉來食，好貼心既諗法，一啲都唔會整污糟隻手，一般嘅釀蟹蓋都係一pat pat，好多醬汁，冇乜蟹肉，呢個係我食過最好味，啲蟹肉一絲絲，外面脆卜卜，內𥚃啖啖肉，食完蟹肉食返個菜清清地，最後食過蛋白杏仁茶，唔甜好香杏仁味又有蛋白，+$138仲可以有任飲餐酒汽水及果汁

適逢朗廷酒店做緊住房優惠，我哋緊係將住房credit用嚟試下米芝連三星餐廳唐閣好好彩係前一日打去試下睇下book唔book到，都仲可以安排11點入座（因為早一星期打嗰陣話無位）11點去到無咩客人，環境都好有中式格調，牆上亦有唔少畫比客人欣賞，見到隔離枱客人都喺度打卡第一次嚟，唔知叫咩食好，就試試tasting menu，侍應服務態度ok，定時定候都有人嚟幫你斟下茶釀焗鮮蟹蓋好似薯餅嘅外表，略嫌入面沙律醬同洋蔥太多，搶咗啲蟹肉嘅鮮味海味雞煲官燕足料黃金焗開邊龍蝦最鍾意食啖啖肉，加番咸蛋黃喺龍蝦上面，夠邪惡燒汁茭筍日本和牛粒正，和牛入口接近入口即融嘅境界，肉汁豐滿，好惹味，份量三舊啱啱好，再多就太漏鮑汁吉濱鮮鮑炆麵無咩評價比到木糠忌廉凍豆腐布甸配精美甜點今日甜點有桂花糕同外型似梨嘅紅豆酥，覺得個甜品好驚喜，唔太甜，又唔會漏，好似幫成個餐點綴咗咁，特別係紅豆酥，食完都唔覺乾真真食物用料睇得出有用心配搭，不過就無想像中米芝連三星餐廳嗰種驚艷有紀念日等等想豪食嘅日子可以一試

【唐閣】位於尖沙咀北京道朗廷酒店係全港更更只有七間穫米芝蓮三星餐廳既其中一間 酒樓裝修古色古香，充滿中國古曲氣氛背景播放中國大戲音樂，好似時光倒流係茶館一邊飲茶一邊欣賞戲曲表演咁特色十足釀焗鮮蟹蓋(每隻)$210最出名必食蟹蓋 外層麵包糠香脆不油 一入口滿滿幸褔洋蔥香 再帶出鮮甜蟹肉味 配上牛肉用的喼汁更提鮮待應好細心將餐巾包住蟹蓋一邊，方便食客享用唔洗徒手掂到手指 衛生又貼心經理介紹蟹蓋用上阿拉斯加蟹肉絲同本地花蟹 人手拆成絲絲，海水味濃深海蟹與味道較清甜花蟹互相呼應 唔怪之得咁好食啦！！瑤柱灌湯餃 $128 每位新鮮瑤柱和乾瑤柱並用 灌湯餃皮薄 傳統內餡冬瓜蓉 湯料略咸蜂巢煎封銀鱈魚$500推薦擺盤精美 薄片如紙青瓜拼出金魚圖案奉上四粒炸芋角拌碟香煎外皮蜜糖色甜甜乾脆，裡面的銀鱈魚白嫩肉汁豐腴，充滿著銀鱈魚特有的香味唐閣寶盒飯(每位)$140焗飯用金色蟹型碟裝上好得意面層鋪上白汁芝士烤焗至金黃份量小小卻藏著大量蟹肉 啖啖蟹肉好滿足也飯仲加入蝦肉、帶子、魚肉、菌粒及蛋等上乘材料炒【蟹蓋佢應第二 冇人敢應第一】其實係飯後經理得意笑談講 仲話呢度既蟹蓋全港數一數二 鐘意食蟹蓋該嘅朋友唔

我是第一次寫食評！ 但其實因為太不能接受！ 決定要寫1次！ 米芝連3星？？頂級食府？？ 🤬🤬🤬🤬🤬🤬 這樣差的體驗真的是第一次！ 收呢個價錢仲衰過落樓下酒家！ 加埋我呢枱有4張枱要上樓上Ball room 食？ 經理仲要黑口黑面🤬 冇枱比人就唔好接受人哋訂位！你估普通酒樓翻10轉枱啊？ 我仲要早兩星期訂！ 當我哋係咩啊？ 另外兩枱仲要係熟客！ 咁樣對熟客嘅咩？ 有錢多都真係千祈唔好去食！又冇服務！ 掉咗我哋上Ball room 連茶都冇人幫我哋斟！ 🤬🤬🤬 不知所謂！ 唔係我哋4枱人一齊小個經理連燉湯都冇轉粟米羹比我哋？ OMG ! 太嚇人啦真係 ！食身質素普普通通！ 以頂級食府來說，環境同服務都算係地獄級別！ 不會再幫襯！ 😭

慶祝生日, 朋友提議朗廷酒店嘅唐閣。雖然之前對此酒店另一間餐廳嘅自助餐極之不滿, 但相信米之蓮所選, 所以持開放公平態度嘗試。頭盤蜂巢煎封銀鱈魚: 外表雖普通, 但表皮比想像中炸得脆, 有驚喜! 唐閣片皮雞: 第一次食片皮雞, 少咗鴨皮下嘅脂肪同鴨嘅腥味, 換咗脆皮嫩肉嘅雞, 另有一番獨特風味。而且餅片用蒸氣保暖, 非常貼心。清湯牛面頰: 加了紅棗同藥饍, 所以湯嘅顏色同味道都比想像中濃, 牛面頰煮得鬆軟, 入口即溶。砵酒焗生蠔: 蠔肉新鮮美味。唐閣寶盒飯: 蟹肉炒飯, 味道一般, 但盛載嘅餐具華麗獨特, 令整體食物加分。飯後甜品點咗山楂糕, 餐廳另外送上桂花糕同紅豆酥餅。整體食物非常好, 但價錢略貴。

假日同家人黎試唐閣裝潢金壁輝煌，坐得舒適，服務也是酒店級數餐桌很有氣派點了不了點心試試招牌釀焗鮮蟹蓋非常有特色， 煮得非常出色蟹蓋外層香脆，入面夾著一梳梳蟹肉鮮甜滿足又再黎另一個招牌菜原隻鮑魚花膠酥一上枱已經非常吸晴 味道方面鮑魚夠厚身入味有彈性 ，加上下面牛油皮香脆結實好食荷葉飯非常香推介總結 ，米之蓮三星唐閣值得一試，味道，環境同服務都不錯，但價錢較貴，回頭機會不大

.一間米之蓮三星嘅餐廳——唐閣為咗慶祝父親節，醫管局員工又有半價優惠，我哋就專登黎試下佢嘅招牌菜。 唐閣一品盆 $400一份有南非鮑魚，海蜇，蜜汁叉燒同埋蜜汁鱈魚。鮑魚一開二都幾大舊，好彈牙，溏心好香，唔會好甜，幾入味。蜜汁鱈魚果然不負所望，超好食。個皮炸到好香脆，但唔會好油。蜜汁好出色，唔會太甜，咸味夠。魚肉好嫩滑，令到個口感好豐富。蜜味叉燒，半肥瘦，好多肉汁。蜜汁都好香。海蜇就正正常常啦。釀焗鮮蟹蓋 $210 有一層炸粉喺面，入面原來有好多好蟹肉，肉質鮮嫩，表面嘅芝士份量都多，忌廉汁唔會太膩，唔會搶咗蟹肉嘅鮮味，相當高水準。砵酒焗生蠔 $480 一份4隻，炸過既蠔面有砵酒香，個汁好出色，蠔好大隻，啖啖肉。連個蠔殼都應該喺漂過黎，白雪雪咁，賣相加曬分。片皮鴨二食 $880 片皮鴨切到好薄，好香好脆，唔太油，一份係有兩大碟。值得一讚係佢嘅麵粉皮係會refill之餘仲會有蒸氣一路熱住，唔會放到凍咗都未食晒。二食嘅肉會切成似粒，連埋荀黎炒，整成生菜包，味道算係咁啦。不過留意返依度嘅片皮鴨係無得一食架，要留肚呀🤣。金黃菠蘿炒蝦球 $460 啲蝦開咗邊都依

📯唐閣的裝潢較老式，燈光也屬昏暗，惟空間感不錯(不知是否因限聚令)，坐得很舒服，桌面是整潔的，服務質量也是好的🔰釀焗鮮蟹蓋🦀(每隻$210)，外層香脆可口，內裏一梳梳的鮮甜雪白蟹肉，既漂亮又美味越吃越讚，蟹蓋內滿是蟹肉和少量洋蔥條，完全不油膩，是我吃過眾多的蟹蓋中，絕對是坐亞望冠的佳品🔰鹹魚石斑炒飯🐟$340，炒得乾身，不油膩，矜貴在於有石斑肉，而鹹魚粒的份量也不會過多，但總會吃到惹味的鹹魚粒🔰唐閣一品盆(每位$400)，右起：海蜇、南非鮑魚、义燒、蜜汁鱈魚🥢海蜇，滿滿的麻香撲鼻，海蜇爽口好吃🥢南非鮑魚，質感不錯，合我口味，喜歡🥢义燒，蜜味香濃，表皮焦香，肉質軟嫩🥢蜜汁鱈魚，外層香脆美味，魚肉嫩滑甘香， 很好吃✨米芝蓮三星食府，價格都是很貴，多謝摯友有HA證，才可半價品嘗Menu裏的食品

一家三口和小朋友滿心歡喜食唐閣，米芝連三星當然對食物及服務有所期待，我們預約了晚餐及午市，但有著失望的體驗。早一天餐廳有打電話確認，亦有詢問小朋友歲數，怎知去到也沒預備小朋友坐倚及餐具，也不會主動詢問，很多星級餐廳都會主動詢問食物敏感，是否需要兒童座椅及餐具，只知道打電話確認，只是按常規工作。那天我們叫了tasting menu ，因為不吃牛，雖然侍應不肯定能否轉其他種類，但最後主廚都答應幫我們更換豬肉。食物方面，稍為驚艷的是鑲蟹蓋，很脆不油膩不漏，和荷葉飯比較高質，很香口，最差的是那個龍蝦，像是overcook了，不新鮮又癡牙，伴碟汁沒有味道，用急凍龍蝦煮都比它好味散叫了一碟煎鱈魚，味道平平，但倒是煎功出色，薄薄一層便能鎖住肉汁。其他食物正常，沒有太令人驚訝。第二天吃午市點心，約了十二點，準時到達，可惜reception 沒有侍應，等了差不多5分鐘才有人帶位，去到房間，已有不少客人，這次放了一張小朋友座椅，但還是沒有餐具，叫了菊花茶，侍應遺留了，比我們晚到的客人都已經有茶，我們要叫侍應才有已經差不多二十分鐘了，一位侍應照顧四張枱的客人，一份餐牌要四張枱share 用，這是應有的服務