影片
更多
2020-10-01
5507 瀏覽
今次難得朗廷酒店staycation plan送dining credit，小編們當然要試試酒店旗下米芝蓮3星既粵菜廳「唐閣」啦🤩 Tasting menu包6道菜，每道菜都非常精彩，絕對冇令人失望！_1️⃣釀焗鮮蟹蓋🦀️呢個蟹蓋真係足料到不得了！入面滿滿既蟹肉嫩滑彈牙、鮮味至極！加上帶點芝士香既白汁同清甜既洋蔥絲點綴，食落香口又不失鮮甜而面層薄薄既麵包糠更係畫龍點睛！經油炸後極為酥脆，但一啲都唔油膩，火候掌控得恰到好處。果然係唐閣既招牌菜式啊‼️🤤_2️⃣海味雞煲官燕🍲湯羹既䇜汁打得非常幼滑，而且用料非常足，除左一絲絲官燕，仲有海參、魚肚同嫩雞絲。雞既精髓完全融入湯頭裡面，肉鮮味香濃，伴上海味既鹹香同鮮甜 同淡淡既番茄味，成個羹不論口感味道都非常豐富！_3️⃣黃金焗開邊龍蝦🦞本地龍蝦肉質軟嫩Q彈、味道鮮甜。面頭既鹹蛋黃脆粒帶鹹香但唔會過於濃味，令整道菜更香口得黎，唔會蓋過龍蝦本身既鮮味！👍🏼_4️⃣燒汁茭筍日本和牛粒🥩好多時中式既肉都會調味偏重，但呢個燒汁味道點到即止，拿捏得好好。和牛軟嫩但不失咬口、充滿油脂香但唔會只剩一口油感覺太滯膩。最有驚喜係個茭筍爽中帶腍、嫩滑無渣！清甜既味道即刻起左解膩既作用！
_
1️⃣釀焗鮮蟹蓋🦀️
194 瀏覽
0 讚好
0 留言
呢個蟹蓋真係足料到不得了！入面滿滿既蟹肉嫩滑彈牙、鮮味至極！加上帶點芝士香既白汁同清甜既洋蔥絲點綴，食落香口又不失鮮甜
而面層薄薄既麵包糠更係畫龍點睛！經油炸後極為酥脆，但一啲都唔油膩，火候掌控得恰到好處。果然係唐閣既招牌菜式啊‼️🤤
_
2️⃣海味雞煲官燕🍲
169 瀏覽
0 讚好
0 留言
湯羹既䇜汁打得非常幼滑，而且用料非常足，除左一絲絲官燕，仲有海參、魚肚同嫩雞絲。雞既精髓完全融入湯頭裡面，肉鮮味香濃，伴上海味既鹹香同鮮甜 同淡淡既番茄味，成個羹不論口感味道都非常豐富！
_
3️⃣黃金焗開邊龍蝦🦞
231 瀏覽
0 讚好
0 留言
本地龍蝦肉質軟嫩Q彈、味道鮮甜。面頭既鹹蛋黃脆粒帶鹹香但唔會過於濃味，令整道菜更香口得黎，唔會蓋過龍蝦本身既鮮味！👍🏼
_
4️⃣燒汁茭筍日本和牛粒🥩
156 瀏覽
0 讚好
0 留言
好多時中式既肉都會調味偏重，但呢個燒汁味道點到即止，拿捏得好好。和牛軟嫩但不失咬口、充滿油脂香但唔會只剩一口油感覺太滯膩。最有驚喜係個茭筍爽中帶腍、嫩滑無渣！清甜既味道即刻起左解膩既作用！
_
5️⃣鮑汁吉濱鮑魚炆麵🍜
224 瀏覽
0 讚好
0 留言
絕對係食過最有水準既鮑魚炆麵！
鮑魚軟嫩彈牙、味道鮮甜；花菇嫩滑厚肉、香氣十足。麵炆得超級入味但仍保持爽口彈牙、味道充滿鮑汁既鮮味又唔會死鹹。雖然已經食到好飽，但都堅持要清左佢！
_
6️⃣木糠忌廉凍豆腐布甸配精美甜點🍮
104 瀏覽
0 讚好
0 留言
估唔到個木糠布甸好有驚喜呢！細緻既木糠同幼滑輕盈既忌廉底下，原來藏著豆腐布甸！布甸豆味香濃、口感較為爽滑，即刻令整個布甸生色不少！另外既豆沙酥餅同桂花糕都唔錯！為成餐劃上完美既句號😚
_
總括黎講，呢度既服務專業卻不失溫度&親切感、裝潢大氣、環境舒服、茶水好喝、每道菜都食得出其用心&精雕細琢。有其殊榮絕對當之無愧！
張貼
