品香樓中西風味餐廳

營業中

休息中

食過品香樓兩次小菜做得不俗而且有特色當中最愛ge有二火焰牛柳粒賣相非常好藍色ge火燒左5分鐘先熄牛柳粒唔會太細粒肉質頗林很入味係必食小菜之一南乳雞翼一份有8隻而且隻隻都好肥大外皮炸得很脆口內裡ge雞肉都幾juicy南乳味道唔會太重但很香送啤酒一流小食凍朱加cream係呢到ge特色飲品只有晚飯時段先會供應事實上凍朱ge味道只係一般但加左cream就幫呢杯野飲拉番不少分數可以一試

由開學到完sem，計埋今次總共食過兩次品香咁大把，哈哈因為成日覺得由city行黎好遠，不如去又一城好過不過今次係陪frd去咁冇辦法啦喺屋企食左早餐，lunch唔想食咁多野叫左個$16 ge鮮牛肉三文治，烘底加$1，姐係$17有dd暖暖地烘底果然係好食，個面包脆脆地但又唔會太燶好正（我自己喺屋企成日用焗爐焗燶，哈哈）牛肉我其實冇expect佢比咁多我因為我拎起過個三文治，跟住跌左d牛肉喺碟兼執返食埋所以張相已經少左d牛肉，原本再多幾塊tim ga至於味道呢，就唔係太突出，就係普通ge牛肉lor，唔會太乾但食完都係偷左個frd ge熱朱古力飲佢地成日話朱古力好濃，其實我唔覺，只係算正常如果話同普通茶餐廳果d溝勁多雖ge朱古力比，咁呢度係叫做有返d良心ge，但用濃呢個字就唔得囉...服務就唔好要求咁多喇，爆晒場咁忙～冇黑口黑面都已經叫ok啦lunch叫飯的話around $3x啦其實我覺得唔多抵ga ja，雖然唔算貴但真係好多其他選擇不過個飯就真係足料同大ge，而且選擇都幾多得揀

今晚8人，珍珍帶路，乘20分鐘地鐵，6.30pm到來，入到室內已半滿，地方窄狹，中間通道放數張6-8人枱相當迫，坐滿時很熱鬧。我們點了數款菜，主角當然是炸豬手，火焰牛柳今日沒有供應，菜單剛落，餐廳人客已全滿，好彩珍珍早定位。炸豬手 – 一碟7隻，豬手無肉，主要吃炸豬皮，不太鹹又不油膩，不用點南乳醬也夠味，皮不韌易咬入口。風沙炸雞 – 好大隻雞，很熱，炸完沒有肥膏，雞胸肉不嚡，雞上佈滿炸蒜粒，可能剛炸完就立刻斬，還未去清油，所以很多油流落碟底。蜜桃沙拉骨 – 蜜桃粒和汁混和沙拉醬配脆炸骨吃很開胃，豬扒骨香脆。涼瓜班腩 – 味道一般的菜式，班腩不似石班肉，無所謂，因我的喜愛是涼瓜。炸豬大腸 – No no no，這個我不能放入口的食物。乳鴿 - 2隻滷水大乳鴿，每隻開4件，很多年沒吃又幾好味。上湯金銀蛋白菜仔和鮮腐竹浸娃娃菜 – 不多油，中和以上的油炸食物，兩碟菜的份量夠大。最後加叫一碟明太子炒飯，咬入口有卜卜聲感，好有味道，很飽也吃了一匙羹。8人叫了4杯，大大杯，沒甚麼特別，重要是朱古力味濃郁又夠凍，cream可有可無。今晚食物都很和味，又飯又啤酒，碟頭份量足夠，2人來吃一定要帶食物盒裝

第一次幫襯，寫上我的第一篇食評。黄金蝦。蝦夠大，但味道一般。乳鴿。可以一試。西籣花花枝帶子。端出來時只有微溫，唔夠熱。好普通的朱古力cream.服務態度不太好，名不乎實，而且環境較噪，食物質素一般，沒有地方吸引我再幫襯。

有朋友約我們到石硤尾吃飯，一聽到之後第一條問題是 : 石硤尾有甚麼值得吃?但去到見到人龍之後，我就再沒有疑問了。哈哈手撕雞是我的推介，把所有肉拆下來，配上麻油，沙茶醬和黑芝麻，雞絲又夠嫩滑，啖啖肉，凍食開胃醒晨，一定要試。賽磅蟹，蛋白好滑，再加入蟹肉同帶子，口感豐富。火焰牛聊上枱的時候，他們會在底部點火，賣相一流。黑椒味夠濃，肉汁亦能夠保持喺裡面，牛柳粒不會過韌。朋友不喜歡生洋蔥，但我卻覺得沒有問題，生的更爽口。琵琶豆腐裡面都是滿滿的餡料，豆腐又夠滑，好豐富。炸墨魚餅，啖啖墨魚粒，非常爽口，只是油了一點。糖醋桂花魚，酸酸甜甜的味道，令人開胃。魚肉外脆內嫩，只是魚骨太多了。南乳炸雞翼，炸到皮脆，但仍保持雞肉應有的嫩滑，不過南乳味太少，如果能夠加重南乳味會更好。南乳炸豬手是這裡的招牌作，當然要一試，豬手炸得熱辣辣，香脆可口而不肥膩，不過肉就少了一點，點上南乳汁還是很惹味的。但不明白為何南乳炸雞翼卻做不到此效果。酥炸大腸，入口不太香脆，有肥油但不夠肥西蘭花嚮螺片炒蝦球 ，西蘭花十分新鮮，大蝦更是入口爽脆鮮美明太子炒飯，全晚最普通的一道，飯是炒得乾身可口，不過可能本身明太子味道淡，只是炒飯味道

　　話說我成日都要等男朋友係學校開完會之後食飯，所以成日都要等到九點鬆少少食。。。講真，食又一城又真係食到厭，個時佢帶左我去品香食飯之後，我差唔多個個星期，只要佢得閒就去品香食一次宵夜。　　次次去親都要等位，好多都係落左堂之後過黎食飯，有d就係re-u成大班人一齊食飯，氣氛幾好。　　其實你話品香價錢黎講真係一般茶記咁上下，但係食物質素就真係係茶記黎講係數一數二地好，同埋佢都算係幾大份。　　次次宵夜都係叫鮑魚汁章魚雞粒撈飯，佢面頭有炸蒜，食落去幾香口，同埋佢d雞依然好滑，但係可惜係真係冇咩章魚，但係整體黎講都幾好，值得一試。但係本身唔鐘意係濕飯嘅人就千萬唔好試。　　重點係佢係宵夜咁多個飯裡面本身價錢係最貴，要$45，依家淨係要$32，叫埋凍朱古力加$10都仲有得找。　　依家真係好難搵到凍朱古力上面有一層厚厚嘅cream，仲要佢杯凍朱d朱古力味好濃同好滑，真係一定要試，強烈推介。　　　　　但係記得淨係夜晚去飲先有cream架！其他推介：茶味幾足嘅凍檸茶，不過多冰左少少。足料揚州炒飯，佢d蝦仲要好大隻架，雞粒就依然都係咁滑。明太子炒飯，個炒唔會炒得太濕，但冇咩大驚喜。　　如果去又一城食飯，不

呢篇食評 大家睇完就算 小弟只係想分享下今晚晚餐既經過 我都無影相比大家睇 有怪莫怪 唔好插小弟 好 首先 同我同行一齊有四個朋友 五個人 去之前一日已經BOOK左八點枱。好喇 滿心歡喜 八點鐘準時到門口 點知門口個姐姐比人圍 我都可以理解真係好多人 等下係應份既 等左十五分鐘左右就入得座啦。 入到去坐底 成個場既待應左穿右插 幾經辛苦問到其中一個拎左張MENU＋落單紙咁我地叫既小菜如下：南乳炸豬手（聽聞出名）黃金花枝片一桶雞腐乳炒生菜芝士琵琶豆腐（＋15蚊有個伊麵底）兩支生力兩杯凍朱古力＋CREAM叫左五個小菜八點四叫好哂 咁首先黎左兩杯朱古力＋CREAM同生力 好啦 大家以為D餸好快黎既時候 我地坐一個鐘頭 D餸都未黎 我明白多人廚房唔得閒 係要等 但唔係等到連遲入座過我地既其他人食飽 我地D野都未黎架嘛？？途中仲要吹左五六次 問待應有無漏單 佢又實牙實齒話無漏 咁好啦 信你再等 一等再等 我地隔離左右D食完走哂 我地D野先黎 兩杯朱古力飲到得番冰水 生力都飲完一支仲要叫多支。會唔會過份左？首先黎既係南乳炸豬手 但豬手全部變豬骨 南乳炸豬骨？無肉食 又無味 算！！ 第二樣一桶雞 賣

琴日帶支紅酒去同朋友食飯，佢收$20開瓶費。阿姐拎支酒去開，未𠝹開招紙就直接落開瓶器，而且落到斜晒，開爆酒塞，拉出少少見唔對路，拎支酒嚟同我講：先生你自己搞返。咩態度？好在我搞得返啫。我之前未食過，估佢唔倒只係大排檔嚟，紅酒杯當然無添啦。但有大排檔夠膽收開瓶費架咩？未聽過！食物的確算平，叫咗十幾道菜，除返開都係一百蚊一個人，但味道真係唔突出。手撕雞，好多街舖賣果D已好食過佢，最好笑係手撕雞有沙茶醬點，夠味洗鬼點醬？點沙茶醬我不如叫白切雞？仲話係名菜要book。黃金蝦夠大隻新鮮抵讚。其餘沙拉骨呀菜呀等等質素都係一般，係唔難食，但唔特別。另一名牌凍朱古力，我無叫，朋友叫咗話只係一杯朱古力加一舊cream，完全唔特別。環境，地面企理嘅，大排檔咁坐，但佢啲射燈對正啲客，勁熱。老老實實，係平，但佢啲野食其實唔大碟，而且推返佢去大排檔grade去計，佢完全無大排檔嘅風味鑊氣。對搵食有返少少經驗嘅人應該都知，香港地依家中餐平到嘔。百幾蚊一個人，其實已經可以酒樓叫成圍食，肯定大碟過佢；要平啲咩？啲街市熟食中心又平過佢，風味仲正過佢。我只可以話佢非常之average, 非常之common, 我無興趣再幫

又來到了一年一度的中學同學聚會了，場地從來也是要花上不少心思的地方，人數每每也十多二十個，要找一個場地可容納那麼多人，不簡單。當然，cafe會是一個最先想到的地點，但又不太甘心為地方而犧牲食物的質素，加上價錢要經濟實惠，金額希望控制在$100，到最後便選擇了石硤尾的品香樓，來個地區風味餐好了。預先預留了位置，是兩張十人檯，服務員有事先通知可能要等一下位，幸好，到達的時候已有座位，但檯並不是相連的，要再等約二十分鐘才有相連的檯。為了方便聊天，即使空間感變少，我們也决定要合併檯子，形成8字。菜單上有熱門排行榜，從中點了不少款式，由於預先吃了一點，加上顧着聊天，對菜式的印象不太深刻，就簡單介紹幾款菜式好了。黑椒牛柳粒:是服務員介紹的一道，平心而論，味道未算突出，但最壯觀的正是上菜後點火的一刻，眼前盡是橙藍色的火光，實在很壯觀。金菇肥牛煲是我很愛點的一道，這裏的出品處理得相當不錯，鑊氣十足，肥牛跟金菇也煮得相當入味，難得是用的肥牛不是粗製濫造只得肥肉的。椒鹽豆腐是稍為失色的一道，既不熱，豆腐亦不夠香脆，鹹香度亦未見突出。凍朱古力:相信是這裏的名物吧，我們共點了十多杯的凍朱古力，場面真壯觀，朱古

點解會識黎LEE度食野呢？如果唔係家姐帶黎真係唔知原來屋邨都有好野食呀！家姐一早就BOOK定位，所以我地唔洗等位喇！大家唔想等位記住BOOK位喇！一坐低就睇下有咩食先，因為其實LEE間野同茶餐廳冇分別架！不過味道就VERY GOOD囉其實個餐牌係超多選擇架就睇下食左咩先 大腸炸得好乾身YUMMY，炸豬肉係招牌菜，香得黎又好淋喎！正蝦多士唔係成日都有架！就算有都可能會好快冇，所以有冇得食就要睇運氣喇！今日運氣好所以有得食！HEHE糯米飯好香，但最後就係一D都唔油呢薑葱焗蠔我冇食到，但食左D配菜都覺得好香 蒜香雞同回鍋肉都好野味同埋香呀不得不介紹以下LEE杯凍朱朱力呀絶對係香濃又唔太甜！我覺得係黎LEE度的必叫之選雖然LEE度冇豪華的裝修，人手都好似唔太足夠，但價錢真係好實際我覺得有美味的食物又有朋友相伴，真係一樂也今天的肚皮好滿足呢

前幾天看畢向朋友借來的「深夜食堂」，突然回想，哪兒才是我的「深夜食堂」，在我腦內，浮起「品香樓」這名字。因此我隔天就去食了。品香樓位於石硤尾南山邨的平台上，這兒是我大學時代最喜歡打躉的地方，因為他很近CITY U，所以很多同學仔做完project都會來這兒食飯/宵夜。原因有三個:一，夠平，二,好味，三,開得夜，這裡到十二點幾才關門，在那時，算是在那邊開得夜的餐廳了。以下三款食物是我常吃的南乳雞翼首先，雞翼大大隻，雞皮超級脆口，陣陣的南乳味在口中徘徊，加上端上來必定熱騰騰，好味!!!!!他是我覺得第二好食的南乳雞翼，第一是在澳門食的。大蜆夜媽媽才食蜆，不要奢望是新鮮，但這兒的蜆，確是大件頭，一塊蜆肉，都要食幾啖呀!!!!我的至愛--凍朱古力加cream來到品香樓不得不喝，他跟出面茶餐廳像水一樣淡的朱古力不同，確實有濃烈的可可味，再將cream混合，口感變得無比的幼滑。哈哈!!好像太誇張，但真是好好飲!!!回味了讀書時的食物，同時也勾起不少讀書時的回憶，用幾十元就能回味那麼多，真的不錯!!!!!

我地訂左25人既位,仲要有同佢地 double confirm果間品香樓!!!!我地明明訂左位,入到去佢俾張細枱(只可以坐6-8人),同一張12人枱!!!!點可能容納25人呢!!!我媽媽超級(淋)善咁問個員工(係舊鋪果邊)我地咁多人坐唔落wor,個超級無品既員工就大聲喝我地,你地唔滿意就出門口由頭等過,位就得咁多!!!我地忍,迫迫地照坐!!!!跟住問佢(又係果個員工)請問有無熱水呢?佢又話熱水要等好耐架!!!足足叫左n次先有杯熱水,等左半個鐘,食到一肚氣!!!!咁樣趕客就唔好做啦! 態度差,食物都越來越差!!!!我一定唔會就幫襯!!!果晚仲要食左千幾蚊!!!!!d食物又唔係平,態度仲係我有史以來與過最差

蜜桃沙拉骨:肉質香脆可口而不肥膩,沙拉滑配蜜桃味到好好芝士西蘭花加伊麵底:加伊麵需加$15,不會太濃,我女兒也歡喜吃酥炸大腸:入口香脆可口需有肥油但不夠很肥南乳炸豬手:又係香脆可口入口不肥膩,好味可惜無得吃手撕鷄,因要預定,睇見隔離枱叫咗好大碟,下次才食.啲食物無味精,清而可口,因為本人對味精有反應,不可食味精食物.

食物不算突出，上菜速度一般招牌菜風沙雞不錯，$95半隻避風塘9肚魚，無咩避風塘感覺，只是炸了9肚魚後on top放了一些炸蒜菠蘿咕嚕肉茶餐廳水準令我最不滿的是服務態度服務員態度極差，越出名越差希望有所改善吧！

星期日，一家人去食品香樓，BOOK左10個人7:30，好多好多人，等到差唔多8點先有位入，仲要坐門口，出出入入係咁俾其他人撞到 -__-" 不過唔緊要啦最緊要食!好彩BOOK到一隻手撕雞，真係好好食，一定要試，不過每日限量，要食就要早D打電話BOOK，好快冇哂^^凍食黎，D肉好嫩好滑，點埋沙薑醬好正!椒鹽九肚魚 熱辣辣 好味酥炸豬大腸 哥哥勁鍾意食 唔同出面個D，冇個陣臭味，炸得好好食不過好肥芝士焗西蘭花，芝士味好濃，好味，西蘭花好大舊蜜桃沙拉骨，一貫的好吃賽磅蟹，可能我唔識食，唔識形容味道，冇咩特別，哈哈南乳炸豬手，好味，如果D豬手多D肉就好喇，HAHA仲有叫左其他好多野食，唔UP相喇，都OK總括最好味都係手撕雞，真係要一早BOOK定隻雞 ! 間食店好多人，D侍應超忙，辛苦哂了 !!!10個人大約叫左12個送，7碗飯，冇飲野，埋單都係800幾，幾抵丫 ^^