影片
更多
2013-03-26
126 瀏覽
話說我成日都要等男朋友係學校開完會之後食飯，所以成日都要等到九點鬆少少食。。。講真，食又一城又真係食到厭，個時佢帶左我去品香食飯之後，我差唔多個個星期，只要佢得閒就去品香食一次宵夜。 次次去親都要等位，好多都係落左堂之後過黎食飯，有d就係re-u成大班人一齊食飯，氣氛幾好。 其實你話品香價錢黎講真係一般茶記咁上下，但係食物質素就真係係茶記黎講係數一數二地好，同埋佢都算係幾大份。 次次宵夜都係叫鮑魚汁章魚雞粒撈飯，佢面頭有炸蒜，食落去幾香口，同埋佢d雞依然好滑，但係可惜係真係冇咩章魚，但係整體黎講都幾好，值得一試。但係本身唔鐘意係濕飯嘅人就千萬唔好試。 重點係佢係宵夜咁多個飯裡面本身價錢係最貴，要$45，依家淨係要$32，叫埋凍朱古力加$10都仲有得找。 依家真係好難搵到凍朱古力上面有一層厚厚嘅cream，仲要佢杯凍朱d朱古力味好濃同好滑，真係一定要試，強烈推介。 但係記得淨係夜晚去飲先有cream架！其他推介：茶味幾足嘅凍檸茶，不過多冰左少少。足料揚州炒飯，佢d蝦仲要好大隻架，雞粒就依然都係咁滑。明太子炒飯，個炒唔會炒得太濕，但冇咩大驚喜。 如果去又一城食飯，不
次次去親都要等位，好多都係落左堂之後過黎食飯，有d就係re-u成大班人一齊食飯，氣氛幾好。
其實你話品香價錢黎講真係一般茶記咁上下，但係食物質素就真係係茶記黎講係數一數二地好，同埋佢都算係幾大份。
次次宵夜都係叫鮑魚汁章魚雞粒撈飯，佢面頭有炸蒜，食落去幾香口，同埋佢d雞依然好滑，但係可惜係真係冇咩章魚，但係整體黎講都幾好，值得一試。但係本身唔鐘意係濕飯嘅人就千萬唔好試。
重點係佢係宵夜咁多個飯裡面本身價錢係最貴，要$45，依家淨係要$32，叫埋凍朱古力加$10都仲有得找。
依家真係好難搵到凍朱古力上面有一層厚厚嘅cream，仲要佢杯凍朱d朱古力味好濃同好滑，真係一定要試，強烈推介。但係記得淨係夜晚去飲先有cream架！
其他推介：茶味幾足嘅凍檸茶，不過多冰左少少。
足料揚州炒飯，佢d蝦仲要好大隻架，雞粒就依然都係咁滑。
明太子炒飯，個炒唔會炒得太濕，但冇咩大驚喜。
如果去又一城食飯，不如行遠少少去品香食都值得，反正大型商場food court 食嘅野唔好話度度一樣，但係都差唔多囉～次次咁食法真係會冇咩驚喜，會悶。。。
張貼
