品香樓中西風味餐廳

營業中

休息中

星期五晚放左工去到餐廳才是6.30pm點了1. 招牌炸豬手 豬皮不會太lum亦不過un, 肉汁夠, 送啤酒夠好, 另上的南乳汁不濟! 但兩個人食份量會較膩2. 金銀蛋豆苗 不過不失, 炸蒜子好香口3. 火焰牛肉粒 巴鬼, 得個樣, 牛肉醃到好咸, 個sauce好傑....4. 凍 & 熱朱古力 我試熱的, 好濃朱古力味, 不錯價錢不貴亦不平，大圍人食飯是不錯的選擇，不過一定要訂枱，過了7.00pm好多人

事隔一段時間, 重臨品香樓, 結果水準依然被保持, 人龍依然是有半隻的風沙雞, 脆皮肉滑, '啖啖肉', 味道ok, 尤其加了炸蒜粒帶出更香更開胃的感覺很有創意的芝士琵琶豆腐, 更令人喜愛的是原來有伊麵底, 很美味!品香樓有些較不同創意菜式, 是很難得的, 試試無妨

朋友家住石硤尾, 次次過去探佢, 都會揀品香樓開飯~ 貪佢夠足料&好味呀-嘛! 2個女仔可以食d咩 3餸+2碗白飯就夠哂飽了 仲要有剩可以打包呢! 我地叫左....1. 沙拉骨 -- 推介! 超好味! 必食!2. 賽螃蟹 -- 推介! 價錢雖然比其他菜色貴少少, 但勝在分量夠多&足料, 送飯食一流!3. 尤魚鬚 -- 老實講, 我覺得唔係甘好食... 甘的價錢可以揀另一個菜式... IMG:3]location: 如果唔係地頭蟲or街坊去食, 都唔係甘易搵到間野響邊... 坐位: 坐位與坐位之間排得都幾密(可以話係迫囉, 可以係密到冇咩位可以行, 要叫人讓開一下比你行過去果隻), 如果要坐得舒服, 佢唔係一個好的選擇... (ps: 但就算入面坐位有幾密, 出面門口有幾多人排隊等開飯好, staff 都唔會安排陌生人同你搭枱. 呢個係值得一讚! 唔係度度地方都肯甘做架!)

After hearing all the raving reviews by friends and seeing the ratings here I decided to visit this place with a friend (who has been there before)Thankfully we booked a table, even on monday at 9pm it was really crowded.With only two people you can only order so much, we decided to go for two dishes which both arrived really fast (within 10-15mins, which is a wonder seeing how all the tables were occupied)風沙雞: the chicken was really tasty and definitely recommended咖喱牛腩煲: the curry beef pot howe

這裡的晚餐很出色很多時令人忘記了午餐，今日就一於食午餐過口癮！ 每天也有不同的餐，不過當然可以選其他，最後選了夏威夷汁雞扒意粉和牛扒雞翼撈公仔麵。兩者上台賣相都非常吸引，牛扒不算小不硬，雞翼大隻得來炸得香+熟透食得非常放心~而公仔麵真的兜過來上色也足夠 味道又不太鹹。 至於夏威夷味道清新 雞扒大大塊煎香了很飽肚。 看得出2者都用心做，其實這些食物都非常普通，基本上很多地方都可以食到，但正正因為用心做所以令生意愈做愈好。也是我經過此地用餐首選！

十一月二十二日 (星期二)石硤尾從來少踏足,十居其九的理由,相信會是這個很小時已聽聞品香樓之大名,唯一直沒有機會試老公仔上回跟友人來訪,大讚!身為為食組組長的我,立刻召集組員起行!雖已訂了枱,還是要等約十多分鐘,也是意料之內一行六人順利入座早有準備,知道這裡的名物是鹽焗手撕雞,還要預訂的這也成為我們的第一道菜雞先經鹽製,帶點咸香,但又沒有一般吃到的鹽焗雞那麼咸雞肉是何其的嫩滑,雞皮也十分煙韌不愛吃雞皮的我,也心甘情願地嘗了數片牛腩入口味濃香滑肉質嫩,一點也不韌,很有嚼勁加上其好拍檔咖喱汁,用來伴飯絕對一流炒蜆不是這裡的拿手蜆肉是新鮮的,炒得很入味唯獨份量較少,未能盡興這裡沒有松子魚,只有桂花味道依然可口,魚肉外脆內嫩酸酸甜甜的感覺,令人開懷本是這裡的精彩節目之一來枱時伙計才會在放滿鹽的碟上點火將牛柳番熱牛肉入口是嫩滑爽口的,可惜熱度極其欠奉似乎出了什麼的亂子...真的令人失望西蘭花十分新鮮,入口爽脆鮮美大蝦肉質更是爽口,鮮味十足嚮螺片則較普通,味道欠濃,入口也稍欠口感無論如何,也是不錯的選擇佳節臨近,還未想到吃什麼?一大班人,又不想吃複製的限時限刻聖誕餐,這或許是一個另類選擇!

又是每星期的聚餐今天到了品香樓,之前朋友間都說不錯,終於可一嘗朋友訂了8點,去到不用等位,但差不多全院滿座.友人之前訂了-手撕雞及南乳豬手朋友發牌-手撕雞,南乳豬手,黃金花枝和3杯朱古力. 之後加了生炒糯米飯及蒜茸炒白菜仔手撕雞 - 是鹽焗雞的變奏版,因為是用鹽焗雞拆出來的,跟一般雞一樣-雞翼,雞背等好入味,其他雞胸就差一點,而且好奇怪不沾沙薑醬更好食,不過都是一道不錯的餸菜南乳豬手 - 是晚的豬手太乾了不太好食,黃金花枝- 是另外一道不錯的餸菜,蛋黃香香的中間的花枝新鮮美味生炒糯米飯 - 想不到是平凡的好食.不是酒樓的多臘味但少到一舊舊,這裡的比例適中,而且花生多飯比一粒粒,好平實但好食的一個炒飯蒜茸炒白菜仔 - 一個莫明奇妙差的餸,沒蒜茸味,沒鑊氣,味道不討好的一道菜,好普通茶記的炒白菜仔(沒蒜茸)朱古力 - 是一個不錯的飯品,簡單一句"夠濃"總括來說都一間不錯的餐廳,下次會試他們的南乳雞翼

上次朋友已經黎過一次, 不過有究做join唔到, 今次佢地再戰呢間, 即到~~呱個喺book枱嘅時間就要預訂先, 都夠數呀, 唔會得返少少比你, 涼浸浸, 咸咸地咁好好食~/5, 滿分~一到冬天就會想食呢d野, 呢個估佢唔到整得幾好食喎, 香口, 一粒粒唔會過左火, 好味~~/5, 都係滿分之作~唔可以只係食肉咁唔健康, 所以叫左呢個, 唔會太咸, d菜煮得剛剛好~/5, 好高分~另一味菜, 不過可能d金蒜係炸出黎, 所以油左d, 扣左d分, /5, 合格呢個超級好食呀, 又滑, d蝦都大隻呀, 爽口, 我一個差不多食左半碟~呢個就差左d啦, 咸過頭都唔緊要啦, 至多食多兩啖飯, 最重要係d扣肉唔夠入味同唔夠淋, 好大鑊, 唔合格/5~最後火燄黑椒牛肉, d肉夠淋, 不過好似鬆伕粉重手左d, ok合格啦~/5

20.5.2011與他第一次見面, 來了這裡食飯. 已有半年沒有來這裡食飯, 雖然是平日晚上, 但仍然好full好多人等位. 幸好我們七點就到, 所以很快就有位.打開menu, 很多小菜也想吃哩. 於是揀了:賽磅蟹:在滑滑的蛋白裡面有不少細細粒的蟹肉, 而當蟹子伴勻了蛋白來吃之後, 就增加了蛋白的味道, 也令它更有口感. 伴碟的西蘭花也十分清爽新鮮, 不錯糖醋桂花魚:甜甜酸酸的味道, 十分討好. 魚炸得香脆, 魚肉也保持嫩滑的感覺. 但這條魚太細條了, 魚骨也很多, 所以吃起來有點兒麻煩.南乳炸雞翼:有六件炸雞翼, 用籃子裝住, 給人一種"小食feel". 雞翼炸得好香好脆, 裡面的雞肉是熱騰騰, 也保持雞肉應有的嫩滑. 不過, 我們也覺得雞翼只有少少南乳味, 如果能夠加重南乳味會更好.這一餐是有點兒貴, 但食物有質素嘛, 所以將來一定會再來吃其他小菜的.

星期日同左女友同d fan一齊去左呢間店試試,好多人,等左好耐,坐得好迫,好唔舒服,但算啦,d fan話呢間店好好食,我地叫左黃金尤魚,芝士西蘭花伊麵,牛仔骨,風沙雞,蝦蒸糯米飯,南乳豬手,雜菜煲,金茹肥牛煲,講真佢地質素好麻麻,係個蝦蒸糯米飯見得下人,算最足料而且最入味,最唔得係芝士西蘭花伊麵,牛仔骨同金茹肥牛煲,個芝士西蘭花伊麵我真係食唔到有芝士味,失敗之作,牛仔骨少到冇朋友,仲要冇肉,得d骨,個金茹肥牛煲都係冇咩味,而且d牛肉超鞋口,好似食緊紙咁.佢d小二好串好慢,錯單係經常有的,見議一定要對單,如果行開呢頭,都可以一試,但唔好特登來.

貴為CITYU學生, 好多都知到去南山村有野食, 但小弟同D FD子去就鑊鑊新鮮鑊鑊甘有次食魚香茄子炆米, D茄子冇茄子肉, 得D茄皮另外一次食三色椒+唔知咩汁既飯, 食落去可以係完全冇味, 我地叫左3個, 之後叫佢換個碟, 佢仲可以好質疑你咁話: 咁你想要咩味?之後我個FD想開始同佢嘈, 佢先肯換真係以後都唔敢去呢間野, 唔明點解可以仲有咁多CITY人去食

終於有機會一嚐有名的品香樓,在問外等位的人很多,幸好細枱只需稍等片刻..人少少,點菜不多,點了四個菜--黃金蝦,芝士琵琶豆付伊麵,牛仔骨和花枝!黃金蝦真是必吃啊!!! 蝦很大,肉很爽!! 琵琶豆付料足!! 牛仔骨上菜時,服務生還會點火,增加視覺效果!!炸花枝也很味美,不過炸得老了一點! 食物美味,價錢也很實惠,值得再來! 但環境頗嘈吵~

由讀完書之後, 品香樓 就一直成為舊同學聚會 既其中一個指定"飯堂"後來, 又慢慢成為"朋友"聚會既其中一個指定點再後來, 有時屋企大時大節, 有人生日 又會指定呢度此無他, "平．靚．正" 是也 !今日又介紹一班台灣來的朋友食飯,總係覺得, 朋友千里迢迢來香港旅遊, 應該花 d 心思, 帶人地去 d 一般 "旅遊書" 搵唔到既食點將心比己, 我地去其他地方旅遊, 都想試下 d 地道風味野 品香樓自然是我心目中其中一間介紹地點由於朋友一早定好日期時間, 那就非常好, 我兩星期前打定電話去訂座那就不怕"撲個空", 失望而回啦當日我地一行六人都在預定時間早十分鐘到達, 等候安排入座不消十五分鐘, 已經入座了, 由於台灣朋友未來過, 亦全程讓我們發版由於一直都有幫趁既關係, 咁我亦有既定既菜單在心中 手撕雞呢個已經係"必點"菜式, 我係刻位既時候已經"order"定唔係講笑, 如果唔係真係有機會"向隅" 架呢個手撕雞, 同市面上既手撕雞有些不同, 就是好足料,似乎已經係好接近全隻雞既肉都交足貨好多時出面食果 d, 好多都唔知"有無半隻" 南乳炸豬手呢個又係必點既一個菜, 炸得好香而不肥膩

晚上7時來到不算多人,但過了半小時,全場爆滿,幸好朋友BOOK了台一行7人,叫了六個菜:1.南乳炸豬手2.沙拉骨3.炸豆腐4.魚香茄子5.明太子炒飯6.一碟炒菜先說豬手,炸得好香口,低內裡卻有肉汁,口感不錯,加上南乳汁更有風味@@之後沙拉骨酸酸甜甜也很惹味!炸豆腐外脆內軟,炒飯也不錯~唯有是茄子實在是沒有魚香味,也不夠淋食完坐左冇耐,就有人催你走,不過正常GE,真係好多人排隊=.=總括來說都不錯~

都幫襯左佢好多年，又平又抵...今年和爸爸提早慶祝父親節，點之食物質數大不如前！叫左5碟餸！聖子 -- 如像橡皮圈中式牛柳 - OK黃金蝦 - 隻蝦好梅！完全無咸蛋味！金銀蛋菜 - OK雞 --- 等左成個鐘，食曬上面4碟野先來！隻雞得個"林"字！無雞味！環境 - 迫到無人有, 仲要嘈到超誇張！好似街市咁！唔好話問下爸爸 "好唔好食" 佢都聽唔到，我自己都聽唔到自己把聲，我明白佢係D普通屋村食市~嘈唔出奇！但係佢嘈既主要原因，係因為明明張枱係坐5-6個人~佢迫8個人落去，根本個場就SUPPORT唔到咁多人！連一條人行既路都無！咁既環境，咁既食物質數+咁既酒樓價錢....貴左D