品香樓中西風味餐廳

營業中

休息中

訂左位仲要等...超迫人坐係中間圓檯不停俾人撞 食到食唔安樂 無味雞.... $9x 唔值 成兜得5件豬腸其他全部都係辣椒 又凍又硬又韌既....豉油王炒麵 咸到失味覺既加全生洋蔥....黑椒牛聊粒 不過不失 慘無人道...乜玉子豆腐好貴咩加埋得一支半分量... 泰式炸豆腐

小時候在這區上學, 但已有多年沒有來過這邊, 是晚就一家人來這裡晚飯. 想不到是相當熱鬧, 晚上七點來到, 已經是人山人海. 雖然是訂了位, 但其實也沒有甚麼留位的安排, 總之就要早點來就有位, 遲來的話還是要排大隊. 這裡地方相當擠逼, 我們四個人逼在小卡位來, 實在不太舒適. 看看餐牌, 其實選擇不算太多, 就揀了以下幾款食物:蜜桃沙拉骨 $55: 2分, 炸得太乾了, 叫得沙拉骨, 當然是骨為主, 但肉真的太少, 也太實, 而蜜桃是罐頭貨, 也不夠鮮甜.南乳炸豬手 $60: 6分, 炸豬手是這裡的招牌作, 當然要一試. 一客$60, 也是相當經濟的價位. 豬手炸得熱辣辣, 皮幾脆, 但又是無乜肉, 不過點上南乳汁還是幾惹味的.生炒臘味燸米飯 $60: 4分, 不太像是生炒的, 飯偏濕, 飯粒不分明, 說是臘味燸米飯, 但其實沒有太多臘味, 比較寡.西蘭花花枝炒帶子 $78: 4分, 經過多番追單之後才出現的西蘭花花枝炒帶子, 實在是炒得相當油, 花枝片的質感一般, 帶子不也不太有鮮味, 西蘭花亦不太靚.凍朱古力: 4分, 另一項追了很久才出現的是凍朱古力, 不過朱古力味道不太濃烈

之前因為忙著考試, 所以沒有時間和Mammy慶祝母親節.一個月之後, 父親節到了, 考試完了, 工作找到了.當然要跟Mammy補祝母親節, 也要與Daddy慶祝父親節.他們比較喜歡食中菜, 所以今次我和細佬就選擇了去品香樓食父親節飯.品香樓的菜式偏向創新, 味道也不錯, 而且價錢不貴, 所以每日都有很多人排隊食飯.尤其是父親節這些日子, 特別多人, 要早一日打電話book枱.落了order沒多久, 就上菜了, 好快手.xo醬炒鱔球四季豆很入味.不過鱔球味道好普通, 不是很鹹, 不太特別.跟白飯一齊食會好味一點.沙拉骨沙津汁跟出面中菜餐廳的沙拉骨比, 不會好酸.肉都容易咬開, 不錯.琵琶豆腐汁一點都不鹹, 琵琶豆腐裡面都是滿滿的餡料, 好豐富.西蘭花響螺片炒蝦球這個菜味道都是很普通賽磅蟹蛋白好滑, 跟白飯一齊食, 非常好食.這個菜是我今晚的最愛~

屋奇人生日就當然要食好啲啦, 咁屋企人又想食啲特別啲嘅, 上次聽朋友介紹呢間野又未食過, 今次就當然咪走雞啦~去到石硤尾南山村搵一搵就搵到~都幾方便, 等左大約7分鐘就有得入座~黎到呢到就當然要試吓佢個鹽焗手撕雞啦! 我都係fd介紹我先試~但係意想不到地好味!!! 正!!

小學聚餐...大家話黎呢間品香樓食, 聽過好多人講, 自己都係第一次黎book 左位都要等, 等左15 分鐘, 巳經熱溶入到去, 好多人~ 叫左個炸豬手, 都幾好食, 唔會太un, 又唔會太林, 不錯.再叫左個賽磅蟹, 蛋白炒得好滑. 好少蟹肉, 菜好似唔多熟,好生. 火焰牛肉粒, 個樣好似好勁, 但無奈太咸...........食完一粒要即刻飲水..風沙雞好香脆, 幾好味芝士琵琶豆腐..係因為見到個名, 好新奇, 叫黎試下..不過真係又西又中..唔得最後一個豉椒炒蜆, 好普通, 殼仲多過肉, 搵笨~環境唔得, 因為太嘈....完全聽唔到其他人講野....上菜都算快~

這夜衆友人齊到石硤尾晚膳, 一嘗這家聞名久遠的品香樓"中西式茶餐廳風味"(有D亂吖,又中又西又茶餐廳...@@")老實說...店舖並不吸引, 一貫老派舊屋村餐室吧! 友人預先訂座但堂前座冇虛席,還需等候10分鐘....第一味...芝麻手撕雞 (差不多出現在每一張枱上, 亦算全餐最似樣之作, 稍有特色不用吐骨)BB乳鴿...(似肥B乳鴿多啲) 皮唔夠脆, 肉唔夠嫩滑椒鹽鮮魷...(椒鹽唔夠椒鹽, 鮮魷又唔夠新鮮...又死又實好似食擦膠咁) 最特別係隻鴨仔籃火焰牛柳...( 唔G佢想點,放D火向碟底又話火焰, 牛肉又用鬆肉粉醃至全無味道及咬口)炸墨魚餅...(墨魚餅有型冇實, 原全唔夠墨魚只有槳粉+馬蹄)芝士芘芭豆腐...(芘芭豆腐唔夠芘芭, 芝士又冇味,只有一大埋獻汁)風沙猪手....(南乳原全唔入味, 跟風沙亦毫冇關係)鴛鴦雞球 (你又做呢個汁)還有一碟"薑汁芥蘭"...(薑汁味不夠, 芥蘭又老又過火), 但平心而論....全餐 9碟+ 4支啤酒都只係7佰元多, 你仲想要求咩？！

星期六晚,我和家人驅車到南山邨一特色餐廳唔係品味咖啡?而係品香樓.9:15pm到達,門口依然迫得人山人海,幸好該店侍應十分有效率,所以等了一會就可以入內坐下,我們很快速點了5個招牌小菜:1.南乳炸豬手~香脆好味,唔會太乾 2.霸王雞~肉嫩似蔥油雞味 3.蜜桃沙拉骨~蜜桃開胃,肉質鬆軟 4.糖醋桂花魚~汁好味~魚炸得香脆可口 5.西蘭花花枝帶子~西蘭花夠爽口花枝帶子很妙,再加上兩杯無咩驚喜既飲料忌廉涷朱古力, 這頓飯就此圓滿地好開心結束.

某日一行四人經某人介紹去了品嚐石硤尾南山村的品香樓,​ 當日九時多到達. 門外依然仍有不少人排隊, 入內後裝修格局似新式茶餐廳風格. 多是卡位, 擁有足夠的私人空間. 坐下後看看餐牌, 菜式款式甚多主要以茶餐廳小菜加入創意在其中. 我們四人點了六道菜和飲品, 每人平均消費$110左右. 生汁龍鳳球 ~ 龍鳳球即是用龍利魚柳包釀蝦膠, 再上粉炸熟的. 最後加入沙律汁輕炒而成. 總體味道有新意開胃惹味.黃金花枝 ~ 炸得很好, 外層略有脆口. 內裡軟軟的花枝. 有是一個問題就是不新鮮, 食海鮮沒鮮味是很失敗的. 這個花枝應該是用冰鮮或雪藏的, 所以雖有很好的外層, 但內裡的真的麻麻.臘味生炒糯米飯 ~ 飯粒分明, 炒得很乾身. 乾身得來不會太乾控制得很好. 當然你問我是否真的生炒的話, 我很坦白說當然不是啦. 但這道菜味道適中炒得很不錯.火焰XO爆鱔球 ~ 這味菜一定要慢慢觀賞一番, 不能一來便即刻食. 因為上桌才點火, 而點了火後除了用來觀賞外是有加熱的作用. 如果太快食的話, 鱔球是會有點凍的. 說回味道, 這道菜的鱔球味道略淡了一些. 鱔亦不是太新鮮, 鮮味全冇. 不過在下面的四季豆

義工服務終於順利完結，整個過程施與受無分彼此，大家相向互動交流，做義工的我們同樣獲益不淺，微不足道的付出，郤換來金錢以外的滿足，得到啟發，也潤澤了心靈。但相反肚子經整天的走動、有點空虛。早於10多年前嚐過 "品香樓" 菜式，到現時印象依稀，記憶中菜式種類跟北角東寶相約。5時多吃晚飯對現代人來說好像有點兒那個，也擔心未到晚飯供應時段，問准收銀員確認有小菜供應便安排到卡位入座。由於我倆都非常熱氣，油炸花生只好孤獨地呆坐小碟內，乏人欣賞。金銀蛋肉鬆節瓜絲採用了節瓜絲代替慣用的莧菜或菠菜，頗有新意，而且節瓜絲在吸收高湯後也能入味，效果同樣的好。除節瓜絲外，較為特別的是放上乾蒜粒，不但增加美感，同時也能提昇了食味。高湯湯底非常濃郁，但就有點欠自然，若稍作改善會更完美。酷愛酒香入餚菜式的我，看到砂鍋玫瑰雞，相當程度聯想起玫瑰露烹調雞肉的惹味。以砂鍋盛上的玫瑰雞，沒有想像的 "吱喳" 火氣，也沒有一絲香味，似乎跟砂鍋談不上任何關係，莫非雞肉絶緣了？幸好翠綠的葱段及葱絲與赤紅油潤的雞皮給挽回一點印象分。加上雞肉嫩滑，雖是酒香欠奉，但仍美味香甜的香葱生蒜豉油汁，獲取回不少掌聲。就用這美味的豉油汁，多吃幾

香港這幾天都落著滂沱大雨，邊度都唔想去，不過講到食品香樓，再預訂埋手撕雞，真係大一大雨都要去！ 對上一次食都己經講緊成半年前，仲好掛住佢D手撕雞同埋熱炒！來到南山村既戶外大排檔，行過少少既平台就係品香樓。宜家擴充到本店以外，隔離黃色舖都係佢既分店，雖然舖位宜家大左好多，但係唔訂枱都真係排等。今次除左手撕雞，仲叫左黃金蝦、賽螃蟹、西蘭花炒斑塊、椒鹽豆腐同埋黑椒牛柳粒。上菜速度好快，大約十五分鐘就上晒枱，除左黃金蝦同凍食既手撕雞，其他都熱辣辣！好似豆卜咁，外皮脆，多汁，細細件，少少辣，不過多汁，香口，拌飯餸酒都好正。黃金蝦係我個人好鐘意既菜式，所以要求都幾高，呢度既黃金蝦上菜時己經唔係好熱，無左蛋黃既香氣，加上蝦過油過得唔夠已經唔脆，所以唔可以連瞉食，幸好是油不多，食落唔會太過油膩，內裡既蝦都幾大隻，食落口感唔錯，唔會乾。不過講到尾，呢味餸最好都係葵通金潮係最好，瞉都食埋！諗起都想食！西蘭花出奇地唔多油，一般西蘭花會吸唔少油，但係呢個算好清爽；斑塊有返咁上下厚度，而且肉一D都唔鬆散，好似新鮮拆出來咁，當然唔會好似蒸出來個D咁滑，但係都唔會食到雪藏味，正！上枱既時候，呀姨會幫佢喺個底度點火，

位於南山村的品香樓，也算是薄有名氣的，一些明星以及少年食神都曾經介紹過。餐廳裝修後，仍擺脫不了街坊的形象，於我等在屋村長大的死窮鬼而言，份外親切。就在兒童節的那天，老豆唔知係咪返老還童，擺工不煮飯(實情是拜完山太累而已)，需要出街食。臨時臨急，又是假期，難以訂到好的餐廳食肆。而且只是吃餐家常便飯，無用太過豪華，我便建議去品香樓。在老豆竟然沒反對的情況下，來了。雖然是屋村的街坊店，衛生情況亦不算太差，至少東西是企企理理的。言歸食物，老豆一向主張吃七成飽的，因此跟他吃飯，點菜總不會過量，如這天，三人就只吃了三味餸。招牌的南乳炸豬手肯定不能錯過。豬手跟南乳醬是分開上的，喜歡重口味或是喜歡清淡的，自行下手沾醬便可以，我當然是會來得兇一點。豬手皮炸得香脆，皮下膠質頗重，沒有過份的乾身，最重要是熱呼呼的，水準是不俗，也是佐酒良品，麻甩佬定必喜歡，難怪這味能成為街坊店的人氣No.1食品。我是食肉獸，再來自然又是肉，同樣是這裡的名物，蜜桃沙拉骨。肉質外微脆，裡頭鬆化，配上大量開胃的沙拉醬，倍添滋味，蜜桃也能提算食慾。要挑剔的是熱度不足，若能像之前來的豬手一樣熱燙，就很好了。兩味肉，也該來碟菜，選擇了花

今次第2次黎, 原因記掛住佢既手撕雞....手撕雞一定要訂先有, 所以book 位時順便訂埋去到已經見到唔少人等位, 好彩book左位即刻有得入, yeah一家人食飯, 因為多人, 我地叫左好多野手撕雞 -- keep到水準, 麻油味香, 雞肉滑...好快掃清光沙拉骨 -- 排骨炸到十分香脆, 但唔油膩, 好乾身, 加埋沙律醬...正三絲炒公仔麵 -- 好有獲氣, 味道岩岩好, 麵唔會一pat pat....炒公仔麵聽落好容易, 其實好難, 能炒到如此水準真係相當唔錯南乳炸豬手 -- 又係炸到好乾身, 掂, 但豬手太少筋, 反而勁多骨, 無咩食椒鹽九肚魚 -- 全餐最唔掂, 魚肉太淋, 但皮又唔脆...唔好食黃金蝦 -- 蛋黃岩岩好包住蝦殼, 而且又炸得夠脆, 可以連殼食埋都得明太子炒飯 -- 炒到一粒粒, 有少少甜味, 又夠獲氣, 唔錯薑汁芥蘭 -- 芥蘭超甜, 可惜無乜薑汁味椒絲炒通菜 -- 淡味左少少, 還可以啦皮蛋莞茜湯 -- 足料, 似平時屋企滾既湯凍朱古力 -- 如果佢隻可可粉更濃味,會仲好9個人食左7百幾, 真係好抵食, 每人一百都唔駛, 而且有呢個水準, 正正係呢度排長

相約一班舊同學在此, 事隔數載, 我們再一次點了以前的小菜, 看有否走樣, 結果整體還好, 但個別已經有退步了, 特別是凍朱古力, 味道竟然變得怪怪的!! 點了炸豬手, 炸子雞,黃金蝦, 乳鴿:

大學上堂既最後一天，決心同好友們從城大走過黎。沿途經過一棟棟屋村，正值開飯時間，聞到咸魚香，就倍增想食小菜既意慾呀！呢間品香樓O係街市樓上既中心個度，時間尚早約7點，人流不多，況且BOOK了位，即刻就入得4女一男，一人一碗白飯，叫菜權由我全部拍板。先黎1）南乳炸雞翼熱辣辣上木台，佢係全翼開出黎架！炸到皮好脆，但入面D肉唔乾，幾滑。南乳味我略厭太淡啦，但食落香口都算（有蒜香）！如果配個南乳醬可能比較好！2) 沙拉骨香口既肉排就必定好，但個汁就真係不得了！甜味居多好少酸，調味剛好，連D雖然係罐頭既蜜桃都好好味！3）沙爹肥牛煲呢個真係送飯最岩，底佈滿粉絲，吸O西好濃既沙爹汁。肥牛唔會UN份量又多，配埋爽口芽菜滑滑粉絲最正！4）芝士琵琶豆腐呢個唔得，因為個依面底凍O西，痴埋一PAT，豆腐又麻麻，無MUG特別，而且個汁用D粟粉開得太結了，所以D汁唔夠滑！5）賽磅蟹上木台，3色，白橙綠，非常耀眼，呢道菜見O西廚師既真章，個蛋白炒得非常滑，配折醋食真係好好多！滑滑既蛋白雜夾左爽爽地既帶子肉同蟹肉，仲有蟹子作點綴，妙絕！下次一定會帶埋家中兩佬黎試試，價錢抵，地點都近，由又一城行過黎都係20分鐘到！

星期五晚放左工去到餐廳才是6.30pm點了1. 招牌炸豬手 豬皮不會太lum亦不過un, 肉汁夠, 送啤酒夠好, 另上的南乳汁不濟! 但兩個人食份量會較膩2. 金銀蛋豆苗 不過不失, 炸蒜子好香口3. 火焰牛肉粒 巴鬼, 得個樣, 牛肉醃到好咸, 個sauce好傑....4. 凍 & 熱朱古力 我試熱的, 好濃朱古力味, 不錯價錢不貴亦不平，大圍人食飯是不錯的選擇，不過一定要訂枱，過了7.00pm好多人