品香樓中西風味餐廳

營業中

休息中

今晚放工後到了又一城會合男朋友，閒逛一會就向石硤尾出發喇~! 畢竟在又一城用膳並不便宜，加上昨晚已決定了今晚要到<品香樓>一趟~ 因上一次光顧已是很久之前的事，但這裏的小菜令我留下深刻印象呢!由又一城步行約15分鐘便到達南山邨，穿過幾棟大廈，抬頭一望，就見到一羣人熱熱鬧鬧的在等位，沒錯! 我們只需步行10多級樓梯便到達<品香樓>了。雖然餐廳位於街市上層，等位期間嗅到點點魚腥味，但當你看見不少人在等位和店員忙過不停出出入入的熱鬧場面，就感覺到這裏的食物質素應該不錯，等等位，忍受一會"街市味"也沒所謂吧~由於我們不介意"搭枱"，等了約20分鐘便有位了。我們二人點了二餸一麵一飲品：十分喜歡這個黃金蝦，很濃味，有炸蒜和鹹蛋黃的香味，雖然口感油膩而且感覺不太健康，但偶爾吃一次也無妨吧!吃過一隻後，隨即再吃，一連吃下4隻，頗滿足，其實還可以再吃更多，不過，還要吃其他小菜呢~!雖然在網上見到有食客推介這個沙拉骨，但個人認為一般，因我較喜歡腍身一點的沙拉骨，這個沙拉骨感覺像是在吃香蒜骨，似乎炸了很久，肉質已變得乾身且較硬。除了餸菜，畢竟要吃一點麵或飯才可以，我們點了這個

時間仲早, 唔駛等位, 之前見到好多食評推介, 今次專程走來試試, 兩個人叫左風沙雞, 南乳炸豬手, 咖喱牛腩南乳炸豬手 - 豬手好脆, 南乳醬好香風沙雞 - 雞皮薄, 唔肥, 雞肉好滑, 加上面頭的蒜粒，好香口好惹味咖喱牛腩 - 牛腩好林, 配料都好多, 咖喱汁好香, 跟埋飯一齊食好正最後, 叫左2 杯凍朱古力, 好好飲, d cream好滑, 必飲

今晚成班同事去食飯聯誼下哈哈，對於一個從來都唔知石硤尾係有美食嘅地方，品香樓嘅出現真係好新奇。入到去，可能早咗啲所以冇咩人，入到去只係間平平無奇嘅中式餐廳。但係就坐得都幾舒服，好多大枱好適合10個人以上嘅聚會。裡面都好乾淨，所以唔好話驚中式餐廳會好污漕。我地5個人叫咗4款餸，有蜜桃沙拉骨，賽磅蟹，椒鹽九肚魚同埋芝士西蘭花煲。蜜桃沙拉骨，俾我嘅印象係一定好難咬！但係而個唔同，好軟但有口感，唔會咬極都咬唔開。佢個汁酸酸甜甜好開胃，配上蜜桃真係好好味。椒鹽九肚魚係我第二樣中意食嘅嘢，個人好中意食魚，佢又整到外脆裡面又啖啖肉，不過小心有時都有啲骨。佢始終都係魚尼嫁！絕對係新鮮整出尼，唔會係返炸菜。香口，大人細路都啱食～賽磅蟹（冇影到相）比較驚喜嘅佢落足料，唔會好似啲酒樓咁少少蟹子蛋白多過蟹肉交貨。蟹肉同蛋白比例好好，啖啖都有蟹肉同蛋白，唔會係好似食緊齋咁。仲有佢冇咩落鹽，所以絕對食到蟹肉鮮味。最後係芝士西蘭花（加$18仲有伊麵底），唔多中意芝士，仲要配西蘭花。不過我都食咗少少，點知原來味道唔差，唔鹹但芝士味都唔濃。每食一啖，仲有好重嘅罪惡感～太肥啦！

今晚好意外地可以同同寶貝一齊去撐腳~諗喺又一城附近有邊D茶記,就諗到黎呢到~由於好肚餓~未到我地就諗到要食乜野~!好幸運一入門口唔洗等就有位~坐底落單~上菜乜都好快~仲點左兩支啤酒啤啤,可唔係太夠凍~霸王鷄 - 一睇個份量好夠~~見到都興奮!但係鷄煮得太熟~唔鮮嫩且冇咩鷄味~黃金蝦 - 水準比過去差左少少~咸蛋黃醬唔夠多~甩甩漏漏, 蝦都唔夠大隻~咬落去唔痛快~涼瓜斑塊 - 斑塊皮部份唔係好厚, 斑塊肉大大件~涼瓜炒得啱啱好~唔錯~~!！泰式豆腐 - 我地以為係乜野新菜式~原來係玉子豆腐上淋上泰式的甜酸汁~噢~有少少失望~這個價錢真係唔抵食~蚝仔蛋 - 真係冇講錯~真係'蚝仔', 蚝仔感覺又細又少~煎蛋都不過不失~只係過得煎得太熟了~蚝仔同蛋都乾晒~傾下講下又一晚~服務員會經常過清理枱面,但係要搵佢落單點菜就難左少少~可能太多客人吧~又唔知係咪我地坐近門口的關係,所以冇咩空調~一邊食一邊出汗呢~ V_V總括黎講..簡簡單單價廉物美~!唔錯的KILL TIME 好地方~! 

今日午餐去左呢間餐廳食飯，點左個午市快餐萄汁海皇飯。等等等等，等左好耐(15分鐘)，15分鐘其間我叫左1次店員幫我睇睇個餐係咪漏單，但係得到回覆係等下啦！之後再叫其他店員幫我睇睇，呢個姐姐就話再幫我跟跟。好啦，終於等到個飯，一食落口就知係咖哩汁，辣到食唔到(本人唔食辣)，我叫個店員過來睇睇係咪比錯左，佢竟然堅決話呢個係萄汁⊙_⊙可能我孤陋寡聞，我平時係其他地方食既萄汁雖然係黃色，但唔係辣到咁。之後又有個店員(應該係話得事既)過來話換過份比我 但強調呢個餐係萄汁= =|||因為趕時間關係，最後都係冇換過份。

想當年讀書時候放學做完project的晚餐宵夜總會到品香樓開飯，當時十數杯招牌朱古力浩浩蕩蕩地排在餐桌上的快樂時光仍然歷歷在目。過了校園生活，少很多機會到石峽尾，但品香樓的味道卻不會忘記，是日到又一城閒逛，就想到來這裡懷緬一番。4位以下多數會被安排到廂座，不用坐在路口跟其他人擠在一起，慣了在小菜館就要喝大啤，南乳炸豬手、椒鹽魚塊送酒一流，當然要點的，還有我最喜歡的明太子炒飯。南乳炸豬手: 這道菜多年來一直都保持水準，南乳味道輕輕滲出不會蓋過豬手本身的肉香，非常惹味，難怪是品香樓其中一款長期招牌菜;椒鹽魚塊: 其份量相當之大，用上新鮮軟滑的魚塊脆炸及以椒鹽簡單調味，齒頰留香，魚香濃郁，惜魚骨位太多，而且油份仍停留在魚塊的表面，要用紙巾印走多餘油份再慢慢的吃;明太子炒飯: 最後來到明太子炒飯，它一直都是我的最愛，因為配料很多而且炒得很乾身，明太子的咸香一點一點地滲在其中，一個看似簡單的炒飯卻盡顯師傅功架。喝著大啤懷念一下以前的日子，就此又享受了一個快樂的晚餐，過了數年風味依舊，真的想跟舊同學浩浩蕩蕩再來一次晚餐

端午節就快到,知道石硤尾南山村有間馳名老店嘉湖賣傳統上海糭,星期六中午放工後就同朋友去買糭,去到嘉湖有好多人買糭,之前打電話問過買兩隻糭可以即場買,唔洗預訂,不過當日去到舖頭又話我冇預訂冇貨賣俾我,叫我下週末再黎買我地要一齊食午飯,朋友話唔去大排檔,最初想去嘉湖對面o既十勝牛和食料理,大家睇過門口餐牌,午餐接近$50,覺得去品香樓係平靚正之選,於是佢先去搵位及幫我落單,我就留o係嘉湖準備預訂兩隻糭本人唔係居住石硤尾附近,為免下週末又白行一趟,打算俾錢落訂兩隻糭之後去拎,店員又話買咁少唔洗訂,我問佢地究竟想點,或者我太有誠意,竟然即時俾我買兩隻素紅豆豆沙糭,似乎佢地係收埋的糭留俾熟客呢間品香樓有唔少區外人專程駕車黎食晚飯,留意到大部份食評都係講晚飯小菜,今次就由我講午餐啦,印象中今次係第3次黎品香樓,對上一次係一年前同朋友黎食晚飯餐廳環境與呢個屋村其他食肆比較算係唔錯,比一般茶餐廳乾淨,都算坐得舒服朋友幫我叫左午市特價快餐 (E)周打蜆龍脷柳飯$35,佢就叫左一份常餐$32,大家o既套餐都包咖啡或茶,轉凍飲係要加$3,唔係加$2,我地兩個都係飲凍檸茶呢個時候我就買完糭去品香樓搵朋友,佢見

品香樓 相信不少人都聽說過 我都去過4,5次了 雖然位置不太就腳但勝在食物選擇多 價廉物美 可以與三五知己高談闊論一番 環境好過大排檔 最近才知原來有電話訂座服務 當天星期日晚上7點多到達不過沒有訂位所以等候20分鐘左右才入座了但算等得不太久了大概是因為座位很多 加上坐得不太舒服 大家用餐後都會盡快離開2個人叫了三道菜  1. 南乳炸豬手是鎮店之寶之一 新鮮炸起的豬手 香脆可口配上南乳醬簡直是一流 香味濃郁 令人食唔停口豬手不會太肥膩 也不會出現只有骨沒有肉的情況重點推介!2. 雜菜煲並非什麼招牌菜 純粹不想太肉正常不過 會太油膩 又有菇粉絲等等 幾足料的3. 辣蝦球份量好少 但入味夠辣 如果炒得dry d會好食點 不過汁可以撈飯都幾開胃 只是不太抵食4. 凍朱古力感覺上退步了 可能太多冰 朱古力味淡上面有cream 所以都幾滑 女生可能會嫌肥一次半次沒關係啦 不過不算非常特別附近亦有魚蛋 雞蛋仔 串燒等小食 加上周圍滿是較為陳年古舊的老鋪的確另有一番風味

這次是我第3次光顧品香樓, 可能是星期六及明天便是母親節的關係, 人非常多, 但因為要人齊才能入座的關係, 我們幸運地只等了2分鐘便能安排入座.上一次來的時候, 看到不少人也點了凍朱古力(杯上的cream也太好認了), 所以今次決定試試.賣相討好, 看到也感到很幸福, 濃厚的朱古力味跟一般茶餐廳喝到的不同, 不過我自己覺得跟晚飯有點不配, 但非常推薦給喜歡喝朱古力的朋友.根據男友轉述, 原來中午跟餐的凍朱古力是沒有cream, 所以這是晚飯時間的特別待遇(?)3個人點了4個菜:南亂炸豬手: 每次來也必吃的, 配上很香的南乳醬, 豬手很香很脆賽螃蟹: 份量很多, 用料也多, 能吃到蝦及帶子蜜桃沙拉骨: 相比上面2款有點失色, 排骨炸得較乾, 肉不夠juicy蝦醬通菜炒鮮魷: 很有鑊氣, 不太油, 味道濃了點, 可能是因為蝦醬的關係吧

今日就係依到附近有活動，朋友就建議我地去品香樓食飯,佢話佢之前讀書成日係到食飯,咁就去試下喇,今次大家都唔係太肚餓,所以無叫太多野食,而且人數唔多。所以只係叫左一個炒飯,雞翼同其他少少野,雖然大家都唔太肚餓,但雞翼竟然有八隻咁多，每人都可以食到2-3隻，應該都會好滿足。佢雞翼係新鮮炸起既，一咬落去就即刻有油流出黎，味道好好,而個外皮都好酥脆，炸得唔錯。,不過佢個南乳味都幾香下，雖然只係淡淡地，但都食得出有,鍾意南乳可能覺得唔夠,自己就岩岩好，不過整體都係好食既之後就係一個明太子炒飯，不過就見唔到明太子喇,不過唔緊要,因為都好好食，炒飯本身炒得非常靚,飯炒到粒粒分明，好夠鑊氣。只係用簡單既材料雞蛋、蔥同菜頭去炒。不過依到既手勢非常好，所以都可以炒得出有水準既炒飯。 

舊朋友聚會 , 一行6人 , 其中一個建議來衣間食 , 話手撕雞好鬼正 , 重要早一人book位同預定book左9點 , 等一陣先有位 , 邊個建議就邊個發板la推介 : 凍朱古力 好飲 d cream又好味手撕雞 好滑唔鞋 真係好好食椒鹽九肚魚 , 又香又滑賽磅蟹: 加了蟹籽，西蘭花，蝦肉此小菜館 , 值得推介

同朋友係石硤尾公園打完波，夜晚搵食飯好去處‧近近地穩穩陣陣梗係去品香樓，係一個石硤尾可以介紹比朋友，唔會失禮，值得去食既餐廳！生汁龍鳳球係我既飛佛，呢粒野係由幾種既肉揉成一粒 我食得出既肉有：雞，豬，蝦～炸得外脆內軟，肉汁鎖死哂係中間，沙律酸好開胃食完１粒，絕對會想食第２，３，４，５，６粒再多就無啦Ｔ︿Ｔ碟野係唔會有第７粒ＧＡ如果可以多幾粒，我會比１００分招牌風沙雞係第一次去食既朋友，一定要點既菜式未食過風沙雞，千祈唔好話比人聽你黎過品香樓，比人嘲笑就唔好ＸＤ唔慣重口味既朋友，可以不用理旁邊既華鹽同喼汁，夾一舊鋪滿炸粒粒脆脆就可以大快朵頤雞要有雞味，加雞汁先有雞味只係同駝鳥政策無分別雞味好夠，皮薄少脂肪，瘦緊身既朋友食多舊無妨

今日同朋友去開CITY做ＰＲＯＪＥＣＴ， 三點幾做完之後問佢附近有乜好食，　佢提議品香樓，　話佢價廉物美，　我無去開呢頭，　唯有信佢。由ＣＩＴＹ　行去目的地大概十分鐘，　地點唔算特別方便。　入到門口呀姐即刻問我地幾位，　招呼尚算週到。　環境算唔錯，　地方比一般茶記乾淨，燈光光適宜，座得算舒服。　坐低之後即刻睇餐牌，睇左十五秒之後即刻揀左自己既心頭好：常餐（沙嗲牛肉面﹑火腿奄列﹑牛油方包）　野飲就叫左熱奶茶。等左大約五分鐘，個餐就上到，效率同一般茶記無異。首先嚐牛肉，牛肉算新鮮，抵讚！可惜之後面好淋，好似浸左好耐咁，唔知係放左好耐先出餐定點......之後試奄列，一咬落去Ｄ蛋汁流曬出黎，好鐘意滑嘟嘟呢個口感＝Ｄ　牛油方包就同普通茶記差唔多。最後到重點！！香滑奶茶！有ＤＤ失望，淡奶比例上較多，令到茶味難以品嚐。最後食完成個餐同朋友坐左一個鐘就走左。埋單三十幾蚊，算可接受範圍。如果下次去開個頭，都會再幫襯，不過就唔會專登去。

今次4個人食, 所以可以叫送食飯好貪心咁4個人叫左4個送哈哈哈WELL, 可能我地做完義工好肚餓所以我地全部食晒, 正!!賽磅蟹上面加左D蟹籽成件事好令!呢碟野其實好大碟!有西蘭花,蝦肉,蟹籽,蟹仔, 好豐富, D蛋好滑,送飯真係一流!炸蠔呢個真係正, 有8粒, 岩岩好一人2位, 又大大粒!!!出面卜卜翠, 但係入面又唔會炸到D蠔好老, 岩岩好, 仲有蠔味!!!最緊要唔會覺得係太多粉....真係好好味!好似係金銀蛋白菜皮蛋好鍾2食皮蛋, 呢個菜正常玫瑰桶雞(半隻)呢個就比想像中麻麻地喇, 味道唔錯, 不過好似唔係幾抵食!我地埋單發現, D飯都幾貴!!!$11 一個!!!其實而家D飯係未都係咁貴架?!?!?

話說ordei個叉燒菜飯都35$加埋飲品都37$價錢唔會太貴。但相比其他餐廳，係食過一次唔會再食。個菜飯真係好難食…而且好油，好唔健康叉燒我要求瘦叉燒，但飯到時，啲叉燒係成舊肥膏下次一定唔會再嚟