和牛燒肉‧純

營業中

休息中

最近和老公一樣忙，終於找到時間一起外出吃飯過二人世界，我是很期待的，所以特意選了吃牛肉燒。為什麼選這個？因為早前和老公去日本旅行時必定會去吃牛肉燒，說是懷念一下吧。上網左看右看，看到這間店的評價不錯便選了這裡。這裡地方寬敞舒適，如果三五知己來，也有敞門去劃分成獨立房，很不錯喔。在等待老公的時候，跟店員了解那種肉類比較受歡迎後，不浪費時間已經迅速下單。前菜怎能沒有沙律呢，這沙律用了新鮮沙律菜，更加了些紫菜，增加口感及味道。登、登，來這裡的目的明顯不過，哈哈，怎能沒有牛肉呢。選了特選日本產和牛牛肉眼、特選日本產和牛牛排肉、日本產和牛上排肉及日本產豚肉眼。特選日本產和牛牛肉眼入口即化，脂香四溢，鮮嫩滋味，再配珍珠白飯，肉汁浸透飯粒，就是這幸福的感覺。日本產豚肉眼薄切如和牛片，肥瘦適中，很快熟透，肉質嫩滑多汁，如果不吃牛肉的朋友，一定不能錯過豚肉眼。特選日本產和牛牛排肉同樣的鮮嫩多汁，肉味濃厚，不用醬汁也很好吃。日本產和牛上排肉最後不能錯過的上排肉，也是無比的鮮嫩，肉味更濃厚，劃上完美的句號。這次單點菜色，但他們也有set 供選擇的。

一早聽講呢間和牛好出名，一直好想食，但價錢確實不菲，所以下了好大決心，過來慶祝朋友搵到新工。店內非常大非常闊落，裝修好有日本feel，安靜，乾淨，一入到去已經覺得好似去左日本咁😂餐具擺放整齊，侍應態度都好好都好多款牛肉揀，我地叫左四款【豆腐沙律】所有食材都新鮮，配小小芝麻醬，開胃小菜滿意跟住係牛牛牛🐮一張大合照先【肉眼】肉質極好，全部鹽燒，肉的原味十足，肉質有彈性，唔塞牙，有淡淡牛肉香味，肥瘦均勻，四片肉真係唔夠食！【五花肉】薄切，唔膩，唔肥，清香，極品豬肉【上牛排肉】+【牛排肉】雖然講唔到有咩分別，但真係好好食！可能肥膏分布同含量唔同，但肉質都好彈牙，真係高級極品牛肉，係有牛肉自然嘅香味，點小小鹽已經夠味，一啖一片，停唔到筷。燒出來都好靓架！最後兩杯mocktail，完美！

要吃優質和牛，「和牛燒肉 純」是一個不錯的選擇。也所以，每隔一段日子，我都會到「和牛燒肉 純」吃頓晚餐，享受一番。而這一夜，又是個我舊地重遊，回味美食的日子。 過去每次到來，喝的幾乎都是這兒清甜好喝的「蘋果汁」（$40），不過這一次，我就搞搞新意思，點了「白桃梳打」（$55）作飲品。這凍飲雖沒「蘋果汁」那麼清新可喜，可也解渴好味。至於享受「蘋果汁」的重任，則交給老婆仔吧！ 這次吃的又是甚麼呢？是「特選日本產和牛肉眼」（$550）、「特選日本產和牛排肉」（$320）、「日本產和牛上牛排肉」（$205）和「日本產豚肉眼」（$98）四拼。 四者中，「特選日本產和牛肉眼」是最貴的，一整件可分為八份，質素高自不待言。與和牛相比，「日本產豚肉眼」只是配角一個，讓這頓飯不至於只吃牛那麼單調而已，味道被和牛比下去，也是理所當然的事。至於兩款和牛排肉，就証明了一分錢一分貨的道理，「日本產和牛上牛排肉」雖然肉質頗佳，軟腍可喜，但未至於入口即化，吃得人滿嘴油香，予人回味不已的效果，但「特選日本產和牛排肉」就確實讓我與老婆仔讚好不絕，肉質嫩滑無比，幾近入口即化，油份豐富，脂香四溢，好吃得讓人靈魂

女朋友今日話帶我食好野，嚟到門口先知道係食和牛！6點幾門外已經開始有食客安排入座，應該都係一間幾好既餐廳！店內地方寬敞，十足日本地道餐廳，除大堂坐位外，有卡位，有包廂，私隱度極高！我哋就被安排到一個包廂食晚餐！餐廳除了主打4A級和牛外，還有刺身同日式料理供應，而且配合各式牛肉既酒類供應！說時遲，那時快，餐廳既上菜速度都幾有效率，我哋點既各式肉類都送到檯上，高級牛肉果然係唔同，送到嚟已經聞到有陣淡淡的香味，配埋擺設令到成碟牛肉更人食指大動！餐廳將我哋點既肉類放埋一齊，我哋都有問返待應邊樣打邊樣，左上角最大片既係今晚最名貴既特選日本產和牛肉眼，非常嫩滑，一放入口，牛油(脂肪) 味極香濃，無論點燒都唔會韌！而右上角長型比較厚切既就係日本產和牛上牛排肉，肉汁較豐富！有咬口，牛肉味鮮甜！而右下方細細件既就係日本產和牛肩眼！一口一件剛剛好，大約是半肥瘦的感覺！比最貴既牛肉眼脂肪更多，一咬下去牛油同肉汁一齊滲既出嚟！特選日本產和牛肉眼燒烤時既情況！燒好左既和牛上牛排肉，入口即溶既脂肪比起牛肉，我覺得仲要吸引！加少少鹽吊下味仲好食！仲有最後一款係白豚肉，燒出嚟如名字一樣係白色的，肥瘦適中，咬落有肉汁！

本大少一向喜愛夜蒲，又喜愛和牛，適逢升職，請幾個熟同事食餐好的，在所難免啦！沒有騙人，看那雪花就知一定是頂級和牛！日本進口近江牛證書都有除了那張牛證，和牛味道真沒得呃，香，濃，入口即化，燒一燒5成熟，吃得！好味到痴線前律那一盤沙律真是不要吃住！等上菜同和牛一齊吃， 因為真的有點肥膩，沙律菜同和牛一起來，比較正！豬肉作用是做對比，豬肉薄薄地，燒一會即可吃，五花腩又是超肥美，燒久一點極爽脆，今晚後又肥幾磅！不好的是南瓜，冬菇，青椒那些直接燒好快乾，最好是給個錫紙兜隔一隔。我們兄弟叫那杯神之河不得了，超梗！一人一啖都差點起不到身！梅酒就點比女士的，她說好飲幾甜又不會太甜

好朋友知道我中意食牛，所以呢晚特同我黎到呢度，話要請我食返餐靚牛，賀一賀我既“牛一”款款肉都好似好吸引呀，最終我地每人揀左兩款肉，打算食完唔夠先再order喺order肉肉既期間，朋友仲嗌左個“野菜醋物”HKd$78+10%店員好細心咁幫我地分成兩碗，方便我地食野菜新鮮，加上酸醋汁既調味，食落好開胃跟住我地所order都一次過送上黎啦，因為我地都想食返肉肉既原味，所以我地所有肉都揀左鹽燒，睇到呢盤靚肉已經好想快啲開動朋友話我生日，所以要食好啲，一黎已經話要叫一客“特選日本產和牛肉眼”HKd$550+10%而我就揀左“特選日本產和牛牛排肉”HKd$320+10%同“日本產和牛上牛排肉”HKd$205+10%之後朋友就話呢度既豬其實都好正，所以就要嗌份“日本產豬五花肉”HKd$98+10%俾我試下咁話我地都無理咁多啦，相機食左兩張相之後就放啲肉肉上爐啦有啲油脂雪花咁勁既靚肉燒，香軟既“白飯”HKd$30+10%實在不能缺少呀三款和牛固然高質，每塊肉都嫩而無筋，口口都近乎入口即溶，配上米飯既中和，每一啖都覺得妙絕朋友介紹既五花肉真心有驚喜啵，初初見到好似好多油脂位，但原來燒完之後既質感係偏向

自從去年到日本吃過燒肉和牛後，一直對那入口即溶的感覺念念不忘，今天朋友就說帶我到這間日本過江龍燒肉店食回那味道位於尖東希爾頓中心，位置雖不算明顯，但入座時差不多滿座，更聽到有日本人在對話，即時對食物質素十分有期望餐廳裝潢都充滿日本風，店員服務周到，甫入座即遞上濕毛巾，而在中途如有任何需要，都可隨時按鈴，服務員便隨即到達。枱上已附上三款不同的醬料配搭燒肉一起吃。餐牌上詳細介紹了和牛不同部位的特色。既然餐廳主打日本和牛，我們當然點和牛吃啦！豆腐沙律食燒肉前點個沙律refresh 下，豆腐係超級滑，而且豆味濃郁，配上蔬菜及胡麻醬，爽呀特選日本產和牛肉眼 (左上)聽聞係和牛中最美味的部分，肉和脂膀分佈平均，入口即溶的口感，無得輸。特選日本產和牛牛排肉 (右上)充滿雪花紋，比肉眼厚切，但絕不韌口，咬落去時肉汁豐富日本產和牛肩眼 (右下)對比上來這個油膩感較少，牛味濃郁。日本產豚肉眼 (左下)除了牛，豚肉一樣出色，薄切卻不會失去口感，正這餐燒肉令我覺得我去左轉日本，吃了頓非常豐富兼令人齒頰留香的日式燒肉

中午行完銅鑼灣，下午再黎尖沙咀。行行下就黎到尖東，又係開飯既時候～我地行左入希爾頓大廈商場，見到有日本燒肉，老公又黎食神上身，立刻入去開餐依間燒肉店既牛肉、豚肉都係黎自日本，我地聽到坐附近個2個人既對話係流利日語，望下個樣，中年日本亞叔，連日本人都揀係依度開餐吹水，食物應該好地道、水準又唔差先黎個特大紫菜蔬菜沙律，加左醋，好開胃日本產和牛肩眼肉入口即溶，牛脂比率高，好軟錦錦啊～而且個種牛既肉香係口腔內迴盪！你睇下d雪花紋分佈好靚呀👍🏻日本產和牛上牛排肉牛排肉比剛才既牛肩眼肉再多一點點，一樣係軟錦錦，而且燒完香既牛肉香味比剛才既牛肩眼肉更香👍🏻特選日本產和牛肉眼汁燒/ 鹽燒完仲好juicy,好多肉汁，好香牛肉味。同樣係軟錦錦既口感日本產豚腩肉因為係豚腩肉，所以脂肪比例差不多一半火，食落去會好香豬既味道，而且好軟錦錦。配日本珍珠米，仲有旁邊既配菜都好新鮮，有青椒、黃椒、粟米和南瓜。青黃椒好甜，但我鐘意食燒完既南瓜，因為夠香甜。老公飲三得利生啤酒。我就飲巨峰雞尾酒，好香既巨峰提子味，容易入口，岩晒女仔飲

要喺香港揀一間正宗和牛燒肉店，選擇唔多，而「和牛燒肉．純」以100%日產牛作賣點，加上餐廳環境及裝潢保留日本特色，侍店亦會講日文，令我有種置身日本食和牛嘅感覺。餐廳所有和牛均由JA全農(即日本全國農業協同組合聯合會)，絕對有高質素保證。今晚朋友生日，當然由佢發板揀食物，由我埋單啦！朋友揀咗一份燒肉盛，包括：特選和牛肉眼、特選和牛三角排肉、特選和牛牛排肉、日產豚腩肉及蔬菜，另配有前菜沙律及珍珠米白飯，我同朋友都係飯筒，最適合不過。雜菜沙律嘅調味醬汁係芝麻醬，岩曬我口味，蔬菜新鮮爽脆，非常醒胃，為接下來嘅和牛盛宴清新一下口腔及刺激味蕾。食完沙律，和牛登場喇！一望已經流曬口水。日本和牛中，A5油份最多，肉質最軟腍鬆化，利用燒烤方式烹調，入口甘香鬆化。三款和牛嘅脂肪分佈都極平均，「雪花」漂亮。由於特選和牛肉眼、特選和牛三角排肉及特選和牛牛排肉嘅脂肪比例各有少許不同，所以入口都有不同嘅口感，個人最鍾意特選三角排肉，油脂味濃，肉質超嫩，食時灑上少許海鹽，已經一絕！因為食燒肉，總覺得點返杯凍飲比較好！我同朋友分別叫了巨峰Mocktail及荔枝Mocktail，雖然算不上特別，但勝在夠凍，感覺好似可以

最近去完日本旅行，當地嘅燒肉真係好味到不得了，返到香港要搵番呢種味道啊尖沙咀東部有間燒肉裝潢都好和風，主打日式燒肉先點了杯啤酒配燒肉前菜小食係麻醬豆腐，酸酸甜甜好開胃今次點了幾款和牛及豚肉薄薄的豚肉帶點咬口，都重油脂，鹽燒已經好好食大大塊和牛肉眼，肉眼脂肪如雪花般均勻分佈，肥美肉嫩入口溶化，牛味重一點和牛上牛排肉就比較粉嫩，油脂含量充足 另一款差不多的係和牛牛排肉就比上一款高級，更加粉嫩雪花油脂分佈勁靚，超級嫩入口即溶其實燒肉方法係燒一陣微微出血水再反轉輕燒一下就可以了，配埋白飯一齊食唔會膩

之前食過和牛燒肉純一次，對於冇假期去日本既我黎講，可以係香港食到高質的和牛真係好吸引。呢排思鄉病發作，唯有再黎食和牛啦一開始整番個清新既沙律先，凍豆腐配麵包脆粒同蕃茄等等，味道幾清新，開左個胃準備食肥肥既和牛啦和牛配豬腩肉，正正子特選和牛同埋牛肩肉，真係望到都流口水，未燒都餓啦！一開始就整番件最肥既精選和牛先！和肉最正就係一路燒一路聞住D油香味，真係愈燒愈肚餓精選和牛比較肥肥，如果真係唔想太肥既可以選擇牛肩肉。肉質都好腍，但脂肪感冇咁重雖然呢度主打食牛，但係豬肉既貿素都唔錯。個五花肉燒2分鐘左右食得，好香！和牛最正既食法就係點少少鹽丶檸檬汁同埋燒肉汁，再配上白飯去食。和牛既香味配上白飯減低油膩感，完美既組合！話時話，幾時可以再去日本食和牛呢？好掛住日本立食和牛呀！

日本和牛一直都係我杯茶，今次同朋友又黎水準好高嘅和牛純，貪佢地D牛入口即溶，而且呢度坐得舒服，吾會話迫迫夾夾，抽風都做到好好，食完個身吾會一陣味。同朋友邊食邊傾偈，點少酒，所以我地未食之前叫左威士忌乾杯。前菜係沙律，我多數留返食完燒肉食，refresh一下。個菜好新鮮，配醋汁。肉方面我地叫左特選和牛肉眼，牛排肉及上牛排肉，仲有一款豚五花片。淨係見到D牛嘅油脂分怖已經知入口會即溶，而且有好香牛味，基本上無點汁已經超讚，個人鍾意牛排肉，佢又切到厚薄適中，餸飯一流。下次再食燒肉一定會再來，別無他選。

早排公司食開年飯, 攞好意頭當然要食餐好啦！記得上年去過和牛燒肉‧純食日式燒肉, 簡直係一試難忘, 餐廳內都劃分一卡卡座位, 什至VIP房, 私隱度幾高, 所以今年開年飯決定encorn去呢間食餐好既～先來一碟沙律醒醒胃---野菜醋物爽脆沙律菜跟紫菜, 加上了白醋, 味道偏酸, 很醒胃!重點既燒肉很快上檯, 每位客人檯面都有三款醬汁, 分別有日式燒汁、檸檬汁、海鹽供點烤肉食日本產豚肉眼 唔好意為只有牛先有肉眼, 原來豬都有....豚肉肉眼為薄切, 加左少少燒汁帶出味道, 豚肉沒有帶根, 只要唔係燒過龍, 肉質都會幾滑。日本產和牛上牛肉排初初意為"扒”肉質都偏向有趙口, 但竟然是相反, 肉質很林, 肉味重, 牛脂較少, 不會太膩特選日本產和牛牛排肉 牛脂豐富而且分佈平均, 比起牛肉排肉質更林, 而且嫩滑, 牛羶味較重特選日本產和牛牛肉眼SIZE大得如同手掌般size, 油脂更為豐富, 牛羶味較淡, 肉質相比之前兩款更林基本上每款肉都很有誠意~ 非常新鮮, 烤既過程中仲有鮮紅血水滲出, 不會是雪藏貨, 基本上不用點任何醬汁, 味道已經一流~ 原汁原味, 正!野飲方面, 呢度亦提供多款酒類飲

食左咁多次日本燒肉我最鍾意黎呢間和牛純 雖然吾係平，但食過會願意比錢再食，佢地D肉嘅質素好掂，今次再黎都一樣吾失望。我地四個人，叫左幾款肉，每樣打孖上。塊大牛扒係特選日本和牛肉眼，油脂分怖好平均，真正入口即溶，而且係一D都吾會韌。另外就叫左特選日本產和牛牛排肉同日本和牛上牛排肉，兩者都有好濃嘅牛香味，入口即溶吾使講，基本上我都吾需要再沾任何醬汁，口感亦好似棉花糖。另外叫左日本產豬五花肉，燒完之後有D脆吾會覺得肥膩。最後先食返個前菜清一清味蕾。

看著如大理石雪花紋理的日本 頂級和牛，每片都擁有著獨特的雪花紋，就如人類的手指紋一樣，不可人工複製。每片和牛就像天然的藝術品一樣，令人賞心悅目。和牛脂肪如雪花般均勻分佈，色澤亮麗，無怪乎成為不少人的至愛心頭好。日本的和牛，在飼料和牧養過程都受到嚴格的品質控制，油花分佈均匀細緻，肉質鮮嫩軟滑，有著「入口即溶」的口感。和牛燒肉.純，是一間用100%日本產和牛燒肉店，純種和牛來自佐賀、宮崎、飛驒、鹿兒島、櫪木、長崎、熊本等地，不時轉換。拼盤：特選日本產和牛肉眼 （$550）日本產和牛牛排肉（$320）日本產和牛上牛排肉 （$205）日本產豚腩肉（$98）特選日本產和牛肉眼 （$550）👍👍👍👍👍肉眼部位的肉質細緻，是牛肉部位中最高級的部位，脂肪分佈平均，肉質鮮嫩味濃。這塊和牛肉眼油花豐腴，就像大理石紋般，把肉放在爐上烤至大概五至六成熟，外面燒至微微焦香，內面則鮮嫩多汁，油香四溢，入口即化，油香在味蕾游走，配合日本產的白米飯一起吃就最適合。日本產和牛牛排肉（$320）👍👍👍👍👍這是日本產和牛牛排肉，肉質細膩又軟滑，油脂比肉眼少，但肉味濃郁，只要略燒表面至金黃，可隨著自己口味點些醬汁同吃，但我就